Driesestig

Adri Smit vertel stories van die Vergete Grootpad, en die Bossie Goud-skattejag.

Barbara Joubert praat oor kook met vinkel.

Die negentigs se Tamagotchi-gier is weer hier. Anders as die ou weergawe van die elektroniese troeteldier, hoef die nuwes darem nie te sterf as dit ‘n halfdag sonder aandag is nie.

Haidee Muller-Isaacs het Mina Conradie op Heidelberg raakgeloop. Mina is al jare lank 'n groot RSG-aanhanger. Dis nou sewe jaar na haar kankerstryd, en met Mina gaan dit baie goed. Op Heidelberg is sy bekend vir haar heerlike gebak. Sy vertel vir Haidee van haar dankbaarheid.

Op Oesterbaai, ‘n kusdorpie in die Oos-Kaap, praat die mense van hulle eie Masterchef, Bokkie Lombard, wat, só sê hulle, beter as die bestes kan kook. Mariska Spoormaker het gaan inloer by sy Oester Kaya-gastehuis om self te proe.

Bernice Venter praat oor die rol van DNS-ontleding in siektevoorkoming en -behandeling.

Om pandas aan te hou, is net te duur. Finland stuur ‘n pandapaar agt jaar vroeër terug China toe. Teen een-en-‘n-half-miljoen Euro per jaar, kos dit meer om die twee pandas te onderhou as al die ander diere in die dieretuin saam.

Veteraanomroeper Henk Bierman vier sy 90ste verjaardag op 25 September in Stilbaai. Hy het saam met paar groot uitsaaigeeste gewerk, soos Leon Schuster, Ferdinand Deist, Nic Swanepoel en Fanus Rautenbach. Sy bynaam was “Die Pous”, want hy het baie godsdiensprogramme geskryf en aangebied. Johan Rademan het met hom gesels.

Mo April, Jade Davids en Luciano Goulfarris vertel vir Martelize Brink van die rol wat Ambassadors for the Community speel in die lewe van die jeug van Delft.

Twee New Yorkse tieners is in die knyp nadat hulle ‘n trein gesteel het. Hulle kon net 15 meter ver met dit ry, maar daar is skade waar hulle in iets vasgery het.

Helené van Tonder gesels oor die lewe in Delhi, Indië. Die aanslag tot hofmaak is veral heelwat anders as wat op tuisbodem gebeur.

Haidee Muller-Isaacs gesels met oom Alfred Rademan oor die plaas Dasjesdrift, tussen Heidelberg en Witsand.

Die Strong Nasionale Museum van Speel in New York het ‘n heldesaal vir speelgoed. Vanjaar se 12 finaliste wat vir die heldesaal genomineer is, sluit My Litte Pony in, maar ook stokperde en ballonne.

Kadys Prins gesels oor krokodilboerdery, en waarvoor die verskillende spesies se velle gebruik word.

Jy loop letterlik die beste stories raak, het Mariska Spoormaker agtergekom toe sy op die Chokka Voetslaanroete vir Henry Maarman by die Dune Ridge Country House ontmoet, en hy haar op ‘n padda-safari geneem het.

Prof. Francois Engelbrecht praat oor die impak van osoonverdunning op die weerprosesse.

Jane Malyon van Essex se kersboom staan heel jaar reg, ingeval haar 35 jarige en 40 jarige seuns by die huis opdaag. Daar is altyd ‘n kalkoen in die yskas, en die kerskouse is vol. Sy sê sy besef dis ‘n bietjie eksentriek.

Andy Selfe vertel van Mostert se meul, die enigste werkende windmeul in Afrika.  Die Vriende van Moster se Meul sorg dat die stene bly maal.

Koshistorikus Hetta van Deventer-Terblanche praat oor sojasous, wat reeds sedert 1662 in Japan gemaak word.

Haidee Muller-Isaacs gesels met Basil Koopman, plaasbestuurder van die Oudewerfskloof Olyfplaas op Stilbaai, wat onlangs die Agri-Werker van die Jaar-toekenning losgeslaan het.

In China maak mense op allerhande maniere geld uit egskeiding. Een so ‘n manier is om foto’s, gedruk op duursame bord, en huweliksmemorabilia te vernietig, en die proses op video vas te vang.

Haidee Muller-Isaacs gesels kunstenaar Louise Kluyts op Heidelberg oor watter rol kuns behoort te speel, en hoe sy hand bysit op die dorp sodat kuns in openbare spasies vir almal toeganklik kan wees.

Dr. Chrisna Keyser praat oor die redes vir haarverlies.

‘n Man in Amerika sukkel met ‘n kragrekening wat styg, al doen hy wat. Toe die diensverskaffer gaan kyk wat gebeur, besef hulle hy betaal al 18 jaar lank sy bure se krag.

Swemafrigter Rocco Meiring vertel vir Martelize Brink van swem in Suid-Afrika. Verskeie Olimpiese swemmers, onder andere Tatjana Smith, Kaylene Corbett en Erin Gallagher, word deur hom afgerig.