Ligwalagwala FM Current Affairs

Kuleliviki lelive licushisa ngesifo lesihlupha emehlo  i-Glaucoma. Ngekusho kwabosolwati nawungayisukumeli masinyane i-Glaucoma, ingaholela ekutseni ugcine sewuyimphumphutse. Kukhuluma kabanti ngalesifo nekulapheka kwaso, sicocisana na-Sister Carol Mgwenya longumhlengikati wemehlo esibhedlela iThemba, Kabokweni kulesifundza se-Mpumalanga.

 Inhlangano lelwela emalungelo ebantfu labaya esikhatsini i- I Menstruate Movement itsi iyayemukela inkhulumo yendvuna yetemphilo Dr Aaron Motsoaledi kutsi labasikati bangachubeka batisebentise letishubelo (sanitary pads) ngoba akanabungoti lobutsiteni. Loku kuta ngemuva kwekutsi lucwnaingo lolwentiwe yinyuvesi yase-Free State lutfole kutsi letinye taletinsita tinemakhemikhali langahle abeyin...

Inkantolo yamantji e-Nasipoti eMpumalanga imncishile ibheyili umsolwa loneminyaka leli-19 Katlego Mokoena, lobekwe licala lekubulala Lusanda Mathabela, ekhayakubi e-Mataffin nyakenye. Palesa Sotomela uyabika.

Inhlangano lelwa nemikhuba yasenhlalweni i-National Social iIls (NSI) ikhala ngekutsi kushoda kwetindlu letakhiwa nguhulumeni tema-RDP, ngiko lekubeka engcupheni, imphilo yebantfu labadla imbuya ngelutsi. Lokhulumela iNSI Tshepiso Khunou utsi hulumende kufanele aphenye inkhohlakalo leyenteka kuloluhlelo lekwaba tindlu tema-RDP.

Kutfola takamuva ngesimo kanye nekutfolakala kwemitimba yalertisebenti letigcibedzeleke ematfunjini emhlaba emayini i-Ekapa Mine e-Kimberly sikhulumisana nemholi we-NUMSA kuleyandzawo,  Andile Zitho.

Likhomishana lemalungelo eluntfu kulesifundza seMpumalanga licala umkhankaso wekufundzisa bantfu ngemalungelo nekuhlola simo etindzaweni letahlukene talesifundza njengaloku kuyinyanga yemalungelo eluntfuu. Lotasitjela kabanti ngalomkhankaso, ngu Margret Salila lophuma kulo likhomishana lemalungelo eluntfu eMpumalanga.

Inyanga yeNdlovulenkulu eNingizimu Africa itsatfwa njengenyanga yemalungelo eluntfu, lafaka ekhatsi newebantfwana. Bantfwana bakulelive banelilungalo lekutsi bavikeleke baphindze bahlale endzaweni lephephile bangahlukumeteki.  Simeme Dumisile Nala lovela kaChild Line kute sicocisane ngaloludzaba.

Enkhulumeni yakhe yebunjano besifundza Ndvunankulu wase-Mpumalanga Mandla Ndlovu, uvakalise kukhatsateka mayelena nekwenyuka kwetibalo tekuhlukumeta lokweyamene netebulili kulesifundza, iGBV. Sicocisana nemphatsiswa welitiko letekuphepha kwemphakatsi, kuvikeleka nekuchumana kulesifundza se Mpumalanga, Jackie Macia.. 

Esigabeni setfu semabhuku namuhla sikhuluma  ngelibhuku lelibhalwe nguSbusiso Leope lowatiwa ngaDJ Sbu. 

Ngalenyanga yeNdlovulenkulu kucushiswa bantfu labasikati kutsi batihlolele tifo letihlasela sibeletho, njenge Endometriosis. Simeme Dr Nathi Manana loyiGynaecology kutokhuluma ngalesifo.

Inhlangano lebuke tekuvakasha nemapaki kulesifundza, i-Mpumalanga Tourism and Parks Agency (MTPA) itsi iyalwesekela loluhlelo lekucedza kuvalelwa kwetilwane tasendle letifaka ekhatsi emabhubesi, tindlovu kanye nebobhejane. Lokucedvwa kwalomkhuba wekuvalela letilwane kwaphasiswa likhabinethi lakulelive nga-2024, kulandzela kukhala kwetishikashiki letilwela emalungelo etilwane. Simeme lomunye webaph...

Bantfu labanyenti basele babambe wangentansi ngalesikhatsi kuvela kutsi kunesiphakamiso lesitsi umuntfu angasifaka sicelo sekondliwa lilunga lemndeni nangabe lowo muntfu naye lolilunga lemndeni angakhoni kutondla. Loku kuvele ngalesikhatsi ummeli lobukene netesondlo ephikweni letebushushisi, iNPA, Moeketsi Molaudi, abambe umkhankaso wekufundzisa ngesondlo esifundzeni sase Northern Cape. Molaudi up...

