Grísirnir þrír

Hvernig á maður að hegða sér í sturtu? Getur maður verið asnalegur í sturtu þegar maður er einn? (spoiler alert: Gumma finnst það). Það eru stóru spurningarnar í dag, auk þess sem gríslingarnir (hlustendur) spyrja spurninga, strákarnir gera realískan leikþátt og Geinar reynir að bjóða Gumma á deit.

Strákarnir taka við spurningum frá gríslingunum sínum. Hvað gerir maður ef glugginn manns snýr öfugt? Hvað gerir maður ef krakkar hæðast að reykingunum manns? Strákarnir reyna líka við hina eftirsóttu fimmu auk þess að komast að sannleikanum um hver er skítugastur.

Grísirnir þrír velta fyrir sér erfiðu spurningunum í lífinu eins og hvaða ár sé. Ótrúleg eftirhermukeppni á sér stað og grísirnir keppa í hver er með mesta ADHD.

Skrítnir tímar kalla á skrítið podcast. Kafbátar hafa verið mikið í umræðunni síðustu daga og þar af leiðandi alveg borðleggjandi að gera heilan þátt um kafbáta. Kafbátasérfræðingur þáttarins, Máni Arnarson, mætir í spjall og svarar heimskulegum spurningum um kafbáta, hernað, internetið, gervihnattadiska og Nordstream jarðgasleiðsluna.  Og já Geinar er veikur. 

Hvern hefði grunað að strætóferðir séu flóknustu félagslegu aðstæður sem fyrirfinnast? Geinar eltir fiðrildi og skoðar rúðustrikað blað. Hvor er líklegri, Guðmundur eða Guðmundur? Allt þetta og miklu meira í nýjum þætti af hlaðvarpi sem heitir í bili, Grísirnir þrír.

Reglur í sundklefanum, ástmögur þjóðarinnar, skítugt rassgat með strákunum, þrjár lygar og tvær eru sannar og alltaf að muna að faðma endurskoðandann sinn ... í sundi.

Löðrandi ferskt þemalag úr smiðju DJ Gulla Femm, Geinar tengir við bipolar froskinn í Þytur í laufi & hversu mikið á að tala við iðnaðarmenn? Oooog þið viljið ekki missa af þessari eftirhermukeppninni!!!

Áfram með smjörið! Nýtt nafn. Nýtt upphafslag. Framtíðarhornið? Hvaða reglum verður að fara eftir í afmælum? Spurningakeppni. Og hin sívinsæla eftirhermukeppni.

Þetta er komið í gang! Fyrsti þátturinn! Hversu oft á að nikka manneskju í búð? Má commenta á hvað fólk er með í körfunni? Hvernig verður entertainment framtíðarinnar? Grísirnir velta fyrir sér stórum spurningum og reyna að velja nafn á þáttinn (spoiler alert: það gengur ekki vel.)