Ligwalagwala FM Current Affairs

I ANC itfumele emalunga lasihlanu lasetulu ekomitini lecondzisa emagwegwe. Lamalunga afaka ekhatsi labo bebatindvuna bo Bheki Cele na Sisisi Tolashe. Kodvwa kutfola kabanti kutsi ingabe sishoni lesinyatselo se ANC sikhulumisana nemhlatiyi wetepolitiki Njingalwati Ntsikelelo Breakfast ...

Sekucokwe litsimba letindvuna tahulumende lelitawubukana nalemibhikisho yekucosha bantfu labate emaphepha lasemtsetfweni ekuba kulelive.  Sikhulumisana nemhlatiyi wetembangave Solly Masilela kutobuka umtselela walemibhikisho kanye nemsebenti walelitsimba.

I-South African Funeral Practitioners Association (SAFPA) itsi bangetulu kwa 20-thousand bangcwabi labangakabhaliswa ngalokusemtsetfweni kulelive.  Lenhlangano itsi lenkinga yandze kakhulu emalokishini, futsi iletsa kukhatsateka ngekuhlonisha kwemigomo yetempilo, kuvikelwa kwemakhasimende kanye nekwentela bantfu imingcwabo lenesitfunti. Simeme Lebo Mnisi lokhulumela i SAFPA.

Balimi babukene nekuswelakala kwabomanyolo kanye nekumba ecolo kwetitsako letidzingwa titjalo tabo. Kungako labanye sebacale kubuka letinye tindlela tekuvundzisa umhlaba wabo lokufaka ekhatsi kusebentisa umcuba nalokunye. Kodvwa kutfola kabanti kutsi yini lengentiwa balimi kulesimo sikhulumisana nemlimisi Umnumzane Samuel Nyoni.

Umphatsiswa welitiko letekubusa ngekuhlanganyela, kuhlaliswa kwebantfu kanye netindzaba tebaholi bendzabuko Speed Mashilo ukhiphe secwayiso kumakhosi mbumbulu kutsi akahlukane nalomkhuba njengobe loko kungawaholela ekutseneni bangene enkingeni. Lomphatsiswa utsi inkosi lesemtsetfweni kumele ikhiphe sitifiketi lesivela kuhulumende.  Kutfola kabanti kulendzaba, esikhulumisana nasihlalo  we...

  Luphiko lwesichazamagama kulelive iNational Lexicography Unit lutawusebentisana neNyunivesi yaseMpumalanga kuttfutfukisa kusetjentiswa nekulondvolotwa kwelulwimi lweSiswati. Loku kulindzeleke kwentiwe ngekubhala sichazamagama ngenhloso yekutfutfukisa Siswati njengelulwimi lekufundza kanye nekukhulunywa emangweni. Kepha lotasichazela kancono ngalobudlelwano ngulobambe njengemhleli lomkhulu k...

Licembu lekucala lebantfu baseGhana kulindzeleke liphekeletelwe emakubo kuleliviki. Lokufuna kubuyela eveni labo lenkhaba, kulokunye kubangwe ngulemibhikisho lebanjwe emadolobheni lambalwa kulelive lebita kutsi bantfu labangene ngalokungekho emtsetfweni ababuyele emaveni abo. Sikhulumisana na Dr Vusi Sibanda lovela ka African Diaspora Forum.

Mengameli wenhlangano lelawula kusebenta kwabomasipala iSouth African Local Government Association (SALGA) Bheki Stofile sewugcugcutela sive kutsi sisukume siletse tetfulo taso ngaloluhlaka lemculu lowengamele kusebenta kwabomasipala (White paper on local government). Letetfulo kutsiwa kufanele tentiwe ngembi kwamhla  ka-28 May 2026. Kukhuluma kabanti ngalendzaba sikhulumisana naye umengameli...

Hulumende wakuleli sewubite bantfu bakulelive kutsi bangawephuli umtsetfo ngetulu kwekutsi lelive lisabukene netinkinga tetemnotfo kanye nekuswelakala kwematfuba emsebenti. Hulumende ukhutsata kutsi kube nelubanjiswano njengoba kugujwa lilanga iAfrica Day. Kute sicoce kabanti kutsi yini lekufanele yentiwe kute lamave acedze buphuya nendla  simeme sati ngetemnotfo netaseAfrica, Dr Nkosikhulule...

Hulumende wakuleli leNingizimu Africa ubungata lilanga iAfrica Day ngephansi kwesicubulo lesitsi  "Sport and Culture, Catalysts for Climate Action". I Africa live leligcame ngetilwimi letahlukahlukene, kuhlonishwa kwemasiko nemihambo yesintfu kanye nalokunye. Kubuka kutsi isalandzelwa yini imihambo yesintfu ikakhulukati ekulondvolotweni kwelulwimi. Simeme Jabulani Mayisela lobambe njengemhlel...

Tiphatsimandla tasesiciwini setinyamatane i-Kruger National Park  titsi tisamangele  kakhulu ngalesehlakalo sekutfolakala kwetidvumbu letimbili tetivakashi enkanjini i-Pafuri, dvute nemfula iLevhubu, kuso lesiciwi.  Lesehlakalo senteke ngaLesihlanu kuleliviki leliphelile kantsi kutfolakele nekutsi lalababili titsandzani.  Kuva kabanti ngalesehlakalo sichumana nalokhulumela lesi...

