Ligwalagwala FM Current Affairs

Ummeli lotimele Bongane Matsane utsi besifanele  lesincumo  senkantolo lenkhulu yaseKapa lesivumelana nesicelo semengameli sekufuna kumisa luhlelo lwasephalamende lekufuna kukhipha umengameli esihlalweni. Mengameli Cyril Ramaphosa bekafuna lenkantolo imise kwesikhashana loluhlelo  lwasephalamende njengoba afuna kubuyeketwe kucala umbiko we-section 89.

Kutsi imfundvo ayikhulelwa, kubonakele ngalesikhatsi inyunivesi iUNISA itfwesa ticu tebudokotela Gogo Fatima Mkhomazi losaneminyaka lengemashumi lasikhombisa nakutsatfu (73 years). Dkt Mkhomazi, uftweswe  tincu ngemuva kwekucwaninga ngesihloko lesitsi Kuvetwa Kwelulwimi Lwebunkondlo Kumibhalo Yebuciko: Kubukwa Kabanti Tinkondlo Letikhetsiwe Tesiswati.  Kepha kuva kutsi lubuyaphi lolugcoz...

Sekusuke lomkhulu umsindvo nekuhlukana ekhatsi etinhlanganweni tepolitiki kulaseZimbabwe ngemuva kwekutsi liphalamende lakulelalive liphasise tichibiyelo temtsetfos-sekelo letelula sikhatsi semengameli Emmerson Mnangagwa. Sikhulumisana nemhlatiyi wetepolitiki Njingalwati Bheki Mngomezulu 

Sikhungo setekuvakasha nemapaki iMpumalanga Tourism and Parks Agency (MTPA) besihlangane nebalingani baso baseSwatini neMozambiki ngenhloso yekucinisekisa kuphepha nekunakekeleka kwetivakashi letihambela  lamave lamatsatfu. Lokhulumela iMTPA Simphiwe Shungube uyasichazela. 

Njengaloku inyanga yaKholwane itsatfwa njengeyekugcugcutela konga imali, inhlangano leyeluleka bantfu ngetikweleti, i-National Debt Counseling Association icwayisa bantfu kutsi batame ngako konkhe lokusemandleni kucedza lomkhuba wekuboleka imali, bese batifundzisa konga. Simeme umsunguli wenkapani lebitwa nge-National Business Leaders (NBL) lecushisa bantfu ngetindlela tekonga kanye nekubekela lik...

Umhlatiyi wetemnotfo Prescious Lugayeni utsi yintfo letayelekile kutsi bohulumende baboleke imali ku-World Bank. Loku kulandzela kukhala kwenyonyana iSFTU ngekuboleka kweNingizimu Africa imaali lebalelwa ku-R25 billion. Lugayeni utsi kukhatsateka ngetinsolo tenkhohlakalo lekhungetse lelive akusho kutsi hulumende angasaboleki imali yekutfutfukisa takhiwoncanti.

Mabhalane wenyonyana yetisebenti iSAFTU Zwelinzima Vavi utsi abakwemukeli kuboleka kwalelive imali ilebalelwa ku-R25 billion ku-World Bank. Vavi utsi ayinekelwe sive imigomo nemibandzela lehambisana nalesikweleti.

Mengameli wesikhungo se Disaster Management Institute of South Africa Lebogang Mosotho utsi baholi bendzabuko kumele bafake sandla emitamweni yekwehlisa tinhlekelele. Loku kuvetwe kulomhlangano webaholi betinhlaka letilwa netinhlekelele lebangetulu kwelikhulu lebafaka ekhatsi baholi bendzabuko lobanjelwe eMbombela kulesifundza seMpumalanga,  lobitwa nge-Landmark Disaster Risk Reduction and Ea...

Lokhulumela iCOSATU Zanele Sabela utsi sitawuba nemtselela lomubi emangweni  siphakamiso sePick n Pay sekufuna kudzilita tisebenti letilinganiselwa ku-22 000.

Inhloko ye-IDAC Advocate Andrea Johnson uhlangene netimbila titfutsa ngalesikjhatsi avele phambi  kwelikhomishana laMadlanga.  Solwati ngetebugebengu Liso Nobanda utsi indlela bekaphendvula ngayo imibuto yalelikhomishana lowa-Johnson, ubonakala abeka i-IDAC engcupheni. 

Litiko Letekuphepha kwemphakatsi, kuvikeleka nekuchumana eMpumalanga litsi kuhambe ngaphandle kwetinkinga kumikiswa kwebantfwana etikolweni njengoba betivulwa itolo. Lokhulumela lelitiko Moeti Mmusi uyasichazela. 

Imboni yetjwala ikhala ngekutsi lesiphakamiso selihhovisi lemgcini-mafa velonkhe sekufuna kukhuphula intsela yetjwa singahle sibhebhetselise lomkhuba wekutsengiswa kwetjwala mbumbulu. Loku kuvela ngesikhatsi lapho lihhovisi lemgcinimafa libuyeketa tindlela tekutselisa. Labo labatsengisa tjwala bakhala nangekutsi loku kutawuholela ekulahlekeni kwemisebenti. Simeme Bongani Ntuli, longisihlalo wenhla...

