108學會

EP16 | 旅行嘅小事 - 華人的小孩很喜歡吃橙嗎 01.04.2023 38:43 ↓

隔左咁耐終於可以去旅行喇 一打開社交媒體都係朋友番鄉下嘅相 無論係鍾意shopping定睇風景 軍事訓練又或者係chill住玩嘅你 都嚟邊聽podcast邊一齊周遊列國 睇下我地喺外地發生咩驚險事跡 108學會 (希望)逢星期六更新 IG：soc_108

EP15 | 生日嘅小事 - 啊雲生日係世界海洋日 18.03.2023 36:04 ↓

生日係每個人一年入面嘅大日子 細個會喺麥當當大排筵席 大個就喺餐廳俾人當眾唱生日歌 你覺得生日禮物直接問定驚喜好啲？ 點都好揾到最舒服嘅方式慶祝最重要 預祝定各位同學生日快樂🤓 108學會 (希望)逢星期六更新 IG：soc_108

EP14 | 幸運嘅小事 - 聖誕交換嘅派ty禮物 04.03.2023 36:05 ↓

幸運有分好多種 小確幸、偏財運、考試運等等 你信唔信幸運係有quota？ 一遇到好彩嘅事反而會擔心之後黑仔 無論你幸運值有幾高 聽完我地節目包各位同學全年開運🤤 108學會 (希望)逢星期六更新 IG：soc_108

EP13 | 說謊嘅小事 - 說謊的人要吞一千根針 18.02.2023 40:59 ↓

爸爸媽媽話講大話會甩大牙 但大個就發現原來呢句本身都係大話 甚至人際關係有時白色謊言其實幾實用 但大話始終係大話 你地又有冇唔鍾意聽到嘅大話？ 快啲留言話比我地聽！ 108學會 (希望)逢星期六更新 IG：soc_108

EP12 | 飲酒嘅小事 - 醉意來得太快就像龍捲風 04.02.2023 39:47 ↓

無論自己一個定同朋友相處 飲酒都會莫名地chill 但原來酒精仲會激發潛能 由記得從來冇背過嘅電話號碼 到醉左都會沖涼嘅autopilot 分分鐘可以得到驚喜添… ！飲酒過量 有傷身體！ 108學會 (希望)逢星期六更新 IG：soc_108

EP11 | 新年嘅小事 - 你最紅 21.01.2023 39:13 ↓

一年容易又新年 經歷咁耐疫情終於有機會同親朋戚友共聚 當然少不免教大家順利得到利是嘅應對方法 原來坊間仲有一啲傳統習俗或者新年潛規則 想知點樣過個好年(同埋發財)就一定要聽呢集 最後祝各位同學兔年快樂！ 108學會 (希望)逢星期六更新 IG：soc_108

EP10 | 第一屆108盃問答比賽 10.01.2023 52:30 ↓

先祝大家新年快樂 我地終於迎嚟第一個十集喇woohoo 每逢十集就會有個特別計劃 今次就搞左一個文理商科冷知識大賽 相信大家聽完都唔會有咩得著 無論如何都多謝各位同學嘅支持！ 新嘅一年一齊努力加油🥰 108學會 (希望)逢星期六更新 IG：soc_108

EP9 | 交通工具嘅小事 - 司機禁區有落 12.11.2022 36:25 ↓

正所謂「你今日搭咩車嚟」 原來搭個車都有好多潛規則 小巴要自動醒水落車 的士要自己睇路唔好比司機兜遠 電車要拎部手機出嚟玩小精靈 要做個精明乘客就要聽最新一集喇

EP8 | 夏天嘅小事 - 夏日熱辣辣好熱好熱 15.10.2022 37:51 ↓

最近秋風起 不禁令人感嘆夏天離開 終於唔使再聞到夏天嘅味道 同埋再去gym room維持身材 日日三十幾度嘅日子真係好難捱 為左慶祝我地決定將倉底貨拎出嚟播(藉口) 108學會 逢星期六更新 IG：soc_108

EP7 | 親戚嘅小事 - 聚會一定有才藝表演環節？ 04.09.2022 37:48 ↓

中秋佳節將近 大家做節又可能見返啲姨媽姑姐 同呢班既熟悉又陌生嘅親戚相處 唔知大家覺得係享受定係考驗呢？ Anyways預祝大家中秋快樂啦 聽完呢集包你學識應對佢地 108學會 逢星期六更新 IG：soc_108

EP6 | 識朋友嘅小事 - 你今日搭咩車嚟 09.08.2022 39:04 ↓

去到新環境少不免識吓新朋友 破冰講啲咩先唔會老尷 適當嘅八卦可以幫你融入圈子 但拿捏不當就會成為犯眾憎 啊雲就快需要識新人好擔心 我地一齊諗諗計幫吓佢啦 108學會 逢星期六更新 IG：soc_108

EP5 | 理財觀嘅小事 - 咪比錢朋友 16.07.2022 45:09 ↓

為左一對波鞋你可以去到幾盡？ 情人節又會唔會正日慶祝？ 正所謂講錢傷感情 無論你係審慎派定大花筒 人同人之間理財觀念唔同就好易出事 遇到人借錢唔還就...good luck 108學會 逢星期六更新 IG：soc_108

EP4 | 初老症嘅小事 - 呢套戲好firm 09.07.2022 35:33 ↓

捱一晚夜要三日先回復到 飲酒飲兩三杯就會醉 生瘡每粒都數得出原因 如果有以上病徵 你好可能患上初老症 請盡快嚟我哋學會求醫 108學會 逢星期六更新

EP3 | 搭飛機嘅小事 - 祝閣下旅途愉快 02.07.2022 37:47 ↓

我地已經好耐冇搭飛機喇 係咪好掛住去機場上飛機嘅感覺 原來由check in到落機都可以困難重重 仲會上演機場狂奔嘅劇情 如果遇埋壞乘客真係想原地跳機 喺真係飛到之前聽呢集止吓癮先啦 108學會 逢星期六更新 IG：soc_108

EP2 | 校規嘅小事 - 你係學校嘅人民英雄 18.06.2022 41:43 ↓

作為中小學學生 大家或多或少都犯過校規 當中點會每樣都心服口服 遇到唔合理嘅規矩你會點做？ 想知我地俾人捉過啲乜 記得嚟聽第二集喇 108學會 逢星期六更新 IG：soc_108

EP1 | 宿舍嘅小事 - 到底我係咪一個好roommate？ 09.06.2022 42:25 ↓

大學五件事之一就係住宿 同一棟宿但住嘅人都千奇百怪 由起居飲食到衛生習慣 隨時都遇到人令你大開眼界 無論你有冇住過宿舍都好 快啲嚟聽下我地學會嘅第一集啦 IG: soc_108