Ligwalagwala FM Current Affairs

Tinhlangano temango setivakalise kukhatsateka kutsi lomhlahlandlela lobuyeketiwe wahulumende  lobuke kungena kwebantfu bangaphandle kuleli kanye nekuvikeleka kwebakhoseli, kungenteka ubhebhetselise kushiyelwa ngaphandle kwebantfu bekufika labete emaphepha kanye nekutsi bangatfoli lusito lwetemphilo. Kutfola kabanti kutsi ingabe kuyaphatseka yini leletikhala ngako letinhlangano simeme sishikas...

Batali bebantfwana labafundza esikolweni i-Tiga Primary School, e-Pienaar ka-Dantjie dvute nelidolobha i-Mbombela batsikamete kufundza nekufundzisa bakhala ngekutsi lesikolo asikho esimeni lesifanele. Kuyiva kahle lendzaba sicele lilunga lemtimba lowengamele lesikolo,  Kutfola kahle ngalendzaba simeme lilunga lemtimba lowengamele lesikolo, Ben Ndlovu.   

Hulumende waseNshonalanga Kapa, i-Amabhangune kanye ne nyonyana iSolidarity bamikise ludzaba lwemtsetfo i Public Procurement Act enkantolo yemtsetfo sisekelo. Nanobe kunjalo, ummeli wabandlakhulu, Ndwako Maenetje utsite sive saniketwa litfuba lelanele lekutsi sifake imibono ngalesikhatsi kusadvwetjwa lomtsetfo. Simeme umhlatiyi wetemnotfo lotimele, Lunga Mahlaba.

I-UNISA  gekubambisana naletinye tikhungo temfundvo lephakeme, ibambe umhlangano wemalanga lamatsatfu lomayelana nekuhlanganiswa kwetinhlelo letinsha nekufundza kumakolishi ema-TVET. Kepha lotasitjela kabanti ngalomhlangano nguNjingalwati Viola T Sambo longumphatsi wesikhungo i-Unisa- UNEVOC Centre.

Licembu leMamelodi Sundowns lehlulekile kusuka esikhumulweni setindiza iOR Tambo International libheke eMorocco ngoba kutsiwa alikayitfoli imvumo yekungena ngendiza kulelalive. Sikhulumisana nentsatseli yetemidlalo kaSABC Mduduzi Ndlovu.

Umndeni waSenzo Meyiwa umashele eUnion Building ePitoli, kuyovakalisa kukhatsateka kwawo ngekudvonsa sikhatsi lesidze kwalelicala lekubulawa kwakhe. Sikhulumisana nabhuti waSenzo, Sifiso Meyiwa

Hulumende kutawufanele abuke tindlela tekwenta kube lula kutfola lusito lwetemphilo emkhakheni wangasese kulandzela sincumo senkantolo yemtsetfosisekelo lesibalule njengaletingekho emtsetfweni tigatjana letitsite temtsetfo i National Health Act.  Kutfola kabanti kutsi sisho kutsini lesincumo ehlangotsini labodokotela simeme Dokotela Mvuyisi Mzukwa longusihlalo wenhlangano yebetemphilo i SAMA...

Inhlangano lecwaninga ngetemaJaji,  i Judges Matter, itsi lesento semholi we-EFF Julius Malema sekugceka tinkantolo ngephandle kwebufakazi. Kulelivike lelengcile  i Helen Suzman Foundation, ifake sicelo enkanatolo lephakeme yase Nshonalanga Kapa, ifuna kutsi Malema akhishwe ekubeni lilunga lekomiti ye-Judicial Service Commission. Sikhulumisana nemcwaningi  weJudges Matter,  Mbe...

