Avto FM 107.7

"Qaydaları pozma" verilişində qonağımız olan Azərbaycan Sığortaçılar Assosiasiyasının ekspert qrupunun üzvü Emin Allahverdiyev ilə qəza zamanı hadisə yerində düzgün davranışdan danışdıq.

"Şəhər adamı" rubrikasında qonaq olan Peşə Təhsili üzrə Dövlət Agentliyinin PR və Kommunikasiya üzrə sektor müdiri Aytən Səfərəliyeva ilə birlikdə gənclərin peşə təhsilinə marağı, mövcud imkanlar, texniki bacarıqların əmək bazarında rolu və gələcək planları müzakirə etdik.

"Qaydaları pozma" verilişində qonağımız olan NİİM-in mətbuat xidmətinin rəhbəri Ömər Xıdırov ilə manevr etmə qaydalarının pozulmasına görə baş verən qəzalar haqqında danışdıq.

"Bir Avto" verilişində qonaq olan avtobloqer Əli Məmmədov ilə birlikdə ikinci əl avtomobil bazarında vəziyyət, alıcıların qarşılaşdığı riskləri və eyni zamanda avtomobil restavrasiyası kimi yüksələn bir tendensiyanı müzakirə etdik.

"Şəhər adamı" rubrikasında qonaq olan dermatoveneroloq Quba Rüstəmova ilə həm dəri sağlamlığı, həm də cəmiyyətimizdə tez-tez qarşılaşılan dəri problemləri haqqında danışdıq, həkim qonağımız allergiyalar, dəri baxımı və gigiyena ilə bağlı məqamları bölüşdü.

"Bir Avto" verilişində iki populyar Çin sedanı – BYD Destroyer 05 və Changan A05 modellərini müzakirə etdik. Hər iki modelin güc aqreqatları, interyer rahatlığı, texnoloji imkanları və yol tutumu kimi əsas xüsusiyyətlərini dinləyicilərlə birlikdə müqayisə etdik.

"Şəhər adamı"nda qonaq olan biznes mentor Zahid Adıgözəlovla birlikdə sahibkar valideyn və onların uşaqları, biznesi necə ötürməli olduqları, daşınmaz əmlaka yatırım etməyin qaydaları haqqında müzakirə etdik

"Bir Avto" verilişində qonaq olan avtomobil rəssamı, hiperrealism üslubunda avtomobil rəsmləri çəkən Hümbət Kərimli ilə birlikdə ilham mənbələrindən və avtomobil dizaynının incəliklərindən danışdıq.

Bu dəfə "Bir Avto" verilişində şəhər mərkəzinə girişin ödənişli olması məsələsini müzakirə edirik. Tıxacların azalması üçün belə bir addım nə qədər effektivdir? İnsanlar ödənişdən sonra nə dərəcədə avtomobil istifadəsindən imtina edər?

"Qaydaları pozma" verilişində qonağımız olan nəqliyyat eksperti Elməddin Muradllı ilə ödənişli hərəkət zonalarının yollara təsirindən danışdıq.

"Qaydaları pozma" verilişində qonağımız olan qəza əleyhinə kursların məşqçisi Aqil Rəhimov ilə sıxlıqla mübarizə yollarından danışdıq.

"Şəhər adamı" rubrikasında qonaq olan təlimçi, psixopedaqoq Məsməxanım Hacıyeva ilə birlikdə uşaqların emosional inkişafı, valideyn-müəllim münasibətləri və məktəb dövründə rast gəlinən həm pedaqoji, həm də psixoloji çətinliklər haqqında danışdıq.

"Qaydaları pozma" verilişində qonağımız olan NİİM-in mətbuat xidmətinin rəhbəri Ömər Xıdırov ilə ara məsafəsinin önəmindən danışdıq.

