إيه الحكاية؟

ناس كتير بتشبه السيسي بدكتاتور تشيلي بينوشيه، سواء من ناحية القمع أو من ناحية سياساته الاقتصادية اللي غرقت البلد في بحر من الديون، وده بيخلي البعض يأمل أن تكون نهايتهم متشابهة وأنه يرحل بطريقة سلمية. هل يرحل السيسي في انتخابات 2024؟

اشتريت فراخ النهاردة من صن مول، وزنها ١٣٠٠جرام، الفرخة بـ٩٠ جنيه، نوع برازيلي وحلوة جدا، استخدمتها قبل كده سلقتها وعملتها مشوية فى الفرن كمان، خلى الفراخ تعفن عند بتوع الفراخ، وموجود نفس النوع ده فى منافذ القوات المسلحة.. يا ترى مين المستفيد من صفقة الفراخ البرازيلي؟

تناقش الحلقة توغل النفوذ الإماراتي في مصر منذ وصول السيسي للسلطة. خطة بيع مصر للإمارات

السيسي ومحمد بن زايد.. مصالحهم تلاقت، الإتنين اشتركوا في العداء للتغيير، وكان عندهم رغبة في القضاء على الإسلام السياسي، وده اللي مهد الطريق عشان تصبح الإمارات الراعي الرسمي للسيسي في حكم مصر. يا ترى الشيخ محمد عايز إيه من السيسي؟

السيسي اعترف بفشله في السيطرة على الأسعار، وقال أننا قصرنا في ملف الصناعة، اللي كان المفروض يكون أولوية عندنا، وبعدين قالك احنا محتاجين 7 سنين عشان نعوض الفجوة الدولارية. هل ممكن نثق في وعود السيسي مرة تانية؟

نظرة المصريين للجيش والشرطة والمؤسسات العسكرية اتغيرت بشكل كبير في السنوات الأخيرة، خاصة في عهد السيسي، اللي نقدر نقول أنه نركب الطبقة دي فوق الشعب، وإدى لهم امتيازات غير مسبوقة، تخليهم بيلعبوا دلوقتي دور أصحاب البلد، ملاكها، أو للدقة محتليها، اللي اغتصبوها من سكانها الأصليين، اللي هما الشعب المصري.

شاب نفسه يبدأ حياة ويبنى أسرة مش لاقي شغل بمقابل آدمي، ومش عارف يحصل على مسكن محترم، ولا أبوه عارف يبني له حتة شقة في البلد، لأن البناء موقوف، الحكومة تيجي تقوله أنت زعلان ليه دا احنا بنبني لك عاصمة جديدة يا أهبل هتروحها بالمونوريل.

الأشقاء في السعودية بقوا مضايقين من حالة الفشل اللي شايفينها من إدارة السيسي، وعايزين يستفيدوا من مصر أكتر، وده اللي خلانا نشوف مؤخرا هجمة إعلامية على مصر الفاشلة والمديونة والمتسولة، بحسب أوصاف كتاب سعوديين مقربين من ولي العهد، يا ترى إيه سبب الغضب السعودي من السيسي؟

في امتحان العربي كان بيجيلنا سؤال مضمون يقولك اكتب موضوع تعبير عن ثروات مصر الطبيعية، ونقعد بقى نكتب قصائد عن موقع مصر ومناخها الحلو وثرواتها المعدنية وقناة السويس والسياحة والآثار، دلوقتي مبقناش نسمع ثروات مصر دي خالص. طبعا أنت محتار نصدق الكلام اللي كنا بنكتبه في موضوعات التعبير إن مصر بلد غني فعلا ولا احنا فقرا أوي؟

سيناريو اليونان مش بعيد أوي عن مصر في عهد السيسي، اللي ضاعف ديون البلد 4 مرات في ظرف 9 سنين، وشبح الإفلاس بقى بيطاردنا مع كل أزمة اقتصادية، ولسه من كام يوم سمعنا السيسي بيلمح لدولة قد تعجز عن سداد دينها الحكومي. هل مصر معرضة فعلا لأنها تعجز عن سداد ديونها؟ وإيه السيناريوهات المحتملة لو ده حصل؟

