Todos os podcast | A crónica deportiva

Cambados recorda ao escultor Asorey, a quen se adica este ano o Día das Artes Galegas. Unha mostra de imaxes das súas obras inicia na súa vila natal as actividades cinmemorativas, Falamos cos autores das fotografías, e dos textos que as compañan, Xurxo Lobato, e Felipe Senén respectivamente

Mario César Vila descóbrenos pegadas da Prehistoria de Galicia que pasan inadvertidas.

Estreouse no festival o filme “Tratamos demasiado bien a las mujeres” no que traballan Cris Iglesias e Iván Marcos. Emilio Fonseca presenta no certame o antidocumental “Salvaxe, salvaxe” e Lorena Ares a curta de animación “Cafuné”.

Un total de dez películas, documentais e curtametraxes con selo galego pasarán polo Festival de Cine de Málaga, a maioría en Seccións Oficiais e boa parte delas con apoio desta casa, da CRTVG. Falamos con Pablo Dopazo director de 'O frío', e Lorena Ares, codirectora de 'Cafuné'.

Afonso Becerra tráenos a estrea en galego por parte de Sarabela Teatro de 'O dragón de ouro', do dramaturgo alemá Roland Schimmelpfennig.

Recibimos ao músico Xabier Díaz, que hoxe publica o seu cuarto traballo con Adufeiras de Salitre

'Eva Mejuto tráenos dous libros máxicos. ´Xertrudis busca traballo' de Ana Meilán e Agustina Mattar (Entre Nubes y Cuentos) 'Os rescatadores máxicos e a trapela imaxinaria' de Sabrina Catdoor e David Sierra (La Galera)

O Celta busca reaccionar ante o pechacancelas co posto de Rafa Benitez en dúbida. O destrador do Racing de Ferrol, Cristobal Parralo di: debemos estar menos pendentes do rival e máis do que é cousa nosa". O Depor recibirá ao Lugo o domingo con Riazor ateigado. Os equipos galegos da ACB pretenden tornar os malos resultados en vitorias.

Visitamos a exposición antolóxica de Siro López no Kiosco Alfonso da Coruña. Titúlase 'Oitenta e un anos e un lapis' e repasa o traballo do caricaturista durante os últimos 55 anos. Nela atopamos imaxes de autores como Blanco Amor, Picasso ou Ramón Piñeiro.

O noso experto Moncho Lemos preséntanos dúas novas estreas esta semana: 'Dune 2', dirixida por Denis Villeneuve, e 'Dream Scenario', de Kristoffer Borgli.

Recibimos como cada xoves a Tito Lesende, que nos trae catro temas doutros tantos artistas: Bala, Monteperdido, Kaiser Chiefs e Coque Malla.

“A cultura é moito máis que un recurso económico, é tamén un dereito cidadán”. Alberto de Boiro coordina a Xornada Os dereitos culturais. Un novo paradigma para a cultura que vén que examina as últimas leis en materia de dereitos culturais.

Rafa Benítez teia na metáfora da maratón e dí que non pensa no descenso na previa do RC Celta - UD Almería. Gaizka Garitano, adestrador do UD Almería, dí que é unha final, o último tren pola permanencia. No Racing de Ferrol, malia estaren de sextos, Jon García nega que o equipo estea nunha fosa. Isi si-di- hai que mellorar. No Deportivo, David Mella non adestra co grupo por mor dun golpe nun xeonl...

A nosa experta en videoxogos, Luz Castro, segue co repaso dos premios DeVuego

"Hai unha comunidade artística moi potente que aínda non ten unha presenza nos espazos culturais á altura do que se vén facendo”. Sabela Mendoza coordina o ciclo sobre artes performativas De corpos presentes que abre nova edición na Coruña.

No Celta, lesión de Renato Tapia. Rotura de fibras, 3 semanas de baixa. Perderá os partidos coa UD Almería, Real Madrid e Sevilla. No Deportivo, o defensa central Pablo Vázquez dí que non lles obsesiona o 1º posto, senón manter o gran nivel destas últimas xornadas. No CD Lugo, o dianteiro Willy Ledesma di que é posible gañar en Riazor, con personalidade e concentración.

Vituco Neira fala con María Valle, voz e percusión no grupo Noites de rock e meigas. Fan fusión partindo da música tradicional galega con ritmos rock e punk dende Miranda de Ebro.

´Así vou eu, formando parte`, é o título do poemario que nos trae esta semana Dolores Vilavedra. Eva Veiga e Pilar Pallarés, que trataron a Luísa Villalta, escriben o epílogo e o prólogo desta escolma con 77 poemas. Luísa Villalta, autora que se homenaxea este ano no Día das Letras Galegas, celebraría este ano o seu 77 aniversario.

Mónica Maneiro comenta a exposición 'Inda é día', que recolle 50 anos de pintura de Antón Lamazares. Pode visitarse no CGAC ata o 5 de maio.

As compañías Elefante Elegante e Nauta Teatro presentan os seus novos espectáculos en FETEN 2024. 'Kyoky' e 'Gaia Baba, a meiga' forman parte do programa da XXXIII Feira Internacional de Artes Escénicas para Nenos e Nenas de Xixón.

Inauguramos a temporada de festivais co Festival do Queixo en Arzúa e A Candeloria en Lugo. En Arzúa, temos concertos de Guadi Galego, Fillas de Cassandra, Grande Amore ou Arde Bogotá; mentres que en Lugo podemos escoitar a música de Dakidarría, Rebeliom do Inframundo, ZOO, S.A., Talco, Los Chikos del Maíz ou Arrythmia.

Ultimátum a Rafa Benítez no Celta. Prohibido perder coa UD Almería. No Racing de Ferrol, Álex López fala do baño de realidade do equipo despois de 4 partidos sen gañar. No Deportivo, presentada a xornada da Liga Genuíne do 15,16 e 17 de marzo en Abegondo no medio dunha gran ilusión polos bos resultados.

Emilio Españadero percorre parte da obra de Xabier Díaz co gallo da publicación, o 1 de marzo, do seu novo disco con Adufeiras do Salitre.

Estíbaliz Espinosa recorda hoxe a Xosé Rodríguez, o matemático da parroquia lalinense de Bermés, designado Científico Galego do Ano pola Real Academia Galega de Ciencias. Ademais, escoitamos música feita por cactus e un poema de Concha Méndez, unha das 'Sinsombrero', a Rosalía de Castro.

O arqueólogo Samuel Nión-Álvarez fálanos do que pode ser o primeiro xogo de taboleiro, atopado nas excavacións de Castro Curbín. A datación con carbono-14 sitúao na Idade de Ferro.