獨角播

香港影視業喺上個世紀八九十年代迎來黃金期，以至當年好多海外朋友都會學吓廣東話練番首廣東飲歌。 可惜時移世易，呢廿幾年香港藝能界似有啲今非昔比，年青一代可能迷K-Pop 聽 Blackpink 都未必追捧廣東歌，咁海外朋友仲會唔會學廣東話呢？ 今日我哋獨角播好榮幸請來一位早年從香港隻身到高雄，喺當地教授廣東話多年的Sheila老師。大家傾開，先知原來台灣仲有好多朋友熱愛廣東話文化㗎喎。 一連四集訪問Sheila老師嘅第一集，自然要...

過去三集我哋同大家都一齊回顧咗 Mary 姐嘅前世今生，重溫咗佢一路走來的心路歷程。 今集就不如請教吓阿姐佢點睇香港 Standup 呢個產業啦! 又或者咁講，其實 Standup 喺香港成唔成一個產業㗎呢 (咩香港唔係淨係得金融同地產㗎咋咩)？ 另一個值得探討嘅問題，就係今時今日 Social Media 大行其道，人人都係KOL，連大台都要反樸歸真做主播帶貨，咁要喺香港做藝術 （包括 Standup）係咪應該比十年前 Mary 姐入行時易好多呢？ 如果係，...

大家都知道香港最大嘅廣東話棟篤笑組織係 Vivek 領軍嘅爆笑館，Mary姐亦係當年佢地成立嘅其中一個 Founding Member。咁究竟呢個咁有規模嘅香港 Standup 界搖籃，Day One 係點開始㗎呢？呢個組織又點樣一步一腳印咁發展到今日咁有聲有色呢？ 今集就同大家普及一下香港嘅 Standup 歷史。 另外今集亦會聽到 Mary 係好支持同業發展嘅，佢不單做表演，亦開班教Course，更扶持新進者入行，推介同業Performers，確實係一位既有實力又有胸...

好多人話做 Standup一定要講性，粗口同政治，唔係就唔成 Standup。不過唔好意思，我地獨秀就係唔講呢三樣嘢。吓!? 咁我地咪無嘢好講？ 無獨有偶，Mary都話自己唔識 (信不信由你) 講粗口，但係佢依然有好多題目，究竟佢點搵靈感，點 Craft 好篇Speech，今次阿姐佢會毫不保留咁分享你聽。 今集多術語，例如阿丙就問到咩叫 “Open Mic”。究竟 “Open Mic” 係咪即係 Open 支咪然後攞粒電出嚟呢？呢個 Gag 我覺得唔錯㗎，可惜Mary姐只報以...

繼上次請到 KL Standup 界大哥大 Monti 後，獨角播再次請到重量級人物，今次我地好榮幸請到本港 Standup 界其中一個領軍人物 Mary 姐！ 今集係一連四集採訪 Mary 姐嘅第一集。暖吓身先，先問一問阿姐佢作為一位全職 Standup Comedian 前，究竟係做邊行又係讀邊科嘅呢？ 而佢原先嘅專業又點幫到佢依家做 Standup 呢？ 相信好多朋友都係 Mary 姐嘅 Fans，想知更多佢鮮為知嘅一面？今個系列就千其唔好錯過喇！ Mary棟篤笑專頁: https:...

今日黎到訪問 Monti 大哥最後一集，點都要講吓大哥佢點同我地獨角秀結緣啦係咪？ 高佬丙今集亦問咗個阿邦一直好想問但就一直唔敢問嘅問題，係咩？就係：究竟你覺得獨角秀 so far 做得好唔好呢？ 嘩，真係好擔心呀，唔知大哥點評價我地呢？如果你都想知，今集當然(又係) 不容錯過啦！ 同場加映 KC哥 2019年年頭與 Monti 和 Juliana 於大馬初見面嘅點滴。可以咁講，四海之內皆飲茶，尤其係鍾意食嘢嘅KC哥，請佢食地道嘢就啱㗎喇。 最...

上兩集交代咗 Monti 大哥點樣入行，遇上挫折，只好堅持，又堅持，再堅持，終至成名。 但人無千日好，花無百日紅，高手都有走下坡嘅時候，但無相干，重點係堅持，再堅持，再再堅持，終有一日會再創高峰，走出一條康莊大道。 可以咁講，Monti 大哥嘅 Standup 旅程，正正係一個既精彩又勵志嘅海賊王故事。 而同好多大師一樣，Monti “見自己，見天地，見眾生"。 從前努力打拼，今日事業有成，亦能建一派之見，自然想把自己畢生所學傳承...

上集講到一心諗住做歌手嘅 Monti 大哥，喺八十年代嘅英國，佢歌就無得唱喇，但係就因緣際會誤打誤撞咁入咗行做 Standup喎。佢仲要越做越好，做到萬人空巷，一票難求添～ 你見佢 Standup 事業自此一帆風順，今日風光無限好，唔通大哥佢呢幾十年真係一個低潮都無？ 我就唔信喇，正所謂 “十個大哥，九個坎坷”，今集點都要迫大哥講幾個洋蔥位，呃番各位聽眾少少眼淚先，唔係點稱得上 Deep Conversation先～ 想知做大佬有幾坎坷？今集訪...

獨角播做到20集，梗係要搵番個重量級嘉賓黎坐陣啦！今次仲唔只係一位添，係三位呀！ 無錯，今次我哋好榮幸請到來自 KL 嘅殿堂級 Standup Comedian Monti大哥，同埋佢兩位得意弟子 Juliana 和 James～ 話說我地 SUTF 第一次海外 SHOW，就係同呢三位KL好朋友一齊搞㗎喇，果次真係玩得好開心～ 第一集，就等我地聽吓 Monti 大哥呢位 Standup 界嘅大哥大係點入行㗎啦。原來佢本來想做歌手，可惜許冠傑做唔成，最後變咗許冠文，咁都唔錯...

