Ligwalagwala FM Current Affairs

i Mpumalanga Tourism and Parks Agency (MTPA) yemukele tinsita tekulwa nekutingela ngalokungekho emsetfweni eticiwini tetinyamatane takulesifundza. Lokhulumela iMTPA Simphiwe Shungube uyasichazela

Seti setemtsetfo Abigail Ngoben utsi sinemtselela lomkhul;u emsebentini wakhe wetepolitiki umholi  weEFF Julius Malema lesigwebo seminyaka lesihlanu laphanyekwe sona yinkantolo yamantji KuGompo City.

Emalunga eEFF eMpumalanga bekabutsene ngaphandle kwenkantolo lenkhulu eMbombela njengendlela yekwesekela umholi walenhlangano Julius Malema logwetjwe iminyaka lesihlanu yinkapalo yamantji KuGompo City. Simeme umholi weEFF eMpumalanga Colen Sedibe 

Indvuna yetetimali kuleli Enoch Godongwana kanye nemphatsi wesilulu semabhange kuleli Lesetja Kganyago, bahola litsimba lakuleli lelihambele umhlangano we International Monetary Fund (IMF) kanye nesigungu semabhange emhlaba e-Melika kuleliviki. Kubuka kubaluleka kwalomhlangano lobanjwa ngephansi kwesimo semnotfo lesihhedlako emhlabeni, sikhulumisana neMnumzane Lunga Mahlaba lovela kusikhungo Inkun...

Sikhungo lesibuke kuholela timphesheni i-South African Social Security Agency (SASSA) sesicela bonkhe bantfu labatfola sibonelelo sahulumende, labasola kwangatsi imali yabo ivaliwe ngobe bangakayitfoli kulenyanga lephelile kutsi bachumane naso.  Kutfola kutsi kungani kunjalo simeme lokhulumela i-SASSA kulesifundza seMpumalanga Umnumzane Senzeni Ngubeni.

Inkantolo yamantji Kugombo beyilalele kwetfulwa kwesigwebo ecaleni lemholi weEFF Julius Malema. Simeme sati setemtsetfo Abigail Ngobese kutocaciseleka ngalokwenteke enkantolo namuhla. .

Umfundzi loneminyaka leli-14 kusolwa kutsi utibulele esikolweni saseNhlazatje ngaseManzana eMpumalanga kulandzela kweyiwa ngulabanye bafundzi ngemtiumba wakhe lomkhulu. Ngekusho kwabosolwati tivamile tehlakalo tebantfwana lebahlekisa ngetitfo temtimba yalabanye bantfwana etikolweni. Kubuka kutsi yini lengentiwa  bantfwana nangabe bahlangabetana netehlakalo taloluhlobo, simeme sonhlalakahle An...

Tinhlangano tepolitiki tiphefumule ngetindlela letahlukahlukene ngesincumo samengameli  Cryil Ramaphosa, sekucoka Roelf Meyer, njengelincusa lakuleli e-Melika. I-Rise Mzansi itsi Meyer kumele anake kuvuselela budlelwane betemnotfo, kantsi iATM, EFF ne-MKP, tivakalise kungahambisani nalesincumo, tatsi Meyer bekayincenye yebuholi bahulumende welubandlululo. Kuyibuka  kabanti lendzaba ...

Masipala we City of Mbombela uvakalise kukhatsatseka ngekucubuk kwetehlakalo tebantfu lahabamba batitsatsela ngalokungekho emtsetfweni eMaggiesdal nase Mataffin kulelidolobha le Mbombela. Sicele lokhulumela masipala weMbombela, Umnumzane Joseph Ngala kutosiweta.

 Litiko lemfundvo lesisekelo kulelive selente siphakamiso sekuhocisa tifundvo temlandvo wemave aseNshonalanga (European History), kusukela kaGrade 4 kuya kumatikuletjeni. Kuyibhunga kahle lendzaba sichumana nesati setemlandvo Umnumzane Khaya Ndwandwe

Sevele kunetinhlelo tekucinisekisa kuvulwa kabusha kwemayini i Lilly Mine kanye ne Babrook mine letise lLouws Creek ngase-Baberton kulesifundza se Mpumalanga.  Simeme mengameli weAMCU  Joseph Mathunjwa kutewuva kutsi batemukela njani letindzaba. 

Intsatseli ye-SABC leseyingumkantjubovu  Khalesakhe Mbhense utsi umufi Albert Mazibuiko bengulenye yetinsika telicembu le-Ladysmith Black Mambazo.

Sati setemtsetfo Bongani Matsane utsi umholi we-EFF angahle atfole sigwebo lesingasindzi kakhulu enkantolo yamantji e-East London kusasa kulandzela kulahlwa kwakhe ngelicala lekudubula sibhamu emkhatsini webantfu.

