Driesestig

Nadat sy deur diep gesondheidswaters gegaan het, is Annelie Botes, die skrywer van trefferboeke soos Raaiselkind, ThulaThula en Katvis, onseker of sy weer 'n boek gaan skryf. Mariska Spoormaker het Annelie by haar huis in die Baai gaan besoek nadat sy uit die Aurora-rehabilitasiesentrum ontslaan is.

Lizanne Nel praat oor die impak van loodpatroonpunte op mens en dier. Sy vertel ook van alternatiewe punte wat beskikbaar is en deur die SA Jagters- en Wildbewaringsvereniging verkies word.

Frans Ferreira vertel vir Martelize Brink van die rosyntjieaanleg op Upington wat die agtste grootste ter wêreld is.

Hennie van Loggerenberg is 'n sjef, illustreerder en fotograaf. Hy en sy vrou, Katie, vertel vir Haidee Muller-Isaacs van hulle vyf kinders, nie een biologies nie, maar nietemin hulle s'n. Twee van die kroos is aangeneem en drie is voogkinders. Hulle vertel van hulle liefde vir hierdie vyfstuks, die uitdagings en tuisonderrig.

Anico Mostert gesels oor kuns wat die konsep van tyd weergee. Dis ‘n gereelde tema in haar werk, en van haar kuns is te sien in ’n uitstalling, Endless Night.

Hierdie kan nou te buitensporig klink om waar te wees, maar dit is so: die 77-jarige Piere le Roux, ‘n boorling van die Baai, hou homself topfiks, want hy glo dat sy droom om ruimte toe te gaan, aanstaande jaar bewaarheid sal word. Hy het in 2016 al R5-miljoen rand vir sy ruimtekaartjie betaal. Mariska Spoormaker het met hom gepraat.

Andrew Saunderson en Henk Roux vertel vir Martelize Brink van tradisionele nat skeer. Henk het ’n skeerseepversameling van bykans elke skeerseep wat in Suid-Afrika gemaak word. Seepmaker Andrew vertel van die skeerseep wat hy op kleinskaal by Kiapanande maak.

EK ’N JY kuier by Martelize Brink op Jeugdag. Dié organisasie op Koringberg bied verskeie sportsoorte vir die jeug aan. Linda van Rooi, Peter Faroa, Mariana Diedericks, Nikeesha Cloete, André Naude en Griffin van Rooi vertel van hulle betrokkenheid by skaak, netbal, raakrugby en straatkrieket.

Marnus Hatting vertel vir Martelize Brink wat is beter - ‘n petrol- of ‘n dieselenjin. Hy vertel hoe die tegnologie ontwikkel het, en die voorkeure in verskillende lande.

In 2021 het die jong Tayla Prince haar eie besigheid begin en dit Tayla's Seedlings gedoop. Vandag het sy 'n stuk grond gekry en woeker sy omtrent. Haidee Muller-Isaacs het by haar skool, Hugenote Hoërskool op Wellington, gaan inloer.

Jeugromanskrywer Joha van Dyk vertel vir Martelize Brink hoe haar daaglikse blootstelling die weg vind in haar stories in.

Die Baviaanskloof in die Oos-Kaap is beroemd vir baie redes, maar buiten die unieke geologie en ryk natuur, is daar nog 'n ding - die voertaal is só Afrikaans dat 'n tolk ingeroep moet word wanneer 'n aanbieding of toespraak in Engels gelewer word. Dus kan 'n mens jouself net voorstel wat die reaksie was op die aanstelling van 'n Engelse speurder. Een van die Baviaansklowers, Cedric October, het m...

Bernard Leicher vertel vir Martelize Brink hoe hy as matrikulant reeds 'n vlieglisensie gekry het, voordat hy ’n bestuurderslisensie kon kry.

Ilne Fourie vertel vir Martelize Brink van haar wêreld van stories. Sy skryf die stories, en soms beeld sy dit self uit op die verhoog of agter die mikrofoon.

Suid-Afrika se inheemse medisiale plante is internasionaal bekend, en vir plantkundiges op eie bodem en elders ‘n ware paradys. Plantkundiges vergader gereeld om oor die volhoubaarheid en gebruike van plante besin. Professor Ben-Erik van Wyk van die Universiteit van Johnnesburg vertel van ‘n onlangse internasionale geleentheid.

Paul Gildenhuys vertel vir Martelize Brink van jagproklamasies en jag op eiendomme met sertifikate van voldoende omheining.

Frans Ferreira vertel vir Martelize Brink van die Kalahari se veesuipingskemas wat water voorsien aan veeboerderye. Die twee skemas dek saam 'n area bykans so groot soos die Vrystaat.

Jo-Nette Le Kay het eers op 25 musiek gaan studeer nadat sy die Universiteit Stellenbosch se koor ontdek het tydens haar aanvanklike studies in sielkunde. Haar pa, Ivan, was die Paarl-Wellington streekkoor se dirigent. Nou leer sy jongmense om hulle stemme holisties te ontwikkel vir klassieke sang. Haidee Muller-Isaacs het by haar gaan kuier in die Paarl.

Jaco van Schalkwyk vertel vir Martelize Brink van The Character Company se langtermyn mentorskap om seuns waardes aan te leer, sodat hulle goeie mans met sterk waardes word.

Prof. Aletta Bester-van der Merwe vertel vir Martelize Brink van die elasmobranch genetika-navorsingsgroep se rol in die handel van haai- en pylstertprodukte.

Daar is nou Suid-Afrikaners wat sê hulle fokus eerder op die kere wanneer daar wel krag is as op die beurtkragfases, want só sal hulle die krisis oorleef. Maar oorlewing raak 'n groter kopsorg wanneer jy 'n kleinbesigheid vóór die felle beurtkrag gekoop het, en die aankoop van 'n kragopwekker en diesel nie in die aanvanklike berekening gebring is nie. Dan het 'n mens beurtkrag- én besigheidvasbyt...

Generaal-majoor Willem Smit vertel vir Martelize Brink van die Bond van Oudpolisiebeamptes Westelike Provinsie. Saam met die sosialisering is daar ook ondersteuning vir oudpolisiebeamptes.

Melt van der Spuy gee vir Martelize Brink raad om die beste te kry uit jou poging met bemarking met video’s. Melt sê, begin net en wees outentiek.

Janco Geldenhuys vertel vir Martelize Brink oor planne om oneffektiewe gloeilampe van die mark af te haal. Hy sê LED-lampe is die beter opsie.

‘n Aktrise en ‘n beroepsfotograaf se paaie het gekruis, en net daar en dan skiet die kreatiewe vonk op om na-ure in die middestad ‘n onbenutte gebou met ‘n intieme teater te omskep in ‘n kreatiewe teaterjuweeltjie. Johan Rademan het ’n jaar later met Nardus Engelbecht en Lara Hatting by Die Toneelhuis gaan kuier.