Ligwalagwala FM Current Affairs

Sihlalo wekomiti lebukele litiko letemisebenti yesive ephalamende, Carol Phiri, uvakalise kukhatsateka ngesimo sesakhiwo senkantolo lephakeme yalesifundza se-Mpumalanga lesiseMbombela. Michael Mdluli uyabika 

Bangetulu kwa 170 000 babanjwa labavalelwe etikhungweni tekuvuselela similo kulelive le Ningizimu Afrika. Loku kuvetwe nguNkomishana wavelonke wetemajele Makgothi Thobakgale kuleliviki. Nkomishana Thobakgale utsi loku kusho kutsi emajele alelive sekagcwele ngalokwecile. Lokhulumela lelitiko Singabakho Nxumalo uyasichazela.

Litiko Letemphilo letfule ngalokusemtsetfweni umkhankhaso wekugoma  i-Human Papilloma Virus (HPV) yemnyaka wa-2026 , Lomkhakhanso kuhlose ngawo kugoma emantfombatane laneminyaka leyimfica nangetulu , ikakhulu labo Grade 5, kuze bavikeleke esifeni semdlavuta wesibeletho i-cervical cancer. Kuva kabanti ngalendzaba sicocisene na- Elizabeth Maseti loyi  Program Manager for Expanded Program o...

Litiko letemanti nekuhlanteka litsi lisebentisana nabo bonke labatsintsekako kwetama kulungisa takhiwoncanti lemosheke ngalesikhatsi kunetimvula letinkhulu letahlasela kulesifundza seMpumalanga. Kutfola kutsi tihamba njani letinhlelo tekulungisa simeme lisekela lendvuna yalelitiko letemanti nekuhlanteka, Umnumzane David Mahlobo.

I SABC itfole ngetimbobo temuhlwa kutsi umholi we-DA John Steenhuisen angeke angenele kukhetselwa kuhola lenhlangano kulenkomfa lekulindzeleke ibanjwe kulomnyaka. Simeme umhlatiyi wetepolitiki lotimele Umnumzane Solly Masilela.

Inhlangano yetitjudeni i-SASCO seyivakalise kukhatsateka ngetitjudeni letivukela eNyuvesi yaseMpumalanga kepha tifike tingalutfoli lusito. Sikhulumisene nasihlalo weSASCO kulesifundza, Justice Matidza

Emalunga emndeni walabavukuti lebagcibedzeleka emayini iLily Mine nga-2016 asola hulumende ngekunganaki lusizi lwabo. Michael Mdluli uyasibikela.

Likomidi lelibukele temphilo ephalamende livakalise kukhatsateka ngekubambeleleka kwekwakhiwa kwesibhedlela lesinsha eMapulaneng eBushbuckridge, kulesifundza seMpumalanga. Mthobisi Mkhaliphi uyasibikela... 

Inhlangano yabohulumende basekhaya kuleli i-South African Local Government Association (SALGA) seyente lubito lwekutsi kuntjintjwe indlela lekwelekelelwa ngayo bomasipala ngetimali. Lenhlangano itsi lemali lengu 10% leyabelwe bomasipala ayikeneli kuhlangabetana netidzingo temphakatsi. Kukhuluma kabanti ngalendzaba asemukele mengameli weSALGA, Umnuzane Bheki Stofile.

INTRO: Ibhodi lebuke kusetjentiswa kwetilwimi kulelive i-PanSALB seyisukumise umkhankaso lobitwa nge-Language Activism Campaign njengencenye yekukhutsata kusetjentiswa kwelulwimi lwelibele. Ngekusho kwePanSALB lomkhankaso uhlose kukhutsata kucocisana kwesive kanye nekwesekela tinjongo te-International Decade of Indigenous Langauges, letibophelele ekuletseni lubumbano nekuvana emiphakatsini. Kepha...

Emaphoyisa esifundza seMpumalanga bekamatasatasa kulemphelasontfo lesiphuma kuyo, njengobe kudzingeke ayotakula bantfu lebebadvwe tinhlanti edamini lapho bashaywe ngumbane kwashona munye. Sicocisana nalokhulumela emaphoyisa esifundza Colonel Jabu Ndubane.

Umndeni waseNkomazi ufuna kubona kwenteka bulungiswa kulandzela tinsolo letitsi babe wentfombatana leneminyaka lengema-24 nakune uyigagadlele sikhatsi lesidze isakhula kantsi nyalo kusolwa kutsi sewugagadlela nemtukulu wakhe. Motsebi wa Monareng uyasibikela..