今次去到專訪文迪最後一集，都係時候宏觀一點，要問問文迪對香港設計業界嘅睇法，而佢又對自己設計事業有咩展望呢？ 今集文迪亦提到，設計師其實唔係做藝術，而係設計，即係幫客戶去講佢想講嘅嘢出黎。所以佢一開始幫我地獨角秀做 Poster 前，就為了解我地想講咩嘢俾人知，而睇哂我地 Facebook Page 嘅 所有Post，真係好堅～ 有興趣投身設計眾嘅朋友，呢集不容錯過啊～ #SUTF #播角播

好多人以為做設計師好幸福，可以宅喺屋企淨係對住部電腦就有錢收。如果你真係咁諗，我只能讚你一句好天真好傻。 從來想像很豐滿，現實好骨感，今集文迪就會講吓一個好嘅溝通技巧點樣可以令你成位一個神級設計師。Enjoy～ #SUTF #播角播

"設計師" 呢個頭銜係型嘅，所以好多人都想入行做設計，威威食雞。但係大浪淘沙，幾年下來留得下來嘅高手又有多個呢？今集文迪就會講吓行內嘅辛酸～ 當然今日文迪喺設計界能夠站得住腳，一開始都經歷過掙扎，好彩有家人嘅支持，但問題係點解家人嘅支持呢？原來係一份Powerpoint！想知詳情，今集就唔好錯過喇！ #SUTF #播角播

今次嘉賓利害喇，係我地 SUTF 御用設計師文迪！基本上我地SUTF所有 Poster 同文宣產品都係經呢位阿姐手筆嘅～ 因為老朋友喇，所以今次我哋又係傾唔斷氣，一傾就三個鐘，又錄咗4集～ 第一集，先去傾吓究竟文迪係點加入SUTF，而佢入行經過又係點嘅呢？ 今集亦重點推介兩位新主持，佢哋就係 高佬丙 同 Henry！Enjoy～ #SUTF #播角播

唔經唔覺，去到最後一集嘅O’Kick專訪，今次係時候傾吓呢班大哥未來嘅展望了。究竟呢班大哥黎緊一年有咩有計呢？Live Band 同埋 Standup 有無得 Crossover呢？ BTW，今集亦收錄了新歌《解藥》，保証聽出耳油呀～ 咁精彩，今集專訪 O’Kick 第四集梗係不容錯過啦! O'KICK Facebook專頁： https://www.facebook.com/OkickBand?locale=zh_TW O'KICK YouTube Channel: https://www.youtube.com/channel/UCXl7il3O7eXCRbbVt8RSvaQ #獨角播...

過去兩集先後講咗 Eddie，Kevin，Anthony ，Danny，Terence，Markus 同埋 Raymond 點樣一個一個強勢加盟，過程可以話係命中註定得黎亦相當熱血。今集當然係更進一步要講吓 O’Kick 成軍後點樣成功喺樂壇打出一片天啦！ 老實，每個組識嘅發展都唔容易，尤其係一隊能夠立足香港超過十年嘅樂隊，原來佢哋一開始時都只係喺工廈 “9 Jam”，然後慢慢受邀去 Event 做吓表演嘉賓，再過一段時間先可以喺唔同餐廳巡迴演唱，上年佢地仲自己作埋...

自第一集O’Kick專訪出街後，歌迷爭相熱聽，瞬即喺樂壇做成迴響！ 事件如此轟動，當然係因為佢哋打假 Band 呢個成軍經過係睇到佢哋相當有勇氣，而Eddie，Kevin，Anthony 同埋 Danny 點樣一位一位加入嘅過程，亦命中註定得黎相當熱血～ 今集佢哋呢班大哥進一步入局，簡直係入哂狀態，亦會交代埋 Terence，Markus，Raymond 強勢加盟嘅經過。想了解更多佢哋鮮為人知嘅一面？想知道佢哋更多喺音樂路上嘅奮鬥歷程？亦想聽更多佢哋夾 Band...

今次獨角播好榮幸請來一隊立志透過 LIVE 音樂改善社會風氣，風魔萬千少女，提高青年人內涵，復興經典流行音樂嘅樂隊… 無錯，咁 CHOK 嘅 Profile 都諗到，佢哋就係 O'KICK 樂隊！ 想知道呢隊型男組合嘅前世今天？又佢哋點樣抗戰X十年先闖出今日嘅血路？又佢哋一眾大哥來年嘅發展又係點？就一定唔可以錯過我哋呢一年四集嘅O'KICK專訪～ O'KICK Facebook專頁： https://www.facebook.com/OkickBand?locale=zh_TW O'KICK YouTube Chann...

獨角播 - 第11集《專訪史提芬 (PART THREE)》(2020 0917)

獨角播 - 第10集《專訪史提芬 (PART TWO)》(2020 0913)

獨角播 - 第九集《專訪史提芬 (PART ONE)》(2020 0911)

獨角播 - 第八集《專訪ISG 與 822正能量SHOW回顧(PART THREE)》(2020 0831)

獨角播 - 第七集《專訪ISG 與 822正能量SHOW回顧(PART TWO)》(2020 0828)

獨角播 - 第六集《專訪ISG 與 822正能量SHOW回顧(PART ONE)》(2020 0825)

獨角播 - 第五集《木村拓哉》(2020 0824)

獨角播 - 第四集《跳飛機》(2020 0823)