Ligwalagwala FM Current Affairs

Lelikomishana la-Madlanga lasungulwa ngemuva kwetinsolo letentiwa ngu Nkomishana wemaphoyisa esifundzasa Kwazulu Natal, Gen. Nhlanhla Mkhwanazi, lowabibita tinsolo tenkhohlakalo nekugcambukela kwepolitiki emsebentini wemaphoyis. Kubuka kutsi betindzaba babike njani ngaloludzaba sicocisana Hopewell Radabe lophuma emkhandlwini webahleli betindzaba kuleli i-SANEF.

Umsolwa Vusimuzi "Cat" Matlala kulindzeleke avele kusasa phambi kwelikomishana laMadlanga. Siyibuka nasolwati ngetebugebengu, Dr Mxolisi Mathebula

Namuhla kuhlangana iminyaka lemibili kwasungulwa hulumende welubanjiswano, iGovernment of National Unity (GNU) kulelive.  Simeme umhlatiyi wetepolitiki, Prof Bheki Mngomezulu kutobuka naye leminyaka lemibili ye GNU.

Sikhwama lesincesitelisa bantfu labalimele etingotini temgwaco kulelive iRoad Accident Fund (RAF), siyachubeka neluhlelo lwaso lelihlose kuhlomisa ngemakhono bantfu labasha ngekubakhokhela tindleko tekubafundzisa kushayela ngendlela letophephisa timphilo emigwacweni. Loku kulandzela lucwaningo loluvete kutsi bantfu labasha ngibo lebashona kakhulu etingotini temgwaco. Kukhuluma kabanti ngaloluhlelo...

Litiko letemphilo likhutsata bafana nemadvodza kutsi bahambe bayosoka etikhungweni tetemphilo ngaphansi kwaloluhlelo i-Voluntary Medical Male Circumcision (VMMC). Kukhuluma ngaloluhlelo, simeme lomelele litiko letemphilo eMpumalanga ngalo loludzaba, Heskin Maluka

 Iyacala namuhla ebusuku imidlalo yemkhumlajezi yesigaba se last 16 ye-2026 FIFA World Cup kantsi i-Afrika ibeke litsemba layo ku-Morocco neEgypt lekungiwo emave lasele lamele lelivekati leAfrika.  Kukhuluma kabanti ngalendzaba asemukele Hloni Mathonsi longumhlatiyi welibhola letinyawo

Lemikhankaso yekucoshwa kwebantfu bangaphandle lebacoshwa kulelive ngoba bngenauo imvumo yekuhlala kulelive idala kukhungatseka engcondvweni ebantfwini labanyenti ngekusho kwabosolwati ngetengcondvo. iKucaciseleka kahle ngalesimo, sicocisana nadokotela loweluleka ngengcondvo lophuma etikweni letemphilo eMpumalanga, Dr Girly Twala.

Umholi  webufakazi ekhomishaneni laMadlanga,  Advocate Adila Hassim, utjelele lelikhomishana kutsi mlayeto ye Whats Up emkhatsini kwa-Major General Feroz Khan.Hassim ufundze sitatimnde nanobe Khan bekangakho njengobe kutsiwa usesibhedela ngemuva kokudutjulwa. Kepha kuyibuka lendzaba, simeme sati ngetebugebengu- Andy Mashayile...

Umhloli mabhuku jikelele Tsakani Maluleke wecwayisa ngekutsi akhona ematfuba ekutsi bomaspala babuyele emuva enhluphekweni lokuvame kwenteka nakuntjintja buholi betepolitiki. Letiphimiselo tifika ngesikhatsi lapho lelive litilungiselela lukhetfo lwabohulumende basekhaya ngasekupheleni kwalomnyaka. Kubuka indzima  ledlalwa yiSALGA kuloku, sikhulumisana nasihlalo walenhlangano eMpumalanga, Walt...

Umhlatiyi wetepolitiki lovela enyuvesi yaseNelson Mandela Njingalwati Ntsikelelo Breakfast wente liphutsa lelikhulu loyi abengumengameli Jacob Zuma ngekuhlangana naAjay Gupta eNdiya.

Siphindzile futsi sikolo semabanga laphasi iSibuyile Primary School lesikaDaantjie ngaphandle kwelidolobha iMbombela eMpumalanga saphuma nesikhuni sivutsa, emchudzelwaneni wemakwaya lobanjelwe eJozi. Lesikolo  siphume inombolo yesitsatfu kuulomchudzelwano wavelonkhe. Simeme umbhidisi walekhwaya yase-Sibuyile Primary School, Nonhlanhla Nkosi.

