بودكاست موّلِدة

احداث غير متوقعة ببداية 2025، سولفنا بالحرائق الحالية شنو ديصير بنقل اخبارها والمشاكل اللي سببتها. تآثير الذكاء الاصطناعي ووين وصل باخر تحديثاته ودخوله بمجال صناعة المحتوى وغيرهم من المواضيع

حلقة مميزة بمناسبة الذكرى الثانية🎉 استضفنا فيها فريق مولدة اللي خلف الكواليس، تعرفنا على ادوارهم وشنو مراحل الاعداد لكل حلقة و شنو نتعلم من الحلقات. نقاشات اخرى تنتظركم!

بهالحلقة نحجي عن اختراع تكنولوجي جديد وشو المميز بيه، وليش اكو منتجات بمواصفات ما نحتاجها. هم نحجي عن فكرة المنتج المثالي، وشلون نعرف إذا الشركات فعلاً تهتم بالبيئة لو بس تسوي تقارير شكلية.

شنو صار باول حدث رسمي يخص المشاهدات الغريبة لمركبات فضائية؟ ليش دتصير تحقيقات اكثر بي ومن شوكت🛸 وسولفنا اذا اكو تركيبة للافكار🤔وشلون تبني فكرة سيئة او فكرة جيدة واكثر!

حلقة بمشاركة ضيف (لا بشري) مميز🙂‍↔️ بدأنا الحلقة بنقاش عن ميم الـ Chill Guy 🙇‍♂️ ، شنو قصته ووين ديستخدموه. قصة العملات المشفرة وربطها بالميم. معلومة مملة جديدة واكثر!

سولفنا بالطبيعة الاستهلاكية واهم احداث التخفيضات خلال شهر نوفمبر. تاريخها وشكد تأثيرها على التجار🤔

محظوظ لان عندك موهبة لو محظوظ اكثر اذا تتعب على نفسك، شنو تاثر الاقتصاد بحدث سياسي بارز واكثر!

حلقة رعب من الطراز الكلاسيكي! سويلك مشروب دافي واستمع لقصة دراكيولا وتاريخه ووراها قصة اشهر شبح بأمريكا!

الحلقة شهدت ظهور ضيف لاول مرة من زمان🥸 سولفنا بعلاقتك وية طبيبك النفسي، شنو قصة ثنين اتخذو قرار من من مشاهدة فلم بس؟

سولفنا باكثر شي يستهلك وقتنا وشلون دانقضي وقتنا بيه، شنو تأثير كارثة طبيعية على رواد الفضاء ووين ديصير حالياً ومواضيع غيرها!

حلقة فنية تتحدث عن شهرة فرقة بعد اكثر من 10 سنوات على نشر اول اغنية الهم، شنو اكبر فضيحة بالمجال الغنائي وربطها بإغتيال مايكل جاكسون، اعتدائات واكثر!

سولفنا باحد اكثر حالاتنا اليومية تكراراً، الملل وشلون يصير وصدك اله فوائد تنعكس ايجابياً على صحتنا العقلية والعملية. احصائيات مهمة تربط الملل بالطفولة وغيرها!

وحدة من اهم المهارات الوظيفية هو العمل تحت الضغط، شلون تقويها وشنو ربطها بعمل الصحفيين والاخبار العاجلة؟ مسؤولياتك كقائد بقيادة الفريق تحت الضغط ومعلومات مهمة تسمعوها بالحلقة!

حلقة مهمة تحدثنا بيها عن الامن الرقمي وتاثيره على القاصرين متضمن احصائيات صادمة تخص التعرضات اللي يواجهها القاصرين على الانترنت وشنو احسن طرق لتفادي هذه الظواهر!

بهاي الحلقة سولفنا على الاشياء اللي صايرة بمدراء شبكات التواصل الاجتماعي و شنو دخل الحكومات بيهم 🤔 و سولفنا على الخصوصية و القرصنة و التشفير الرقمي🖥️

الحلقة مكونة من ٣ اجزاء كل جزء بالحلقة عن قطاع حصلت بي كارثة مؤخراً. انهيار سوق الاسهم، تسريحات هائلة بقطاع الرسوم المتحركة وبعد 💥

سولفنا على وحدة من اكبر شركات التكنولوجيا بالعالم 👾 سيطرتها على سوق الالعاب، تطبيقات التواصل وحتى حلول الدفع. آرائنا وشنو يكول الاعلام عليها واكثر!

حلقة عن الاحتيال و تجارب مع احتيالات سابقا وشلون نتجاوزها. سولفنا عن الاولمبياد هم وشنو الفضيحة اللي صارت بالفريق الكندي بأولمبياد باريس وليش تظاهروا المواطنين اللي بباريس على الحكومة وشلون؟ وغيرها من المواضيع تسمعوهم بالحلقة هذي👀

سوالف مليئة بالمؤامرات، شنو صار الجمعة وشلون رقم 911 كام مايشتغل😐 ترامب ممثل لو مظلوم وليش حكومة نيويورك صرفت 4,000,000 دولار حتى تقرر شلون تحل مشكلة النفايات.

سولفنا عالتلوث البيئي، الاحتباس الحراري، و شنو الحلول البسيطة الممكنة. شنو مشاكل صارت وية شركات بالاشتراكات و شنو اليصير وية الموظف اليغلط هيج غلطة. سولفنا عن إلقاء اللوم و غيرها من مواضيع سمعوها بالحلقة.

سولفنا على الفواكه المطاطية، شنو تأثير التعديل الجيني على البشر و شلون تطور التصميم العمراني للمدن والمنازل يمرور الوقت.

سولفنا ببداية الالعاب تاريخياً، ليش نلعب؟ وشلون تطورت خلال الزمن. وتجاربنا بالالعاب وشلون جان تاثيرهم علينا.

تبدأ الحلقة بنقاش حول حصرية المعلومات والبحوث وليش لازم تكون اسهل الوصول لها، تذكرنا خلالها تجاربنا بنهاية المرحلة الإعدادية وانتقلنا بعدها للنقاش بخصوص الغش وشنو تفسيره العلمي وليش الها ربط بالجينات والادمان؟

شنو يعنيلكم الرقم 50؟ سولفنا ببدايات موَلِدة وشلون تطورت بمرور الوقت؟ دروس ومواقف طورتنا شخصياً خلال هالرحلة. شنو سالفة بوابة بين بلدين وغيرها من المواضيع!

تبدي بنقاش عن لوحة ملك يكولون بيها رمز شيطاني، سولفنا عن رؤيتنا لعيوبنا وحجمها الحقيقي، شلون شركة تخدع مستثمريها وتخسر بعدين؟ وغيرهم تسمعوها بالحلقة!