Todos os podcast | A crónica deportiva

Mañá remata a rodaxe de Onte á noite conquistei Tebas, de Gabriel Azorín As termas de Bande son o escenario da historia duns mozos portugueses que cruzan a raia para bañárense nelas. Dous mil anos atrás están alí facendo o mesmo uns soldados romanos de idades semellantes. Trata do paso da adolescencia á idade adulta dende a óptica masculina, como salienta a produtora galega do filme, Beli Martínez...

Moncho Lemos comenta “O corpo aberto”, de Ángeles Huerta, que xa se pode ver na plataforma da CRTVG Agalega.gal E das estreas en salas “Escape”, escrita, dirixida e coproducida por Rodrigo Cortés, baseada na novela homónima de Enrique Rubio.

A oitava edición do Festival de Fotografía da Coruña ofrece dúas exposicións de Bandia Ribeira e Sebastián Bruno que retratan Gales tralo proceso de desindustrialización. Ademais, o Ffoco acolle toda unha xornada de actividades ao redor da fotografía documental o sábado 2 de novembro: proxeccions de traballos fotográficos, feira de fotolibros ou un debate sobre fotografía e turismo

Escoitamos con Tito Lesende tres voces imprescindibles da música galega: Nuno Pico, de Grande Amore, galeguizando a Muchachito Bombo Infierno en 'Que pode saír mal';  Álex Guillán, Baiuca, que tocará cando menos tres días seguidos en Santiago a finais de xaneiro e mais Eladio Santos, que publicou recentemente 'Estëreo Estrada', un disco en solitario.

Dia histórico para o San Tirso. Recibe en Riazor o Espanyol de Primeira División na primeira rolda da Copa de Rei. Falamos co seu central zurdo Pablo Vigo. O Castellón-Racing e o Valencia féminas- Deportivo, adiados por mor da DINA. O Racing visita en Copa ao Cuarte aragonés. O Celta pasa tras golear 1-5 ao San Pedro. 

Arranca en Ribeira a sétima edición de Mares da Fin do Mundo. Unha mostra internacional de cinema documental comprometida co medio marítimo e co sector pesqueiro artesanal que se alonga ata o domingo. A película inaugural, esta tarde ás cinco no auditorio, é “Remando a la deriva”, de Sarvnik Kaur.

Raquel C. Pico tráenos as primeiras novelas galegas de pantasmas. De ‘Un ollo de vidro’ de Castelao a ‘A miña muller’, de Wenceslao Fernández Flórez

Comeza na Coruña a oitava edición do Festigual, un festival que reivindica o acceso á cultura para todas as persoas. Do 30 de outubro ao 29 de novembro o encontro ofrece espectáculos de teatro, música e danza, exposicións e obradoiros participativos. 

Manel Cráneo analiza o estado do cómic nas bibliotecas galegas e a creación de bedetecas dedicadas só a este xénero.

O Pontevedra - Levante, adiado para o 7 de novembro ás 20h. Falamos co compañeiro de Apunt, Xavi Alberola, para saber da situación en Valencia e dos aprazamentos de partidos para os equipos afectados pola DINA. O Celta midese ao San Pedro. O Racing, con oito baixas, desprázase por estrada a Aragón para xogar mañá ante o Cuarte. O Baxi mídese en Estambul ao Galatasaray

Carlos Crespo tráenos hoxe un adianto en primicia do primeiro disco de Law, ‘unha moza de Coia’ cun proxecto de autoxestión artística e activismo

A asociación cultural e pedagóxica Ponte nas Ondas promove o 'Mes do Patrimonio Cultural Inmaterial'. Debullamos a programación, que inclúe diversos actos en Santiago, exposicións en Valença e Ourense e unha  gala en Vigo no Día do Patrimonio, o 16 de novembro. 

Patty Castro pica hoxe música de Zënzar, todo un exemplo de resistencia e evolución dentro do rock galego. En 2023 celebraron '35 anos bourando' e agora a súa baixista Laura Romero prepara un proxecto sobre a banda que une música e ilustración. Escoitamos tamén a música de Teima, un grupo de Vimianzo xa disolto que chegou a ser finalista dos Premios Martín Códax.

