Ligwalagwala FM Current Affairs

Bantfu labanyenti kulindzeleke babuyele emuva emakhaya namuhla njengoba iyaphela lemphelasontfo lendze lekungahle kwenyuse sibalo setimoti emgwacweni. Lokhulumela litiko letekuphepha kwemphakatsi kuvikeleka nekuchumana eMpumalanga Moeti Mmusi utsi emaphoyisa emgwaco atgawube aphume ngetinkhani kutocinisekise kuphepha kwebasebentisi bemgwaco.  

Kulindzeleke afihlwe kusasa Senziwe Hatty Maliba lodvume ngelaNkosatane Nziwe, loyimbongi ledvumile yaseBhevula kumasipala weNkomazi. Ngo 2024 , nguye Maliba lowangenisa mengameli Cyril Ramaphosa nakatowetfulwa inkhulumo yebunjalo belive. Kutfola kabanti ngempilo yakhe, sikhulumisana na Shirley Mawelela, lobuke temasiko nebuciko kumasipala wase Nkomazi.

I-Legal Aid Board iniketa lusito letemtsetfo mahhala kulabo labanganamandla ekukhokhela tindleko tebameli. Nanobe kunjalo, kunemibandzela lebekiwe lekumele ibukwe ngembi kwekutsi utfole lusito kulesikhungo. Simeme Mbuso Lubambo, lophuma kulo lihhovisi leLegal Aiod Board eMpumalanga, kutosichazela kabangi ngekusebenta kwalebhodi.

Namuhla sibuka libhuku lelinesihloko lesitsi "An Oppportunity in a Crisis" lelibhalwe ngulomunye webabhali lebavela eveni leSwatini Ps Khabo Dlamini,

Inyonyana yetisebenti iCosatu kulesifundza seMpumalanga kulindzeleke kutsi ibambe umbutssno wayo wekugubha lilanga letisebenti enkundleni yetemdlalo Kabokweni namuhla. Kutfola kabanti ngalombutsano simeme mabhalane walenyonyana kulesifundza, Umnumzane David Mokoena.

Mengameli Cyril Ramaphosa utsi bonkhe bomaspala bakulelive babukene nenkinga yekuphakela emanti. Ramaphosa abekhuluma emhlanganweni wemkhandlu iPresidential Co-ordinating Council eBoksburg. Simeme ilisekela indvuna yelitiko letemanti nekuhlanteka David Mahlobo kutokhuluma ngaloludzaba.

Njengoba sisonga inyanga yenkhululeko namuhla, sikhulumisana nemhlatiyi wetepolitiki BUkani Mngoma.

Simeme lokhulumela litiko letekuphepha kwemphakatsi, kuvikeleka nekuchumana eMpumalanga Moeti Mmusi kutewuva kutsi emalungiselelo abo angalemphelasontfo lendze.

Mengameli Cyril Ramaphosa sewumemetele kutsi lukhetfo lwabohulumende basemakhaya lutabanjwa mhla ka-4 kuLweti. Sicocisana nalokhulumela iIEC kulesifundza se Mpumalanga Umnumzane Thanduxolo Chembeni .

Bososayensi batfole kutsi bantfwana labatsandza kudvweba imidvwebo, bavame kukhalipha engcondvweni, babuye babe nelikhono lekufundza bavisise. Simeme sati lesibuke kutfotjwa kwengcondvo ngetintfo tesikolo (Educational Pyschologist) Khomotso Malapane lovela etikweni letemfundvo kulesifundza seMpumalanga

Kucamba emanga ku-CV yakho licala lelibovu ngekwemtsetfo locale kusebenta kulenyanga lesetulu futsi ungagwetjwa iminyaka lesihlanu ubhadla ejele. Sikhulumisene nesati semtsetfo Zola Mbatha

Solomane uchubeke njalo lomdvonsiswano emkhatsini kwemalunga emndeni walobekangumengameli wseZambi, Edgar Lungu, kanye nahulumende wakulelalive mzyelana nalapho kufanele ayongcwatjelwa khona. Lungu washonela esibhedlela sasePitoli, nga-June kulomnyaka lophelile. Sikhuluma nje loludzaba solomane lusenkantolo. Kepha labanye banftu bayatibuta kutsi lesidvumbu sakhe sesinjani njengobe sesihleli sikhat...

Emalunga lenhlanganyo  yemphakatsi i March and March ashucela etindlini tesishayamtsetfo sase Gauteng. Simeme Umholi we March and March Jacinta Ngobese-Zuma kutokhuluma naye ngaloludzaba.

Inkantolo yeamantji e Alexandra e Jozi igwebe Bellarmine Mugabe iminyaka lemibili abhadla ejele kumbe abhadale imali lengu 400-thousand wemarandi, ngelicala lekukhomba ngesibhamu-mbumbulu kusigameko lesenteka emaviki lamabili ngaphambi kwekudubula lokwenteka e Hyde Park. Umzala wakhe lasolwa naye Tobias Matonhodze yena ugwetjwe iminyaka lemitsatfu abhadla ejele. Kutfola kabanti ngaloludzaba sikhul...

