Ligwalagwala FM Current Affairs

Tindzaba telukhetfo ngaLwesiitsatfu utiletselwa likomishana lelukhetfo i-IEC, Kulesigaba sanamuhla sitawukhulumisana ne-IEC ngemehluko lokhona emkhatsini kwe-Ward Ballot, PR Local Ballot kanye nePR District. Njengenjwayelo simeme lokhulumela likomishana le-IEC eMpumalanga,  Thanduxolo Chembeni.

Umfana loneminyaka leli-16 budzala usolwa ngekugwaza umntfwana loneminyaka lesitfupha budzala esakhiiweni selisontfo lelisetjentiswa njengenkhulisa endzaweni lebitwa ngetsi Umhlali,  enyatfo ne-Durban. Emaphoyisa atsi lomsolwa uboshwe asetama kubaleka. Lomntfwana uphutfunyiswe esibhedlela sase-Durban. Lomsolwa ulindzeleke abingelele mantji waKwaDukuza madvute. Dries Liebenberg naZandile Nkosi...

I-COSATU beyivotela labo labatawutsatsa tikhundla letisitfupha letisetulu kulenhlangano, itolo (13 October) kulengcungcutsela yelihlandla lelishumi nesihlanu lebanjelwe e Kempton Park.  Lolukhetfo  belucashelwe sikhungo selukhetfo lesitimele i Electoral Institute for Sustainable Democracy,  futsi imiphumela yalolukhetfo kulindzeleke kutsi imenyetelwe namuhla njengaloku kulilanga lek...

Njengaloku i-Ningizimu Africa iya elukhetfweni lwabohulumende basekhaya kulenyanga letako, sekwetfulwe luhlelo lolubuyeketiwe lwemtsetfo nemgomo ngenhloso yekubuyisa kusebenta ngekwetsembeka kwabomasipala (Municipal Systems Amendment Act). Lesinyatselo sihlose kucinisekisa kutfutfukisa indlela yekwenta umsebenti kuphindze kucinisekiswe kutsi kuba nekutiphendvulela.  Sikhulumisana na Nkosikhul...

Inhlangano ye ANC Ehlanzeni kulesifundza se Mpumalanga itsi ineletsemba kwekutsi itawubuyela kubobonkhe bomaspala kulesigodzi ngemva kwelukhetfo lwabohulumende basekhaya. Lenhlangano ikhulume nebetindzaba e Mbombela kubuka kabanti kutsi imephi kusayiwa elukhetfweni lwabohulumende basekhaya. Intsatseli yetfu Motsebi Monareng uyasibikela.

Mantji wenkantolo Hleziphi Mkhasibe utsite kutawumele atfole titatimende tabofakazi lababili lekungemantfombatane leneminyaka lengu 16 nalenye lena 18 budzala, ngaphambi kwekutsi akhiphe sijubo kusicelo sebheyili sa Shadrack Sibiya. Refilwe Mekoa  na Dan waka Dlamini bayasibikela.

Njengobe lusondzela lukhetfo lwabohulumende basekhaya takhamuti tase Waterval Boven kulesifundza se Mpumalanga titsi tineletsemba kutsi buholi lobusha lobutawungena kumaspala waseMakhazeni butawucinisenisa kulwa netinkinga lebabukene nato. Intsatseli yetfu Michael Mdluli uyasibikela.

Inkantolo yamaantji eRandburg iive inkhulumo lecoshiwe lenetinsolo letishwacisa lugogo letibheca lobekalisekela laNkomishana wemaphoyisa kuleli Shadrack Sibiya netento letingekho emtsetfweni nalekusolwa kutsi timeyamanisa netigebengu temshoshaphansi. Lenkhulumo lecoshiwe idlalwe ngalesikhatsi kulalelwe sicelo sebheyili sa-Sibiya. Kubuka ngeliso lemhlatiyi lolokwenteke enkantolo, sikhulumisana nemm...

Bafundzi bamatekuletjeni walomnyaka bayacala namuhla kubhala luhlolo lwabo lwekugcina lwanga-2026. Sicocisana nelisekela lendvuna yelitiko letemfundvo  lesisekelo, Dr Reginah Mhaule.

Sihlalo we-ANC kuvelonkhe Gwede Mantashe, udvube waphuma kulenkomfa yavelonkhe ye COSATU, asola lombutfo webasebenti ngekuphambuka kumihambo yelidlelandzawonye. Mantashe bekahola litsimba le ANC lelihambele lengcungcutsela, lebanjelwe e Kempton Park, eJozi. Mantashe utfukutseliswe kutsi ucelwe kutsi akhulume kucala bese kulandzela i SACP ne SANCO, utsi kuyinjwayelo kutsi i ANC ikhuluma ekugcineni....

Inhlangano yemmango i Healthy Living Alliance (HEALA) yetfule umkhankaso wemalanga langu-90 wekugcugcutela kuvikelwa kwempilo. Lenhlangano ibita indvuna yetempilo kutsi icedzelele luhlelo loluhamba kancane lwekutsi kudla lokutsengiswa kulelive kubhalwe ngaphandle kutsi kucuketseni.  Simeme lomelele lenhlangano iHEALA, Zukiswa Zimela.