Analizamos, con Javi Torres e Xosé Manuel Traba a destitución de Imanol Idiakez. Última hora do Racing Club Ferrol - CD Tenerife de hoxe na Malata. O RC Celta segue cos malos resultados lonxe de Balaídos. Comeza mañá a Copa do Rei co SD Compostela - Deportivo Alavés.

Afonso Becerra lévanos ao Circo de Pinocho, de Educateatro Producciones. Circo de carpa en galego que combina o teatro musical cunha selección dos números máis tradicionais do xénero.

25 artistas abren os seus espazos de traballo ao público durante unha fin de semana. A primeira edición de Estudios Abertos desenvólvese en Ourense do 25 ao 27 de outubro, promovido pola asociación cultural A Maquinadora. Visitamos a galería Dodo Dadá e o estudio do artista Manolo Figueiras. 

Eva Mejuto proponnos hoxe dúas historias xuvenís sobre o acoso escolar. I´m Obélix, de Raquel Fernández Fernández, é o último premio Jules Verne de Edicións Xerais. Subnormal, de Fernando Llor e Miguel Porto, é unha BD que publicou en galego Retranca Editora. 

Punto do Racing en Burgos, con lesión do autor do gol, Aitor Gelardo. Preocupación no Deportivo, máis pola imaxe da primeiraa metade ca pola derrota. O equipo está enpostos de descenso. No Celta, Jailson é baixa para seis semanas. O Básquet Coruña recibe oZaragoza e o Breogán recupera a Jordan Davis. Ángela Mataix, do Uni Ferrol, debuta nunha convocatoria da selección española.  

Mañá arranca en Vilagarcía o Curtas Festival do Imaxinario  A vila muda estes días en Gotham City, e mesmo traen o Batmóbil. Quen queiran fotografarse co vehículo mítico disporán dun  photocall  os días 1 e 2 de novembro. Luis Miguel Rosales, director do certame “é a dobre celebración dos 85 anos da primeira aparición de Batman en cómic  e os 35 da súa primeira película” 

Cine de estrea con Moncho Lemos. 'Rita', o debut como directora de Paz Vega. Un desacougante drama familiar de ternura e violencia. 'La gran escapada', de Oliver Parker . Unha historia conmovedora arredor da vellez, protagonizada por Michael Caine e Glenda Jackson.

María Xosé Queizán, Clo Plas, Ana María Caballero ou Elisa Scarpa son algunhas das protagonistas da décimo cuarta edición do Festival Kerouac, que se desenvolve en Vigo entre o 24 e o 26 de outubro. Conversamos con Marcos de la Fuente, un dos creadores deste festival de poesía, música e performance, que tamén ten sedes en Nova York e México.

Tito Lesende pica dúas cancións recén estreadas, 'Aunque yo ya no esté', de Cora Velasco e Carlos Gil e mais 'Ela cando baila', adianto do novo disco de Catuxa Salom. E concertos: música de Gorka Urbizu, o que fora integrante do grupo Berri Txarrak, que estará o sábado 26 de outubro na Sala Capitol de Santiago e de Big Star, que visitan Vigo na xira que celebra o 50 aniversario...

Xa están Javi Torres en Valencia e Raúl Villares en Burgos para as últimas horas do Levante - Dépor e do Burgos - Racing. No Celta, Javi Rodríguez conta de onde sae o alcume de "o puma".  No Obradoiro, Gonzalo Rodríguez Palmeiro tenta manter o equipo afastado da presión malia os malos resultados.

“Quero falar da oportunidade que supón coñecer outras persoas” Entramos na rodaxe en Vigo de ‘As liñas descontinuas’, segunda longametraxe de Anxos Fazáns. Un drama, en Galicia e en galego, con matices de realismo poético que narra o encontro improbable entre unha muller en pleno divorcio e un mozo trans que entra roubar na súa casa.