LADINIA LIVE - Podcast

Cun agost de chest’ann à la lia dl turism de Sëlva n diretëur nuef. Caroline Runggaldier à dat ju si ncëria a Günther Pitscheider, na persona de gran esperienza tl ciamp turistich, ulache l à laurà ti ultimi ani pra la IDM y dant bel da diretëur dl cunsorz turistich de Gherdëina. Conduzion Leo Senoner

La festa de Santa Maria Maiou à na gran tradizion te Fodom, en rejonon con Stella Palla de l'Union di Ladins da Fodom. Conduzion Anna Mazzel

Dal festival de poesia alpina d'aldedaincö, metü a jì dala Lia di Autores Südtirol SAAV (presidënta Rut Bernardi) a Porsenù de mà dl 2023. Cristina De Grandi da La Ila, nasciüda tl'ann 1973, stüdi de lingac y leteratüra, de profesciun insegnanta, à publichè de sües poesies te dejvalies antologies, n liber sön le poet Max Tosi y à publichè tl' ann 2018 süa racoiüda de poesies "n iade y l' anima". A...

A Moena per dut istà vegn portà dant scontèdes e debatic con autores de nonzech. Tropes l é i libres e i temes traté e anter chisc spiza fora ence l nef roman de Giovanni Grasso -prejentà apontin en mèrtesc ai 8 de aost- che se dejouc endana la Seconda Vera. N rejonon con la vize ombolta e assessora a la cultura del comun de Moena Cristina Donei. Conduzion Cinzia Pistoia

Deplù lies ambientalistes y alpinistiches locales y naziuneles nvieia n juebia ai 3 de agost a na ancunteda sul Jëuf de Sela per sensibilisè la cumenanza y l’opinion publica deviers de na majera defendura dla cuntreda da mont. Leprò nce la lia de Gherdëina “Nosc Cunfin” cun si presidënta Heidi Stuffer, ncuei a Ladinia Live per antizipé nvalguni di argumënc plu mpurtanc. Conduzion Leo Senoner

Te chësc program cöi adöm RAI Ladinia valgügn de üsc plü bi iadi, por rodé le monn ince tres les eperiënzes de atri. N program de Sara Frenner

Con na cena sun Tamion olache magìa e jeghes se mescedarà scomenza via ai 28.07 na edizion neva de Circen Dolomites Festival, na setemena de evenc con artisc' profescionisc' e i joegn jogolieres per endrez del grop "Circensema" nasciù tel 2017. En rejonon con Thomas Zulian e Martin Pederiva, conduzion Anna Mazzel

Anita Obwegs, ciantauturia y musizista da Al Plan de Mareo, beliscima usc y talënt musical, à ciantè y sunè dal vì pro le festival de poesia d'aldedaincö metü a jì dala Lia di Auturs SAAV a Porsenù de mà 2023. L' artista sona instëssa i orghi da man. Les cianties nöies de Anita Obwegs è da ciafè tl album "Forza - Anita Obwegs" dl' ann 2020.. Na registraziun dl radio ladina dla Rai. Program de Ales...

Con la jent che rua man a man te noscia valèdes se smaora semper de più ence l trafich. N problem che va inant da egn ma che te cheste setemène l sosceda ence gregn cruzies e domanes en cont de la segureza te strèda. N rejonon col Comandant di Polins de Fascia Gianluca Ruggiero. Conduzion de Cinzia Pistoia

Le paur Markus Alton nes cunta te chësc program de sües bisces particolares. N program de Sara Frenner

Per l cuinto iede mët i artisc dl’Unika ora si lëures alalergia, ti raions da ji a pè di trëi luesc dla valeda, pra la scumenciadiva IDEA Unika. Chëst’ann cun 10 scultëures, da mez lugio nchina mez setëmber. N paralel iel da udëi nce autri lëures, de ndut bën 46, di artisc dl’Unika tl cuntest dl proiet dal titul “46”. De chësta doi scumenciadives nes conta l presidënt dl’Unika Matthias Kostner. Co...

A 100 egn da la despartizion dl popul ladin l'Union Generela di Ladins dla Dolomites met a jir ai 14 de messel te Ampez l Dì dla Unitè Ladina con referac sun i aspec storics, giuridics, linguistics-culturai y politics per meter al luster la conseguenzes dla despartizion. En rejonon con Elsa Zardini, pres. Union Ladis de Anpezo, Denni Dorigo diretor ICL Cesa de Jan e Giorgio Costabiei, president dl...

