Driesestig

José Caballero was besig met ‘n wedstryd vir Tampa Bay Rays teen die New York Yankees. Tydens die wedstryd is ‘n transaksie beklink waar hy deel geword het van die Yankees, sy naam toe reeds verwyder uit die Rays se spanlys, en het hy vir sy nuwe kamerade in hulle klubhuis drukkies gaan gee.

Dermatoloog dr. Barbara van der Westhuizen praat oor die funksie van neushare, en watter neushare jy maar kan verwyder, en hoe.

In Indië is daar grafstene met QR-kodes op. As jy dit met ‘n foon skandeer, sien jy die storie van die gestorwene op ‘n webblad.

Magdaleen Smit van Plettenbergbaai is só passievol oor sampioene dat sy Mariska Spoormaker geïnspireer het om voortaan op die uitkyk vir sampioene te wees wanneer sy deur veld, vlei en bos loop. Magdaleen se sampioenstalletjie by ‘n markdag in Kouga het selfs peuters nadergelok.

Caville Abrahams van die Nasionale Seereddingsinstituut vertel van situaties om te vermy om in die water uit die moeilikheid te bly.

In Switserland is die riviere só skoon dat mense in die hoofstad, Bern, werk toe swem.

Tobias Meyer vertel van die lewe in N’Djamena, die hoofstad van Tsjad.

Die dertienjarige ballerina Mikayla van Heerden vertel van ‘n optrede in Switserland, en haar deelname aan die 12e Suid-Afrikaanse Internasionale Balletkompetisie. Sy het verlede jaar goud gewen in twee afdelings by die kompetisie.

Die 53-jarige Letitia Britz is al 26 jaar skoon van dwelms. Sy is al jare lank betrokke by ‘n ondersteuningsgroep vir jong mans, Peacemakers, in Heideveld op die Kaapse Vlakte as deel van

‘n Fout met ’n tolstelsel het veroorsaak dat tolgeld vir 38 ure nie ingevorder is by tolhekke in Japan nie. Meer as 24 000 mense het egter uit hulle eie aanlyn gaan betaal. Hulle en ander gebruikers wat in daardie periode by werkende tolhekke in daardie omgewing betaal het, het egter hulle geld teruggekry.

Veearts dr. Kaylin du Plessis praat oor troetelreptiele se winterbehoeftes. Sy vertel onder andere van maniere om hulle warm te hou.

Deepak Prag is die derde geslag van sy familie uit Indië, wat Suid-Afrika sy tuiste gemaak het. Hy is ‘n sakeman en skoenmaker van beroep. Jy kan nie vir hom sê: Skoenmaker hou jou by jou lees nie, want hy ken sy storie. Johan Rademan het met hom gesels.

Machiel Oberholzer vertel hoe hy en Marlene op ‘n groep vir gestremdes aan die gesels geraak het.

In Kenia is daar verlede jaar 300 000 ton se inheemse kosplante geoes, maar om die saad te koop of te ruil is onwettig.

Velle, die polisiehond, is al lankal afgetree, maar steeds kom sy, stywe bene en al, werk toe. Adjudantoffisier Riaan Victor van die Baaise Honde-eenheid, wat al 13 jaar met brandhonde werk, sê hy bring Velle, afgetree by hom, steeds werk toe anders raak sy te depressief. Maar eers vertel hy vir Mariska Spoormaker meer oor die funksie en opleiding van ‘n brandhond.

Kos-en kultuurhistorikus Hetta van Deventer-Terblanche praat oor vla, soet sowel as sout, wat al langer as tweeduisend jaar voorgesit word.

Poue is sinoniem met ‘n hotel in Kalifornië. Dosyne poue is egter stil-stil daar weggedra.

Heidi van der Merwe vertel vir Martelize Brink dat sy 23 jaar gelede ‘n tweede kans op die lewe gekry het nadat sy lewerkanker oorleef het. Nou gaan sy vir ‘n jaar lank vroualleen met haar hond, Harley, op ‘n motorfiets deur Afrika reis en lewerkanker-bewusmaking doen.

Ons praat oor ‘n olifant of twee in die vertrek met Hein Vosloo, wat baie jare by Eskom se kragverspreidingsnetwerk gewerk het. Johan Rademan gesels met hom oor hernubare energie, of groenkrag, se uitdaging, wat die verspreiding daarvan is.

Willie Schoeman verduidelik wat hiperbariese suurstofterapie behels, waar jy aan hoër atmosferiese druk blootgestel word.

‘n Vals ambassade vir Seborga en Wesarktika, lande wat nie bestaan nie, is in Indië deur die polisie toegemaak.

Haidee Muller-Isaacs loer in by Lisa Truter wat al 30 jaar lank haar lewe aan gemeenskapswerk wy. Sy was nog nie een dag spyt nie.

‘n Tifoon en ’n oorstroomde kerk was nie genoeg rede vir ‘n paartjie in die Filippyne om hulle troue uit te stel nie.

Jan Hugo vertel vir Martelize Brink van Lagos in Portugal waar hy al vyf jaar woon. Hy vertel dit sukkel maar om die taal aan te leer, maar jy kom goed reg daar met Engels.

Dink net... net omdat jy na die kerkbasaar gaan, het jy gratis toegang tot die ongerepte Baviaanskloof Wildernisgebied, ‘n provinsiale natuurreservaat. En dit is nie al nie – die boere in die landbougedeelte van die Baviaanskloof bied ook gratis verblyf aan die basaargangers van buite. Daar aangekom, het Mariska Spoormaker haar verluister aan Amanda Lamprecht se groot geesdrif vir die omgewing én...