Ligwalagwala FM Current Affairs

Mengameli wase-Melika Donald Trump utsi uyachubeka nekunyusa tindleko tentsela yemikhicito lengena eMelika nga-15%. Lowa Trump utsetse lesincumo ngemuva kwekutsi inkantolo lenkhulu yase-Melika incume kutsi wasebentisa budlabha emandla akhe nakakhuphula intsela yemikhicito lengena e-Melika, kulokunye nga-30%.  Kepha kubuka lendzaba ngeliso lemhlatiyi, simeme Njingalwati Bheki Mngomezulu.

Kufika kwa-Sibusiso Shabangu emhlabeni kwaletsa injabulo emndenini wakhe ikakhulukati kumake wakhe. Kodvwa kutsite ngemva kwetinyanga letintsatfu atelwe wahlaselwa sifo lekutsiwa yi-atopic eczema leyentea imphilo yakhe yaba matima kuze kube namuhla.  Simeme make wakhe Sibusiso  lekungu Ntombenhle Mbambo kutosichazela kabanti ngalokugula lokuphetse lomntfwana.

Namuhla umhlaba wonkhe ubungata lulwimi lwelibele, iInternational Mother Tongue Day. Kulelive leNingizimu Africa hulumende sewucalile kwetfula lulwimi lwelibele njengalekutawufundvwa kuphindze kufundziswe ngalo etikolweni. Kukhuluma ngekubaluleka kwelulwimi lwelibele, kufundza nekufundziswa ngalo, simeme sishikashiki sekusetjentiswa kwelulwimi lwelibele longumetfuli wetifundvo eUniversity of Mpuma...

Indlovana ihlonishwa njengenyanga yekucushisa ngeluhlelo lwetemphilo loluphatselene netitfo tekutalanisa (reproductive health month) ngenhloso yekufundzisa ngekubaluleka kwekuya emacansini ngetindlela letiphephile kanye nekungabi nembeleko ekhatsi kwalokunye. Kepha simeme Dr Simangele Nkosi kutosichazela kabanti ngaloluhlelo.

Esigabeni setfu semabhuku namuhla sikhuluma ngelibhuku lelibhalwe nguKhethiwe Mndawe lelitsi "Jabulani nelibhodo lakhe letimanga." 

Tinyonyana letisebenti tembuso letingaphasi kwe-FEDUSA kanye naletitimele kulindzeleke tibambe tishuce namuhla kuyawetfula incwadzitikhalo emahhovisi esikhwama semshwalensi wahulumende i-GEMS. Letinyonyana tikha;la ngekukhuphula kwe-GEMS timali nga-9.5%. Sikhulumisana nelisekela  lemengameli wenyonyana yabothishela i-NATU, Mandla Mabuza.

Sikhwama lesiselekelela bafundzi ngetimali ikulelive i-NSFAS, sisukumisa umkhankaso wekuchushisa bafundzi basetikhungweni temfundvo lephakeme ngengoti yekugembula. Lobukene nalomkhankaso e-NSFAS Sibongile Mncwabe uyasichazela.

I-COSATU itawube ivakashele tikolo letimbalwa takulesifundza seMpumalanga letikhahlanyetwe timvula takamuva kuyophosa litje esivivaneni. Lokhulumela iCOSATU Zanele Sabela uyasichazela ngalomkhankaso wabo.

Sihlalo wendlu yebaholi bendzabuko kulesifundza seMpumalanga, Kgosi Mathupa Mokoena utsi akahambisani nesento setitfunywa tebukhosi bakaSiphezi, lekubikwa kutsi tifike tavala emagede emahhovisi endlu yebaholi bendzabuko namuhla.

Batali bebafundzi basesikolweni iDayimani eBushbuckridge bavale emagede alesikolo. Nonkululeko Shongwe uyabika

Inhlangano leyengamele telibhola letinyawo e Europe, i-EUFA, isukumise luphenyo ngemva kwemibiko letsi umdlali we- Real Madrid, Vinicius Junior akhonondze ngekubandlululwa ngekwebuve ngulomunye umdlali we-Benfica. Kepha ingabe yinkulu kanganani lenkinga yekubandlulula ngekwebuve ebholeni letinyawo futsi ingabe tinhlangano letilawula lomdlalo tenta ngalokukwanele ekulweni nalenkinga. Sicocisana nem...

Balimi bemhoba esifundzeni saKwaZulu-Natal bacela hulumende kutsi ahlenge inkapani yashukela lenkhulukati kuleli i-Tongaat Hulett. Batakuli bemabhizinisi bafake sicelo sekutsi ivalwe lenkapani ngoba ingasenamali. Kukhuluma kabanti ngalendzaba sicocisene nasihlalo wenhlangano lebuke kutfutfukiswa kwebalimi i-South African Farmers Development Association, Dr Siyabonga Madlala.