اقتصاد الجيش بيواجه النهاردة تحدي صعب للغاية، يتمثل في إصرار صندوق النقد الدولي على تحجيمه وإخضاعه للمراقبة المدنية، في وقت السيسي بيعتبر الجيش هو ظهره اللي مسنود عليه، واللي من غيره سهل جدا يتم الإطاحة به. يا ترى هينجح صندوق النقد في تقليص اقتصاد الجيش؟ وايه اللي السيسي ممكن يعمله عشان يخرج من المأزق ده؟

الناس في مصر خايفة من الوصول لـسيناريوهات مرعبة، وأن الجنيه يبقى حاله زي البيزو الأرجنتيني اللي انهار والدولار بقى بيساوي حوالي 200 منه، الناس خلاص فقدت ثقتها في إدارة السيسي، وتأكدت أنه معندوش أي حلول مختلفة للخروج من الأزمة. ليه الناس في مصر خايفة من المستقبل؟ وليه فقدوا ثقتهم في السيسي؟

السيسي دخل علينا السنة الجديدة بواحدة من أفكاره العبقرية، وهي صندوق الزواج، تحت شعار اللي يتجوز يدفع، بعد ما جمعنا مليارات الجنيهات من قانون التصالح، وفرضنا ضرايب على كل حاجة تقريبا، من راديو العربية لعمال الديلفري، جه الدور على العرسان. كل ده الحقيقة يخلينا نتمنى أن 2023 يكون عام التغيير في مصر، لأن إدارة البلد بالطريقة دي لا يمكن تحقق أي نتيجة مختلفة عن الوضع اللي مصر بتعيشه من 2014 حتى الآن. إي...

2022 كان عام طويل ومليان أحداث مهمة، أزمة اقتصادية وتعويم متكرر للجنيه، عودة أحمد الطنطاوي وظهور جمال مبارك والبحث عن بديل للسيسي، استراتيجية حقوق الإنسان، وحوار وطني مع معارضة كرتونية، قمة المناخ وأزمة علاء عبد الفتاح، مقابلة السيسي وأردوغان في افتتاح مونديال قطر. عشان كده قررنا نختم 2022 معاكم بتحليل لملخص أحداث مصر.

صندوق النقد الدولي أفرج أخيرا عن الدفعة الأولى من القرض الجديد، لكن الخطير في بيان الصندوق هي إشاراته الواضحة والمتكررة ضد سياسات الحكومة المصرية، والكلام عن إجراءاته المستقبلية اللي هدفها التأكد من أن الحكومة هتمشي على سياسة جديدة، الصندوق هو اللي هيحطها وهو اللي هيشرف علي تنفيذها، وده الجزء الخطير اللي عمرك ما هتسمعه ولا هتشوفه في الإعلام الحكومي ولا في كلام المسؤولين

مونديال قطر على وشك النهاية، بس اللقطات اللي شفناها فيه، هيفضل تأثيرها وقت طويل، مشاهد الاحتفال بالسجود، أمهات اللاعبين، أعلام فلسطين، نبذ دولة الاحتلال، الاعتزاز باللغة العربية والهوية الإسلامية، وإبرازها وتقديمها للعالم في أفضل صورة، وغيرها من المشاهد اللي اتكلمنا عنها هتفضل دروس مستفادة لينا كلنا

في نفس الوقت اللي المصريين بيعيشوا في قلق من المستقبل، خاصة مع تردد كلام عن تعويم الجنيه مرة تانية، بعد ما وصل سعر الدولار في السوق السوداء لأكتر من 30 جنيه، بيطلع السيسي يهزر مع كامل الوزير ومحمد زكي، تحت شعار سيب وأنا أسيب، وبينما السيسي طول الوقت بيحاول يثبت أن مشاريع النقل اللي بيعملها مبتفضيش خزينة الدولة، بتلاقيه جاي في خناقة زي دي يقول أن كامل الوزير نحل وبرنا!

