بودكاست كرتون كرتون

حلقة مليانه هدوء وطاقة صافيه .. اهلاً بيكم في غابتنا الجميلة 🌳🎈حلقة خاصة تكلمنا فيها عن ابحاث تدلّ على إن كل شخصية من شخصيات سلسلة "ويني الدبدوب" تعبر عن حالة نفسية واضطراب خاص موجود عند البشرمين يشبهك من شخصيات "ويني الدبدوب" ؟

عمار في أمريكا عشان اجازة، وعبدالله هو مقدم الحلقة اليوم .. لحالهاليوم سوينا مراجعة وفصفصنا مسلسل الانيميشن الجديد (بودي و زوزو) من إنتاج قناة سعودي ريبورترز على يوتيوب، ومن وجهة نظرنا كـ عاملين في هذا المجال اعطينا رأينا الشخصي في التمثيل الصوتي وتصميم وتحريك الشخصيات والهندسة الصوتية وكمان رغباتنا للموسم الثاني المحتمل جداًروابط ممكن تهمكم:-حلقة شيباكا من مسلسل (بودي و زوزو): https://www.youtube...

التمثيل الصوتي هو من أهم أجزاء أي فيلم كرتون… وممكن يخلي أي عمل ممتاز أو سيء. واليوم عمار وعبدالله حيتكلموا عن مجموعة من أفضل ممثلي الأصوات في تاريخ الأعمال الإنجليزية (ٌغالباً الأمريكية)، ولأي أحد حابب يكون ممثل أصوات ننصح بمتابعة أعمال الفنانين في هذه القائمة.هذا رابط بقائمة أفضل خمسين ممثل وممثلة أصوات في أمريكا حسب تقييم موقع أي إم دي بي:https://www.imdb.com/list/ls000644259/

كل عام وأنتم جميعاً بخير ورمضان مبارك… وبمناسبة الشهر الكريم نرجع لكم اليوم بحلقة جديدة (أخيراً صح؟) وحلقة اليوم بنقدملكم فيها رأينا في مسلسلات الرسوم المتحركة الجديدة اللي حتنعرض خلال الشهر الفضيل هذا العام. والمسلسلات اللي أتكلمنا عنها اليوم هي: فولينور وبوابة التاريخحبيب الله ج٣دكان عم فنديابن بطوطهرجال حول الرسول ج٢

اليوم أتكلمنا على فيلم ستوركس… إللي ما شاف الفيلم لا يسمع الحلقة إلين يشوفه أول. وكمان أتكلمنا عن أعمال شركة وورنر أنيميشن جروب والأفلام الأخرى اللي أنتجوها والأفلام اللي حينتجوها في السنوات القادمة. ودردشنا عن الأشياء اللي عجبتنا في القصة وأتفلسفنا شوية كالعادة.

اليوم أتكلمنا على فيلم رالف المدمر… إللي ما شاف الفيلم لا يسمع الحلقة إلين يشوفه أول. وكمان تطرقنا إلى الجزء الثاني من الفيلم والفروقات بين إسم الفيلم الأصلي والأسماء المستعارة من دولة لأخرى. وكمان دردشنا عن الأشياء اللي عجبتنا في القصة وأتفلسفنا شوية كالعادة.

اليوم بمناسبة ذكرى تأسيس قناة شباب المستقبل “سبيستون” الثامنة عشر… قررنا إننا نسجل حلقة خاصة بهذه المناسبة وتكونوا إنتم يا مستمعينا جزء منها. فطلبنا منكم إرسال مقاطع صوتية وصراحة ما قصرتوا، جاتنا الكثير من المشاركات وأخترنا بعضها وضميناها للحلقة. واتكلمنا عن مواضيع مختلفة تخص سبيستون وعالم الكرتون واللي كان من ضمنها:- أغنية من يعرف كيف يكون.- أغنية كواكب سبيستون كلها.- باص المدرسة العجيب.- بوكيمون...

حلقتنا الجديدة شارك معانا فيها زول كنا بننتظره من زمان… صديقنا الصدوق الأستاذ مهاد كاشف. من عشاق أفلام وأغاني ديزني المدبلجة بالعربي، وبالتالي أستغلينا فرصة وجوده معانا واتكلمنا عن الدبلجة في أفلام الكرتون ودخلنا كمان في فلسفة تعريب المحتوى الإنجليزي و الياباني للغة العربية في أفلام الكرتون. ومن ضمن الأشياء الثانية اللي أتكلمنا عنها أعمال قناة سبيستون و شركة ديزني العربية، وناقشنا اللهجات المختلفة...

وبعد إجازة شهر… رجعنالكم بحلقة طويييلة عشان تشبعكم شويه من عطش اللي فات!25 مسلسل مميز رح ينضموا لقائمتكم بعد سماعكم لهذي الحلقة ! في حلقتنا الجديدة استعرضنا قائمة طويله من أفضل الممسلسلات مابين الماضي والحاضر على ذمة موقع آي جي إن… لكن تجمعهم صفة مميزة… كل المسلسلات صنعت للكبار! يعني اللي أنتجوا هذه المسلسلات ما عملوا حساب إنه أطفال حيتفرجوا عليها. وبالتالي إذا لقيتوا أولادكم أو أخوانكم الصغار بيت...