Lihhovisi lemtselise kuleli (SARS) licela bacashi kutsi batfumele imininingwane yetisebenti tabo. Loku kuyincenye yekutilungiselela sikhatsi sekugcogcwa kwentsela. Kepha kuva kabanti ngalendzaba asamukele umphatsi welihhovisi lakaSARS eMpumalanga,  Mnu Rupert Ndlovu.

Ucala namuhla lombutsano wekukhangisa tekuvakasha nekuhwebenala emhlabeni i- World Travel Market (WTM) Africa Trade. lobanjelwe eKapa. Sifundza seMpumalanga simelwe yiMpumalanga Tourism and Parks Agency (MTPA). Sicocisana nelilunga lebhodi yesikhashana kaMTPA, Umnuzame Sizile Ndlovu.

Ndvunankhulu waseHungary Victor Orban sewuhalalisele umholi wenhlangano Iephikisako, Peter Magyar, ngekuphumelela lukhetfo lwakulelalive. Orban uhole lelalive iminyaka leli-16. Kukhuluma ngaloludzaba simeme umhlatiyi wetindzaba temave emhlaba, Dr William Mpofu

Tehlulekile kuphuma nelikhambi tinkhulumo betibanjelwe e-Islamabad  kulasePakistan, ngenhloso yekucedza lokuhlaselwa kwe-Iran yi-Melika ne-Israeli. Kuyibuka ngeliso lemhlatiyi lendzaba, simeme Umnumzane Khanya Vilakazi lognumetfuli wetifundvo eUnivewrsity of Mpumalanga. 

Simeme sihlalo lomusha wemkhandlu lohola iDA (Federal Council Chair) Solly  Msimang, losandza kukhetfwa engcugcutseleni yalenhlangano beyibanjwe ngemphelasontfo. 

I ANC yetfule inchubo lensha yekukhetsa labatgawuyimelela njengabosodolobha kubomasipala. Ngekusho kwalenhlangano luhlelo  lwekukhetsa labatayimelela lutawucala emagatjeni ayo lapho kutawulandzelwa tinkambiso letitawucinisekisa kubhobokelana kanye nekuhlonipha imigomo yenhlangano. Kubuka kutsi kusho kutsini loku, simeme umhlatiyi wetembangave, Solly Masilela

Sowatiwako wakulesifundza seMpumalanga lodvume kakhulu etinhlelweni tekuchumana, lowatiwa ngaPhindi the Real Queen uvakalise injabulo ngekucokwa kwakhe kutsi ayoba ngumlingisi emdlalweni  wamabonakhashane Uzalo lodlala nga-20h30 nge-Msombuluko kuya ku-Lesihlanu kuSABC1. Sikhulumisana naye Phindi the Real Queen.

Umeluleki wengcondvo  Zandile Shabangu utsi umuntfu lokhulelwe unetincabekelwane letinyenti lekwenta kube nesidzingo sekutsi bahlonyiswe ngemakhono lakhetsekile kuse bakhone kumelana nebafundzi labakhulelwe esikolweni.

Inkomfa yeDA yekukhetsa buholi ingena elangeni lesibili namuhla lapho kulindzeleke kukhetfwe buholi balenhlangano. Sicocisana nemhlatiyi wetepolitiki khona lakhaya kaSABC, Mzwandile Mbetje.

Balandzeli belizontfo i-Ekhaya Labafundi baka-Jehova kusolwa kutsi bayekeliswe tonke tintfo telive ngekusho  kwabo, letifaka ekhatsi kunatsa imishwanguto yesandvulelangculazi, kusebentisa bomakhalekhikhini, kufundzela imisebenti, nalokunye kokwenta ncono imphilo. Kukhuluma kabanti ngalendzaba asemukele umsunguli nemfundisi welibandla Ekhaya Labafundi bakaJehova, Vusimuzi Sibiya  kanye na...

Namuhla sibuka libhuku lelinesihloko lesitsi Husbands Love Your Wives lelibhalwe ngu-Farai Chamisa longasekho emhlabeni. Chamisa ushona nje lelibhuku lakhe belisengaka shicilelwa. Kepha inkhosikati yakhe  Bongiwe Chamisa lowabese uchubeka nalomsenti wekulishicilela. Sicocisana naye Bongiwe Chamisa ngalelibhuku.

Tinyenti tintfo letikhuphukile kulelive kantsi netikolo tingene esigabeni sesibili sekufundza (2nd term) kuleliviki, kansti sevele ikhushuliwe imali yekutfutsa bafundzi nabaya noma babuya esikolweni, kudla sekuyabita , nebatali labasebentako batitfola sebangena kakhulu ekhikhini nabaya emsebentini. Namuhla simeme dokotela loweluleka ngekwengcondvo Zandile Shabangu kutobuka kutsi batali nebafundzi...