Litiko letemfundvo kulesifundza se-Mpumalanga livakalise kudvumateke ngekusha kwesikolo semabanga laphakeme i-Ramoshidi Technical School lesise-Seabe Village kumasipala we-Dr JS Moroka.  Kuva kahle ngalesehlakalo simeme  lokhulumela lelitiko, Gerald Sambo 

Libandla lelibuyeketa tifundvo etikhungweni temfundvo lephakeme lisemkhankasweni wekukhipha ticu letingasadzingeki kulesimo semnotfo lesiphila kuso. Loku kuhambisana nemitamo yekucondzisa temfundvo nekuceceshwa kwemakhono kuze kuhambisane nemisebenti ledzingekako. Kukhuluma ngaloludzaba simeme Njingalwati Jabulani Nyoni lophuma kuCollege of Education eUNISA. 

Kulenyanga kubungatwa iAfrica Month. Sigodzi seAfrica sibukene nekungatinti kutepolitiki nakutemnotfo kanye nekubambelela kwebaholi etikhundleni. Kuyo lenyanga uphindze wafungiswa kabusha Yoweri Museveni njengamengameli wase-Uganda lesekulihlandla lesikhombisa. Kukhuluma kabanti ngalenyanga yema-Africa sichumana nasolwati ngetindzaba taseAfrica, Dr William Mpofu.

Umshushisi ecaleni lekubulawa kwalobekangumabhalane weANCYL Sindiso Magaqa ukhale ngekutsi bofakazi labane kulelicala abasekho emhlabeni futsi sekuphele iminyaka lesitfupha labanye bofakazi bangaphasi kweluhlelo lekuvikelwa kwabofakazi ngenca yokubambeleleka kwalo. Umndeni utsi sesidze lesikhatsi solo balindza kutekwa kwalelicala. Sikhulumisana  nemnakabo Sindiso Magaqa, Lwazi Magaqa.

Umhlatiyi wetindzaba temtstefo Bongani Matsane utsi kuyamangalisa lokwehluleka kufika kwemshushisi enkantolo kulelicala lasomabhizinisi Johny Sibanyoni nalabatsatfu laboshwe nabo enkantolo yamantji eKwaggafontein.

Ligumbi  letekushushiswa kwesive i-National Prosecuting Authority (NPA) lisukumise luhlelo lwekucondzisa emabatsa umshushisi lohluleke kufika enkantolo yamantji e-Kwaggafontein, kulesifundzeni se-Mpumalanga. Loku kuholele ekutseni mantji ancume kulikhipha eluhlwini  lwemacala lasetitsebeni tenkantolo licala lasomabhizinisi lodvumile Johanes "Ferrari" Sibanyoni kanye nalabatsatfu laboshwe...

Sihlalo welikomiti letekutfutfukisa tenhlalakahle ephalamende, Themba Matlou, utsi liyatsembisa likusasa lenhlangano leholela sibonelelo sahulumende iSASSA nakubukwa ludzaba lekusetjentiswa kwetimali.  Motlou utsi bahlenge imali lengu 44 million wemaRandi lebneyihoilelwa bantfu lekungafanele ngabe bebayitfola imali yesibonelelo. Kepha kuva kutsi ingabe bakhone njani kwenta loku asamukele Umnu...

INTRO: Njengobe iNingizimu Africa igubha inyanga yebahlengikati kulenyanga yeNkhwekhweti, luyandza lubito lolutsi bahlengikati badzinga kwesekelwa kanye nekuvikeleka kulobumatima lebabukana nabo lobufaka ekhatsi kudzinwa ngenca yemsebentio lomningi, kuswelakala kwetisebenti kanye nekuhamba kwebahlengikati bayawusebentela emaveni angaphandle. Sikhulumisana namabhalane weDENOSA eMpumalanga Cyril Mdl...

Ngetulu kwekutsi lelive libungata inyanga yetisebenti, tibonakala tandza tisebenti letihehwa ngemisebenti lemihle ephepheni, ekubeni kute liholo letilitfolakalako ngaphandle kwema-commission emkhakheni waka-retail. Linyenti laletisebenti kutsiwa tibonakala emadolobheni tihambisa emapheshana ekukhangisa kantsi letinye utitfola ngekhatsi etitolo tetama kuvulisa bantfu tikweleti.  Kukhuluma ngal...

