108學會

話說其實Erik從來都唔係108號房嘅住戶 既然佢暫時都未可以參與錄音 咁108嘅兩位真住戶就索性講吓當年宿舍生活啦 雖然啊雲同陳一只係做咗半年roommate  但係原來由入住到退宿都夠講一集 如果Erik想知錯失咗啲咩美好大學回憶 就記得同我哋嘅同學一齊收聽喇 108學會 (希望)逢星期六更新 IG：soc_108

今集其實早喺上年已經錄好 奈何為咗解決技術問題延後到而家先出街 相信上集冇咗Erik硬係感覺差咁啲 就趁今次當特別計劃講吓佢遠在英國嘅生活 由small talk講到老鼠再講到做project 大家且聽且珍惜唔知幾時再會聽到佢嘅聲音 如果對於節目嘅未來有咩意見歡迎dm！ 108學會 (希望)逢星期六更新 IG：soc_108

大家都呻窮唔通個個都想窮 呢個時候當然要開源節流 除咗去攞人哋開會嘅茶點食 同跳付費廁所嘅閘屙免費尿之外 乖乖地去搭廉航紅眼機咪幾好 (個別行為屋企嘅小朋友切勿模仿) 108學會 (希望)逢星期六更新 IG: soc_108

明明播出嘅時候天氣已經唔凍 但見到個標題都估到 本身呢集同凍都冇咩關係 成集除咗冷笑話就只有trash talk 唯一嘅得著就係行山都係一門學問 記得要著夠衫準備好先好上山啊 108學會 (希望)逢星期六更新 IG: soc_108

無論你係內向定外向嘅人 細個可能習慣同親朋好友聚埋一齊 慢慢長大發現越嚟越多一個人嘅時候 但獨處得耐都難免會產生孤獨感 享受定唔享受呢份感覺都好 記得總會有人喺身邊(包括108學會🙆🏻‍♂️) 108學會 (希望)逢星期六更新 IG: soc_108

雖然已經年初三但都同各位同學拜番個年先 相信早幾日嘅年廿八大家都有做大掃除 每次執屋都會搵到啲陳年已久嘅雜物 回憶完結果又係原封不動地keep番 不過啲嘢擺得耐都要注意下衛生情況 好似千與千尋嘅小千咁抹到擸擸炩就最好啦 108學會 (希望)逢星期六更新 IG: soc_108

出咗社會意識到人生冇咩成就 唯有摷番中小學嘅威水史曬吓命 原來我哋學會有掌管全校嘅首席輔導長 負責管數但係out晒bud嘅學生會財政 仲有玩遊戲仆心仆命嘅幼童軍紅隊隊長 回望過去發現參加吓課外活動都幾開心吖 108學會 (希望)逢星期六更新 IG: soc_108

2023眨吓眼就過咗去 呢一年有啲咩第一次嘅嘗試呢 又或者冇達成到嘅年度遺憾 回顧完過去就要展望將來 108學會嘅新年願望就係要成立E記 開放投寄CV加入我哋嘅大家庭！ 108學會 (希望)逢星期六更新 IG: soc_108

唔知各位同學有冇咩明病暗疾 講到睇醫生真係一門學問 要喺短短幾分鐘內表達需求 仲要醫生嘅反應成日出奇不意 不過求醫呢家嘢都係可免則免喇 一日一蘋果 醫生遠離我！ 108學會 (希望)逢星期六更新 IG: soc_108

儀容係人哋對自己嘅first impression 大家當然都想將自己個外貌執正啲 例如Erik同陳壹為咗一排整齊嘅牙齒 都花咗唔少心機（同錢） 但係當呢份著緊變成焦慮就會好辛苦 希望各位同學都可以 因有自信 所以美麗～ 108學會 (希望)逢星期六更新 IG: soc_108

學習英文嘅過程點都會發生啲趣事 可能有時人哋未必理解甚至嘲笑 但英文作為語言係用嚟表達自己嘅方法之一 就算發音唔標準或者grammar唔通順 其實只要俾心機睇多啲聽多啲 加埋自信就可以成為好好嘅English speaker！ 108學會 (希望)逢星期六更新 IG: soc_108

一年容易又一個十集 今次難得有來賓大駕光臨 作為啊雲嘅多年朋友 啊May專登嚟學會招roommate 到底嚟比武嘅陳壹定Erik會勝出 可以進駐三千尺大宅呢？ 大家對下次特別計劃有建議嘅歡迎comment！ 108學會 (希望)逢星期六更新 IG：soc_108