Lokhulumela iCOSATU Zanele Sabela utsi akusiwo umtsetfo kutsi nakunengcungcutsela yeCOSATU kugcina iANC kukhuluma nasekulitfuba lekukhuluma kwemadlelandzawonye. Sabela bekaphawula ngekudvuba kwasihlalo weANC Gwede Mantashe, lowalile kutsi kucale iANC kukhuluma phambi kweSACP ne SANCO.

Emaphoyisa akuleli seketfule ngalokusemtsetfweni umkhankaso wavelonkhe wekucinisekisaa tekuphepha ngesikhatsi semaholide ekuphela kwemnyaka. Lomcimbi bewubanjelwe KaBokweni dvute ne White River kulesifundza se Mpumalanga. Intsatseli yetfu Motsebi wa Monareng uyasibikela...

Loyo bekalisekela lankomishana wemaphoyisa lobekamiswe kwesikhashane  emsebentini, Shadrack Sibiya, sewesulile emsebentini. Emaphoyisa atsi ummeli wa-Sibiya, nguye lobanikete lencwadzi yekubonga umsebenti namuhla ekuseni ngalesikhatsi kucala siwombe sekumcondzisa tigwegwe. Kepha kubuka kutsi ingabe sisho kutsini lesincumo  asamukele solwati ngetebugebengu, Dr Mxolisi Mathebula..

Inkantolo yemtsetfosisekelo namuhla beyilalele sikhalo se ANC kulandzela kutsi inkantolo yelukhetfo ivumelane neIEC kutsi iANC yehluleka kuhlangabetana nemmncamlajucu wekubhalisa emakhansela ayo langu 181 kubomaspala labasitfupha. Ummeli we ANC Advocate Daniel Burger uvete kutsi yonkhe imininingwane lebekufanele bayitfumele ka IEC online bayitfumela kunesikhatsi. Sibahle Motha na Dan waka Dlamini...

Kubulewe luswane lolunetinyanga letine kwatsi unina wagagadlelwa lekusolwa kutsi  kwentiwe ngumfundisi akanye nemkakhe. Letehlakalo setetfuse umphakatsi wase Atteridgeville. Sidvumbu salomntfwana sitfolakele ethuneni lelingashoni dvute nemfula i Hennops River leliviki leliphelile ngaLwesitsatfu. Nonhlanhla Ntshingila na Dan Dlamini bayasiibikela...

Emaphoyisa akuleli seketfule ngalokusemtsetfweni umkhankaso wekucinisekisa wetekuphepha ngemaholide akhisimusi KaBokweni dvute ne White River kulesifundza se Mpumalanga. Kwenaba ngalendzaba sicele umphatsiswa welitiko letekuphepha kwemphakatsi, kuvikeleka nekuchumana e Mpumalanga Jackie Macie .

Sekusele emaviki langephasi kwalamane ngembi kwekutsi lelive libambe lukhetfo lwabohulumende basekhaya. Tinhlangano letincane takulesifundza seMpumalanga setiphume ngetinkhani kuyokhankasela bavoti. Michael Mdluli uyasibikela.

Umholi wenhlangano yePatriotic Alliance (PA), Gayton Mckenzie utsi lenhlangano ifisa kutfola kusekelwa kakhulu ngumango wesive semakhaladi esifundzeni sase-Nshonalanga Kapa. Andile Mbanjwa uyabika...  

Mengameli we African People's Convention (APC), Themba Godi utsi lenhlangano itawungenela lukhetfo etifundzeni letisikhombisa kuletiyimfica talelive. Ngalesikhatsi akhuluma e Driehoek ngase Mahikeng e North West, kumkhankaso walenhlangano Godi ugcizelele kutsi lenhlangano ifuna kutivuselela e North West. Tebogo Phakedi na Bongani Mondlane basihlanganisele  lombiko.

Mengameli we-ANC kuvelonke Cyril Ramaphosa utsi unelitsemba lekutsi lenhlangano yakhe itawuphuma nesikhuni sivutsa kulomasipala wase-Mangaung kulandzela kungasebenti kahle kwayo elukhetfweni laphambiilini. Abigail Visagie na Zandile Nkosi bayasibikela.

Libambela leNdvuna yemaphoyisa, Njingalwati Firoz Cachalia utawetfula ngalokusemtsetfweni umkhankaso wekucinisekisa tekuphepha kulamaholide letako ekuphela kwemnyaka. Lomkhankaso utawetfulwa KaBokweni kulesifundza seMpumalanga namuhla. Sicocisane  nalokhulumela emaphoyisa esifundza Khenel Mavela Masondo

Tinhlangano temphakatsi tenta lubito kumalunga emphakatsi nebatali kutsi banikete bafundzi bakamatikuletjeni litfuba lekubhala luhlolo lwabo lwekugcina ngephandle kwekutsi  baphatamiseke. Sicocisane nemeluleki wengcondvo, Zandile Shabangu, 

Umholi we-PAC Mzwanele Nyhontso uvakalise luvo lwakhe ngalemibhikisho legcine inebudlova lekhonondza ngekugcwala kwebantfu labangenamaphepha ekuba kulelive. Busi Bopela na-Fortunate Nkambule basihlanganisele lombiko.

Bahlali base-Malahleni kulesifundza se Mpumalanga bavakalise kukhatsateka ngekwenyuka kwebugebengu nekuyekela kwebafundzi etikolweni. Michael Mdluli usihlanganisele lombiko.