Todos os podcast | Pensando en ti

Nos últimos tempos non deixaron de aumentar os chamados "divorcios grises", separacións de parellas de máis de cincuenta anos de idade que levaban varias décadas casadas. Este é o asunto sobre o que convidamos a falar hoxe aos oíntes.

Un grupo de especialistas visita estes dias Galicia para estudar os motivos de que tantas persoas da nosa comunidade cheguen aos cen anos. Preguntámoslles aos nosos maiores cal é o segredo da súa lonxevidade.

Falamos do traballo; das relacións que establecemos alí; dos motivos que nos levaron a exercer unha profesión; de como o compaxinamos coa vida familiar... E ademáis lembramos un clásico da TVG: o "Supermartes"

Preguntámoslle aos oíntes como e onde mercan. Fanno en comercios de proximidade, en grandes suprficies ou por internet? Compran a diario ou semanalmente? Adquiren o que precisan ou son impulsivos? Ademáis Pepe Capelán monta unha foliada no estudo coa súa pandeireta.

Se o caixeiro dun banco lle dese máis diñeiro do solicitado, devolveríao? Se poidese dar marcha atrás na súa vida, faríao? Son preguntas que hoxe lles lanzamos ao nosos oíntes.

Sara Carbonero fala por primeira vez en público do cancro que padece. Hoxe convidamos aos oíntes a vencer o temor a compartir a súa experiencia con esta enfermidade. Ademáis, Isi Rodríguez confesa os seus problemas co peso e asume o reto de adelgazar

A chamada dun oínte convidounos a propoñer este debate: téñeno máis difícil os mozos agora para progresar na vida cos nosos pais? Mentres respondemos á pregunta acompáñannos no estudo dous fieis do programa, Luis Crujeiras e "O patrón do axexo".

Hoxe falamos do do xestacional, ese doloroso proceso que teñen que superar os pais cando perden ao seu fillo durante o embarazo ou ao pouco de nacere. Tamén lle preguntamos aos oíntes se serían quen de defender a un asasino por obriga profesional.

Ao facer unha obra na casa sabemos cando principiamos pero non cando remataremos. Hoxe os oíntes falan dos problemas coas obras; de orzamentos disparados; de demoras esaxeradas; de cambios inesperados no proxecto... E Pepe Capelán traenos lendas das comarcas do Eume e Ortegal.

A chamada de Inma, unha nai que busca un doante de médula para o seu fillo, danos pé a dedicarlle este programa a falar da doazón de órganos. Ademáis, Andrés Breijo resolve consultas sobre o control do consumo de electricidade.

Hoxe dedicamos o programa a falar dos hábitos da xente ao durmir. Debateremos sobre posturas, sobre a roupa da cama, sobre pesadelos... E Isi Rodríguez cóntanos cales son os avións máis grandes e canto custan.

O 34 por cento da poboación sofre algún tipo de tratorno mental. Hoxe falamos deste problema coa sicóloga Ana Diéguez, a pedagoga Laura Pol e todos os nosos oíntes.

Galicia está sendo azoutada esta noite por un violento temporal. Os nosos oíntes fan de reporteiros para comentarnos as súas incidencias.

Se hai un rito popular en toda Galicia é o de ir á feira cata-lo polbo. Hoxe pedímoslles aos oíntes que nos falen de como lles gusta a eles toma-lo polbo e que nos conten os trucos que empregan para cociñalo. Con Pepe Capelán falaremos deste rito e de lendas transmitidas oralmente no noso país.

A raiz dos incidentes provocados na Coruña por siareiros ultras do equipo do Malaga propoñémoslles aos oíntes falar da violencia no fútbol. Ademáis preguntámoslles que farían se soubesen que só lles queda un día de vida.

Isi Rodríguez está disposto a que coñezamos mellor algunhas das persos que marcaron época. Hoxe fíxase na vida de Xaime I "O conquistador". Os oíntes cóntannos que persoaxe histórica é a súa favorita, a quen gustarían de coñecer en persoa.

Estes dias os medios de comunicación están saturados de noticias sobre a guerra: Oriente Medio, Ucraína, Sudán, o Sahel... Preguntámoslles aos oíntes e están preocupados por esta escalada bélica, se eles tiveron algunha experiencia na guerra, se traballan pola paz ou pedìmoslles que nos conten as súas vivencias da posguerra española.

Cada ano diagnostícanse en Galicia máis de seis mil casos de alzheimer. Hoxe esta enfermidade protagoniza o programa. Conversamos coa directora da Asociación de Familiares de Enfermos de Alzheimer e outras Demencias, Elena Vázquez.