Bima Enno Podcast

بحلقة هالشهر من كيو كيو رح نبلش بالحكي عن نوعنا المفضل من الأشرار بعدما سألنا سؤال عن البرنامج يلي حابين ننساه لنرجع نجربه مرة ثانية. بعدين فتنا بالحكي عن شغلات الناس كثير متعلقة فيها وبتمارسها بشدة رغم تفاهتها وغبائها برأينا وهون كثير ناس رح يعصبوا بقا. وأخيراً فتنا بموضوع حاكيين عنو كذا مرة ويلي هو التكنولوجيا يلي رح تصير عادية جداً بعد خمسين سنة بالرغم من غرابتها بوقتنا هذا. استمتع/ي ----------...

في تجربة عملها عالم الجرائم ديفيد وايزبيرغ و لورنس شيرمان بالتسعينات، اكتشفوا أنو خمسين بالمية من الجرائم يلي بتم الإبلاغ عنها بمدينة معينة، بتصير بأقل من ستة بالمية من المدينة. اكتشاف بوقتها صدم حتى الناس يلي كانت بتعرف أنو في تركيز بالجرائم بس ما حدا توقع تركيز قوي لهالدرجة. بالوقت يلي منفكر أنو سلوك الإنسان مرتبط بشخصيته ونفسيته بشكل مباشر، نظرية الاقتران بتقلنا العكس. سلوك الإنسان مرتبط بالبيئ...

بهالحلقة من بما أنو بودكاست جاوبنا على أسئلة متابعينا عالإنستغرام، حكينا شوي عن قصتنا، شو منعمل برا البودكاست، شوي عن حياتنا بكندا، وعن مستقبل البودكاست والمحتوى، والمعكرونة بالبشاميل! استمتع/ي --------------- إذا استمتعت/ي بالبودكاست وعم تسمعنا على منصة آبل بودكاست منتمنى أنك تتركلنا تقييم, كل كلمة بتساعدنا. إذا عم تسمعنا على سبوتيفاي فيك تدعمنا بخمس نجوم إذا ما بتستعمل هالمنصات وحابب تدعمنا في ت...

في سنة ٢٠٠١ وتحديداً بعد عشر أيام من حادثة ١١ أيلول، تم القبض على عميلة الاستخبارات الدفاعية آنا مونتيز بتهمة الخيانة و التجسس على الولايات المتحدة الأمريكية لصالح الاستخبارات الكوبية. آنا مونتيز قضت ١٧ سنة تجسس وتسريب معلومات بدون ماحدا يشك أو يحس بأي شي. حتى أخوها وأختها يلي كانوا يشتغلوا بمكتب التحقيقات الفيدرالية ما كان عندهم أدنى فكرة عن الموضوع. هل آنا ذكية لهالدرجة أم البشر أغبياء وغير قادر...

حلقة جديدة من كيو كيو وهالأسبوع رح نفوت بأحاديث وما نطلع. ببداية الحلقة رح نحكي السر وراء انتشار السمعة السيئة لمثلث برمودا وشو المميز بهالمكان. بعد هيك رح نحكي عن السبب وراء تذكرنا أنو نسينا شي بس بدون ما نتذكر يلي نسيناه. وآخر شي رح نحكي عن سيناريو افتراضي بترجع فيه شخصيتك المستقبلية لعندك وبتقلك لازم تترك البلد ضروري كثير وكيف رح نتصرف بهيك حالة. استمتع/ي --------------- إذا استمتعت/ي بالبودكاس...

أكيد سامع بجملة اعمل بذكاء وليس بجهد. ولكن هل هالكلام مفيد؟ هل فعلاً الذكاء والحنكة بتغلب المجهود والتعب والانضباط وغيرو؟ وماذا عن الموهبة؟ بحلقة هالإسبوع رح نفوت بنقاش عن الفرق بين الاثنين وعن الطريقة الأصح للعمل والسعي نحو الأهداف. بالإضافة، رح نحكي عن أمثلة ودروس فيك تطبقها بحياتك المهنية، الدراسية أو غيرو لتعمل بذكاء أكثر وتكون منتج أكثر بدون ما تجهد نفسك وتضيع وقتك. وبالآخر رح نحكي عن أهمية ا...

