Gruesch usem Wintergarte

Mir sind zrugg us dr Summerpause. Fühlet euch druggt. Herzlich willkomme zrugg zu Gruesch usem Wintergarte.

Wär isch dä Dedektiv? Wieso sind Hoverboards nümm in? Villi Froge und vill Spass bim Lose vo dr neue Folg!

Zwei Spiel, Moritz wo fast kotzt, enttüschte Philip, Staubsugroboter, Nagelmaschine, Fuessball und vieles Meh! Vill Spass bi däre Folg.

Zwüsche Chaos und 8 Lüt im Ruum wirds heiss und dumm. Egal, Folg 100 isch do. Höre mir jetz uf?

Omg isch das dumm. Sorry, sorry, sorry. Die Hundersti kunnt, mir schwöre.

Ja, ja, ja. Was sind tolli Folgetitel und welli sind eifach mid galteret? Mir traue uns nid die 100sti Folg zmache, trotzdem düemr uns dr Vergangenheit stelle...brrr..brrr.

Das isch nonig Folg 100. Kei Angst! Die hüttig Folg beinhaltet Spiel, Quatsch und e grossi Prise Grüsch usem Wintergarte.

Mir sind zrugg!!! Ja ja ja, das hättet ihr nit dänkt? Nur no ei Folg bis zum Jubiläum. Das isch wiedermol e klassischi Laberfolg, vill Spass!

In dr Salzgrotte gits Stress! Begleitet de Gérard Depardieu (der Stein) und sini Fründe Philip, Phippe und Morizz uf ere spannende Podcastreis. Wieso isch de Phippe debi?! Moses, Mariah Carey und Gaga?! Wär hett würklich uf dr Bühni gstillt?

Mir fühle uns wohl, mir sind fröhlich. Während d Vögel uns in d Ohrmuschle zwitschere, reflektiere mir über unsere fründschaftliche Wärdegang und blödle uf hohe Ebene umenander. Tauchet in s Blödle ih und begleitet uns uf däre Reis

Begleitet uns erneut durch die wildi Wält vo de Rezensione und springet mit mir näbe s Bett. Dr Philip vrliert si Gsicht und dr Moritz de Schueh. Scheiss Folge, 5 Sterne!

Boah es isch lang här womr die Folg ufgnoh händ. Kei Ahnig was do inne passiert. Irgendwas mit Litwuch glaubs. Vill Spass, schöne Donnstig.

Lönd euch entfüehre in die malzigi Wält vom Franco. Ich find Bier blöd, aber de Moony kippt sich ab und zue moll e Hopfesaft hinter d Baggeflügel. Eifach dass es moll gseit isch. Weiter so!

Hey, ho, mir sind widr im Wintergarte yo. Begleitet vom Pheipen, kämpfe mir uns durch de dichti Theme-Dschungel. Vill Spass!

Sind die Textuszüg vo Kollegah oder Napoleon? Die Folg behandelt wichtigi Theme und git Iblick in d Biografie vonere ganz wichtigi Person vor!

Ja, ja, ja. Das ist eine Premiere. Da wir drei uns so gut verstanden haben, haben wir zwei Folgen für euch aufgenommen. Viel Spass beim Hören! (Ups, normalerwis isch das immer uf Baseldütsch. Sowy Leude!)

MI AUTO ISCH DOCH KEI BRIEFKASTE?! Mir sind im Wintergarte mit em Skip. Är isch nätt und hübsch, aber vorallem e Lehrperson (är macht professionell Musik). Vill Spass mit däm intelligente Podcast.

Mir rede über ganz villi Themene. So villi, dassi sie nidmoll alli ufzelle kha. Es isch au sicher kei gschids Thema drunter. San Frantschüssko!

Es wird gügelet, dä Podcast isch asträngend. Zum Glück wärdet ihr an däre Stell vorgwarnt! Trotzdem isch die Folg toll und nochhaltig für d Gsellschaft. Ciao, bella Ciao

Die letzti Folg vor dr Winterpause. Jojo, mir wüsse scho, dass mir eigentlich scho Pause gmacht händ - jetzt aber offiziell! Gniesset die langi Input-Folg und saget Klaus Santi Grüess vo uns. Küss und gueti Rütsch (kei Ahnig was Mehrzahl vo Rutsch isch) Moony und Eichel

Hallihallo mini Liebe und härzlich willomme zum neue Format "Dummschwätzer". S Format isch sälbsterklärend, lönnd uns in Rueh. Schöni Wuche wünsche mir!

Nimm es bitte konstruktiv, ja?! Wir mögen euch, wir lieben uns. Bitte konstruktiv nehmen. Carpe Diem!

Das isch kei Folg. Das isch nur e Gspröch zwüsche zwei junge Herre, wo sich aktiv Gedanke über und um unseri politischi Situation mache. Loset sälber!

Wo simmr gsi? Das weiss nur dä im Himmel. Mir sind zrugg. Erschöpft und entschuldigt gömmr die dumme Themene vom Alltag ah und nämme euch mit uf e wahnwitzigi Reis!

Nierestei, ei Wuche nid schaffe? Kennet ihr das Gfühl, wenn s Tram schreit? Folget uns durch e spannends Gfild vom lustige Worterguss.