إيه الحكاية؟

السيسي طلع الناقد السينمائي اللي جواه وهاجم فيلم الإرهاب والكباب، عشان يكشف لنا السر الخطير بأن الفيلم اتبنى على فكرة غلط خلت الدولة هي الخصم، إنما الصح كان أن المواطنين السلبيين يكونوا هما الخصم، والحقيقة أن ده شجع الخيال الخصب عند المصريين أنهم يتخيلوا أحداث الفيلم لو كان اتعمل النهاردة

إزاي الحرب بين روسيا وأوكرانيا ممكن تأثر على رغيف العيش اللي أنا وأنت بناكله في مصر كل يوم الصبح، وإزاي ممكن قطع الغاز الروسي عن أوروبا يمثل فرصة لمصر أنها تفرض وجودها على خريطة الطاقة الأوروبية، وإيه تأثير الحرب على صادرات مصر من البرتقال مثلا وكمان على السياحة.. ده اللي هنحاول نعرفه في حلقة النهاردة

التقارب الإماراتي التركي اللي حصل بعد قطيعة استمرت حوالي 10 سنين مثل أكبر مفاجأة في التغيرات السياسية في الشرق الأوسط. اللي حصل ده بيطرح تساؤلات كتيرة أوي، يا ترى ايه الأسباب اللي خلت خصمين يقرروا في لحظة أنهم ينهوا خلافهم ويدوروا على مصلحتهم المشتركة، وهل في ثوابت في السياسة؟

الحكام وأصحاب المصالح عارفين كويس أن حب الناس للكورة وشغفهم بها ممكن يخليهم يعملوا أي حاجة، ومن هنا بتحصل عمليات شحن الجمهور وتغذيته بأفكار مرتبطة بالوطنية والمؤامرة والخيانة عشان تتحول الكرة من رياضة مهمتها أنها تقرب بين الناس وتوفر لهم المتعة لحرب بين فريقين وأحيانا بين بلدين.

بقينا بنسمع كتير عن أوجه الشبه بين السيسي والخديوي إسماعيل، بالذات من ناحية الديون وأولويات الإنفاق، وده غالبا بيكون معاه تحذيرات من أن السيسي واخد البلد في سكة بيع الأصول والإفلاس بعد كم الديون الكبيرة. تعالوا النهاردة نحكي قصة الخديوي إسماعيل

زي النهاردة من 11 سنة شوارع مصر كانت بتغلي بالمظاهرات والمواجهات مع الشرطة في رابع أيام الثورة وأهمها على الإطلاق وهو يوم 28 يناير أو جمعة الغضب اللي انتهت بالجملة الشهيرة بتاعة "الشعب ركب يا باشا".. يا ترى ايه اللي حصل في اليوم ده؟

يسعى النظام المصري منذ سنوات لتطبيق سياسات الشمول المالي والحوكمة والتحول الرقمي، في إطار هذا التحول يأتي قرار وزارة التموين بضرورة دمغ المشغولات والسبائك الذهبية بدمغة الليزر الجديدة، حول هذه السياسات وأهدافها وآثار تطبيقها في مصر حلقتنا الجديدة من برنامج إيه الحكاية.

السيسي كان مدرك أن الدولة محتاجة تستقطب الشباب مرة تانية، أولا علشان ميتكررش اللي حصل في ثورة يناير، وثانيا علشان يقدر هو ونخبة الحكم اللي معاه انهم يمرروا أفكارهم لأجيال جديدة، فيضمن استمرار الموالين له في كل أركان السلطة، زي بالضبط ما عبد الناصر كان عايز من التنظيم الطليعي.

المهرجان الشعبي بيقول عشان تدخل دايرتنا محتاج فيزا وتأشيرة، طيب عشان تدخل دايرة السيسي بقى يا ترى محتاج إيه، ايه الكتالوج اللي المسؤولين بيمشوا عليه عشان يزودوا فرصهم في أنهم ينالوا ثقة السيسي ويبقى لهم مكان في الحكومة؟

هو مش المفروض اللي حصل بين السيسي والحاج سعيد ده كان يبقى مكانه في المزادات والمناقصات اللي الشركات بتعمله دراسات جدوى وكراسات شروط ومواصفات ولا السيسي حول البلد لطابونة خلاص وواقف يبيع على الناصية؟

في حلقة النهاردة هنحاول نفهم معاكم ايه اللي بيحصل في الاقتصاد التركي وكمان نقارنه بالأزمة الاقتصادية اللي عاشتها مصر بعد تعويم الجنيه، مش هدفنا خالص أننا ننتصر لعملة ضد عملة، كل اللي عايزينه أننا نبسط الموضوع عشان نبقى فاهمين ايه اللي بيحصل في حوار الاقتصاد ده