الغرب جاي يفرض قيمه الثقافية على شعوب العالم كله حتى لو كان جزء من القيم دي بيتعارض مع تعاليم الأديان وعادات وتقاليد مختلف الشعوب الأخرى. ليه الغرب متضايق من مونديال قطر؟ وإزاي مونديال قطر إدى للعرب فرصة ذهبية للتعبير عن قيمهم؟

أردوغان القاتل المجرم الإخوانجي الإرهابي، عدو مصر، تحول في لحظة واحدة لزعيم قوة إقليمية في المنطقة لا يمكن تجاهلها، مصافحة السيسي وأردوغان طرحت أسئلة كتير عند المؤيدين والمعارضين. يا ترى مين انتصر؟ ومين تراجع عن مبادئه؟ هل انتهى الصراع بين البلدين؟ طيب يا ترى إيه مصير المعارضين المصريين في تركيا؟

بكرة 19 نوفمبر، عيد ميلاد السيسي، وبالمناسبة دي قررت أننا نتكلم النهاردة عن وجوه السيسي المختلفة، أو زي ما بيقول الأكاديميين كده.. تحليل الخطاب السياسي، يعني عايزين نشوف السيسي كان بيكلم المصريين إزاي ودلوقتي بقى يكلمهم إزاي، كلامه عن الثورة، عن مبارك ونظامه، عن الإخوان لما كانوا في السلطة ولما خرجوا منها، عن الجيش وباقي الوزارات، عن إثيوبيا وسد النهضة، وأخيرا نظرته لنفسه، يا ترى بيشوف نفسه إزاي

تفاعل المصريين مع دعوات التظاهر بيختلف، مرة الناس بتنزل فعلا زي ما حصل في سبتمبر 2019، ومرة تانية النظام بيحكم قبضته وبيمنع المظاهرات من أنها تشوف النور، في المقابل بتظهر حالات نجاح جزئية في مواجهة النظام، زي مثلا اللي بتعمله أسرة علاء عبد الفتاح، وكم الضغط اللي ناجحة أنها تحطه على نظام السيسي. وده بيخلينا نطرح شوية أسئلة ونفكر فيها مع بعض بصوت عالي، زي مثلا: هل المظاهرات لوحدها تكفي لإسقاط النظام...

أهم سؤال مطروح في مصر دلوقتي هو: هل صدمة الأزمة الاقتصادية الحالية كافية لإجبار السيسي على اتخاذ أصعب قرار في عهده، واللي بيتمثل في إبعاد الجيش أو على الأقل تقليص دوره في الاقتصاد؟ خاصة أن ده واحد من توصيات صندوق النقد الدولي، وخبراء الاقتصاد بيعتبروا أن ده هيكون قرار حاسم من أجل ازدهار القطاع الخاص، وجذب الاستثمارات الأجنبية. لماذا يخشى السيسي من الجيش؟

السيسي فاجئ المصريين بتعويم الجنيه لتاني مرة، عشان تتجاوز قيمته 23 جنيه مقابل الدولار، وطبعا ده معناه صب كتير في المصلحة الفترة الجاية، أسعار السلع والخدمات هترتفع بشكل جنوني، قيمة الفلوس ومدخرات المصريين هتنخفض. إذا كانت 2011 شهادة وفاة الدولة المصرية من وجهة نظر السيسي، فـ 2022 هي شهادة وفاة مشروع السيسي في الحكم. تعويم الجنيه وقرض جديد.. سيناريوهات الخروج الآمن للسيسي

"أنا مين؟ مش أنتوا عايزين تعرفوا أنا مين؟ أنا مبحبش الواسطة والمحسوبية، وبعتبرها تدخل غير مقبول" ده كان كلام السيسي للمصريين وقت ترشحه للرئاسة، واللي كان بيحاول يثبت من خلاله أن أسرته مش هيكون لها دخل في مسائل الحكم، لكن مفيش كام سنة وبدأنا نعرف أن ولاده وأخوه وقرايبه بيتعينوا في مناصب مهمة وحساسة. كل ما تريد معرفته عن عائلة السيسي

النهاردة ومع تراجع شعبية السيسي ومعاناة الشعب، الناس بقت تستغل ظهور أي بديل محتمل للسيسي عشان تهتف له وتسقف له وتقول له أنت الريس الجاي، حتى لو كان جمال مبارك اللي نفس الناس ثارت عليه وأجهضت مشروع أبوه في توريث الحكم. هل يطيح جمال مبارك بالسيسي من حكم مصر؟