Akasekho emhlabeni umculi we Opera, Mimi Coertse. Lomculi lohlonishwa mhlaba wonkhe, wendlule emhlabeni mhla tingema-27 kulenyanga lesetulu (27 April 2026), sekaneminyaka lengema-93. Simeme umetfuli weluhlelo lwemculo wemakwaya kulomsakato Ligwalagwala FM, Vusi Manana kutokhuluma naye ngalendzaba

bantfu becayiswa ngekubaluleka kwekugoma kute bativikele etifweni letitsatselanako letiyingoti. Simeme sikhulu lesibuke tindzaba tekugoma etikweni letemphilo kulesifundza seMpumalanga Eugenia Mashabane.

Hulumende uselule kwesikhashana sincumo sakhe sekungafaki intsela lekhokhwa nawutsela emafutsa etimoti, njengendlkela yekuvikela bantfu bakulelive kutsi batitfole babukene nalokunye kukhuphuka kwalentsengo enyangeni letako. Kukhuluma ngalendzaba simeme somnotfo Umnumzane Mandla Malope..

Lelibhangi i Post Bank, litsi liyacala kusasa nemsebenti wekuntjintja emakhadi embala wegolide lahola ngawo sibonelelo sahulumende kaSASSA. Ngekusho kwe Post Bank loluhlelo lutawudvonsa kudzimate kube ngumhlaka 31 August kuwo lomnyaka. Kepha kuva kabanti ngalendzaba sikhulumisana nalomunye webaphatsi bePost Bank, Umnumzane Thami Cele loyi Chief Commercial Officer.

Mengameli Cyril Ramaphosa uchaze lukhetfo lwentsandvo yelinyenti  lwemnyaka wango 1994 njengalelo lekutalwa kwesive lesisha.  Ramaphosa bekakhuluma emcimbini wekugubha lilanga lenkhululeko eBloemfontein. Selihambe kangakanani lelive kucinise inkhululeko lelayitfola eminyakeni lengema-32 leyengcile. Sikhulumisana na-Dr Nsizwazonke Yende umetfuli wetifundvo te-Developmental Studies eUMP&nb...

Uniketwe ibheyili Julius Mkhwanazi loliphini lemphatsi wemaphoyisa amaspala wase Ekurhuleni naloyo longumphatsi walomspala Kagiso Lerutla. Kuyibuka ngeliso lemhlatiyi lendzaba, simeme sati ngetemtsetfo Bongane Matsane....... 

Litiko letekuchumana kanye netebuchwepheshe kulelive seliwuhocisile lomgomo losaseluhlaka iNational Artificial Inteligence Policy. Lucwaningo lolwentiwe betindzaba netifundziswa ngalomgomo loluhlaka lutfole kutsi ayikho yonkhe lentfo lefakwe lapha futsi ingemanga. Sikhulumisana nemetfuli wetifundvo tebuchwepheshe eDUT, Siphimelele Zondi.

Likhomishana lemalungelo eluntfu kulelive, i South Africa Human Rights Commission (SAHRC) lecwayisa bantfu kutsi bacaphele iminingwane lengasilo liciniso njengaloku lelive litilungiselela lukhetfo lwabohulumende basemakhaya. Simeme Umnumzane Eric Mokonyama longumphatsi welihhovisi le SARHC kulesifundza seMpumalanga aphindze abe ngu Acting COO.

Usakhala nalomuhla umndeni walowake wakhulumela litiko letekuphepha kwemphakatsi, kuvikeleka nekuchumana eMpumalanga, Joseph Mabuza lowashona engotini yemgwaco asemsebentini. Lomndeni uvakalise kukhatsateka ngalodvonsa sikhatsi lesidze kwaloluphenyo lwelungekushona kwakhe engotini leyenteka kuN4 ngalesikhatsi sidududu sakhe sishayisana nemoti. Motsebi Monareng uyasibikela

Kuyawube kusindvwe ngebelitfole enkundleni yetemidlalo ePhola ngaseWhite River kulesifundza seMpumalanga njengobe hulumende walesifundza utawube abambe umcimbi  wekubungata lilanga lenkhululeko. Kutfola kabanti ngalombungato sicocisana nemphatsiswa wetemasiko, temidlalo nekukhibika, Leah Mabuza

Konkhe sekume ngemumo enkundleni yetemidlalo i Dr Rantlai Petrus Molemela eBloemfontein, lapho kuyobanjelwa khona umcimbi wekugubha lilanga lenkululeko (Freedom Day) namuhla. Kulindzeleke kutsi mengameli Cyril Ramaphosa etfule inkulumo yelusuku kulomcimbi. Njengaloku inkululeko yalelive seyineminyaka lengema-32, bakhona labayitfokotele kepha kukhona nalabo labatsi kute lokuntjintjile etimpilweni t...