في حلقة النهاردة مش هنتكلم عن موضوع التسريبات تحديدا لأننا ببساطة مش جهة تحقيق، لكن هنطرح أسئلة مهمة زي ليه الناس في مصر بتصدق إدعاءات الفساد بسهولة؟ وهل في فساد في مصر فعلا؟ ويا ترى حجمه قد إيه؟ وهل الدولة بتحاربه ولا هي نفسها متورطة فيه؟

السيسي زي أي دكتاتور بيكون عنده وشين: وش أولاني بتاع العسكري الصارم المخيف وده غالبا اللي بيظهر في سنواته الأولى لغاية ما يسيطر ويتحكم فيبدأ يظهر الوش التاني الطيب الحنين وده اللي بيحتاج له بقى أطفال وذوي احتياجات خاصة، بس في الحقيقة هو بيستخدمهم بس عشان يجمل شكله ويغير صورته الذهنية اللي مرتبطة بجرايمه وقمعه وظلمه لملايين البشر.

بعد سنين من مقتل ناس زي المهندس أحمد الفقي والسياح المكسيكيين وغيرها طلع علينا موقع تحقيقات فرنسي بتسريب معلومات عسكرية بتوضح أن مئات المدنيين اتقتلوا في منطقة الحدود الغربية بسبب تعاون سري حصل بين الجيش المصري والجيش الفرنسي، ده اللي هنعرف تفاصيله في حلقة النهاردة

الحوت الكبير بيحتكر وبيرمي فتافيت للحيتان الأصغر منه عشان تكون النتيجة أن الجيش ورجال الأعمال التابعين له بيقسموا تورتة البلد على بعض، والخسران الوحيد من المعادلة دي هو اقتصاد البلد اللي بتسيطر عليه نخبة قليلة وبتوجهه زي ما هي عايزة بدون ما تاخد رأي الشعب ولا تشركه معاها

زي النهاردة اتولد طفل مصري في حي الجمالية، لما أصحابه يضربوه في الشارع كان يقولهم لما أكبر هضربكم. هنتكلم النهاردة عن ملمح واحد بس من شخصيته عشان تبقى دي هديتنا للسيسي في عيد ميلاده اللي لسوء حظه بيتزامن كل سنة مع اليوم العالمي للمراحيض!

موهبة تريكة في مراوغة خصومه مطلعتش جوة الملعب بس، ده طلع كمان لعيب بره الملعب، عنده القدرة أنه يرقص خصومه وهو حاطط إيده في جيبه، بكل ذوق وأدب، مبيردش على السيئة بسيئة لا بيرد بحسنة. في حلقة النهاردة هنقولكوا هما ليه بيكرهوا تريكة!

السينما ولا تراجع الدين، تقصير الشرطة ولا غياب العدالة.. ليه العنف بقى ظاهرة في المجتمع المصري؟ #إيه_الحكاية | الموسم الثالث

تمر العلاقات المصرية التركية بمرحلة حساسة في إطار التقارب الذي سعت إليه الدولتين خلال العام الماضي لكن الكثير من العقبات والعراقيل تواجه هذا السعي ما يدفع كلا من الجانبين للبحث عما يزيد من قوة موقفه أو إعادة تقييم تموضعه من الأساس، من يراوغ الآخر في كل من مصر وتركيا ولماذا لا يمضي التقارب في مساره بسلاسه، هذا ما سنتعرف عليه في الحلقة الجديدة من برنامج أيه الحكاية

حالة من الهستيريا في إنكار الفقر، مفيش فقرا في مصر، وكأن الشعب كله عايش في كومباوندات وبيشتري من براندات وولادهم بيدخلوا السكولز مش المدارس، وطبعا أجازة الصيف بنقضيها مرة لندن ومرة باريس.. هو الشعب كله بقى شريف منير ولا ايه يا جماعة!

قصة مؤثرة عن وفاء السيسي لأستاذه سمير فرج #إيه_الحكاية | الموسم الثالث

اعترافات ضابط "إسرائيلي" بعد 23 عامًا من حرب أكتوبر

وفاة طنطاوي تعيد الحديث عن فترة حاسمة من تاريخ مصر بحثا عن إجابات حول دور المشير في إجهاض الثورة والتمهيد لعودة الجيش إلى حكم مصر. حلقة اليوم تناقش مسؤلية طنطاوي عن المجازر التي ارتكبت في عهده كما تكشف سر علاقته الوثيقة بالسيسي