Ligwalagwala FM Current Affairs

I-Buscor itsi angeke bagibeli bayo  batsikameteke ngenca yalemishuco lekhonondza ngekugcwala kwebantfu bangaphandle labangenamvumo kuba kuleli. Sikhulumisana nemphatsi  weBuscor, Nora Fakude.

Bangetulu kwema-700 basokwa lababuye baphephile etikoleni tekusoka kulempelasonfto lesibuya kuyo kulesifundza seMpumalanga. Nanobe kunjalo, umphatsiswa welitiko lekubusa ngekubambisana, kuhlaliswa kwebanftu kanye netindzaba tebaholi bendzabuko kulesifundza se Mpumalanga Speedy Mashilo, uvakalise kukhatsateka mayelana nesibalo lesisetulu setikolo tekusoka letingekho emtsetfweni. Sikhulumisana naye...

Loyo loke waba ngusihlalo welikhomishana lebunye bemave ase-African, Dr Nkosazana Dlamini-Zuma, uncuse bantfu bakuleli leNingizimu Africa, kutsi bangatihlukanisi nebantfu bakulelivekati leAfrica. Dlamini-Zuma ukusho loku kulandzela letinsolo tekubanjwa kwemishuco yekukhonondza ngebantfu lebakulelive bangenamaphepha labagunyatako. Loku kuletse kukhatsateka ebanftwini kutsi ingabe titoba khona tigit...

Somlandvo Umnumzane Khaya Ndwandwe uchaze uMfundisi Professor I.M. Simelane njengendvodza beyicotfo futsi  lebeyuilimela liciniso. Umfundisi Simelane wendlule emhlabeni kuleliviki leliphelile ngaLwesibili sekaneminyaka lengema-90. 

Kwendlula emhlabeni kweMfundisi Professor I.M Simelane, longumsunguli welibandla i-Evangelical Gospel Church of South Africa, kushiye ligebe lelikhulu ngoba kute lomunye longakhona kwenta lomsebenti abewenta ngekusho jkwendvodzana yakhe Lennox Simelane. Umfundisi Simelane usishiye emhlabeni ngaLesibili kuleliviki leliphelile aneminyaka lengema-90 budzala. Sikhulumisana naye Lennox Simelane.

Tibalo takamuva letikhishwe lihhovisi letibalo kuleli tivete kutsi bangetulu kwa-45% bantfu labasha labangasebenti kulelive.  Njengendlel yekuhlomisa bantfu labasha, simeme umphatsi we Township Entrepreneur Agency (TEA)  Bulelani Balabala.

Licembu lesive iBafana Bafana itfolana etulu kweCanada emdlalweni wemkhumlajezi kuFIFA World Cup. Sikhulumisana nemetfuli wetemidlalo kuLigwalagwala FM, Sibusiso Mashabane.

Indlu yebukhosi bakaMatsamo eNkomazi kulesifundza se-Mpumalanga busukumise umkhankaso wekucoca tidzandzane njengendlela yekutifundzisa kutiphatsa nemphilo lencono. Lokhulumela bukhosi bakaMatsamo, Bheki Shongwe

Labanelwati ngetindzaba temasiko bavame kuwukhuta umkhuba wekuyoganga ngaphandle kwalabashadile ngoba kanyenti kugcine kutsikameteka umntfwana lotfolakala kulobo budlelwane bekuganga ngaphandle. Sifuna kuyibuka lendzaba yekutsi kwenteka njani nangabe umlingani sekakhulelise ngaphandle? Ingabe siyabikwa yini lesosisu? Sibikwa kuphi nakunjalo? Kuphendvula lemibuto naleminye simeme sati ngetemasiko n...

Njengoba lisondzela lelilanga lekugcina lelibekwe tinhlangano temphakatsi kutsi bonkhe labo lebangenamvumo yekuba kulelive kufanele babe sebaphume baphela, ungakanani umtselela waloku ebantfwini bakuleli lebavakasha noma basebenta ngaphandle kwalelive. Sifundza seMpumalanga, sakhelene neMozambiki kanye neSwatini kantsi bantfu bakuleli bavamile kucasha emakhumbi bayocitsa situnge kulamave lamabili....

Kuleliviki kucushiswa ngekulwa nekusebentisa budlabha tidzakamiva lekungahle kuholela nasekulahlekeni kwemphilo yemuntfu. Lucwaningo lukhombisa kutsi emhlabeni wonkhe jikelele balinganiselwa ku 316 million bantfu labasebentisa budlabha tidzakamiva. Sicele lomunye loke wadla tidzakamiva Thabo Shongwe kutewuva kutsi waphunyula njani kulolugibe.

