Driesestig

Haidee Muller-Isaacs besoek ’n paar blommeverkopers op straat in die Kaap, en 'n bloemiste in die Karoo om te hoor wat verkoop vir Valentynsdag.

Jandro Conradie vertel vir Johan Rademan en Martelize Brink van die ontwikkeling van Amerikaanse voetbal in Suid-Afrika, en ‘n toer na Maryland in die VSA later vanjaar waar hulle aan ‘n toernooi gaan deelneem.

Voëlteler Frederick Prins vertel vir Martelize Brink van dwergpapegaaie, of Lovebirds.

In Nelson Mandelabaai loop die lede van die Bethelsdorp Gemeenskapspolisiëringforum breëbors rond nadat hulle onlangs deur die Suid-Afrikaanse polisie as die beste gemeenskapsforum op nasionale vlak aangewys is. Karen Kemp, voorsitter van die forum, het vir Mariska Spoormaker gesê dit voel nou asof hulle harde werk ware erkenning geniet.

Prof. Francois Engelbrecht vertel vir Martelize Brink wat die osoonlaag is en hoe dit werk.

As bendelid het Yaseen Jasand Mohammed sy ma se hart gebreek, maar ná ‘n paar omgedopte jare ruk hy homself reg en maak deesdae opslae as Sasso Vlet, die rapper van Tiryville / Lapland. Feitlik al sy skeppings waarsku hoe maklik ‘n mens se lewe verkeerd kan loop. Sy jongste treffer, PLEK, TYD, handel juis hieroor. Mariska Spoormaker het hom gaan opsoek.

Chrisél Attewell vertel vir Martelize Brink van haar kuns, wat kyk na die skakel tussen die mens en die aarde.

Veelsydige Protea vrouekrieketspeler Anneke Bosch gesels met Johan Rademan en Martelize Brink voor hulle in die ICC T20 Vroue Wêreldbeker-openingswedstryd teen Sri Lanka te staan kom.

Haidee Muller-Isaacs kuier by Bettie Roelofse op Rawsonville. Sy was op haar dag een van Worcester se top kleuterskoolonnies. Deesdae maak sy die mooiste engelpoppies.

Johan Scheepers vertel vir Johan Rademan en Martelize Brink van MAAN Creative animasie-ateljee. Hulle het in 2022 ‘n Internasionale Emmytoekenning ontvang.

Natasha van der Merwe gesels met Johan Rademan en Martelize Brink oor haar loopbaan in musiekblyspele, op die kassie en deesdae as sanger.

Hy is alombekend as een van die vriendelikste slagters in Bellville. Hy gesels met ieder en elk wat by die slaghuis instap asof hulle ou vriende is . Dis Jan Cilliers. Hy vertel vir Haidee dat hy as jongman eers in die korporatiewe wêreld gewerk het. Toe hy desjare begin sake doen het in sy klein biltongwinkeltjie, het hy net mooi niks van vleis geweet nie.

David du Toit vertel vir Johan Rademan en Martelize Brink van Dragonfly Aerospace se EOS SAT-1 plaaslik vervaardigde satelliet vir landboudoeleindes, wat deur SpaceX die ruimte in geneem is.

Fanie van Aardt vertel vir Johan Rademan en Martelize Brink van die konstruksie van die brûe op die N2-snelweg in die Tsitsikamma-omgewing.

Uit Despatch kom die lieflike verhaal van Ruben Ross, ‘n matriekleerling van die Hoërskool Despatch. As ongebore baba het hy ‘n beroerte in sy ma se maag gehad, wat tot gevolg gehad het dat Ruben fisieke uitdagings in sy lewe moes oorkom. Vandag is hy onder meer ‘n kampioen diksusgooier. Ruben se ma, Cindy, het vir Mariska Spoormaker vertel wat gebeur het.

Anneke Greyvensteyn vertel van die Coparent-toepassing, wat veral ouers in gebroke huishoudings kan help om saam in vrede hulle kinders se aktiwiteite te koördineer.

Lionel de Lange vertel vir Martelize Brink hoe hy al sedert 2014 leeus, bere, wolwe en ander groot katspesies uit Oekraïne red.

Daar word baie in Suid-Afrika gedoen t.o.v. kankernavorsing en kankerbewustheid. Dr. Carl Albrecht het dekades lank gewerk as kankernavorser. Ná sy jare as dosent by die Universiteit Stellenbosh, is hy aangestel as die eerste navorsingshoof van die Kankervereniging van Suid-Afrika. Hy het veral gefokus op die hoof omgewingsfaktore wat aanleiding gegee het tot die vehoogde risiko vir kanker, en hoe...

Phillip Kuschke vertel vir Martelize Brink van die antieke motor-toer deur die Wes-Kaap.

Eugene Marais vertel vir Martelize Brink hoe 3D-druk in die boubedryf werk.

Haidee Muller-Isaacs gesels met Thinus Fick, wat 'n loopbaan as ingenieur verruil het vir kitaarbou. Dis 'n absolute passie en selfs al dink 'n mens nie so nie, gebruik hy tog sy ingenieursagtergrond in dit wat hy nou doen.

Elizma en Jaco Botma vertel vir Martelize Brink van armdruk as sport.

Dawie Bester vertel vir Johan Rademan en Martelize Brink hoe hy die eerste jaar van sy lewe op Tafelberg gewoon het, en op 79 die eerste keer weer terug was op die berg.

Al jare lank verlustig die lesers van Die Burger Oos-Kaap hulle aan die kort brokkies nuus van verlede in die rubriek, 50 jaar gelede, wat uit die destydse Oosterlig gehaal word. Die vrou wat al die jare die ou nuus uit die Oosterlig-argiewe opdiep, is die Baaienaar Willemien Green. Mariska Spoormaker het oor haar skouer gaan loer.

Maryna Calow praat oor die waarde van wyntoerisme op die verjaarsdag van die Suid-Afrikaanse wynbedryf.