Ang Pinuno Horror Podcast

Sa isang liblib na baryo sa Abra kung saan walang inuurungan ang mag-amang mambabarang at antingero, isang madugong labanan ang sasiklab nang pakawalan nila ang kanilang pinakamapinsalang lihim—ang dambuhalang insekto na tinatawag na 'samang'—upang ubusin nang walang awa ang isang malaking pangkat ng mga aswang na nagtatangkang umagaw sa kanilang teritoryo.

Nang matuklasan ng magkakapatid na ang kanilang ina ay isang aswang na kumakain ng mga mamumundok sa liblib na kabundukan ng Cavite noong 1968, mapipilitan silang ipagkanulo ang kanilang sariling kadugo upang mawakasan ang malagim na lihim ng kanilang pamilya.

Nang sunod-sunod na dumanas ng kamalasan at paghihirap ang pamilya ni Josing, mapipilitan siyang hanapin ang kanyang kapalaran at swerte sa pamamagitan ng paggawa ng mga himala bilang isang pekeng manggagamot. Ngunit ang kanyang kasakiman ay hahantong sa isang nakakatakot na sumpa kung saan siya ay uunti-unting mamamatay at uuod ng buhay. Samahan si Josing na harapin ang mga kakaiba at nakakatakot...

Si Emetrio ay isang simpleng manggagamot na biglang kinatatakutan ng mga aswang at masasamang nilalang dahil sa taglay niyang kakaibang tapang at sandata. Gamit ang isang mahiwagang itim na libretang bakal na naglalaman ng matinding sumpang ipinapataw sa kanyang mga kalaban at nagsisilbing lagusan papunta sa impyerno, nilalabanan niya ang anumang banta upang protektahan ang kanyang sarili at ang k...

Noong una, simple lang ang buhay ng manggagamot na si Galban, ngunit ang kanyang mapayapang mundo ay guguho nang paslangin ng mga nilalang na galing sa dilim ang kanyang ina, at nanakawin pa ang kanyang makapangyarihang lampara. Sa pagnanais niyang ipaghiganti ang kanyang ina, hahanapin niya ang isang mahiwagang sandata na magagamit laban sa mga halimaw at demonyo. Ngayon, taglay ang isang bagong...

Dahil sa matinding inggit ng mga kalaban, ang masagana at tahimik na buhay ni Ben bilang isang mahusay na panday ay unti-unting gumuho dahil sa isang malakas na sumpa. Upang makatakas sa tiyak na kamatayan, mapipilitan siyang hanapin ang kanyang mahiwagang lolo na si Lolo Danggo upang humingi ng lunas at tulong. Ngayon, tangan ang isang natatanging punyal at kasama ang mga matatapang na kaalyado,...

Sa gitna ng digmaan, may lihim na ritwal na ginawa upang protektahan ang mga sundalo laban sa kamatayan. Tinawag nila ang mga nilalang na hindi tao upang magsilbing kalasag. Nakaligtas man ang ilan, may kapalit—dahil ang mga nilalang na tinawag ay hindi na muling umalis, at hanggang ngayon ay nagbabantay pa rin sa dilim.

Isang lumang bahay ang dating tinitirhan ng babaylan at dibino na kilala sa makapangyarihang ritwal. Ngayon ay abandonado na, pero may mga ilaw at bulong pa ring naririnig tuwing gabi. Nang may maglakas-loob na tumira roon, nagising ang mga puwersang matagal nang hindi dapat ginagalaw.

May isang dibino na kinatatakutan at iginagalang sa buong bayan dahil sa kapangyarihang lampas sa karaniwang orasyon at langis. Sinasabing kaya niyang magpagaling… o magparusa. Ngunit habang dumarami ang lumalapit sa kanya, may mas madilim na puwersang unti-unting kumokontrol sa kanyang mga himala.

Isang manggagamot ang hinabol at pinaghinalaan ng buong baryo dahil sa sunod-sunod na misteryosong sakit—pero mas nakakatakot ang tunay na dahilan ng kanyang kapangyarihan.

Isang matandang lalaki sa Bantog ang kilalang may malalim na kaalaman sa kulam at orasyon. Kahit ang mga albolaryo ay umiiwas sa kanya dahil sa kapangyarihang hindi nila maipaliwanag. Nang may humingi ng tulong sa kanya, may kapalit na hinihingi—at kapag tinanggap mo ang alok, hindi ka na basta makakawala sa kanyang anino.

May alamat tungkol sa isang itim na lakan—isang mandirigmang anino na lumilitaw tuwing may malaking kasalanan ang baryo. Isa-isa nitong pinaparusahan ang mga taong may tinatagong kasamaan. Ngunit habang tumatagal, napagtanto ng lahat na hindi ito simpleng multo—isa itong sinaunang hatol na walang sinasanto.

