傾吓繁瑣事 | 兩個長氣女孩的成長基地 | 廣東話

過左黎台灣一直都好想試下拍kpop cover，今次終於拍左啦！真係超級緊張der… 雖然結果係有遺憾可惜嘅地方，不過有時候生活呢啲嘢唔會百分百向住你想要嘅方向走，必然會有好多唔順利嘅地方，知道左不足就繼續努力啦～下次做得更好！

身處澳洲嘅我表示每日都係YouTube search張敬軒演唱會！估吓佢請邊個嘉賓都成為咗每日嘅樂趣！講開佢請嘉賓，佢真係一個好提攜後輩嘅歌手，係一個我好respect嘅歌手…

個個都話要愛自己，唔通個個都愛自己咩？ 的確，愛自己一直係一個勁多人討論嘅topic，亦應該個個都聽到爛。「得啦得啦，我知道我要愛多啲自己，但點解我都係做唔到？」 帶返個頭盔先～每個人嘅love language都唔同，我地分享嘅野未必會適合你，但都唔會阻止到你去發掘自己～試下多啲同自己對話，重新認識自己，擁抱同理解自己嘅inner child。愛自己係一個好長嘅旅程，就等自己慢慢去搵一個最舒服嘅方式去愛自己啦～

唔知大家有冇散步嘅習慣呢？我自己真係好鍾意去散吓步散吓心咁，今次就帶埋你地一齊去放鬆一下啦！如果你細心嘅話，應該會聽到周圍環境嘅聲音，大自然嘅聲音真係好舒服好療癒㗎! 平時都係自己一個行，今次唔同！有你地聽住我嘅無聊分享，話說我呢排自己剪左頭髮… (btw中間可能會比較細聲，聽完see ya記得較返細，唔係outro就會太大聲hehe)

呢排疫情困得太耐，大家想去旅行已經想到傻咗！個個都話要離開繁忙嘅香港，去第二啲地方享受吓唔同嘅文化同生活喎～ 嗱，我哋就唔係去旅行，而係喺台灣同澳洲讀緊書，體驗緊相對local嘅生活～人就是這樣，唔喺香港嘅時候就會開始掛住香港⋯ 到底有啲乜嘢文化差異令我哋覺得最唔習慣？有啲乜係我哋覺得好搞笑嘅？有啲乜係我哋第一次聽到嘅時候感到非常驚訝？有啲乜嘢係我哋做遊客嘅時候未必會知嘅生活習慣？而香港又有啲乜嘢係我哋好...

鈴鈴鈴！呢個係我哋嘅新系列，好似聽左我地一通電話咁，冇乜特別㗎，但係我哋會分別地錄音，一個人簡單講下自己生活嘅大小事～透過回想同記錄自己嘅生活繁瑣事，學識整頓、感恩、同埋反思。短短地嘅一集將會係充滿着我哋嘅無聊事、搞笑事、大頭蝦事…今集就先有檸檬講講佢嘅失物事件～

同樣身為怕生同慢熱嘅人類，我地比任何人都更加明白社交呢樣嘢有時真係好恐怖。究竟個性慢熱內向係咪永遠同所有社交場合都格格不入？係咪就代表一定要改變自己？ 我地可以點樣去克服？ 想同所有introvert嘅你地講，we know you! 有時候，只要你踏出第一步，就會發現，原來自己都可以有social嘅一面㗎！(明明不嬲同朋友熟咗之後都可以好癲=v=）希望呢一集可以為你地帶來少少嘅力量^ω^

哇哇哇 第一集出爐啦～ 有請我地嘅第一個系列：人生課題 我地好榮幸請到兩位A0人士黎分享一下自己偉大嘅愛情觀! 咳咳咳… 就係我地 ( ´▽｀) 究竟我地嘅理想型係咩呢？我地眼中世間嘅愛情係點㗎？愛情呢家野又係咪真係當局者迷 旁觀者清？又只能遠觀而不可褻玩？好奇嘅就快啲撳入去睇啦。 黎緊會陸續有唔同嘅系列同主題 請各位大大多多支持啦(>^ω^

HELLOOOOO! 大家好！ 講左甘耐，我地個Podcast終於出世啦！ 究竟我地係邊個？點解會離開香港？點解會開podcast？點解叫「傾吓繁瑣事」？傾啲乜？好多好多個問號啊 ≧∇≦ 如果你地想知點解，就千祈唔好錯過啦！ Stay tune to our next episodes!!!!