Todos os podcast | Pensando en ti

Falamos de cousas GRANDES: casas, animais, mentiras, multas...

Falamos dunha dunha festa tradicional que se mantén nalgúns lugares da nosa xeografía como Ourense ou Redondela: os Maios. E na festa do Traballo pedímoslle aos oíntes que nos conten cousas curiosas da súa profesión.

Os oíntes cóntannos como pasaron tantas horas sen subministro eléctrico; se lles sentou ben desconectar do móbil; se foron xa a mercar un kit de supervivencia; se estiveron preocupados por familiares dos que non tiñan noticias; se a suspensión das clases supuxo para eles un problema; se todo o sucedido os levou a reflexionar sobre o seu modo de vida....

O músico Guillermo Castro, "o rei da bachata", acompáñanos neste programa e fálanos dos maiores retos que tivo que afrontar na súa vida. Os oíntes tamén nos falan deses acontecementos inesperados que supuxeron un punto de inflexión nas súas vidas.

25 de abril, aniversario da revolución dos caraveis. Falamos de Portugal. Recomendamos recunchos que visitar no país veciño ou cousas que mercar nas súas feiras. Escoitamos a súa mellor música. E ademáis preguntámoslle aos oíntes polo seu primeirto coche e a relación que mativeron con el.

Falamos de longas esperas; do tempo que agardamos para conseguir unha cita médica; das ringleiras máis longas que tivemos que facer; dos que se colan; do mal que atinamos ao escoller a caixa do supermercado que irá máis rápido. Esperas ou desesperas?

É o Día do Libro e por iso lle pedimos aos oíntes que nos recomenden un. Tamén preguntamos a que idade aprenderon a ler, quen lles ensinou, se son afeccionados á lectura ou non collen nunca un libro entre as súas mans. E ademáis queremos saber como supera a nosa audiencia os dias malos; que fai para mudar o ánimo.

Dedicamos o programa á morte. Os oíntes cóntannos como afrontan o feito de que van morrer. Escoitamos anécdotas relacionadas coa morte, ou cos velorios. Falamos das persoas que teñen un traballo relacionado coa morte e preguntámoslle á audiencia que desexa que se faga cos seus restos tralo falecemento.

Acompáñanos no estudo o artista tomiñés Gabriel Fandiño, G-Face, que está a piques de principiar unha xira de concertos. Con el e cos oíntes falamos de situacións que xeran moita tensión, dos momentois da vida en que tivemos que superar uns nervos case incontrolables.

Isi pregúntalle aos oíntes polos seus gustos estéticos. Prefiren ás persoas que se maquillan ou ás que non? Son partidarios da depilación dos homes? Apostan por vestidos suxerentes ou pola discreción?

Os oíntes cóntannos anécdotas divertidas, momentos en que meteron a pata ou fixeron o ridículo, cousas que nunca se lles pasou pola cabeza que lles puideran pasar.

Experiencias persoais dos ouvintes e opinións sobre todo tipo de temas, con Raquel Rosa.

Experiencias persoais dos ouvintes e opinións sobre todo tipo de temas, con Raquel Rosa.

Programa de participación dos ouvintes en directo

Con Isi e con dous oíntes, Juan e Iolanda, convidados no estudo, falamos de xogos tradicionais. Volvemos á infancia para lembrar os tempos en que se xogaba ás canicas, ao trompo, ao brilé...

Esta semana conmemórase o Día Mundial do Parkinson. En Galicia ao redor de trece mil familias conviven con esta enfermidade. Neste programa escoitamos aos coidadores, a persoas entregadas ao coidado de enfermos de Parkinson ou doutras doenzas. Coñecemos as súas preocupacións, se dispoñen de axuda, se a buscan, como chegaron a esa situación...

A quen lle deron os oíntes o primeiro bico? Son moito der bicar? Bican ben? Botan de menos os bicos?. A audiencia contesta estas preguntas e ademáis cóntanos que lembran da década dos 60.