Driesestig

Vanessa Graham vertel vir Martelize Brink van die geskiedenis van Bengaalse katte, en die buitengewone kenmerke van die katte soos die pelspatrone wat soortgelyk is aan dié van luiperds.

Haidee Muller-Isaacs het die grondpad aangedurf, en in die Kammanassie-distrik anderkant Dysselsdorp op Oom Manie du Plessis se plaas gaan kuier, waar hy nou ook met amandels boer.

Dieetkundige Mariza van Zyl praat oor die seewiergier in gesondheidskoskringe. Daar is veral baie navorsing oor seewier se voedingswaarde in Japan gedoen.

Henry Heynes vertel vir Martelize Brink hoe bronsbeelde gegiet word. Hy het onder andere die 9 meter hoë Nelson Mandela standbeeld by die Uniegebou gegiet

George is een van die grootste en vinnigste groeiende dorpe in die Wes-Kaap. Dis nie net vir toeriste ‘n trekpleister nie, baie mense het die kusdorp in die laaste paar dekades hulle tuiste gemaak. Jacqui January gesels met eiendomsagent Marinda da Silva. Sy wou by haar weet wat van die faktore is wat bydra dat die dorp behoorlik uit sy nate bars.

Andries Kotze en Monika Pike vertel vir Martelize Brink van die oudste wewersgilde in die land, en die weefklasse wat hulle aanbied.

Gert van Tonder en Annemarie Ferreira gesels oor die gebruik van plaaslike mos in ‘n mostuin. Gert het so ‘n tuin vir Annemarie op die Tokara-landgoed in Stellenbosch gemaak. Bykans 2 000 ton materiaal is in die skep van die tuin gebruik.

Haidee Muller-Isaacs gesels met DaVinci, 'n danser van Oudtshoorn, wat 'n nasionale hip-hop danswedstryd gewen het. Hy vertel hoekom hy begin dans het, sy droom om sy eie dansateljee te besit, en 'n nuwe paar dansskoene. Hy neem die naweek weer aan 'n nasionale kompetisie deel. André Calitz van WX Hip Hop Street Dance Development SA gesels saam.

André Smit vertel vir Johan Rademan van tegnologie om plastiek tot voedselgraad te herwin. PET is die plastiek wat meerendeels vir voedseldoeleindes herwin word.

Marinda Engelbrecht gesels oor haar loopbaan agter die stoof en op die verhoog.

‘n Hele simfonieorkes wat nie vals speel nie, hang aan die beginsel van 440 Hertz. Johan Rademan gesels met Gawie Wolmarans, ’n digitale klavierstemmer, en hulle kyk ook na waar jy jou klavier op die beste plek in jou huis kan plaas.

Jaco Joubert gesels oor die botaniese kunsuitstalling wat by Kirstenbosch te sien is.

Dawie Botha vertel vir Martelize Brink van bouprojekte in KwaZulu-Natal, soos die N2 nasionale pad tussen Mthunzini en Empangeni oor die Mhlatuze-vloedvlak.

Anina Lundie gesels oor haar ervaring van die kunste in die onderwys, en hoe sy telkemale verras word deur die waardevolle impak wat dit in kinders se lewens maak. Anina werk by die Wes-Kaapse Onderwysdepartement as 'n senior kurrikulumbeplanner vir Skeppende Kunste.

Shirley Botes en Brad Bing vertel vir Martelize Brink van straatnetbal wat in verskeie gemeenskappe bekendgestel is in die aanloop tot die Netbalwêreldbeker wat in Suid-Afrika aangebied word.

André Thuynsma vertel vir Martelize Brink van sport vir veldwerkhonde. Hy en sy Labrador, Moxie, is ‘n gedugte span.

Dans is ’n kragdraende kommunikasiebron. Jacqui January gesels op O’kiep in Namakwaland met Alfred Hinkel. Hy is bekroon as dansmeester, en is veral bekend daarvoor dat hy rou jong talent omskep in uiters kreatiewe dansers. Hy werk met jongmense in die omgewing, en dis merkbaar hoe hulle selfvertrou groei. Die jongmense laat die lewensvaardighede van respek vir self en ander deursypel na jong kind...

Jan Vermeulen vertel hoe versigtig jy moet wees vir waar jy jou foon se battery herlaai. Die Amerikaanse sepurdiens, FBI, waarsku teen laaigeleenthede in openbare plekke.

Johan Boshoff verduidelik vir Martelize Brink watter prosesse gevolg word om melk gereed te kry vir die verbruiker. Hy vertel onder andere van pasteurisasie, homogenisering en die UHT-proses vir langlewemelk.

Haidee Muller-Isaacs verken Bonnievale se kanale.

Willem Boshoff vertel hoe bome teen Tafelberg geverf word om basstroping  te voorkom.  Die bas word onwettig geoes vir traditionele medisyne en rituele.

Christopher Bourgeois vertel vir Martelize Brink hoe dit gekom het dat hy as ‘n Fransman Afrikaans kan praat. Ons hoor hoe hy in Afrikaans grootgeword het, en tans op ‘n werksbesoek in Suid-Afrika is.

Haidee Muller-Isaacs gesels met Elzabé Zietsman oor hoe haar lewe verloop het nadat sy haar gewilde restaurant, Zietzies, se deure moes sluit. Elzabé vertel ook hoe sy intussen kwilts leer maak het.

Landseer Collen vertel vir Martelize Brink van die verhouding tussen argitektuur en handelsmerke, en die simboliek in geboue.

Charl du Toit gesels oor sy loopbaan as naelloper, sy wêreldrekords, paralimpiese goue medaljes en sy loopbaan in die onderwys ná sy uittrede uit mededigende atletiek.