Ucale namuhla lombukiso lowatiwa ngekutsi yi-Innibos kantsi iMTPA itsi kulindzeleke bahlomule bosomabhizinisi labancne nalabakhulu baseMbombela neMpumalanga yonkhana. Lokhulumela iMTPA, Simphiwe Shungube.

Sesicalile sikhatsi sekubuyeketwa kwentsela, i-tax season. Sikhulumisana namphatsi waka-SARS, Commissioner Dr Johnstone Makhubu.

Bahlali base-Nomzamo dvute naKanyamazane eMbombela kulesifundza se-Mpulamalanga batsi bagongonyekile ngekufakwa ngephansi kwa-ward 26. Batsi kunaloku banconota kuba ngaphansi kwa-ward 18 lofaka ekhatsi neThekwane South. Kepha sicele lotasichazela kabanti ngalokukhatsateka kwebahlali lekungu Anna Nkuna longulomunye webaholi bemango.

Mengameli Cryil Ramaphosa ubafungise namuhla labangemasekela etindvuna kanye netindvuna letinsha telikhabinethi. Kulabo lebafungisiwe kubalwa naDina Pule locokwe njengendvuna yetekutfutfukisa tenhlalo kanye na-Willie Aucamp locokwe njengendvuna yetekulima. Kuyibuka lendzaba sikhulumisana nemhlatiyi wetembangave Prof Bheki Mngomezulu

Lisekela lendvuna yetemaphoyisa kuvelonkhe  Casel Mathale utawube avakashele umncele wase-Lebombo e-Komatipoort kulesifundza sase-Mpumalamga kulandzela lokuhanjiswa kwebantfu lebangenamvumo yekuba kulelive.

Inkantolo yamantji incume kusengeta sigwebo sa-Vusumuzi "Cat" Matlala kuleso seminyaka lesiphohlongo abevumelene ngaso neNPA. Matlala bekavumelene nebashushisi kutsi utawube ngufakjazi wembuso abese ushaywa ngeluswati loluncane. Kucubungula loludzaba sikhulumisana nemmeli Bonganai Matsane longumsunguli nemcondzisi wenkapani iMatsane Attorneys.

Etindzabeni telukhetfo namuhla sibuka kubanjwa kwemhlangano sikolwa wekucecesha lebagacele tikhundla tekuba ngemakhansela kubomasipala.  Njengalokutayelekile sinaye lokhulumela i-IEC kulesifundza seMpumalanga, Thanduxolo Chembeni

Likomishana lemalungelo eluntfu likhiphe umbiko lovakalisa kukhatsteka mayelana nekuhlukunyetwa kwebantfwana ngekwemacansi  etikolweni. Kuva kabanti ngalombiko asemukela umphatsi welikhomishana lemalungelo eluntfu eMpumalanga, Umnumzane Eric Mokonyama...

Sati ngetebugebengu Dr Mxolisi Mathebula utsi maningi ematfuba ekutsi labantfu labacoshwe kulelive baphindze babuye futsi.

Sewesulile esikhundleni loyi abemiswe kwesikhashana njengenhloko yemaHawks esifundzeni  sa Kwazulu Natal, Lt.- Gen. Lesetja Senona. Libito lakhe leyamaniswe netinsolo tenkhohlakalo kulelikhomishana ikakhulukati ngebudlelwano lekusolwa kutsi bekanamo nalobekwe licala lekwetama kubulala Vusimuzi "Cat Matlala. Kusenjalo, lisekela lenhloko yeluphiko lwetinhloli emaphoyiseni, Feroz Khan usesimweni...

Bahleli beMarch and March eMpumalanga bachube ngemphumelelo imibhikisho beyise-Malahleni kanye naseMbombela. Umphatsiswa welitiko letekuphepha kwemphakatsi kuvikeleka nekuchumana eMpumalanga, Jackie Macie batilungiselele kahle kubukana nalesimo.

L>omunye webahleli beMarch and March eMbombela, Stoyi Malope utsi batawube bamasha ngekuthula edolobheni eMbombela kanye naKabokweni kuyowetfula incwadzitikhali kubaphatsi.

Lokhulumela emaphoyisa esifundza seMpumalanga, Col Mavela Masondo utsi tikhona tindzawo lebatibeke liso lelibukhali kulamamashi lehleliwe lakhonondza kugcwala kwebantfu bangaphandle labangenamaphepha labagunyata kuba kuleli.

Lobambhe kwesikhashana kulesikhundla saNkomishana wesikhungo lesibukele kusebenta kwemincele i-Border Management Authority (BMA), David Chilembe utsi konke kusahambha kahle eminceleni yalelive njengoba kuwela bantfu labanyenti babuyela emuva emakhaya.