Umhlolimabhuku uvakalise kukhatsateka mayelana nekwandza kwekusetjentiswa kwetinkapani tangasese lekuyintfo leyichaze njengekuswelakala kwemakhono kubomasipala. Simeme umhlatiyi wetepolitiki Umnumzane Solly Masilela.

Lucale itolo loluhlelo lwesendlalelo sekutsatsa sishayamtsetfo simikiswe ebanfwini, iPre-TLP, lelisukuntyiswe sishayamtsetfo sahulumende waseMpumalanga. Sicele somlomo wesishayamtsetfo sesifundza Makhosazane  Masilela.  

Sikhungo i-Border Management Authority (BMA) sitsi simatasatasa nekuhlola kanye nekuwelisa bekufika lebabuyela emakhaya eminceleni yakulelive. Kuva kabanti ngaloluhlelo, asemukele lisekela laNkomishana weBMA, David Shilembe.

Umfundzi wase-Sitintile Secondary School Kanyamazane ngaseMbombela eMpumalanga, Sinenhlanhla Nkosi, uphumelele kuyomela lelive kuJunior Water Prize competition eStockholm eSweden ngenyanga yeNgci. L:oku kuta ngemuva kwekutsi aphumelele umchudzelwnao we-2026 South African Youth Water Prize. 

Lokhulumela emaphoyisa esifundza seMpumalanga Col. Mavela Masondo utsi emaphoyisa akulungele kubukana nanobe ngusiphi simo lesingahle sitsikamete kuphepha kwelive kulesikhatsi semibhikisho yekucosha lebakulelive ngephandle kwemvumo.

UJmhlatiyi wetelibhola letinyawo Sibusiso Mashabane utsi indlela beyihleleke ngayo iBafana Bafana kulomdlalo wayo neSouth Korea incomeka kakhulu futsi ngiyo lefunekako njengoba bachubekela embili nalomchudzelwano wendzebe yetemhlaba ebholeni letinyawo.   

Litiko letekuphepha kwemphakatsi, kuvikeleka kanye nekuchumana kulesifundza se-Mpumalanga litsi likhatsatekile ngekwandza kwetingoti temgwaco letitsintsa bantfu besilisa.  Sikhulumisana nemphatsiswa walelitiko Jackie Macie.

Kusho kutsini lokwehlukaniswa kwaCate Matlala nalaba labanye bamangalelwa labekwe laboshwe nabo kulelicala leleyamene nenkhohlakalo letsintsa iMedicare24. Simeme ummeli lotimele Bongani Matsane kutosichazela ngalesivumelwano lesisemkhatsini kwaMatlala kanye neNPA.

Lomunye lowake waba ngumdlali weOrlando Pirates neBafana Bafana Lucas Thwala ulishayele lihlombe licembu leBafana Bafana ngekundlulela kwalo embili kulomchudzelwano wendzebe yemave emhlaba.

I Bafana Bafana yehlule live laseSouth Korea lekwenta kutsi yendlulele phambili emidlalweni yemave lasele langu-32 kulomchudzelwano weFIFA World Cup 2026. Sinemhltiyi welibhola letinyawo  Professor Sibusiso Mazibuko.

Tinhlaka tetekuphepha letifaka ekhatsi nebangasese be-PSIRA  batibophelele ngekucinisekisa tekuphepha nekuvikeleka njengoba kunemibiko letfusa ngekutsi kungahle kube nemibhikisho lemikhulu ekupheleni kwalenyanga. Sikhulumisana nentsatseli yetfu Calvin Dludla lebekahambele lomhlangano webetekuphepha.

Inhlangano yeDA, itsi akunekelwe esiveni konkhe lokuchubeka enkapanini legcina timali tetisebenti tembuso i Public Investment Corporation (PIC). Loku kulandzela tiphakamiso letentiwe likhomishana laMpati lelivete kutsi kukhona lokushaya emanti kulenkapani. Kuyibuka lendzaba asamukele sati setindzaba temnofto lesivela kuNkunzi Wealrth Investment, Lunga Mahlaba

Tinhlangano temango letihambisana ne March and March tiyakucinisekisa kutsi solo timile kulelokutsi labo labakulelive ngalokungekho emtsetfweni babuyele emuva emaveni abo kungakendluli umhla ka-30 kulenyanga. Letinhlangano temango kanye na yo I March and March betibambe mhlangano nebetindzaba namuhla e Jozi. i March and March ivakalise kukhatsateka ngalemali lengu-600 million lekutsiwa ibekelwe ku...

Sikhungo lesibuke lukhetfo kulelive i-IEC sesikhutsata bantfu bakulelive kutsi basebentise tinhlelo tesimanje kubhalisela kuvota, zero-rated online rfegiostration. Simeme lokhulumela iIEC eMpumalanga Thanduxolo Chembeni kutosichazela.