除咗踏入青春期出現第二性徵 無論好定唔好 開心定唔開心 其實人生唔同階段都一直成長緊 可能待人接物上有新嘅體悟 對追求嘅目標都會有所調整 希望同學們繼續陪我哋一齊成長啦 PS 今集有重大消息宣布 記得要聽到最後！

飯雖然日日食但大家都有自己一套 為咗改善體態有人選擇cut carbs 淨係連脆皮原來都有唔同食法 另外仲有長輩好介意嘅table manner 不過點食都好記得一定要保持衞生 跌咗落垃圾袋嘅嘢食就唔好擺入口喇🫢 108學會 (希望)逢星期六更新 IG: soc_108

有啲咩事會令你覺得好creepy？ 係怪力亂神嘅靈異好朋友 定係失驚無神打嚟嘅前同學 又或者呃個人資料嘅詐騙集團 建議呢集最好喺陽光充沛嘅時候聽 發生咩事我哋學會擔當唔起🤫 108學會 (希望)逢星期六更新 IG: soc_108

DoDo姐話齋 意外就係意料之外 就算做足萬全嘅準備都總會百密一疏 發生喺人地身上嘅時候都叫可以食吓花生 自己瀨嘢嘅話真係笑都笑唔出 一個唔小心分分鐘連命仔都冇埋 利申 今集都係娛樂性質為主 唔好認真😪 108學會 (希望)逢星期六更新 IG: soc_108

喺香港呢個Bo Jarp文化盛行嘅環境 相信大家中小學時都試過私補或者去補習社 雖然唔知真係有成效定純粹求心安 有幸入到大學之後都或多或少會接啲私補 但唔好唔記得私補老師都係老師嚟㗎 賺吓嗰幾百蚊之外都要交足貨嘅🤧 108學會 (希望)逢星期六更新 IG: soc_108

當眾出糗喺人生總係防不勝防 認錯人放響屁呢啲已經不值一提 經典中嘅經典就係喺當事人面前講佢壞話 呢啲情況除左搵窿捐之外 記得一大原則 你唔尷尬 尷尬就係人哋 堅守到嘅話包保你好快七到冇朋友🫠 108學會 (希望)逢星期六更新 IG: soc_108

穿著打扮往往影響俾人嘅first impression 以前聽到smart casual真係𢲷晒頭 避免over或者underdressed都係一門學問 就算一件白T都可以配搭出意想不到嘅效果 當然坊間有名牌或者平民brand任君選擇 只要經營出自己嘅形象就係最好嘅名片 108學會 (希望)逢星期六更新 IG: soc_108

身為億中選一嘅我哋 無論有排名定攞到參加獎 一出世就要參加大大小小嘅比賽 細個就話為咗升學填CV 偏偏人生嘅比賽冇明確準則 大個先明白喺社會到競爭先最難🥹 108學會 (希望)逢星期六更新 IG: soc_108

中小學時一定遇過印象深刻嘅老師 正所謂「師者，所以傳道、受業、解惑也」 老師比起一般職業多咗一層意義 佢地講過某句說話或者做過某個行為 都可能直接間接影響學生嘅一生 係咪難得我地會咁認真呢🤭 108學會 (希望)逢星期六更新 IG: soc_108

記得每逢十集就有特別計劃嘅約定 我地終於一完當年Grad Trip嘅夢 首度一齊衝出香港 去咗台北五日四夜之旅 話咁快呢個podcast已經二十集 喺感動過後都係時候中期檢討吓 之後都要靠各位同學支持🥹 108學會 (希望)逢星期六更新 IG：soc_108

細個大家上PE堂會做啲咩？ 一齊打波定坐喺樹蔭討論奧林匹克嘅意義 雖然唔係個個運動神經都好發達 但呢個時代有咁多選擇 只要你願意一定可以做個運動渣男/女 溫馨提示夏天就到快啲做好準備喇😗 108學會 (希望)逢星期六更新 IG: soc_108

你接受到遲到幾多分鐘？ 正所謂每一分鐘就過左六十秒 為咗提升效率就要把握每一分每一秒 職場上遇到啲豬油膏真係令人燥底 尤其是開會嘅時間過得特別慢 唔通呢啲就係慢活人生😢 PS 一開始收音有啲技術問題請多多包涵🙇🏻‍♂️

對於手機不離身嘅現代人嚟講 接觸到social media已經係日常 遠古嘅MSN進化到而家嘅Instagram 大家都喺社交平台留下咗各種痕跡 當中仲潛藏咗唔少網絡安全隱患 不過最IGable嘅當然係follow我地page啦🤗 108學會 (希望)逢星期六更新 IG：soc_108