"Şəhər adamı" rubrikasında qonaq olan Azərbaycan Velosiped İdmanı Federasiyasında məşqçi, velosiped təlimçisi Səhər Mehman ilə birlikdə “Avtomobilsiz gün” münasibətilə velosiped sürməyin sağlamlığa, ətraf mühitə və şəhər həyatına təsirindən danışdıq. Velosiped mədəniyyəti, təhlükəsizlik qaydaları, şəhərdə infrastrukturun vəziyyəti haqqında maraqlı fikirlər bölüşdük.

Dünya Robotexnika Yarışında gənclərimiz həm qızıl, həm də gümüş medal qazanaraq ölkəmizi layiqincə təmsil edən Fərid Həmidli, Paşa Rüstəmov, Nəcmin Əliyev, Məhəmməd Cəfərli, Ümid Nəzərli və komandanın baş məşqçisi - Rəhman Rəsulzadə "Overtime" verilişində qonaq oldular.

"Bir Avto" verilişində Formula 1 haqqında danışdıq - sürət, taktika, texnologiya və adrenalin dolu yarışların sirrlərinə nəzər saldıq. Bakı Qran Prisinin şəhərə və insanlara təsiri, azarkeş marağı, komandalar arasındakı rəqabət və F1 dünyasında baş verən yenilikləri dinləyicilərimizlə paylaşdıq. 

"Şəhər adamı" rubrikasında qonaq olan Milli Məclisin deputatı Naqif Həmzəyev ilə birlikdə "Suverenlik ili" çərçivəsində atdığı addımları, 2023-cü ildə keçirilən antiterror əməliyyatlarının mahiyyətini və regionda yaranan yenilikləri müzakirə etdik. 

"Bir Avto" verilişində qonaq olan avtobloqer Nurlan Qurbanov ilə birlikdə ikinci əl bazarı və rəsmi servisdən alınan avtomobillər arasındakı qiymət fərqləri, təhlükəsizlik, avtomobilin texniki vəziyyəti və alıcı üçün risklər kimi məqamları müzakirə etdik.

"Overtime" verilişində qonaq olan Xəzər İntellektual Gənclər Klubunun sədri Azad Manaflı ilə birlikdə intellektual hərəkatdan, gənclərin sosial fəallığından, komandaların qurulmasından və yarışlara hazırlıq prosesindən danışdıq. 

"Bir Avto" verilişində plagin, dizel və elektrikli avtomobillərin üstünlükləri və çatışmazlıqları barədə dinləyicilərlə birlikdə müzakirə etdik.

"Qaydaları pozma" verilişində qonağımız olan AYNA-nın Yol hərəkətinin təşkili şöbəsinin müdiri Samir Məhərrəmov ilə yeni görülən işlərdən, yol hərəkətində edilən dəyişikliklərdən danışdıq. 

"Qaydaları pozma" verilişində qonağımız olan Baş Dövlət Yol Polisi İdarəsinin baş inspektoru, polis baş leytenantı Elvin Hacıyev ilə yağıçlı havalarda qəzaların səbəbindən danışdıq.

Çimərlik futbolu üzrə  Avropa 3-cüsü olan Azərbaycan milli komandasının üzvləri qapıçı, qapıçılar üzrə məşqçi - Elçin Qasımov, hücumçular - Sabir Allahquliyev, Bayram Bayramlı, müdafiəçi - Kamil Hüseynov "Overtime" verilişində qonaq oldular. 

"Şəhər adamı" rubrikasında qonaq olan terapevt Mətanət Cəfərova ilə birlikdə qidalanma rejimi,mədə - bağırsaq sağlamlığı, gündəlik vərdişlər və bu amillərin bir-birinə bağlı şəkildə insan həyatına təsiri barədə söhbət etdik.

"Qaydaları pozma" verilişində qonağımız olan Azərbaycan Sığortaçılar Assosiasiyasının ekspert qrupunun üzvü Emin Allahverdiyev ilə sığortanın önəmindən danışdıq.