Ligwalagwala FM Current Affairs

Likomiti lelibukele tindzaba tetisebenti ephalamende selitfole siphakamiso semtsetfo-sivivinywa  lobitwa nge-Employment Services Amendment Bill lekulindzeleke ulawule kucashwa kwetisebenti tasetindlini.  Lomtsetfol-sivivinywa kulindzeleke wente kucashwa kwetisebenti tasendlini kube ngulokuhlelekile (professional). Kukhuluma ngalendzaba simeme mengameli wenhlangano yetisebenti tasetindlin...

Umtimba lowengamele imingcele yakuleli i Border Management Authourity (BMA) seyivakalise kukhatsateka ngekwenyuk kwesibalo sebantfu lebafuna kungena kulelive ngetindlela tekufohla eticancweni. Sikhulumisana nelisekela laNkomishana weBMA David Chilembe.

Indvuna yelitiko letebulungiswa Mmamoloko Kubayi utsi hulumende utsatsa tinyatselo  tekukwenta kube licala kumbiwa kwetimayini ngalokungekho emtsetfweni. Nanobe kunjalo, inhlangano letimele iBenchMarks iitsi hulumende kufanele anikete emalayisensi latawuvumela bantfu labagubha ngalokungekho emtsetfweni etimayini lilungelo lekwenta lomsebenti ngalokusemtsetfweni. Simeme lophuma kuyo lenhlangan...

Likhomishaana laMzhlanga live bufakazi lobetfusako ngetinsolo tebudlelwano emkhatsini wemaphoyisa, imboni ledvonsa timoti letivelelwee tingoti (tow-truck  industry), kanye nekutsengiswa kwetidzakamiva esifundzeni sa-KwaZulu-Natal. Lisekela  lemcondzisi weteluphenyo kuIIPID,  Len John uphindze weakhuluma ngetehlakalo letisolisako tekuhlaselwa kwetimoti letitfwala  imali kanye na...

Tibalo letikhishwe lihhovisi letekubalwa kwebantfu kulelive i-STATS SA tiveta kutsi sehlile sibalo sekucashwa kwebantfu emikhakheni leminyenti lefaka ekhatsi wetekulima  kanye netimayini. Sikhulumisene nemhlatiyi wetemnotfo, Zweli Mncube.   

Live lase Zambia liya elukhetfweni lwavelonkhe kusaxsa kantsi Mengameli wase Zambia Hakainde Hichilema ubuke kubuyela esikhundleni nanobe kunemibiko letsi tinhlangano letiphikiskao titamdvonsisa matima. Kuyibuka ngeliso lemhlatiyi leyelukhetfo lwaseZambia, sikhulumisana nemhlatiyi wetindzaba temave emhlaba,  Thulisa Ndlela.

Kulandzela kutsi indvuna yelitiko leltekubusa ngekubambisana, kuhlaliswa kwebantfu kanye netebaholi bendzabuko , Velenkosini Hlabisa abalule ngalokusemtsetfweni umhla ka 4 kuLweti njengelilanga lekuvota, likhomishana lelukhetfo iIEC libese limemetela tinhlelo lelitawusebenta nmgato kudzimate kuphel;e lesikhatsi selukhetfo. Kukhuluma ngalendzaba, sicele lokhulumel iIEC  eMpumalanga, Umnumzane...

Bashayeli betimoti kulelive beyacwayiswa kutsi bahloniphe imitsetfo yemgwaco njengoba kusebenta kweluhlelo lwe-AARTO sekutawunabela kubomasipala langema-62i. Kuva kutsi bematekisi batsini nge-AARTO, simeme lokhulumela iSANTACO, Rebecca Phaala.

Tibalo letikhishwe beStats SA tikhombisa kutsi tibalo letisemtsetfwenii tibantfu labangasebenti tikhuphuke nga-0.9% tisuka ku-32.7% kukota yekucala tayawufika ku-33.6% kukota yesibili yalomnyaka. Naledi Mabitsela naGiven Mahlalela basihlanganisele lombiko.

Batalii bebantfwana labafundza e Bushwillow Private Academy kanye  nase-Dei Gracia Christian School eKomatiporrt kulesifundza seMpumalanga, babita litiko letemfundvo kutsi litivale letikolo letimbili. Bakhala ngekutsi totimbili letikolo tisebenta ngalokungekho  emtsetfweni.  Intsatseli yetfu Michael Mdluli uyasibikela.

Inkantolo lephakeme yaseMalindi eveni laseKenya incume kutsi lukhetfo lwakulelalive ngekwemtsetfo-sisekele kufanele lubanjwe kulenyanga lesetulu hhayi kulomnyaka lotako nga-2027.  Simeme sati ngetindzaba temave emhlava, Dkt Sakhile Hadebe kutobuka loludzaba.

Inhlangano ye-DA yetfule umhlahlandlela welukhetfo (manifesto) eMary Fitzgerald Square eJozi ngemphelasontfo. Lokhulumela iDA Karabo Khakhau uyachaza.  

Umphatsiswa welitiko letekubusa ngekubambisana, kuhlaliswa kwebantfu kanye netindzaba tebaholi bendzabuko Speedy Mashilo utsi bakulungele kumelana netimo letibucayi ngalesimo  selitulu njengoba lichubeka nekuna.

