صحبة

خالد وشاذلي بيناقشوا واحدة من أهم الأسئلة الي بيمرّ بيها جيلنا .. أي حد في فترة ما بعد الكلّيّة لحد التلاتينات كدة بيبقى عنده تساؤلات عن حياته المهنية .. يا ترى انا بحب أنهي شغلانة؟ فين الشغف بتاعي؟ ازاي اشتغل الحاجة الي انا بحبها لو كنت عارف انا بحب إيه؟ ولو مفيش شغل اعمل ايه؟ ازاي اخد قرار اشتغل فين؟ وغيرها من التساؤلات الي بتعدّي بينا في رحلة حياتنا بشكل دوري. تعالوا نتعرّف على الحواديت الي بنح...

كلّ فترة بتيجي حاجة معيّنة تبقى موضة، أو ترند. في الحلقة دي خالد بيتساءل عن "موضة" العلاج النفسي. وشاذلي بيحاول يقنعه انها حتى لو كانت موضة فهي موضة صحّيّة. وكالعادة، بنخرج بأسئلة أكثر من الي دخلنا بيها.

سؤال إجابته ممكن تكون بتحكم أغلب تصرّفاتنا وقراراتنا من غير ما ناخد بالنا. "إيه الي بيحرّكك؟" في الحلقة دي خالد وشاذلي هيناقشوا الدوافع الي بتنطلق منها معظم تصرّفاتهم، وهيحاولوا يفهموا أكثر عن نفسهم وعن الناس من خلال النظر للدوافع دي.

في حياة كل واحد فينا محطات بتمثّل له نقطة تحوّل في حياته وبتدي قصته غنى ومعنى. في الحلقة دي خالد وشاذلي بيتناقشوا في المحطات دي في حياتهم، وبيتساءلوا عن أهمية التفكير فيها، والبحث عنها في حياة الناس التانية.

كل واحد فينا بتعدي عليه مواقف بيفقد فيها السيطرة.. خالد وشاذلي هيتناقشوا في الأسباب والوسائل الي ممكن نقلّل بيها من المواقف دي. وازاي نشحن البطّارية.

ازاي نشوف النّور في عزّ الظلام .. ازاي نكون احنا نبراس للناس .. ازاي نكون صحبة بتدّي أمل للي حوالينا .. وهل أصلًا في أمل؟ وهل في خطوات عملية ممكن نبدأ تنفيذها حالًا؟

الصُحبة الي بنقابلها في طريقنا أو بنختارها، وأثرها علينا. ازاي صُحابنا ممكن يكونوا في بعض الأوقات أطواق نجاة. وازاي احنا ممكن نلعب دور طوق النّجاة ليهم في أوقات تانية. حوار مُلهم بين خالد وشاذلي عن واحد من أكبر المؤثّرات الخارجية علينا.

في الحلقة دي هنناقش ازاي نشأتنا بتأثّر علينا. تقدروا تبعتوا لنا على الإيميل: sohba@fasilahradio.com وعلى واتساب: 01113119550