Isang grupo ng hikers ang nagtangkang akyatin ang bundok na kilala sa mga misteryosong pagkawala at kakaibang enerhiya. Habang papalalim sila sa gubat, nakararanas sila ng bangungot kahit gising—mga bulong, anino, at landas na paulit-ulit. Sa bundok na ito, hindi kalikasan ang tunay na kalaban… kundi ang mga nilalang na ayaw magpaalis.

May alamat tungkol kay Gapong—isang lalaking isinumpa upang habulin at pumatay ng mga aswang gabi-gabi. Wala siyang takot, wala ring awa. Ngunit sa bawat aswang na napapatay niya, may bahagi ng kanyang pagkatao ang nawawala. Hanggang sa dumating ang gabi na hindi na malinaw kung sino ang tunay na halimaw.

Kilala si Mang Julian bilang dibino na nakagagamot ng sakit at nakakapagtaboy ng masasamang espiritu gamit ang dasal at banal na langis. Marami ang naniniwala sa kanyang himala—pero may mga kapangyarihang hindi maipaliwanag ang pinagmulan. Habang dumarami ang naliligtas, may kapalit na lakas na unti-unting kumakain sa kanyang pagkatao.

Isang sinaunang plawta ang natagpuan sa dalampasigan—at sa bawat pagtugtog nito, nangingitim ang langit at lumalakas ang alon. Sinasabing kaya nitong tawagin ang Bakunawa, ang halimaw na lumulunok ng buwan. Ngunit kapag nasagot ang tawag, may kapalit na kaluluwang kukunin ang dagat.

Sa tahimik na isla, may mga nawawalang mangingisda at kakaibang ilaw na nakikita tuwing gabi sa kabundukan. Ayon sa matatanda, may nagaganap na lihim na digmaan sa pagitan ng mga nilalang na hindi tao. Nang mapadpad ang isang dayo roon, madadamay siya sa labanang matagal nang itinatago sa likod ng katahimikan ng isla.

Muling nagkita si Mike at ang kanyang kababata matapos ang maraming taon. Ngunit may kakaiba na rito—may mga sugat na hindi naghihilom at kakaibang lakas na hindi pangkaraniwan. Habang lumalalim ang kanilang pagkakaibigan, mabubunyag ang isang madugong pamana na maaaring magbago sa kanilang kapalaran magpakailanman.

Isang lumang simbahan sa Padre Burgos ang kilalang pinamumugaran ng kababalaghan—mga yabag sa altar, kampanang kusang tumutunog, at mga aninong nagdarasal sa dilim. Nang may magsimulang mag-imbestiga, matutuklasan niya ang lihim na matagal nang ibinaon kasama ng mga kaluluwa sa ilalim ng simbahan.

Isang kakaibang kondisyon ang dumapo sa isang lalaki—ang kanyang balat ay laging basa, malamig, at tila nabubulok. Habang lumalala ang kanyang kalagayan, may mas nakakatakot na katotohanan ang mabubunyag: maaaring hindi na siya ganap na tao.

May lihim na mutya si Tatang na nagbibigay ng pambihirang lakas at proteksiyon. Ngunit kapalit nito ay isang sumpang unti-unting sumisira sa kanyang pamilya. Hanggang saan ang kayang isakripisyo para sa kapangyarihan?

Isang matandang maninimba ang kilala sa baryo dahil sa mahiwagang medalyon na hindi niya inaalis sa leeg. Ngunit nang mapasakamay ito ng iba, sunod-sunod na kamalasan at kababalaghan ang mangyayari. Ano nga ba ang tunay na kapangyarihang nakatago sa medalyon ni Kuloma?

Sa isang maliit na baryo, bawang ang pangunahing panlaban ng mga tao laban sa aswang—nakasabit sa bintana, nakatali sa pinto, at inilalagay pa sa ilalim ng unan ng mga bata.

Isang simpleng medalya ang minana ni Manolo mula sa kanyang lolo—sinasabing pampaswerte at panangga sa masama. Ngunit mula nang isuot niya ito, nagsimula siyang makakita ng mga nilalang na hindi nakikita ng iba: mga anino sa sulok ng bahay, mga matang nakasilip sa dilim, at mga bulong na tumatawag sa kanyang pangalan.

Mula sa alamat ng nawawalang lupain ng Ophir, isang mandirigmang may basbas ng sinaunang ginto at orasyon ang isinugo upang tapusin ang paghahari ng unang Reyna ng mga Gabunan—ang pinagmulan ng lahat ng aswang at nilalang ng dilim.