Tamalaat, KNR

Ladies circle ukioq manna katersuiniarnerminni peqatigiiffik MAPI katersuiniunniarpaat. Tamanna pillugu oqaloqatigissavagut. Aallakaatitassiortoq: Kaaleeraq Møller Andersen

Qulequttat tallimat najoqqutaralugit eqqartuineq. Ullumikkut oqaloqatigineqarpoq EU-p aningaasaliiffigisaannik nunatsinni suliniutinik ingerlataqartoq Kristine Lynge-Pedersen. Aaqqissuisoq Frederik Lund.

Tamalaat ullumikkut suliffiit aqqusaarneqarsimasut pillugit oqaloqateqarnermik imaqartinneqassaaq. Ullumikkut oqaloqatigineqassaaq meeqqat atuarfianni ilinniartitsisoq maanna Narsami najugaqartoq Hans Poulsen. Aaqqissuisoq Frederik Lund.

Qivioq Løvstrøm ph. D-nngorniarluni una qaammat aallartippoq, nunatta issittumi nunat tamalaallu akornanni politikkikkut allatigullu sunniuteqarsinnaassusaata 1970-ikkunnili nalitsinnut ineriartorsimanera misissussuaa. Tamanna tamalaami sammivarput Qivioq Løvstrøm peqatigalugu. Aallakaatitassiortoq Malu Pedersen.

Spejderit nuummi ukiuni kingullerni sulerisarpammita? Tassunga atatillugu qatanngutigiit spejderit Salik aamma Pilu Evaldsen oqaloqatigissavagut.

Ilimmarfimmi assigiinngitsunik ilinniarnissamut toqqagassaqarpoq. Ilinniaqqinnissamut nalornissuteqaraanni uani toqqagassat tusarneqarsinnaapput Ilimmarfimmi ilinniartunut aqqutissiuisoq Augustine Berthelsen peqatigalugu. Aallakaatitassiortoq: Dagmar Mørch Dalager.

Arctic Circle Race ukioq manna pisussaq pillugu piareersarnerit ingerlanneqalereerput. Inuppassuit piumassusertik tunngavigalugu suleqataasussat assigiinngitsorpassuarnik suliassaqartussaammata suliaat ataqatigiissaarneqarlutillu aqunneqartussaapput. ACR 2024-ip piareersarneqarnera aaqqissuisuneersunik peqateqarluni Tamalaani ullumikkut sammineqassaaq. Aallakaatitassiortoq: Frederik Lund.

Mudi Kramer Berthelsen Nivi Pedersen peqatigalugu tv-kkut piviusulersaarummik nangeqattaartussamik nunatta oqaluttuarisaaneranut tunngasumik suliniuteqarlutik maanna paasissutissanik katersillutik suliaqaleruttorput. Mudi Kramer Berthelsen tunumi angalasoq tamalaami oqaloqatigaarput. Aallakaatitassiortoq Malu Pedersen.

Jens-Christian Jacobsen studiami pulaartoralugu suliffeqarfinni sulinermi namminerlu aallartisaanermi misilittagai aallaavigalugit oqaloqatigaarput. Aallakaatitassiortoq: Kaaleeraq Møller Andersen

Oqaatsit tallimat aallaavigalugit avannaata Provstia Kirsten Teera Grønvold oqaloqatigineqarpoq. Aallakaatitassiortoq: Dagmar Mørch Dalager

Aka Niviaana Mørch Pedersen isiginnaagassiami nageqattaartumi peqataanera pillugu oqaloqatigaarput. Aallakaatitassiortoq: Kaaleeraq Møller Andersen.

Isiginnaartitsisartutut mersortartutullu ilisarisimasarput Hans-Henrik Suersaq Poulsen oqaatsit tallimat aallaavigalugit oqaloqatigissavarput. Aallakaatitassiortoq Malu Pedersen.

Ukioq nutaaq aallarnerlugu peqqinnarnerusumik inuuneqalernissaq ilaannit anguniagassatut siunniunneqartarpoq, anguniagarli angussagutsigu qanoq iliorutta pitsaanerusinnaava? Nerisaqarnermut ilitsersuisoq inunnullu ataasiakkaanut sungiusaasoq Laali Berthelsen tamalaami oqaloqatigineqarpoq. Aallakaatitassiortoq Malu Pedersen.

Juullilernerani ilaqutariippassuarni ulappunnerit piusarput tamannalu meeqqanut aamma ulikkaartooqqajaanarsinnaasarluni. Juullikkunni meeqqat ulikkaartooqqatinnaversaassagutsigit qanoq iliussaagut? Perorsaasoq Pipaluk Olsen tamalaami oqaloqatigaarput. Aaqqissuisoq Malu Pedersen.

Juulleriartornerani ilaqutariinnut pissakinnerusunut ikiuisarneq tusartarparput. Tamakkunannga suliallit Kalaallit Røde Korsiat, Nanubørn aamma Helene og Svend Junges Fondia ukiumut qaangiutilersumut kingumut qiviartillugillu pilersaarutaannik tusarniarfigissavagut. Aallakaatitassiortoq: Kaaleeraq Møller Andersen

Oqaatsit tallimat aallaavigalugit Julius Jeremiassen Atuarfik Mathias Storchip pisortaa toqqaannartumik oqaloqatigissavarput. Ilaatigut eqqartugassat ilagaat atuartitsineq. Aallakaatitassiortoq: Dagmar Mørch Dalager

Peqatigiiffik NAIP-meersut qaammatip tulliani Danmarkimut angalasussanngorput, ilaatigut Danmarkimi kalaallit peqqissartut aliikkusersoriartorlugit. Angalanissamut pilersaarutaat tamakkissoq aammalu ulluni makkunani peqatigiiffiup ingerlattagai pillugit NAIP-meersunik pulaartoqarpugut. Aallakaatitassiortoq: Dagmar Mørch

Quiasaarisartutut ilisarisimasarput Piitannguaq Alaufesen oqaatsit tallimat aallaavigalugit inuunermi eqqarsaatissiisarneri sammissavagut. Aallakaatitassiortoq Malu Pedersen.

Atlantic Music aqqutigalugu nuuteeqqamik nutaamik erinarsoqatigiit Uummatip Nipaa saqqummersitsipput. Uanilu toqqaannartumik aallakaatitsinitsinni Nuuteeraq Ukioq qaangiuttutit pillugu pulaartoqarluta eqqartussavarput. Aallakaatitsisoq: Dagmar Mørch Dalager

Kofoeds skole ulluni makkunani atuisuminnut assigiinngitsunik siuarsaarusullutik suliniuteqarput, ilaatigut inuusuttut unittooqqasut siuarsarusullugit aallartisarlutik. Tamanna tamalaami sammissavarput. Aaqqissuisoq Malu Pedersen.

Arnat assammik arsarlutik nunanut allanut unammisartut, nunarsuarmi pissartanngorniutivinnissaat qallivoq. Tamanna pillugu sungiusaasut ikiortaat, arsartullu marluk pulaartoralugit killiffiannik piareersaataannillu paasiniaaffigissavagut. Aallakaatitassiortoq: Kaaleeraq Møller Andersen

Timersornerup silarsuaani ilisarisimasarput Akutaaneq Kreutzmann oqaatsit tallimat aallaavigalugit oqaloqatigaarput. Aallakaatitassiortoq Malu Pedersen.