LADINIA LIVE - Podcast

Neva scomenzadives e lurier en rei per na vijion turistica del davegnir che respone ai besegnes e problemes daldidanchè. En rejonon con Nicolò Weiss da pec meis a cef de l'Azienda Promozion Turistica Val de Fascia. Conduzion Anna Mazzel

La musizista y ciantauturia Mara Miribung, nes presënta te chësc program le grup musical "Trëi". N program de Sara Frenner

Dai 29 de aost enscin al prum de setember delaite de la cornisc del Parch Natural de Fanes - Sennes e a Al Plan de Mareo vegnarà portà dant l Val Sinergia Festival, n festival de yoga e mindfulness metù a jir col zil de sporjer prateghes, conferenzes e evenc che à desche zenter l bon stèr de la persona su più livie. N rejonon con Gabriel Prada, un di ideatores del festival. Conduzion Cinzia Pistoi...

Le parch di düli a Al Plan é n’atraziun turistica, mo ince didatica. Passa 100 é i esemplars de vicí da rapina che an po odëi te chësta strotöra. N program de Sara Frenner

La grupa Nosc Cunfin à abinà adum 70.000 sotscrizions contra l cunliamënt Pana – Saltria y se damanda sën n referendum che tol ite duta la populazion dla valeda. Cie se muef pa dan y do la cultrines de chësc tema mpurtant che reverda duta la cumenanza? Cunsciderazions cun Heidi Stuffer, presidënta dla lia Nosc Cunfin. Conduzion Leo Senoner

Chi el pa i turisc' che rua adalèrch te nosc raions aldidanché? Coluna eles pa si motivazions e enteresc de cognoscer e viver la monts? En rejonon col menajites Stefen Dell'Antonio. Conduzion Anna Mazzel

Susy Rottonara, artista multimediala y ciantarina sopran, presidënta dla Lia Culturala Fanes, porta dant le mercui 14 d'agost a Ciastel Botestagn te Anpezo na esibiziun artistica sön les figüres storiches y mitiches dl Gran Bracun y de Sidonia. Ciudi è pa le Gran Bracun deventè n mit, na liënda y ciudi se mirita pa ince Sidonia, fia dl capitan de Ciastel Botestagn, na pert importanta te chësta lië...

Fora per dut l'istà, su e ju per la monts de Fascia, se podarà se embater te più conzerc de musega dal vif. Ence chest an l é endò chiò l Val di Fassa Panorama Music e desche semper l ne portarà delaite de la melodies del blues & jazz ma ence de etres sons con artisc ladins e internazionèi. Per curiosèr vindedò la coltrines de chisc apuntamenc domanaron zeche de più a Enrico Tommasini, diretor art...

Tla sajon auta dl turism se trasfurmea l luech da mont de nianca 3000 abitanc te na pitla zità. Seniëures n feries te Gherdëina y de pasaje, busiamënt sun stredes y trois, mubilità problematica, trafich y truep auter, caraterisea y cundiziunea la vita dl luech y de si zitadins. Cunsciderazions cun Roland Demetz, ambolt de Sëlva. Conduzion Leo Senoner

La roda da munt eletrica, conesciüda porleplü sciöche e-bike da munt é de tendënza. Greta Canins nes cunta te chësc program val’ porsura le meso de trasport, che ti á pormetü a cotan de amanc dla roda, da pedalé y arjunje te cört tëmp destinaziuns sö alalt tla munt. N program de Sara Frenner

L problem del trafich e mobilità te val e su per i jouves stenta a troèr soluzions e ence i projec per l Bus Rapid Transit lurè fora da la Provinzia Autonoma de Trent per la Olimpiades Milan Cortina 2026 no ruarà a esser enjigné. En rejonon col Procurador del Comun General de Fascia Beppe Detomas, conduzion Anna Mazzel

Pro le dè dla unitè ladina, tignì a Ciastel Tor a San Martin in sabeda 13 de messè organisè dala Uniun Generela èl ince gnü presentè le liber nü de Roland Verra "Ladinia Dolomitica", tla versciun por ladin standard y por tudësch. Al è n ajornamënt dl liber "Una Ladinia possibile" dl ann 2021, na publicaziun tlè por capì la realtè sozio-economica, l' evoluziun y i impedimënc tla situaziun aministra...