Sihlalo wenhlangano yebafundzi iSASCO kulesifundza seMpumalanga, Siyabonga Shabalala ubita bomasitandi kutsi bangabancamuleli bafundzi tinsita ngenca yekutsi NSFAS usengakababhadali.

Kuswelakala kwemanrti lahlentekile ekunatsa kuyachubeka nekuba yinkinga kutakhamuti tesifundza seMpumalanga. Palesa Sotomela uyabika 

Likhomishana la Madlanga kulindzeleke kutsi likhiphe sijubo salo ngeMsombuluko mayelana nesicelo sasomabhiznisi Sulliman Carrim sekufuna kwetfula bufakazi enkhwace. Kodvwa kuva kabanti kutsi ingabe kukhona yini lokuphatsekako kulesicelo sakhesimeme asolwati webugebengu Dr Mxolisi Mathebula....

Inkapani letsengisa timoti, i-Volkswagen South Africa ibite kutsi kujikiswe timoti letingetulu kwa-25 700 ema-VW Polo, letitsengwe emkhatsini kwe-Ndlovana 2025 kunye ne-Ndlovana lonyaka. Likomishana lebatsengi i-National Consumer Commission likucinisekisile kutsi kubuyiselwa emuva kwaletimoti kuyincenye yekuyolungisa ema-handbrakes. Simeme lokhulumela likhomishana lebatsengi iNCC, Phetho Ntaba , k...

 Inhlangano ye-African People's Convetion (APC) kanye nemiphakatsi yamasipala we-Chief Albert Luthuli bahlele kumashela emahhovisi amasipala e-Mayflower kulesifundza se-Mpumalanga . Kuva kabanti ngalemashi simeme lokhulumela iAPC, Freddy Mbhandze.

Naketfula inkulumo yebunjalo besifundza, Ndvunankulu Mandla Ndlovu ukhulume ngemsebenti lowentiwe nguhulumende wesifundza ekuguculeni timpilo tebantfu labasha labasemkhakheni wetekulima. Sinalomunye walabantfu labasha longumsunguli nemnikati wenkapani iEggsellent by Lebo, lekhicita emacandza, Lebo Mashego lophuma e-Kwaggafontein,  kumasipala we Thembisile Hani. 

Sikhulumisena nelisekela lekucala lamabhalane we-SACP kulesifundza se-Mpumalanga, Umnumzane Mandla Tibane mayelana nenkhulumo yebunjalo besifundza leyetfulwe nguNdvunankhulu Mandla Ndlovu.

Umhlatiyi wetepolitiki lotimele Solly Masilela utsi akukho lokutsiteni lokuntjintjile kulenkhulumo yebunjalo besifundza leyetfulwe nguNdvunankhulu waseMpumalanga Mandla Ndlovu. Masilela utsi tetsembiso solo tinye.

Inkhulumo yebunjalo besifundza leyetfulwe nguNdvunankhulu waseMpumalanga Mandla Ndlovu beyigcile etintfweni letinyenti letifaka ekhatsi kusungulwa kwematfuba emsebenti kuya ekuvuseleleni takhiwoncanti. Nkululeko Shongwe uyasibikela.

Mengameli wenhlangano yebaholi bendzabuko i-CONTRALESA lophindze abe ngusihlalo wendlu yebaholi bendzabuko kulesifundza se-Mpumalanga, Kgosi Mathupa Mokoena utsi banetisekile ngalokunye lekukhulunywe nguNdvunankulu Mandla Ndlovu naketfula inkhulumo yebunjalo besifundza.

Umlaphi wendzabuko loneminyaka lengema-40 lobekwe licala lekunukubeta bafanyana lababili ngekwemacansi sewusihocisile sicelo sakhe sebheyili enkantolo yamantji e-Acornhoek, enyakatfo ye-Bushbuckridge e-Mpumalanga. Jabu Ngobeni usolwa ngekunukubeta bafana lababili kantsi ubukene nemacala lamatsatfu ekugagadlela. Motsebi wa Monareng uyasibikela.

Njengoba Ndvunankulu wesifundza se-Mpumalanga Mandla Ndlovu atawetfula inkhulumo yebunjalo besifundza namuhla, banyenti labalindzele kuva kutsi uyakutsintsa yini loku lebakhala ngako batakhamiti talesifundza. Simeme Itumeleng Ramofako lomele balimi basesigodzini sase Gert Sibande kutfola kutsi yini lebafisa kutsi hulumede walesifundza ayente kucinisekisa kutsi balimi abakhasi ngemadvolo kugcine ku...

Itawube ilindvwe ngalabovu inkhulumo yebunjalo besifundza lekulindzeleke yetfulwe nguNdvunankhulu waseMpumalanga Mandla Ndlovu, kusishayamtsetfo salesifundza kusukela ngensimbi yelishumi ekuseni. Kukhuluma kabanti ngaloko lesingakulindzela kulenkulumo yebunjalo besifundza sicocisana nalokhulumela esigungu lesisetulu kulesifundza se-Mpumalanga, i-Members of the Executive Council (EXCO), Umnumzane T...