Mengameli wase Russia Vladimir Putin utawuhlangana nemlingani wakhe wase Shayina, Xi Jingping, e -Beijing kusasa . Kuleliviki leliphelile Mengameli Jingping bekahlangene namengameli wase-Melika Donald Trump. Sikhulumisene nasati ngetindzaba temave angaphandle Advocate Sipho Mantula

 Inhlangano yematekisi iSANTACO esifundzeni saKwazulu Natal ibambisene nenkapani letimele seyisugule umkhankaso wekuvula emakhishi ekudla lokunemsoco lokubita kancane emarenkini lamakhulu akulesifundza. Simeme  lokhulumela iSANTACO KwaZulu Natal, Sifiso Shangase.

Emaphoyisa akulesifundza seMpumalanga ayachubeka neluphenyo lwawo mayelana nekubulawa kwalosolwa ngekuba ngungcondvongcondvo ngetehlakalo tekubulawa kwabobhejane Joseph "Big Joe" Nyalunga ngemgcibelo emini. Motsebi wa Monareng uyasibikela.

Sikhungo lesilawula ticiwi temvelo kulelive (SANParks) sitsi sesimtfolile lomuntfu losolwa ngekushayela budlaba imoti yakhe ekhatsi esiciwini setinyamatane i-Kruger National Park (KNP). Sitfombe lesinyakatako sikhombisa umshayeli lobekagijimisa imoto ngelitubane lelisetulu, awela  nemfula ngalokungekho emtsetfweni aphindze ashayela nasemigwacweni levaliwe. Lokhulumela i-SANParks, Ray Thakhuli...

Namuhla lilanga lekuchushisa ngesifo se high blood pressure emhlabeni wonkhe jikelele, iWorld Hypertension Day. Umkhankaso walonyaka uholwa yinhlangano i-World Hypertension League legcugcutela bantfu kutsi babe nendlela yekusilawula lesifo njengekusho kwesicubulo salomnyaka lesitsi "Controlling Hypertension Together,". Kukhuluma ngalesifo sicele Sister Busi Khandabila lekangumphatsi egumbini letif...

Namuhla umhlaba wonkhe ubungata lilanga lekufundzisa kabanti ngendzaba yekunyembenywa kwebantfu labatsandzaba ngebulili lobufanako,kanye nekugcugcutela kwemukeleka kwabo emiphakatsini. Sikhulumisana nalomunye lolilunga lemphakatsi weLGBTQIA+, Smangaliso Mabunda

Emaphoyisa alesifundza iMpumalanga aphenya ngekubulawa kwalomunye walabasolwa ngekuba bongcondvongcondvo etehlakalweni tekubulawa kwabobhejane, Joseph "Big Joe" Nyalunga. Nyalunga, lekusolwa kutsi uyincenye yelicembu letigebengu letitingela bobhejane, udutjulwe ngephandle kwelibhizinisi layo eMkhuhlu ngase-Hazyview. Kutfola kabanti sichumana nalokhulumela emaphoyisa eMpumalanga, Mavela Masondo&nbs...

Uboshiwe loyo losolwa ngekuba ngumchumanisi wabosopolitiki Brown Mogotsi. Ummeli wa- Mogotsi, Radasi Sekgatja utjele betindzaba te SABC kutsi lokuboshwa kwakhe kwenteke ngemva kancane kwekucedza kwkahe kwetfula bufakazi ekhomishaneni laMadlanga..Ngekusho kwemaphoyisa Mogotsi uboshelwe licala lekutsikameta kusebenta kwemtsetfo kulandzela tinsolo tekuhlela sehlakalo sekutibulala. Kubuka kutsi kusho...