يوم ٢٤ تشرين الثاني عام ١٩٧١ وبينما الشعب الأمريكي مشغول بعيد الشكر وعم يسافر بين الولايات ليقضي العيد مع أهاليه وأصدقائه، رجل انعرف باسم دي بي كوبر كان عم يفكر يقضي العيد بطريقته. بعد ركوب طائرة مسافرة بين مدينة بورتلاند وسياتل وتهريب قنبلة على متن هالطائرة، بيبدأ كوبر بتنفيذ أشهر وأغرب وأنجح عملية اختطاف طائرة بتاريخ أمريكا ويمكن بالعالم. تحقيق دام ٤٥ سنة وانتهى باستسلام مكتب التحقيقات الفدرالية...

أكيد شايف فيديوهات عن هالظاهرة الغريبة ويلي هي تنبؤ برنامج ذا سيمبسونز لأحداث بالحياة الواقعية مثل انتخاب دونالد ترامب رئيس للولايات المتحدة، حادثة ١١ أيلول، مرض الإيبولا وغيرو. هل هي مجرد صدفة ولا في مؤامرة ورا الموضوع؟ هذا واحد من مواضيع حلقة كيو كيو هالأسبوع. بالإضافة، رح نحكي عن شغلات غير قانونية ولكن الناس بيفكروها قانونية، حقيقة صعبة كلما تقبلتها كلما صارت حياتك أسهل، ونصايح ساعدتنا بالحياة...

من بعدما البشرية اخترعت ساعة الرقاص وأحدثت ثورة بعالم ضبط الوقت ودقة الساعات مازال السعي وراء وقت أدق مستمر وهالسعي رح يدفع البشرية إلى توحيد الوقت وتعريف الثانية بشكل عالمي. ولكن قبل هيك كان لسا في كثير تحديات عم تواجه الملاحين، علماء الفلك وصناع الساعات السويسريين بين الدقة، السعر والإنتاجية. استمتع/ي --------------- إذا استمتعت/ي بالبودكاست وعم تسمعنا على منصة آبل بودكاست منتمنى أنك تتركلنا تقي...

فينا نقول أنو بهالأيام تقريباً مافي شخص ما بيهتم بالوقت وبيتطلع بالساعة كل شوي، ولكن هالشي ما بيعني أنو الاهتمام بالوقت هو ظاهرة جديدة. بالواقع، الاهتمام بالوقت بيرجع إلى ٣٥٠٠ سنة قبل الميلاد وتحديداً للفراعنة والبابليين. ومع الوقت حاجة البشر لدقة أكثر بضبط الوقت دفعتنا نطور أكثر بالساعات ونوصل لمرحلة نعرّف الوقت فيها لنوحد التوقيت بالعالم كله. بهالحلقة رح ناخدكن برحلة عبر المراحل الأولى لضبط الوق...

إذا عم تشوف هالحلقة فأكيد بتفتح الإنترنت وإذا بتفتح الإنترنت فأكيد شايف على الأقل ميم واحد. ممكن تفكر أنو الميم هو مجرد دعابة وأو قصة صغيرة مضحكة ولكن الميم هو شي أكبر من هيك بكتير. بحلقة هالأسبوع رح نرجع لأصول كلمة ميم يلي تم ذكرها وتعريفها لأول مرة بسنة ١٩٧٦ من قبل عالم الأحياء التطورية ريتشارد دوكينز بكتابة الجين الأناني. وبعدها رح نحكي عن المراحل يلي مرت فيها الميمز من أواخر التسعينات إلى يومن...

هالحلقة من كيو كيو كلها فلسفة وفزلكة، مو أول مرة. بالأول حكينا عن تجربة فكرية بالفلسفة اسمها (مشكلة المخ بالبرميل) وهي تجربة كثير مثيرة للاهتمام بتورجيك قديش عندك ثقة بما حولك حتى بجسمك. بعدين فتنا بأحاديث عن شغلات احتمال كثير قليل تصير بس البشر بيفكروها شائعة. وشو أحسن شي ممكن يصير معك إذا صارت حرب نووية، معضلة ال٣ أبواب وأخيراً منحكي عن فكرة البلوغ والرشد وشو يعني أنك تكون شخص كبير وشو الفرق بها...