Dal festival de poesia alpina d'aldedaincö, metü a jì dala Lia di Autores Südtirol SAAV (presidënta Rut Bernardi) a Porsenù de mà dl 2023. Nadia Rungger, da Gherdëina nasciüda tl'ann 1998, stüdi de germanistica y linguistica aplicada, è na scrituria jona mo bel scialdi cunesciüda. Ala presënta na racoiüda de 10 poesies nöies, por ladin mo ince cun la traduziun por talian y tudësch. Le test de intr...

En sabeda ai 8 de messèl, sun Sass Pordoi, vegnarà portèda dant na sera de osservazion astronomica che fèsc pèrt de la lingia de apuntamenc "Canazei Campo Base". Per rejonèr de coche se pel spizolèr i eies sun ciel per ge vardèr a la marevea de l'Univers aron en coleament con nos Vincent Stambè, studious de Fisica e pascionà de vigni sort de steila. Conduzion Cinzia Pistoia

Tl turism da d’instà dolomitich tòl ite la roda na posizion for plu mpurtanta. Da atività sportiva o dl tëmp liede, ie la roda deventeda n fator economich strategich, che crësc da ann a ann y de chël che nosc turism se joa for deplù. Na analisa cun Ellis Kasslatter, consulënta per l setor dla rodes dl cunsorz Val Gardena Dolomites. Conduzion Leo Senoner

Le Sorvisc ai Jogn Val Badia pita tres sües ativites tratan le isté, n tëmp recreatif por nüsc mëndri, mo sambëgn ince n aiüt por les families. N program de Sara Frenner

Ai 24 e 25 de jugn l'Union di Ladins de Fascia met a jir na raida a la Krimmler Tauernhaus, la utia olache i pitores fascegn del passà à lascià sia pedies. En rejonon col president Fernando Brunel che l'an passà ensema col vize president del Istitut Cultural Ladin Franz Dellantonio Tasin à depent su n tulin de la stua simboi storics e decorazions che rechiama la tradizion fascèna e na frasa per fa...

Le festival de poesia alpina, cun 15 auturs dala ladinia, Friul y Grijuns, è gnü metü a jì da pert dla Lia di Auturs de Südtirol (SAAV) de mà 2023 tla biblioteca nöia de Porsenù. Roberta Dapunt, nasciüda tl 1970, che vir cun süa familia a Ciaminades de Badia, scrituria aprijada a livel nazional che à publichè deplö libri de poesies, porta dant poesies da süa racoiüda nöia "l'Trebo". Le test de int...

A la fin de mé l é stat metù en pe ofizialmenter la neva “Sozietà Gregn Evenc de Fascia”; na sozietà che se cruziarà apontin de endrezèr i gregn evenc te val. Per rejonèr donca de cheche vegnarà fat, aron al microfon con nos l president Andrea Weiss. Conduzion Cinzia Pistoia

Le Museum Ladin Ciastel de Tor ti deura sües portes a bëgn 3 mostres, che vëgn inaugurades deboriada. La direturia Katharina Moling nes cunta tl monü de ci che ara nen vá y inviëia ite ala vernissage. Program de Sara Frenner

Propone na gramatica normativa nöia por le ladin dl Val Badia. Na sintesa dl referat de Ruth Videsott pro le cunvëgn lessicografich de merz 2023 tl' Eurac a Balsan. Ruth Videsott, inrescidëssa de filologia pro l' Universitè Lëdia de Balsan, olache ala è responsabla di cursc de acuisiziun y didatica dl lingaz, è inciariada da pert dl' Istitut Micurà de Rü de arjignè ca la gramatica nöia por le ladi...

Ai 11 de jugn la Biblioteca del Istitut Cultural Ladin met a jir na scomenzadiva neva per fèr cognoscer e aprejièr si riches archivies e ge fèr viver ai joegn na net te museo recordan Franz Dantone Pascalin, l prum fotograf ladin. En rejonon con Lorenzo Dezulian, conduzion de Anna Mazzel

Do na sajon da d’inviern scialdi bona, cëlen cun otimism nce deviers dl proscim instà. Ma ie pa bën dut òr chël che luj y ciunes la ndesfidedes dl daunì per l turism da mont de nosc raion ? Ntervista cun Christoph Vinatzer, presidënt dl cunsorz Val Gardena Dolomites. Conduzion Leo Senoner

La musizista ladina Maria Moling, conesciüda poleplü por sü proiec musicai de „Ganes“ y „Me and Marie“ é da püch gnüda fora cun n singul nü y en chësc iade se presentera te n proiet da solista. Te chësc program nes cuntera de süa cariera profescionala, de sü traverc y de sü proiec atuai. N program de Sara Frenenr

Tröpes cosses condizionëia nostes usanzes tl mangé y bele da pici insö él important imparé da balansé i alimënc che röia te nosc corp. L’esperta tl’alimentaziun Ivonne Daurú Malsiener nes dá val’ consëi. N program de Sara Frenner