Driesestig

‘n Kanadese politikus het die internet aan die gons nadat hy ‘n toespraak gelewer het, wat met behulp van KI geskryf is. Die raad wat KI gegee het, is per ongeluk in die toespraak ingesluit.

Sanger Emilie Minnie vertel vir Martelize Brink van sy ervarings in Oesbekistan, waar hy skoolhou.

Calla du Toit praat oor die ontwikkeling van appelvariëteite soos Pink Lady, wat jare kan duur.

In Japan is daar nou yskaste wat gemaak vir een mens om in te pas. Die doel is om vir ‘n kort tydjie die erge hitte te ontsnap.

In hierdie week se landbounuus: Graan SA spreek sy misnoeë uit oor die JSE se besluit oor sojaboon-liggingsdifferensiaal; Mosambiek wil sy afhanklikheid van Suid-Afrikaanse groente verminder; die Suid-Afrikaanse Pluimveevereniging doen ’n beroep op die landbouminister om ’n nasionale voëlgriep-inentingsprogram te bespoedig; en rosyntjieprodusente oorskry die honderd duisend ton leweringsmerk.

Mediapersoonlikheid Ingrid Jones het tydens 'n besoek aan haar dogter in Seoel, Suid-Kore,a halsoorkop verlief geraak op dié land en sy kultuur. Sy vertel vir Haidee Muller-Isaacs wat sy alles ervaar het doer anderkant die water.

Kos- en kultuurhistorikus Hetta van Deventer-Terblanche praat oor dille, wat vars of as saad gebruik kan word.

Weens hitte moedig die regering in Japan mans aan om hul baadjie-en-das-werksdrag te ruil vir kortbroeke, t-hemde en tekkies. Vroue kla nou oor beenhaarteistering met dié dat hulle daarin moet vaskyk. Om hulle in ag te neem, laat laser somminge mans nou hulle beenhare.

By die Kogman & Keisie-gasteplaas op Montagu maak Liana Jansen van FIJN Botanicals parfuum uit die veld. Jy kan ‘n dag saam met haar in die ryk geskiedenis van die omgewing pluk en delf. Johan Rademan was daar.

Dieetkundige Valpré Huisamen vertel hoe jy kos kan kies wat jou toelaat om meer te eet en voller te voel, maar steeds minder kalorieë in te kry.

Die eienaar van ‘n restaurant met 2 Michelinsterre in Seoel is in die moeilikheid oor miere op die spyskaart. Buiten vir ‘n boete van sowat R224 000, vra aanklaers ook vir ‘n jaar tronkstraf.

Haidee Muller-Isaacs het die 2017-naaswenner van die Agri's Got Talent-sangwedstryd opgespoor. Jason Baartman was destyds 'n algemene werker, en deesdae is hy 'n junior produksiebestuurder wat sy storie met appels ken. Hy kweek sommer self appelbome, vertel dié jong landbouman van Ceres.

Dr. Mandie Uys vertel wat ons kan leer by Ethiopië, en die laaste Salomoniese keiser, Haile Selassi.

‘n Paaldans het skeef geloop in Amerika. Toe die paal skuif, tref dit ‘n brandsproeier wat twee woonstelle met waterskade gelaat het.

Arnold Bothma vertel vir Martelize Brink van Georgië se kultuur. Dié oudpolisieman het afgetree in die dorp, Kobuleti.

Ystersmid Bradley Cloete werk met vuur wat tot 1 800 grade Celsius warm kan wees. Johan Rademan het op Soetmelksvlei gaan kyk hoe hy ‘n klinknael maak.

In Japan oornag mense in sogenaamde spookhuise om te bewys dat daar niks ongehoord gebeur nie. ‘n Sertifikaat help dan om die waarde van die eiendom te verhoog, siende dat mense huiwerig is om ‘n gestigmatiseerde eiendom te koop of huur.

Sonia Dillon vertel vir Martelize Brink dat sy en haar man Curtis, minstens drie keer per week die Nasionale Krugerwildtuin besoek en verfilm. Hulle waarnemings is te sien by DustBugs Travel, 'n YouTube-kanaal.

In hierdie week se landbounuus: ‘n Nuwe diensverskaffer aangestel om die staat se brandbestuurprogram te koördineer. Agbiz waarsku teen ekonomiese onsekerheid in die tweede helfte van die jaar. AgriSA kondig ’n vennootskap aan in die geveg teen landelike misdaad. ‘n Span van die Universiteit Stellenbosch wen vanjaar se Veeplaas/Stockfarm-studentevasvrakompetisie.

Prof. Phillip Strydom vertel hoe atipiese beesvleissnitte, soos picanha, gaar gemaak behoort te word.

Israel se Minister van Omgewingsbeskerming het die Nylkrokodil herklassifiseer as 'n versorgde wilde dier. Dít baan die weg dat die diere by gevangenisse ingespan kan word vir sekuriteit.

Van kindsbeen af is Francois Steyn versot op branderplankry, wat later in kompeterende branderroei (Waveski) ontwikkel het. Hy het al Suid-Afrika verteenwoordig in branderroei, en is eersdaags op pad om Peru se branders aan te durf. Johan Rademan het met hom gesels oor dié sport, en hoe hulle dit vir ontwikkelingsdoeleindes inspan.

Jacques Erasmus van Hemelhuijs vertel sitrusvrugte die beste is om in te lê, die kortpaaie en die regte verhouding tussen vrugte, suiker en water.

Haidee Muller-Isaacs gesels met oudskoolhoof Hubert Titus. Hy en sy vriende, onderwyser Lukas Minnie en motorwerktuigkundige Leon Hougard ry fiets van Rundu af in Namibië tot in Worcester as deel van ‘n fondsinsameling vir evangelisasie, asook 'n kosprojek vir haweloses. Hulle mikpunt is om 2 500 km af te lê, en hulle vorder fluks.

Spesialis dermatoloog dr. Barbara van der Westhuizen verduidelik waarvoor infrarooimaskers gebruik word, en of dit veilig en effektief is.