Imindeni yalamadvodza lamane lalandvwe eRussia ibonge mengameli Cyril Ramaphosa nemlingani wakhe wase-Russia, ngekubuya kwalamadvodza. Lamadvodza atseleke esikhumulweni setindiza i-OR Tambo ngoLesitsatfu ebusuku ngemuva kwekucitsa sikhatsi ayincenye yalemphi lesemkhatsini kwe-Russia ne-Ukraine. Kwanyalo kusafike emadvodza labane kulaba lebali-17 lebahamba batsi bayoceceshelwa kuba bologadza kepha...

Kuscubuke umlilo esiteshini semaphoyisa e-Schoemansdal kumasipala wase-Nkomazi. Simeme lokhulumela emaphoyisa aseMpumalanga Brigadier Donald Mdluli kutosatisa kutsi kwentekeni.

Lilunga lelikomidi lebukele temfundvo lephakeme nekucecesha ephalamende,  Yanga Govana utsi bafuna timphendvulo kuletikhungo temfundvo lephakeme letichasha bantfu bangaphandle lebanemakhono lakhona kulelive.

Bahlali baseNaledi dvute neMiddleburg kulesifundza seMpumalanga bevakalise kukhatsateka ngemayini i-Seriti lebayisola ngekubadzilitela tindlu tabo. Palesa Sotomela uyabika

Umkhandlu wetimbiwa kulelive utfumela litsimba kuyowelekelela emayini -Ekapa Minerals e Kimberley esifundzeni sase Nyakatfo Kapa, lapho kuvaleleke tisebenti letisihlanu ematfunjini emhlaba. Loku kuta ngemuva kwesehlakalo sekudzilika kwemgodzi kulemayini.  Inyonyana yetisebenti i-NUMSA  icele buholi balemayini kutsi baphumele ebaleni ngetinhlelo lebanato tekuhlanga letisebenti. Kutfola&nb...

Lihhovisi lelibuke kuholelwa kwetimphesheni iSASSA kulesifundza seMpumalanga selicalile ngeluhlelo lekubhalisa kabusha bantfu labahola imali yahulumende. Simeme lokhulumela iSASSA kulesifundza, Senzeni Ngubeni.

Lucwaningo lolwentiwe yinyuvesi yase-Free State lutfole kutsi kunekhemikhali lenebungoti lengaphatamisa umtimba webomake labasebentisa tinsita tekuya emalangeni (sanitary pads) kuleminye yemikhicito lehloliwe naletsengiswa kulelive le-Ningizimu Africa.  Kukhuluma kabanti ngalendzaba sikhulumisana nasosayensi Nokuzola Ndwandwe longumsunguli wenhlangano letimele iTeam Free Sanitary Pads.

iNational Converner yeSADTU Student Chapter Siyanda Mthimkhulu utsi yinyenti lemali lekhokhiswa bothishela lebangasebenti yiSACE.

Live lase Zambia limise kungena kwemfuyo nemkhicito wenyama walelive le Ningizimu Afrika ngenca yakubhedvuka kwesifo sematele lesihlaselle imfuyo yalelive. Simeme umfuyi waseGert Sibande kulesifundza se Mpumalanga, kutotfola kutsi batsikameteke kanganani ngalesifo, Itumeleng Ramofako.

 Inhlangano letimele lekhutsata kufundza i-Book Hive ibuyile futsi nemcimbi wayo weminyaka yonkhe lobitwa nge-Tinganekwane Festival. Lomcimbi uvame kubanjwe etindzaweni letahlukahlukene takulesifundza ngenhloso yekufundzisa kusetjentiswa kucoca tinganekwane kanye nekutfutfukisa lulwimi lweSiswati. Kuva kutsi tisiphatseleni Tinganekwano lonyaka, sicocisana nalokhulumela i-Book Hive, Lungelihle...

Tinyonyana tetisebenti tiphawula ngekwehlukana mayelana naletibalo takamuva letikhululwe lihhovisi laka Stats SA kantsi tikhombise kutsi lehle nga 0.5% linani lebantfu labangasebenti kulelive  Loku kusho kutsi letibalo tehle tasuka ku 31.9 kukota yesitsatfu yemnyaka taya 31.4 kukota yesine yemnyaka wa 2025. Simeme mabhalane we-SAFTU, uMnuzane Zwelinzima Vavi

Lihlehliselwe nge Msombuluko lotako licala lalabasolwa ngekubulala umshayeli wemoti letfutsa bagibeli lebhadalwa ngelibanga lebitwa ngekutsi i E-hailing. Sidvumbu  nemoti ya Isaac Satlat lobekaneminyaka lengema-22 sitfolwe e Atteridgeville evikini leliphelile. Bashayeli be E-hailing batsi bativa bangakaphephi. Kutfola luvo  lwabo labashayeli, sicocisana nalokhulumela inhlangano yabo i-NE...

Sati ngetemlandvo, Khaya Ndwandwe utsi akanawo emandla ekususa esikhundleni lenye Inkhosi yesive lesitsite, Inkhosi Buyelekhaya Dyalindyebo. Loku kuta ngemuva kwekutsi Inkhosi Dalindyebo amemetele kutsi wehlisa esikhundleni Inkhosi Mandla Mandela.