Mengameli wase Senegal Bassirou Diomaye Faye ucoshe Ndvunankulu Ousmane Sonko, wahlakata nahulumende walelalive. Simeme umhlatiyi wetembangave Umnumzane Sandile Swana kutotfola kahle kutsi kusho kutsini loku.

Emave akulengabadzi ye-Africa namuhla abungata lilanga lema Africa i-Africa Day. Kukhuluma kabanti ngalelilanga sikhulumisana nesati semlandvo lesitimele Umnumzane Khaya Ndwandwe.

Inyanga ya May ibalulwe njenge-Africa Month kantsi kusasa kutawube kubungatwa lilanga i-Africa Day. Lelivekati le-Africa linotse  kakhulu ngetelulwimi, temasiko, buciko, inhlobipho kanye nelubumbano. Kepha tifundziswa letinyenti tisanebumatima bekucwaninga tintfo  letitsite letihambisana nekutfutfukisa temfundvo ngelulwimi lwasekhaya. Njengendlela yekubungata lenyanga yema-Africa, sicoci...

Lucwaningo lolwentiwe tinhlangano tebantfwana lukhombisa kwenyuka kwesibalo sebantfwana lebahlukunyetwako kulelive. Kukhuluma ngalesimo simeme Dumsile Cele loyi-CEC ka-Childline South Africa 

Sewuyasondzela umncamulajucu lobekelwe tinhlangano letingekho ngaphansi kwahulumende kutsi tifake ticelo tekusitwa ngetimali ngumkhandlu we-National Heritage Council. Lona ngumklamo wahulumende lobitwa nge-Presidential Employment Stimulus (PESP). Kutfola kabanti, sicocisene na Bongiwe Magasela, Funding Manager ku-National Heritage Council.

Kuyobe kuhaywa ingoma kuhlokoma yonkhe  inkhundla yetemidlalo i-Mbombela Stadium namuhla njengobe i-Orlando Pirates itfolala etulu ne-Orbit College emdlalweni wekugcina weBetway Premiership yalesizini. I-Pirates kudzingeka iwuphumelele lomdlalo kuze iphakamise lendzebe ye-Betway Premieship kantsi ne-Orbit idzinga emaphuzu lamatsatfu kuze ichubeke nekudlala ku-Betway. Sinentsatseli yeSABC Mich...

Esigabeni setfu semabhuku, namuhla sibuka libhuku lelinesihloko lesitsi "And Orphans Cried tearless cries" lelibhalwe ngu Sabelo Fakude. 

Litiko Letebulungiswa litsi tibalo takamuva tikhombisa kuwandza kwemacala ekudlwengulwa kwebantfwana labasebancane ngemnyaka (statutory rape)  kulomnyaka timali  wa 2025/26 Kuyibuka  lendzaba sikhulumisana na Ntombi Matjshila, loyi-Registrar ku-National Register For Sex Offenders etikweni letebulungiswa.

Libamba lendvuna yetemaphoyisai Firoz Cachalia, utsi lizinga lekubulala lehle nga 9.5% kantsi nebugebengu lobunebudlova behle nga 4.6%. Cachalia bekaftula tibalo tebugebengu lebenteke emkhatsini wenyanga ya January na March kulomnyaka.  Kepha kubuka letibalo tebugebengu  letikhishwe namuhla asamukele sati ngetindzaba tebugebengu Dr Mxolisi Mathebula..

Inyanga yeNkhwekhweti yinyanga yekuvikelwa kwebantfwana. Kepha namuhla sitsite asesibuke indzaba yekunakekelwa kanye nekukhuliswa kahle kwemntfwana wemfana. Kubuka emkhakheni wetemfundvo kutsi yini lebayentako kucinisekisa kutsi umntfwana wemfana akasaleli emuva ecingweni sikhulumisana neliphini lendvuna yelitiko letemfundvo Dr Reginah Mhaule

Baphatsi be Mbombela Stadium bugcugcutela bantfu kutsi bafike ngesikhatsi  emdlalweni we Orlando Pirates ne Obirt College. Kutfola kabanti ngemalungiselelo, sinalokhulumela  lenkhundla yetemidlalo, Mthuthuzeli Zondo 

 Emandla emali yakulelive alimele kulandzela kwenyuka kwe inflation nga 4% kulenyanga lephelile. Bosomnotfo batsi loko kundlondlobaliswa ngulokushuba kwesimo eMiddle East kanye nekumba ecolo kwemafutsa etimoti. Tibalo takamuva letikhululwe yi-Stats SA tikhombisa kwenyuka kwnkomba yetintfo letitsengwako iConsumer Price Index (CPI) ngeliphesenta linye. Kuyikhuluma nemhlatiyi wetemnotfo sichuman...

Lokhulumela inyonyana yetisebenti i-COSATU Zanele Sabela uphawula ngaletehlakalo tekucoshwa kwebalabanganamaphepha lasemtsetfweni kuleli.

Lihhovisi  lemtselisi i-SARS litsi kusukela mhla lulunye kulenyanga leyitawetfwasa ya-June tonkhe timoti letingena naletiphuma eminceleni yakulelive ikakhulukati leto letivela kumave langaphansi kwe-Southern African Customs Union (SACU)  sekutawufanele tibhalie ku-SA Traveller Management System. Sicele lotasitjel kabanti ngaletingucuko, lekungulokhulumela iSARS, Siphithi Sibeko.