LADINIA LIVE - Podcast

Da Novëmber 2022 á le museum "Fort Franzensfest" n diretur nü, Emanuel Valentin. RAI Ladinia le á invié te studio. Conduziun Esther Videsott

Susy Rottonara, musizista, pianista y ciantarina soprann, auturia de musighes y operes contemporanes sön la liënda de Fanes, plö iadi premiades a livel internazional, presënta in sabeda 19 de nuvëmber, deburiada cun Roland Verra, le film "le Regn de Fanes" y sona n valgünes de sües composiziuns musicales a Minca (München) pro na manifestaziun culturala dl MaximiliamsForum organisada da Longega Pro...

Ntervista cun l presidënt dl cunsorz Dolomiti Superski Andy Varallo sun l scumenciamënt dla sajon dai schi 2022/23

La cooperativa sozièla Oltre endreza n moment de enconter te la boteiga "Ensema" de Ciampedel vender ai 11 de november per fèr cognoscer la ativitedes de la coprativa e l projet DES "distret de economia solidala". En rejonon con Nicolò Caola, conduzion Anna Mazzel

Werner Pescosta è l'autur dl liber "130 agn strada dla Val Badia". Coche al è nasciü le liber, ciüna che è la storia, les tapes, i problems y les desfides de na infrastrutüra essenziala por le svilup sozial, economich y turistich dla valada. N program de Alessandro Dapunt

L lëuf ie urmëi na realtà cunfermeda te nosc raion. For plu suvenz se lascel udëi ti bosc y nchinamei ti luesc abitei. Ciunes ie pa la cunseguenzes puscibles, co iel pa da ti ji permez ala cossa? Cunsciderazions y cunsëis dl verdiaciacia respunsabl de Gherdëina, Simon Demetz. Conduzion Leo Senoner

La Festa di Sènc e ence chela di Morc vegn zelebrèdes te dut l mond catolich e l é ence cheles olache fosc più persones tol pèrt. En rejonon con Cesare Bernard prof. de religion. Conduzion Anna Mazzel

Philipp Lerchegger, presidënt dla Müjiga de Badia fej n bilanz dër positif dl teater musical "Ujöp da Oies" metü a jì ala fin de messè a Oies de Badia: les 150 persones che à laurè pro le proiet tëgn adüm coche na gran familia. Le teater pudess gnì mustrè le proscimo ann de setëmber tl teater de Balsan y val ciantia gnì portada dant a Roma, deache de otober 2023 toma le jubilè di 20 dala canonisaz...

La mobilità te nosc raion l é n argoment semper atuèl. Ai 28 de otober, al Muse de Trent, vegn rejonà de de chest tem con riferiment spezifich ai cosć - no demò economics- e a la conseguenzes che la mobilità pech efizienta à su la popolazion. N rejonon col president de Transdolomites Massimo Girardi. Program de Cinzia Pistoia...

Dai 23 ai 30 de utober uspitea l zënter dal tennis a Runcadic la 13. edizion dl turnoi internaziunel de tennis ATP di ëi te Gherdëina. Ntervista cun la presidënta dl cumitè de urganisazion Ellis Kasslattter. Conduzion Leo Senoner

En domenia ai 23 de otober a Ciampedel l Union d Ladins de Fascia endreza via la Festa del Rengraziament olache vegnarà rengrazià i volontères del Socors da mont. La festa sarà ence l'ocajion de n confront e na riflescion su chest an senester. En rejonon con Alison Prinoth che farà la moderazion te n confront tel cheder de la Festa e Andrea Dorigatti del Socors da mont, conduzion Anna Mazzel

Le festival di cors di mituns dla Ladinia "cianta cun nos" rüva ala ediziun numer 18. A Reba de Fodom in dumënia ai 16/10/2022. Cun la vizepresidënta dla Uniun Generela, Milva Mussner che à cordinè l' organisaziun, vëgnel comentè y prejentè la manifestaziun. N program de Alessandro Dapunt

I dis passé, te Fascia, l é stat portà dant la setemèna del azet; na scomenzadiva con scontrèdes, musega, performance e èrt per rejonèr de comunanza. Con l'edizion de chest an l Comun General de Fascia, dessema a etres partner, l'à volù se domanèr cheche vel dir fèr acolienza. N rejonon più avisa con la conseiera de Procura Mirella Florian. Conduzion Cinzia Pistoia

L Istitut culturel Micurà de Rù adum cun l'Università "La Sapienza" de Roma urganisea n vënerdi ai 7 de utober tla sënta de San Martin n simposium n lecort dl prufessëur Walter Belardi, per unerè si mpëni per la rujeneda y cultura ladina. Prejënc danter l auter, i prufessëures dla “Sapienza” Marco Mancini y Paolo Di Giovine. Ntervista cun Marco Forni, lessicograf dl Istitut culturel Micurà de Rù....

