Driesestig

Zak Conradie het groot drome om ’n suksesvolle kunstenaar en entrepreneur te word, in weerwil van 'n gebrek wat sy sig en gehoor beïnvloed. Zak het verlede jaar as gaskunstenaar opgetree by Prince Albert Open Studios waar sy werke vertoon is saam met ander groot kunstenaars soos Joshua Miles en Anna Stone.

Nicolette Meades vertel vir Martelize Brink van die Elvisklub vir sanhangers van die koning van rock.

Xander Nel gesels oor gewigoptel. Hy het verlede jaar matriek geskryf, en laat spat reeds die rekords in die juniorkategorie vir 17 tot 24 jariges waarin hy deelneem.

Die iSimangaliso-vleilandpark in KwaZulu-Natal strek vir 220 km van St. Lucia af tot by die Mosambiekse grens naby Kosibaai. Dis ‘n mariene bewaringsgebied en was voorheen bekend as die Groter St. Lucia-vleilandpark. Die park is in 1999 deur Unesco tot wêrelderfenisgebied verklaar. Jacqui January het op St. Lucia met André von Plaster gesels oor dié besondere plek wat hy al die afgelope 23 jaar hu...

Dieetkundige Irene Labuschagne praat die invloed van koffie op hormoonvlakke, en of jy tot na ontbyt vir die boeretroos moet wag.

Skrywer Carina Stander gesels oor haar grootwordjare en die tuin en feetjies wat haar so inspireer.

Wynand Espach vertel vir Johan Rademan en Martelize Brink van ‘n nasionale sertifikaat in plantproduksie met cannabis en hemp.

Ons sit die gesprek oor kunsmatige intelligensie voort. Verlede week het ons gehoor hoe joernaliste in die gedrukte media sal moet aanpas om hulle werk duidelik te laat onderskei van die skryfwerk wat ‘n rekenaarprogram, oftewel BOT, met die naam ChatGPT kan doen. Maar, dit sal ook die onderwys raak, sê professor Darelle van Greunen, direkteur van die Sentrum vir Gemeenskapstegnologie by die Nelso...

Werner Jerling vertel van siviele ingenieurs se rol in munisipale infrastruktuur en behuisingsprojekte.

Haidee Muller-Isaacs gesels met die akteur en kunstenaar, John B. Swart. Hy het sy internasionale debuut gemaak in PLANET OF THE SHARKS en was ook in die HBO-program, RAISED BY WOLVES. Plaaslik was hy te sien in BOLAND MOORDE en ANDER MENS. Ons hoor hoe die hond, Tjoppie, John se lewe gered het nadat hy in 'n ernstige motorongeluk was 'n paar jaar gelede.

Louis Holtzhausen vertel van ‘n kinderspanningsverhaal wat die belangstelling in skaak aanwakker.

Martelize brink loer in by Laerskool Wynland op Worcester op die vooraand van die aanvang van die nuwe skooljaar. Skoolhoof Liezel van der Westhuizen sê hulle is gereed vir die nuwe jaar se uitdagings en suksesse.

Martelize Brink gesels met Arné Stander, entomoloog by Babylonstoren, oor die belang van insekte en hoe om hulle tuis te laat voel in jou tuin.

Omdat Carike Keuzenkamp so lekker sing oor Sarah de Jager, het baie meer Suid-Afrikaners vertroud geraak met hierdie legendariese vrou, wat veral op Hentiesbaai so goed kon vis uittrek. Nou lyk dit asof 'n hoërskoolonderwyseres van Despatch, die 25-jarige Monique Jonck, dalk eendag in Sarah-se voetspore sal kan loop. Mariska Spoormaker het gaan hoor.

Joernalis Julian Jansen gesels oor sy loopbaan, hoe hy misdaadboeke skryf, en hoe hy die inhoud en op-die-toneel-verslaggewing as mens verwerk.

Pedro Alvez van die Advanced School of Locksmithing vertel van die geskiedenis van sleutels, nuwe tegnologie, en wat die skool aanbied.

Haidee Muller-Isaacs gesels met Leoni Fourie oor die Klein Karoo Leessentrum, en wat dit vir die kinders op Matjiesrivier buite Oudtshoorn beteken.

Martelize Brink gesels met paaldansinstrukteur Madelize van Schalkwyk van Pole Dance Cape Town oor paaldans as ’n sport. Sy verduidelik hoe die paaldans wêreldkampioenskap werk waar Chantal Cornelissen onlangs in Italië goud gewen het.

Martelize Brink en Johan Rademan gesels met die nuwe generasie balletdansers in Suid-Afrika, Carmi Landsberg (14 jaar oud) en Josh Williams, lede van die Mzansi Balletskool.

Al jare lank moet akademici, uitgewers en nuusredakteurs hulle storie ken om plagiaat in skryfwerk te herken, maar nou is daar ChatGPT,’n kragtige kunsmatige intelligensie bot wat sake lelik kan omkrap. 'n Kommunikasiekonsultant en joernalis van Nelson Mandelabaai, Ed Richardson, glo dit sal 'n onomkeerbare invloed op die mediaveld hê. Mariska Spoormaker het meer gaan uitvind.

Lizz Meiring gesels oor haar insameling van drag vir 'n kleremuseum. Sy soek alle klere en bykomstighede van die 1800’s tot vandag.

Martelize Brink kuier aanhuis by skrywer en kultuuraktivis Elias P. Nel in Kraaifontein, en bespreek sy loopbaan en die groot taak om die rieldans te laat herleef.

Haidee Muller-Isaacs praat met prof. Jean Greyling van die Nelson Mandela Universiteit. Hy koordineer, in samewerking met die Leva Stigting, die Tangible Africa-projek. Hulle fokus is om onderwysers en leerders voor te berei vir die toekomstige kodering- en robotika-kurrikulum vir skole.

Tershia de Klerk van die National Freedom Network en die Joseph Movement praat oor die wettiging van prostitusie, of te wel sekswerk.

Dawie Botha vertel van die interessante geskiedenis van die damme bo-op Tafelberg.