Ligwalagwala FM Current Affairs

Kutawetfulwa ngalokusemtsetfweni umjovo i-lenacapavir, lohlose kuvikela kungenwa sandvulelangculazi i-HIV.  Kuva kabanti ngalomjovo asamukela Thembi Matshine longumcondzisi etikweni letempilo 

Bundl;ondlobalisiwe budlelwane emkhatsini kweNingizimu Africa neKenya kulandzela kusayinwa kwaletinye tivumelwano letifaka ekhatsi kuhwebelana, tekulima, tebuciko, temidlalo kanye nakuleminye imikhakha. Loku kulandzela kuvakasha kwamengameli waseKenya William Ruto kulelive leNingizimu Africa. Kubuka loluvakasho ngeliso lemhlatiyi, simeme sati ngetemnotfo, Precious Lugayeni.  

Umphatsi welihhovisi letindzaba tasekhaya kulesifundza seMpumalanga Ndalisa Jele ubita bonke labanetinkinga nabomatisi kutsi basondzele kulesikhungo kutotfola lusito ngembi kwekubanjwa kwelukhetfo lwabohulumende basekhaya.

Lokhulumela litiko letemfundvo kulesifundza seMpumalanga Gerald Sambo utsi leComputer Lab lensha letfulwe ngulelitiko ngekubambisana neVodacom Foundation itabasita kakhulu labafundzi labanetidzingo letikhetsekile esikolweni i-Silondokuhle Special School

I Judges Matter itsi kungahle kubematinyana kutsatsela tinyatselo temtsetfo lomantji lowancuma kutsi kuboshwe umshushisi lowehluleka kufika enkantolo. Umcwaningi we Judges Matter Mbekezeli Benjamin utsi loku kungenca yekutsi lomantji sewutsetse umhlalaphansi ngaleyondlela akusekho lokumhlanganisa netebulungiswa. 

Indvuna yelitiko letebulungiswa eZimbwabwe, Ziyambi Ziyambi wetfule ngalokusemtsetfweni uumtsetfosivivinywa wekuchibiyela umtsetfosisekelo waseZimbabwe. Lomtsetfo sivivnyo washicililelwa ngamhlaka 16 February nalapho emalunga emphakatsi aniketwa emalanga langemashumi layimfica kutsi ufake luvo lwawo. Lokuchitjiyelwa kwemtsetfosisekelo kwentelwa kungetela mengameli Emmerson Mnangangwa ngaleminye im...

Munye ebantfwaneni labane bakulelive kubikwa kutsi uphetfwe sifo sendlala siphatamisa kukhula kwemntfwana ngendllela lefanele. Simeme i-Deitician Danisile Lukhele kutosichazela kabanti ngalesifo.

Loluhledlwala lolulandzelako iIEC Wednesdays sikwetfulela ngekubambisana nelikhomishana lelitimele lelukhetfo iIEC. Simeme lokhulumela lelikhomishana esifundzeni sase-Mpumalanga, Thanduxolo Chembeni

Umbiko wemkhandlu lobuke tindzaba tekusebenta kutemfundvo (Education Labour Relations Council) uvete kutsi bangetulu kwa 610,000 bafundzi labaya etikolweni bangenato titifiketi nobe emaphepha ladzingekako. Kukhuluma kabanti ngaloludzaba asamukela umphatsi lophuma kulomkhandlu kulesifundza i-Mpumalanga Moswazi Mabasa  

Kubikwe kutsi kubonakele emabhubezi lamabili ahamba ngasemahhovisini elitiko letasekhaya enkabeni yelidolobha iMbombela itolo ebusuku. Lokhulumela be-Mpumalanga Tourism and Parks Agency (MTPA), Simphiwe Shungube utsi kusatfolakele linye libhubesi kantsi lelelinye sebalikhomba etintsabeni letibheke eMjindi.

Lilunga leenhlangano i-Rise Mazansi, ephalamende,  Makashule  Gana, ucokwe njengasihlalo wakomiti letawuphenya ngematfuba ekukhipha esikhundleni mengameli. Lekomiti kulindzeleke icubungule umbiko lowakhishwa mayelana netinsolo tekutsintseka kwemengameli emalini leyantjontjwa epulazini lakhe iPhala Phala. Simeme lomunye lomele iANC kulekomiti lesukunyisiwe,Doris Mpapane.

Mengameli wase-Kenya William Ruto kulindzeleke avakashele live leNingizimu Africa ngekwesikhundla sakhe kusukela kusasa kudzimate kube nguLesihlanu. Mengameli wakuleli Cyril Ramaphosa kanye nalomlingani wakhe waseveni laseKenya batawukhuluma kabanti ngekucinisa budlelwane kutepolitiki kanye nakutemabhizinisi. Simeme Njingalwati Zamo Mbandlwa kutokhuluma ngaloluvakasho.  