اليوم شرفتنا صديقتنا فاطمة المهيري مرة ثانية وقعدنا نتكلم عن أفضل أفلام الكرتون لسنة ٢٠١٧ حسب ترشيحات الأوسكارز، وفي حال انكم مستعجلين وحابين تعرفوا الترشيحات قبل ما تسمعوا الحلقة ممكن تلاقوها هنا (ترشيحات الأوسكارز).

اليوم أتكلمنا عن المواقف اللي نعتبرها “قلة أدب” أو “قرف” في أفلام الكرتون زي إطلاق الريح والأشياء الثانية اللي ما كنا نشوفها في أفلام الكرتون القديمة. والموضوع أتشعب وكملنا كلام عن مواضيع مختلفة كثير في عالم الكرتون، ففي الآخر الحلقة صارت شكشوكة كارتونية. أتكلمنا على “جوني برافو” “دار الفأر” “وات آي كارتون شو” وأعمال المخرج “تيكس أيفوري” وأشياء ثانية كثير.

اليوم كانت معانا صديقتنا الرائعة… مخرجة كارتون إمارة الفنانة فاطمة المهيري. واتكلمنا معاها عن واحد من أكثر أفلام ديزني اللي ما أخذت حقها جماهيرياً… كوكب الكنز (Treasure Planet).أتكلمنا عن تفاصيل الفيلم وأكثر الأشياء اللي عجبتنا فيه زائد توقعاتنا للأسباب اللي هضمت حقه.

اليوم عبدالله وعمار بدأوا أول حلقة في ٢٠١٨ بشكر كل مستمعينا لأنهم بيشاركوا معانا كل أسبوع وبيخلونا جزء من حياتهم. وبعدها قرأوا مشاركات المستمعين على تويتر وأتكلموا على أكثر من موضوع اللي كان أهمها:بودكاست مقهى الآنمي.فيلم ديزني بيكسار "والي" يدرس في الجامعة. الفرق بين تحريك أفلام الكرتون الكويس "لوني تونز" والسيء "سبيد ريسر"محمد هنيدي يغني للأسد الملك مع Empire Arabia.فيلم دريم ووركس "كابتن كلسون....

اليوم شاركت معانا دانة الصبان (بنت عمار) وقعدنا اتكلمنا بإسهاب عن فيلم فيردناند الجديد من شركة "بلو سكاي" للآنيميشن. واتكلمنا كمان عبن الشركة نفسها وعن الأفلام اللي أنتجتها من يوم تأسيسها.وأتكلمنا عن فيلم فيردناند إللي أنتجته شركة ديزني في الثلاثينات الميلادية.وهذه هي آخر حلقة ننزلها في ٢٠١٧ وبإذن الله ٢٠١٨ حيكون عام خير ومحبة وأفلام كرتون علينا وعليكم

اليوم عمار وعبدالله حيعطوكم رأيهم في فيلم بيكسار الجديد “كوكو” اللي أثر فيهم بشكل مشابه لفيلم “توي ستوري ٣”. وكالعادة دخلوا في كم موضوع ثاني من ضمنها التنبؤات اللي بتتحول لحقيقة على مسلسل “السيمسونز”. وكمان في الآخر عمار حيعطيكم توصيته لواحد من أفلام الكرتون الأمريكية اللي انشهرت في العالم العربي في أواخر الثمانينات وأول التسعينيات الميلادية… مسلسل “Bionic 6” اللي كان برضه يعرض على القناة الثانية...

حلقة اليوم أتكلمنا عن فيلم "كارز ٣" من ديزني بيكسار وكمان أعطيناكم شوية معلومات عن مسلسل أمريكي من الثمانينات اسمه "ماسك". وكالعادة فتحنا كم موضوع ثاني هنا وهناك.

إيوة عارفين اننا اتأخرنا عليكم بس بنحاول نرتب بعض الأمور. ممكن تلاقوا وصلات الحلقة على آي تونز أو على صفحتنا على موقع مستدفر:http://www.mstdfr.com/shows/kartoon/

٠٠٣: أخبار الآنيميشن - ٥ مايو ٢٠١٧ by بودكاست كرتون كرتون

٠٠٢ : تقييم فيلم الطفل الزعيم by بودكاست كرتون كرتون

بودكاست كرتون كرتون هو برنامج اسبوعي يقدمه كل من عبدالله رافعة وعمار الصبان . يقومون بالحديث عن آخر التطورات في عالم الرسوم المتحركة من أفلام ومسلسلات، ويقومون بالحديث أيضا عن العلوم المختلفة اللازمة لإنتاج الرسوم المتحركة من رسم وتحريل للتمثيل الصوتي والدبلجة. ومن فترة إلى أخرى يقومون بإستضافة مختصين في عالم الرسوم المتحركة لنقل خبراتهم للعالم العربي@KartoonKarton