Bantfu bakuleli becwayiswa kutsi bambatse bafutfumale kantsi bashayeli bacaphelisise emigwacweni njengoba liyana futsi liyakhitsika etincenyeni letitsite talelive.  Sikhulumisana nesangoma selitulu Bongani Chibi.

Indvuna yelitiko letemphilo Dr Aaron Motsoaledi utsi kungenwa sifo sesifuba i-TB ebantfwini lesebacala kutfomba kanye nalabadzala sekuyawuba yinganekwane. Loku kulandzela  kwekutsi lelive lifakwe kulamave latawenta lucwaningo ngelikhambii lelitawuvikela bantfu labadzala kutsi bangenwe yiTB. Simeme Dokotela Eric Khumalo kutosihlomisa 

I AfriForum seyivakalise kutsi ifuna kubophisa umholi weEFF Julius Malema ngetinsolo letitsi wabita lobekanguthishelanhloko wase-Bergview College Jaco Piterse ngekutsi ungumgagadleli. Lelicala lisukela esehlakalweni sekudlwengulwa kwentfombatanyane lefundza kulesikolo nga-2024. Kuyibuka kabanti lendzaba simeme solwati ngetebugebengu, Dkt Mxolisi Mathebula.

Kulindzeleke kutsi Pitso Mosimane atsatse ematomu ekuhola licembu lesive iBafana Bafana kulandzela kushiya kwa-Hugo Broos. Sikhulumisene nesati setemidlalo Umnumzane Abel Mpika

Bafundzi basesikolweni semabanga laphasi iMakoko Primary School lesise Ningizimu nelidolobha laseWhite River, eMpumalanga, banikela ngetibhidvo labatilimela tona emabaleni esikolo kuloluhlelo lekudla lesikolo (School feeding scheme) babuye batsengisele nendzawo yekuhlalisa tivakashi ledvutane nalesikolo tibhidvo. Simeme thishelanhloko wakulesikolo Laizer Mlangeni.

Ngalesikhatsi etfula inkhulumo yekubungata lilanga labomake, mengameli welive Cyril Ramaphosa  ukhulume kabanti ngalesihlava sekuhlukunyetwa kwabomake nebantfwana kulelive nangalokunye lokuhlupha emakhosikati. Simeme umhlatiyi wetepolitiki umnumzane Solly Masilela 

Likomiti leMaswati lahlala kuleli lelitibita ngekutsi Emaswati Sovereign Committe, lisemkhankasweni wekufuna kubuyiswe loku lelikuchaza ngencenye yemhlaba waseSwatini lowasala lapha eNingizimu Africa. Lelikomidi litsi selibhalele mengameli welive Cyril Ramaphosa, inhlangano yelubumbhano lwemave eAfrica, AU nenhlanangano yaMhlabuhlangene. Sikhulumisana nasihlalo walelikomiti Umntfwanenkhosi Menzi D...

Namuhla kuhlangana iminyaka lengema-70 kusukela bomake labatinkulungwane letingema-20 bamashela e Union Building, bafuna kuphele umtsetfo wemapasi kuhulumende wencindzetelo. Kepha nasibuka kulesikhatsi sanamuhla, yini lesingayifundza ngalesinyatselo lesatsatfwa ngulabomake. Simeme Dr Matoane-Nkabinde, lolilunga lekomiti yenhlangano yetifundziswa i-SAAPHDs, aphindze abe ngumcondzisi etikweni letenh...

Indvuna yelitiko letekubusa ngekubambisana Velenkosini Hlabisa sewulishicilele ngalokusemtsetfweni lilanga lamhla ka-4 kuLweti njengalekutawuvotwa ngalo elukhetfweni lwabohulumende basekhaya kulelive. Lokushicilelwa kwalelilanga emculwini wahulumende kusho kucala kwesikhatsi selukhetfo semalanga langemashumi layimfica. Simeme lomunye webacwaningi betepolitiki e-SABC Maswele Ralebone kutokhuluma ng...

Inyonyana yabothishela i Nataional Teachers Union (NATU) itsi ifuna kuba yincenye yaloluhlelo lwekuhlola kutiphatsa kwabothishela (vetting) ngenhloso yekucinisekisa loluhlelo aluketeli kutohlukumeta bothishela kepha lutewuphenya labo lebanemacala ekuhlukumeta bantfwana ngekwelicansi. Lokhulumela iNATU Mathemba Mabhija uiyachaza.

Inhlangano ye-DA kulindzeleke yetfule umhlahlandlela wetetsembiso telukhetfo (manifesto) eMary Fitzgerald Square eJozi kusasa.  Kepha lotasitjela kabanti ngalomcimbi ngulokhulumela lenhlangano Karabo Khakhawu  

I Ningizimu Africa ihlela kubeka umkhakha wetimbiwa eAfrica njengalotawudlala indzima lebaluleke ekukhuliseni umnotfo, kutfutfukisaa timboni kanye nekufaka sandla emnotfweni wemave emhlaba. Lena yinkhulumo  levele emhlanganweni wekucinisa budlelwano betemnotfo, kuhwebelana nekusisa eAfrica lobewuhola yindvuna yetangaphandle Ronald Lamola ngekubambisana neCEO yaseAbsa, Kenny Fihla. Bonolo Mari...