Esigabeni setfu setindzaba telukhetfo ngaboLwesitsatfu neIEC, namuhla sibuka lubito lolwentiwe ngulelikhomishana kutsi tinhlangano tepolitiki kanye nalabangenele lukhetfo ngekutimela ababhalise kusenesikhatsi ngekusebentisa ngekusebentisa buchwepheshe besimanjemanje (online platform). Sinalokhulumela iIEC eMpumalanga Thanduxolo Chembeni kutosichazela.

  Sihlalo welicembu lelibholla letinyawo i-Amazulu Sandile Zungu, utsi naye sewukulungele kuba ngumengameli we SAFA. Lowa Zungu, uvete loku ngalesikhatsi asukumisa ngalokusemtsetfwenu umkhankaso wakhe. Zungu ucela incabhayi  Danny Jordaan, lokunguye lophetse lesikhundla semengameli we SAFA. Kuyihlatiya lendzaba, sicele umetfuyli wetemidlalo ku-Ligwalagwala FM, Sibusiso "SD" Mashabane. &n...

Cishe sekuphele iminyaka lemine solo kute lokwentekako esibhedlela lebesilapha tigulane letiphetfwe sifo sesifuba iSANTA, eMjindi, eBarberton kulesifundza seMpumalanga. Lokhulumela litiko letemphilo eMpumalanga Dumisani Malamule utsi lesibhedlela siyalungiswa kuze sicale kwenta umsebenti lomusha wekusita bantfu lebasindze etingotini temgwaco. 

Kusuke umsindvo kubuholi besikhwama semphesheli yetisebenti tembuso iPublic Investment Cooperation (PIC) kulandzela kumiswa kwe-CEO Patric Dlamini. Kubuka kutsi kungani kunalomsindvo, asemukele umhlatiyi wetemnotfo, Khaya Sithole.

Tiyandza tehlakalo lapho bantfu labashadile babonakala etiinkundleni tekuchumana banekela live tinkinga lebabukene nato etindlini. Umgcugcuteli ngetekuhlalisana Jerry Khoz ugcizelela inkhulumo yalabadzala letsi tibi tasendlini atikhishelwa ngaphandle.

Sikhungo lesilwela emalungelo ekuhlomula emnotfweni walelive,  i Socio-Economic Rights Institute of South Africa (SERI), sibita ikomiti yasephalamende lebukele tekulima nekuhlelwa kabusha kwemhlaba, kutsi ingenelele kulenkinga yeticelo temhlaba lesetimile tingasonjululwa. Ngale kwaloko i SERI ifuna lekomiti ingenelele kulesicelo semhlaba lesesidvonse sikhatsi lesidze semndeni waka Nkambule, e...

I Nyunivesi yaseMpumalanga (UMP) seyetfule ngalokusemtsetfweni sikhungo sekuchubeka nekufundza nekuhlomisa umphakatsi ngemakhono lahlose kucinisekisa intfutfuko eveni. Kukhuluma kabanti ngalesikhungo simeme lokhulumela iUniversity of Mpumalanga, Tlangelani Ubisi

Somabhizinisi lobuye abe ngusihlalo wecembu le-Amazulu, Sandile Zungu sewuphakamise sandla kulabo lebafuna kunmgenela lukhetfo lwemengameli weSAFA. Kuyibuka lendzaba sikhulumisana nemhlatiyi wetemidlalo, Abel Mpika

Indvuna yelitiko lagezi Kgosientsho Ramokgopa ugcizelele  kutsi letehlakalo letenteke esiteshini lesiphehla gezi i-Koeberg kuletinyanga letimbili  letendlulile  betingasiyo ingoti  etisebentini noma esiveni. Simeme Princess Mthombeni lophuma ku-Nuclear Africa kutokhuluma ngaloludzaba.

Inyonyana yabo thishela i National Teachers Union (NATU)  itsi iyakwemukela kusukunyiswa kweluphenyo ngetinsolo lelitsintsa lomunye wetikhulu talelitiko losolwa ngekutsengisa umsebenti webuthishela. Kune video lesabalele etinkundleni tekuchumana lekhombisa lesikhulu sicabana nenkhosikati yaso losisola ngekutsi sitsengisa umsebenti webuthishela. Sikhulumisana namabhalane weNATU, Mathemba Mabij...

Libuya namuhla emakhaya litsimba le-Trek4Mandela lebeliyocanca intsaba i-Mount Kilimanjaro lese-Tanzania ngenhloso yekucokelela timali tekusita bantfwana bemantfombatana labatfolakala bangayi esikolweni ngenca yekutsi abanawo ema sanitary towels. Kutfola kabanti sichumana na-Sibusiso Vilane, lobekahola labacanci.  

Bahlali baseTonga esigodzini sase-Nkomazi kulesifundza se-Mpumalanga bebagcwele titaladi ngemphelasontfo bavala titolo tebantfu labachamuka emaveni angaphandle. Simeme lomunye walabahlali, Noxolo Mtileni, kutosichazela matfupha.

Emaphoyisa kulesifundza seMpumalanga atsi kunemsolwa loboshiwe kulandzela kubulawa kweliphoyisa kanye nekulimala kwalelinye eBushbuckridge. Lamaphoyisa lamabili abebitelwe kuyophenya ngesehlakalo seludlame lwasekhaya.  Sicele lokhulumela emaHawaks eMpumalanga Khenela Magonseni Nkosi kutosichazela ngalesehlakalo.