Lucale itolo kusebenta loluhlelo lwekubhalisa timoti letingena kulelive ekubeni benikati bato batibhalise emaveni angaphandle. Kutfola kabanti ngaloluhlelo, sinalokhulumela iSARS Siphithi Sibeko.

Tisebenti letimbili tamaspala we Mbombela kulesifundza se Mpumalanga tivele enkantolo yamantji ngemacala ekukhwabanisa kanye nekuhweba ngemali lengekho emtsetfweni. Simeme lokhulumela luphiko lwema-HAWKS kulesifundza, Magonseni Nkosi kutosichazela kutsi kwentekeni.

Kubuka kutsi njengoba kucala inyanga yebantfu labasha kulelive, ingabe ita nawaphi ematfuba ekufukula lusha. Simeme Umnuzane Thapelo Maleke lophuma ku-Youth Chamber of Commerce.

Lilunga leRise mzansi ephalamende, Makashule Gana ukhetfwe njengasihlalo wekomiti lesukunyuselwe kuphenya tinsolo tekungatiphatsi kahle kwamengameli Cyril Ramaphosa. Letinsolo tisukela embikweni lowaveta kutsi kunetinsolo lekumele atiphendvule mengameli Ramaphosa mayelana naloludzaba lwase-Phala Phala. Kuyihlatiya kabanti lendzaba, sichumana senasi setembangave lesiphuma eUnivbersity of Mpumalanga...

Umbiko losaseluhlaka walelikomit lesikhashana ephalamende lebephenya ngekugcambukela kwepolitiki emsebentini wemaphoyisa usola  indvuna lesekhefini yemaphoyisa Senzo Mchunu ngekuphambuka ngalesikhatsi ahlakata iPKTT.  Simeme umhlatiyi wetebugebengu, Dkt Mxolisi Mathebula.

Umholi wemphakatsi wamaPakistani e-Estcourt esifundzeni saKwaZulu Natal ucela kusekelwa kulandzela kutsi bantfu batitapele etitolo letili-10 letiphetfwe bantfu bekuchamuka ngaLwesihlanu. Sikhulumisana nasihlalo we- Pakistan Association Southern African, Waqar Ahmad.

I-Democratic Alliance (DA) seyivakalise kukhatsateka ngekwandza kwetehlakalo tekugagadlelwa kwebantfwana letibikwe kumasipala wase-Gert Sibande kulesifundza seMpumalanga. Kukhuluma ngalendzaba sichumana nalokhulumela i-DA ehlangotsini labomake, bantfwana nebantfu labakhubatekile, Angel Khanyile

Esigabeni setfu semabhuku, namuhla sibuka libhuku lelinesihloko lesitsi  UTHONGATHI : IZWE LIKASHUKELA lelibhalwe ngu Lungi Mtetwa .

Tinhlangano temphakatsi letibeka imali yato eposini titsi nyalo tindvonsa matima nakumele tikhiphe letimali tato letilondvolotwa eposini. Kuva kabanti ngalendzaba sikhulumisana naMaureen Mokone lovela kulenye yaletihlangano temphakatsi e-Mahushu kulesifundza seMpumalanga kanye neMnumzane Thami Cele lophuma kuPost Bank.

Umtimba lobuke kusebenta kwetinkapani i-Companies Tribunal itsi kusukela kwetfulwa luhlelo lolusha lekusebenta le-Case Management Sytem, sekulula kakhulu kutsi labo labafaka tikhalo bakhone kulandzelela umsebenti wabo. Lomtimba utsi kubalulekile kutsi tinkapani tisebentise tinhlelo tabo ngobe atikhokhelwa kunekugijimela etinkantolo uma banetinkinga etinkapanini tabo. Simeme Dr Simukele Khoza, loph...

Siciwi setinyamatane i-Kruger National Park ihlanganisa iminyaka lelikhulu kulemphelasontfo. Simeme  lokhulumela lesiciwi Umnumzane Ray Thakuli..

Inhlangano yemakomanisi i SACP ihlele kuhola inkomfa yetinhlangano letihambisana nenchubo yebukomanisi. Lenkomfa kulindzeleke ibhunge kabanti ngetingcinamba letibukene nebantfu labadla imbuya ngelutsi kanye netisebenti. Kodvwa kutfola kabanti ngalenkomfa sichumana nalokhulumela i SACP  Mbulelo Mandlana..  

Indvuna lebukele tindzaba tabomake, lusha kanye nalabakhubatekile ehhovisi lemengameli, Sindisiwe Chikunga wetfule ngalokusemtsetfweni umgubho weminyaka lengema-70 yekukhumbusa imashi yabomake yanga-1956. Simcelile Ndvuna Chikunga kutsi atosichazela ngalokwetfulwa ngalokusemtsetfweni kwalomgubho wekukhumbula lemashi..