المنطق والعقلانية مهمين كتير بالتفكير واتخاذ القرارات بجوانب كثيرة من الحياة. بس ماذا لو قلتلك أنو هالحكي غلط؟ نوعاً ما غلط. المنطق مهم جداً لما بدنا نبني برج، أو نصنع سيارة، أو نبني ناطحة السحاب، بس لما يصير الموضوع بيخص نفسية ومشاعر الإنسان المنطق معاد يشتغل وبتصير الشغلات المنطقية باطلة وبيحل محلها أفكار عالسطح ممكن تبين غبية ولكنها شغالة ومهمة ومنعتمد عليها كثير. بهالحلقة رح نحكي عن كتاب الكيم...

واحدة من أكثر الإختراعات البشرية يلي بتسلط الضوء على عظمة الهندسة والتصميم وعلى حب البشر للمجازفة وتحدي الموت هي قطارات الملاهي أو الرولر كوستر. بالرغم من أنو هالإختراع ممكن يبين شي حديث نسبياً إلا أنو أصوله المتفق عليها تعود إلى القرن السابع عشر وتحديداً لروسيا. ومن هنيك وصل الاختراع لفرنسا. وبعدين أمريكا قدرت توصل للفكرة من خلال قطار لتحميل الفحم بالقرن التاسع عشر. بهالحلقة رح ناخدكن دورة على مت...

من حوالي سنة عملنا حلقة حكينا فيها عن جهاز وشركة نيورالينك يلي أسسها إيلون ماسك بعام ال٢٠١٦. وبوقتها حكينا أنو قريباً رح تخلص التجارب عالحيوانات ورح تبدأ التجارب على البشر! وبالفعل بكانون الثاني ٢٠٢٤ تم زرع أول جهاز نيورالينك بمخ شاب أمريكي اسمه نولاند أربو يلي صار معه حادث خلاه ينشل شلل رباعي. وبهالحلقة رح نحكي عن تجربته مع هالجهاز، كيف ري يتطور وكيف ممكن يكون شكل البشرية لما كلنا نحط هالجهاز بمخ...

حلقة هالإسبوع من كيو كيو كانت عميقة وكلها فرضيات! حكينا عن الإرادة الحرة وكيف إذا كنت بتعرف أنو حياتك محددة بس ما بتعرف شو رح يصير هل بتعيش حياتك سعيد أم لا؟ بعدين حكينا عن خوارزمية افتراضية بتلاقيلك شريك حياتك المثالي وكيف هالشي ممكن يأثر عالعلاقات ويغير معنى الحب. وبعد هيك حكينا عن تعديل الجينات وإذا وصلنا لمرحلة صار فيك تشتري جينات كيف رح يصير شكل البشرية والتفرقة يلي رح تصير بين الأغنياء والفق...

حبيت شي مرة تسمع تنين عم يتفزلكوا ويحكوا بأخبار التكنولوجيا؟ معناها كبست عالحلقة الصح! بالفترة الأخيرة صدر كذا منتج غالي وسيء من شركات ناشئة بالتكنولوجيا أشهرها كان سيارة كهربائية من شركة معروفة باسم فيسكر ويلي خسرت ٩٥٪؜ من قيمة سهمها بسبب فيديو عمله يوتيوبر أمريكي مشهور. فعلياً هنن خسروا بسبب سوء منتجهم الغالي وبهالحلقة رح نحكي عن كذا منتج سيء وثمنه غالي (وشركة منهم نصابة) بالإضافة لبعض أخبار الذ...

إذا بتبحث على غوغل عن أول لعبة رح تطلعلك لعبة اسمها بونغ، لعبة بسيطة جداً ولكنها من أشهر ألعاب الأركيد بالعالم. وكانت بداية لصعود قوي بسوق الألعاب قبل الإنهيار يلي صار بال١٩٨٣ ويلي خلا العالم تقول أنو الألعاب مجرد تريند وانتهت. ولكن خلال هالمعمعة بأمريكا الشمالية، الوضع باليابان كان مختلف، شركة عم تحاول تغير نفسها وتطور رح تعمل حركة جريئة وتقتحم سوق الكونسولز وترجع تنعش مجال الألعاب وتكون السبب با...

بتحب البودكاست أو ما بتحب أكيد فينا نتفق أنو بالفترة الأخيرة بتحس كأنو كل العالم صار عندها بودكاست! وكمان فينا نتفق أنو البودكاست بالرغم من عدم اتباعه لقواعد السوشيال ميديا من ناحية الطول والمواضيع والمونتاج، إلا أنو في كثير ناس بيسمعوا بودكاست وبشكل كثير كبير كمان. شو السر ورا هالظاهرتين؟ شو قصة هالنوع من صناعة المحتوى يلي بيرجع لسنة ال٢٠٠٠؟ شو سبب الشهرة الكبيرة للبودكاست؟ وشو تأثير البودكاست عل...