En sabeda ai 20 de messèl, delaite de la lingia de evenc "Ispirazions d'istà", vegnarà portèda dant te la Mont de Poza la Marcia per la Pèsc: n moment per fèr na reflescion sul gran besegn de Pèsc e su sie valor. N rejonon con Cesare Bernard, coordenador de la Comiscion cultura de la parochies de Fascia. Conduzion Cinzia Pistoia

Te chësc program nen vara di paurs y dla dificolté da fá ite le fëgn te chësc isté bëgn scaldi mol y dal tëmp malsigü. N program de Sara Frenner

Sajons positives, numeri che crësc, ufiërta de cualità y seniëures cuntënc. L period critich dla pandemia ie me plu n bur lecort y nosc turism viaja inò a regim plën. Purempò, l ie nce deplù aspec che devënta critichs y possa, n prospetiva, se trasfurmé te problems nia saurì de resolver. L trafich, i priejes auc y l aumënt sproporziunà di turisc ie me nvalguni di temesc zic cun chëi che l turism l...

Ai 13 de messel l'Union Generela di Ladins dla Dolomites met a jir ence chest an la Dì dla Unité Ladina, n moment per ster adum e se confronter olache vegnarà prejentà doi publicazions che envia a pisser do a la reijes e l davegnir dla Ladinia Dolomitica. En rejonon con Milva Mussner, pres. UDLD e Sofia Stufflesser, coordinadessa dl projet Lijendes ladines dles Dolomites, conduzion Anna Mazzel

Chest an l prum de messèl segna sul calandèr la fin del mercià tutelà de l'energia. Che velel pa dir? A che jone en contra ades? Per desgatièr mingol de domanes su chest tem e per rejonèr de coche vegn durèda l'energia te nesc paijes - soraldut col pontèr via de la sajon da d'istà- aron en colement con nos Dino Detomas, diretor del Consorzie Eletrich de Poza. Conduzion Cinzia Pistoia

L turnoi internaziunel de codlapé o juech ala codla danter la mendranzes naziuneles autoctones dl’Europa che fej pert dla FUEN, la union federela dla nazions europeiches, ie chëst’ann sul program dai 28/06 ai 07/07 tl raion dl Schleswig sul cunfin danter i Paejes Tudësc y la Danimarca. Leprò nce doi scuadres ladines, una di ëi y una dl’ëiles, n raprejentanza dla mendranza ladina dolomitica. Ntervi...

Chësc program presenta les ativités che la Ciasa dl Parch Natural Fanes-Senes- Braies, mët a jí te chësc isté. N program de Sara Frenner

Aldò de la disposizions nazionèles per l potenziament de la rei digitèla l é vegnù endrezà l codejel sanitarie eletronich personèl con laite duc i dac e documenc sanitères do dai 19 de mè 2020. Chest codejel é de gran utol per l assistenza e la cura de la persona tant per l dotor de familia che per duta la strutures sanitères. Fosc no duc podessa esser a una de spartir si dac dant del 2020 per che...

L apuntamënt ie urmëi tradizion. Mez juni ie tëmp de Hero, la garejeda de roda da mont plu cunesciuda, spetaculera y ria dla Dolomites. Nce chëst’ann cun truepa ntraunides y manifestazions ntëurvia ala cumpetizion agonistica. Ntervista cun Gerhard Vanzi, presidënt dl cumité de urganisazion. Conduzion Leo Senoner

Por i 150 agn dla dlijia nöia da La Val, recorda l’Uniun dl teater de chësc paisc, la storia intravaiada che é gnüda a s’ al dé por costruí chësta costruziun consacrada y desposté insciö le zënter dl paisc. Program de Sara Frenner

L grop da mont del zenter Fascia à renovà sie diretif che scomenza via con gaissa so lurier olache i se met dant de slarier fora si ativitedes e doventer più tecnologics. En rejonon con Lorenzo Battisti, neo-president, conduzion Anna Mazzel

Nadia Rungger, scrituria jona de Gherdëina che a bel davagn deplü pesc leterars, porta dant poesies originales. Dal festival de poesia alpina metü a jì dala Lia di Auturs dl Südtirol SAAV ( presidënta Rut Bernardi) a Porsenù.

La poesia la averc i ujes a la marevea, al jir del temp, ai sentimenc e a la natura… ma co stajela anchecondì? El pa amò zachei che à gust a se lascèr portèr delaite de chest mond pien de segnificat? N rejonon col poet e scritor Stefen Dell’Antonio Monech. Conduzion Cinzia Pistoia