Elena Testor (Lega) è vegnuda confermeda tel scagn de Senadora per la seconda outa col 44,03% de stimes tel colege de Perjen che tol ite ence Fiem e Fascia. Si ejit personèl é mingol na ezezion a la desfata che à abù la lega a livel nazional. Analises e riflescions con Elena Testor, conduzion Anna Mazzel

Na presentaziun cronologica y comentada de dütes les normes plö importantes (leges costituzionales, Dpr, decrec legislatifs, leges provinziales) che a piè ia dal statut d'autonomia dl 1972 à da nen fa cun la scola ladina y la scunënza culturala di ladins tl Südtirol. le cudejel "la scola ladina y i 50 agn dl secundo statut de autonomia" è n strumënt scëmpl y plajor por avëi na suravijiun sön la no...

La presidënta dl Schiclub Gherdëina Lidia Bernardi candidea pra la veles dl cunsëi dla Federazion taliana di sporc da d’inviern sul program ai 15 de utober a Milan. L’esperienza tl schiclub y tla sezion provinziela dla Federazion sciche cherta da vijita per na ndesfideda nueva. Program de Leo Senoner

L projet "Attivamente" se met dant de sensibiliser la comunanza dintornvia la demenzes sporjan vèlch atività spezifica per fer cognoscer coche se pel jir encontra al vegnir veies e se rencurer. Na lingia de apuntamenc endrezè dal servijie sozioassistenzial del Comun General de Fascia adum con la comunità teritorièla de la Val de Fiem, la sociazion Rencureme, la cooperativa Le Raisc e l'Azienda pro...

Na udleda sun la sajon agunistica 2022/23 dl Hockey Club Gherdëina. La prima scuadra, l setor di jëuni, l’atività dla lia sportiva dl hockey te na ntervista cun l presidënt Walter Ploner. Conduzion Leo Senoner

Per la 5°edizion del Simposie Toni Gross zipiadores e artisc che crea musega e strumenc lurarà en cobia dai 12 ai 16 de setember a Poza per chierir ensema de trèr fora dal legn formes e sons sot al ciapel “Surplus”. En rejonon col diretor artistich Pierangelo Giacomuzzi, conduzion Anna Mazzel

Le liber "Le bosch süa richëza y gestiun " por ladin, 400 plates cun tröpes ilustraziuns y n glossar cun i inoms y le parores specifiches è na funtana de informaziuns che po interescè düc, dai apascionà dla natüra a chiche laora te bosch y cun le bosch. L' autur, Gottlieb Moling, comissar dla forestala tl' ispetorat da Bornech, à metü adüm plö de 30 agn de esperienza y competënza da verdabosc y of...

Con David Romelli e Flavio Rossi - che anter Cianacei e Roma i à metù en pe na firma de ceramiches da l'inom "Utol"- rejonon del valor de l'artejanat. Conduzion de Cinzia Pistoia

Da valgugn egn la coprativa sozièla Inout endreza via desvaliva ativitèdes per bec e bezes fora per l'istà con scomenzadives originèles e curiouses. En rejonon con Thomas Zulian e Martin Pederiva, conduzion Anna Mazzel

N mierculdi ai 31/08 gëura la 28. edizion dla mostra anuela dl artejanat artistich de Gherdëina. Coche for tl zënter dal tennis de Runcadic, chëst'ann cun n presidënt nuef dl'Unika, Matthias Kostner. Cunsciderazions sun la nuviteis da chëst'ann. Conduzion Leo Senoner

Giuvani Pescollderungg maester in punsiun che vir a Al Plan, à fat tröp por la cultura ladina,cun la publicaziun de dui libri de poesies y süa ativitè pro la Uniun di maestri, la Lia dai Crëp de Mareo y la Uniun di Ladins dla Val Badia. Deache ël à scrit la cronica dl paisc Al Plan por le libr Sass dla Crusc 50 agn alalungia,ti à la Uniun di Ladins, che dà fora la publicaziun fata na picera festa...