كيو كيو جديدة وأسئلة جديدة وهالأسبوع أخدنا أسئلتكم وكالعادة أسئلة بتجنن. حكينا عن ليش طعمة الأركيلة طيبة بعد الدسم، شو المفاهيم المغلوطة يلي رح تكون عند علماء الآثار المستقبليين لما ينبشوا عنا؟ هل منآمن بنظريات المؤامرة ونظرية العائلة الحاكمة واليد يلي بتتحكم بالشركات والإعلام؟ قصة لما كنا رح نعلق بكوبا. شو رح يصير بالبشرية إذا ما عدنا محتاجين للنوم؟ استمتع/ي --------------- إذا استمتعت/ي بالبودكا...

السفر إلى الفضاء لم يعد شي غريب عالبشرية يلي صرلها أكثر من ستين سنة بتنفذ مهمات لهالمكان. ولكن رغم كل هالإنجازات هي، جسم الإنسان غير قادر على التغلب على تأثير انعدام الجاذبية على العضلات، العظام، القلب، الرؤية، الحمض النووي، وغيرو. وبالرغم من العمل المستمر لتطوير وتحسين ظروف السفر وتقضية وقت بالفضاء إلا أنو لسا في كثير حواجز لازم نتجاوزها. وبهالحلقة رح نحكي عن برنامج سايفر يلي شغلته فهم هالأعراض ا...

النميمة أو الحكي عالعالم هو نشاط مشهور كثير وشاغل حياة نسبة كثير كبيرة من البشر. وبالرغم أنو كثير مننا بيقولوا أنو ما بيحبوا النميمة إلا أنو لما تسمع خبر أو قصة عن شخص عقلك بيصير يضوي وبدك تحكي لحدا أو تسمع الخبر كله. بهالحلقة رح نحكي عن العلوم وراء النميمة، ليش منمارس النميمة؟ ليش منستمتع بالحكي عالعالم؟ هل فعلاً النميمة هي نشاط نسائي فقط؟ هل في فرق بالنميمة بين الثقافات؟ وكيف ممكن تكون سيئة أو ج...

أكيد صايرة معك أنك تكون قاعد عم تحكي مشكلة معينة لشخص وفجأة وبدون سابق إنذار يقلك نصيحة! هيك بدون ماتطلب منه شي، مانك الوحيد، وحتى ممكن أنت بذاتك عاطي نصيحة لحدا بدون ما ينطلب منك. إعطاء وطلب النصائح هو شي موجود بحياتنا اليومية ومافينا ننكر أنو شي مهم بحياتنا وعلاقاتنا الإنسانية ولكن المشكلة أنو نحنا ما منعرف نعطي نصائح ولا نطلب نصائح. وبهالحلقة رح نحكي عن علم النفس وراء هالموضوع ورح نحكي عن ليش م...

مع صدور نظارات العالم الافتراضي من شركة آبل، صار في كثير صناع محتوى عم يستعملوها بمختلف الأماكن، بالمطاعم، محطات القطار، السيارات وحتى بالشارع أو بالنادي. وكالعادة الناس بلشت تقول أنو رح تنتهي البشرية وانحدرنا وآبل هدفها تسيطر عالعالم ومن هالحكي المعتاد بعد كل جهاز إلكتروني جديد. هالفكرة هي وحدة من الأفكار المغلوطة بعالم التكنولوجيا ويلي رح نحكي عنها بحلقة هالأسبوع من كيو كيو. بالإضافة لأسئلة ثاني...

بالحلقة الماضية حكينا عن المغالطات المنطقية وليش منوقع بفخهن ومين بيستعملهن. وحكينا عن بعض المغالطات المنطقية ولكن ماكان معنا وقت نكفي تصوير وهالحلقة هي الجزء الثاني من المغالطات المنطقية. ومنحكي فيها عن كيف الشركات بتستعمل المغالطات المنطقية لتبيعك منتجاتها. استمتع/ي --------------- إذا استمتعت/ي بالبودكاست وعم تسمعنا على منصة آبل بودكاست منتمنى أنك تتركلنا تقييم, كل كلمة بتساعدنا. إذا عم تسمعنا...