Bosolwati bagcugcutela bantfu kutsi babuke letinye tindlela tekucosha likati etiko njengoba ematfuba emsebentini ayindlala kulelive. Sikhulumisana na-Memory Mamba loyi-Life Coach kutochushisa bantfu ngetindlela labangatilandzela kwetama kucosha indlala.

Bahlali base-Mooiplaas ngase-Lukwatini batsi sebafile kuhlushwa tindlovu letifohla esiciwini setinyamatane i-Songimvelo.  Motsebi wa Monareng uyasibikela

Sewesulile kulesikhundla sakhe lokhulumela inyonyana i-NUMSA Phakamile Hlubi Majola. Hlubi Majola usula ngesikhatsi lapho lenyonyana itilungiselela inkomfa yavo yavelonke lekulindzeleke  ibanjwe ngasekupheleni kwalomnyaka. Kuyibuka lendzaba simeme solwati wetindzaba tetisebenti Bukani Mngoma.

Sigcawu lebesiholwa lijaji leselatsatsa umhlalaphasi, Jaji Bernard Ngoepe, sitfole mengameli wemajaji e- Mpumalanga Kapa Selby Mbenenge ete licala lelingenta kutsi alahlekelwe ngumsebenti. Mbenenge bekasolwa ngekuhlukumeta ngekwelicasi mabhalane wakhe waphambilini Andiswa Mengo. Utfolwe nelicala lekutsi waba nebudlelwane na Mengo ngekumtfumela imilayeto ngetemacasi. Kusibuka kabanti lesincumo, sik...

Bosolwati ngekutiphatsa kwetisebenti emsebentini bacwayisa ngekutsi nangabe ufake sicelo sekufuna umsebenti kubalulekile kwati kabanti ngalenkapani lofuna umsebenti kuyo, kufika ngesikhatsi nawubitelwe i-interview kanye nekugcoka ngendlela lezitsiule nawubitelwe i-interview. Simeme Patricia Mathabela longumcondzisi wenkapani lebukene netekucashwa kwebantfu kanye nekusentjetiswa kwetimali i-Mewaka...

Sikhulumisana nadokotela wemehlo, Dr Xolisile Zungu ngesifo se-Glaucoma. 

Namuhla eluhlelweni lwetfu simeme umphatsiswa wetemisebenti yesive, temigwaco netekutfutsa, Thulasizwe Thomo kutewukhuluma kabanti ngeluhlelo lekutfutswa kwebafundzi, i-scholar transport.

Esigabeni setfu sekucubungula emabhuku namuhla sikhuluma  ngelibhuku lelibhalwe nguBrenda Nomusa Molefe lelitsi "Relationships with Strings Attached."    

Hulumende wesifundza seMpumalanga utsi uyachubek nekutfolela umsebenti losemtsetfweni labo lababita ngema-crime prevention wardens. Kutosichazela kabanti ngaloluhlelo, simeme umphatsiswa wetekuphepha kwemphakatsi, kuvikeleka kanye nekuchumana Jackie Macia.

Inyuvesi yaseMpumalanga itsi seyisisongile lesigaba sekuphendvula bonke bafundzi labatawube benta umnyaka wekucala kulonyaka. Igcizelele kutsi akukavunyelwa kutsi kube nalabatitela matfupha kutofaka ticelo (walk-ins). Sikhulumisene nalibambela lalobuke kubhaliswa kwebafundzi kulenyuvesi yaseMpumalanga Nokukhanya Shongwe.

Inhlangano yemaJuda lakulelive leNingizimu Africa seyivakalise kudvumala nekushaceka ngalesincumo sahulumeni wakulelive le-Ningizimu Africa, sekucosha lincusa lelive laka-Israel. Lelincusa Ariel Seidman uniketwe emahora langema-72 kutsi abe aphume waphela kulelive leNingizimu Africa, njengobe asolwa ngekudzelela mengameli welive Cyril Ramaphosa etinkundleni tekuchumana. Kuyibuka ngeliso lemhlatiyi...

Mengameli wenhlangano iCONTRALESA, Kgosi Mathupa Mokoena, wenta lubito kubantfu labasha balelive lesebakulungele kuhola kutsi batsatse ematomu kulabaholi balenhlangano lesebakhulile. Motsebe Monareng...

Loyo lobekangumholi wenhlangano lephikisako e-Zimbambwe Nelson Chamisa umemetele kutsi uyabuya  kupolitiki. Chamisa wetfule ngalokusemtsetfweni inhlangano yetakhamuti layibita ngekutsi yi-Agenda 2026 latsi ihlose kulwa nenkhohlakalo kanye nekubanjwa kwembuso ngabhongwane Simeme umhlatiyi wetase-Africa, Advocate Sipho Mantula.