Todos os podcast | A crónica deportiva

Os memes convertéronse en mensaxes con gran impacto no mundo de internet e son hoxe en dia unha parte esencial da comunicación política. Falamos desta nova forma de linguaxe e de como a Biblioteca Nacional de España está creando un arquivo para que se poida conservar e interpretar correctamente no futuro.

A publicación nun volume da obra literaria en galego ao completo de Francisca Herrera da pé a Dolores Vilavedra a lembra-la figura da escritora coruñesa. Fálanos da súa relación con Murguía e Rosalía, das dificultades que tivo que superar trala guerra civil ou dos inxustificados atrancos que demoraron o seu ingreso na RAG.

O tomiñés Gabriel Fandiño, G. Face, animouse a gravar un disco en galego tras gañar o concurso da canción do verán da TVG con "Vaivén". "G. Face na casa" é o título do documusical que acaba de subir ás redes este artista de 23 anos.

Segunda entrega do Black Metal galaico. Guitarras potentes soando na Radio Galega.

Afonso Becerra fálanos de "WTF", unha peza de rúa dunha compañía de recente creación, Ay Cariño!. Os creadores Diego M. Buceta e Cris Vilariño póñense na pel de duas criaturas chegadas á terra dende un planeta lonxano.

Eva Mejuto proponnos tres libros sobre libros desde a FIL, o maior evento editorial de Iberoamérica.

Amar o mar é o primeiro albúm de Belem Tajes. É un disco pero tamén un proxecto artístico que abraza a natureza. Cun formato artesanal e innovador, “trátase dun 'ecodisco' feito de materiais respectuosos co medio natural”.

Moncho Lemos comenta dúas estreas para esta fin de semana: -‘Emilia Pérez’, de Jacques Audiard.  Unha película musical para unha historia criminal multipremiada en Cannes. -‘Here’ (Aquí), de Robert Zemeckis, está  baseada na novela gráfica homónima de Richard McGuire.

Sellier Film Festival Debullamos a programación deste festival de cine singular, que só proxecta filmes en formatos fotoquímicos: 16 e 35 mm e mais Super 8. A oitava edición do Sellier Film Festival desenvólvese entre o 5 e o 8 de decembro, no Circo de Artesáns da Coruña. Todas as actividades son gratuítas.

Tito Lesende escolle múisca galega do pincho para este xoves: o avance do novo EP de Pava, o proxecto musical da escritora Lucía Aldao; estreas de Amoebo e Deleiba e a colaboracion das pandeireteiras Lilaina co grupo madrileño Soleado. 

Última hora do RC Celta antes de recibir ao Real Mallorca. O Racing busca hoxe en Barakaldo o pase na Copa. Última hora con Raúl Villares. Luís Casimiro presentado no Breogán. Víctor Pérez, ex Obra, novo axudante en Lugo.  As voces máis destacadas das sorpresas na Copa do Rei: Pontevedra 1 - Vilarreal 0 e Ourense CF 1 - RC Deportivo 0.

 'Andrés Fernández-Albalat. Arquitecto da memoria' A Real Academia Galega e a delegación coruñesa do Colexio de Arquitectos de Galicia homenaxean esta tarde a Andrés Fernández-Albalat Lois co gallo do centenario do seu nacemento. A partir das 18.30h con entrada libre na sede do COAG na capital herculina

Raquel C. Pico fálanos hoxe de comidas e sobremesas típicas do Nadal. Mudaron os costumes? Dende cando tomamos as uvas en fin de ano?

Manel Cráneo fala hoxe de cómics desde a Feira Internacional do Libro de Guadalajara, o evento editorial máis importante de Iberoamérica, onde tamén hai espazo para a banda deseñada. 

Repasamos a clasificación do Celta para a terceira rolda da Copa do Rei, previa da xornada copeira desta tarde: Ourense CF - Dépor e Pontevedra - Vilarreal e a saída de Mrsic do Breogán, onde Luis Casimiro semella que vai ser o seu sustituto. Tamén falamos con Milucho, histórico do Pontevedra que actualmente traballa coma olleador para o Vilarreal.

“Foi un avanzado defensor dos dereitos dos aborixes australianos e o primeiro galego global da historia”. A vida do tudense frei Rosendo Salvado, misioneiro bieito do século XIX, chega á televisión nunha docuserie da TVG dirixida por Valentín Carrera.

Dolores Vilavedra comenta a obra gañadora do premio Repsol de narrativa breve 'Pirotecnia'  , de Alberto Ramos

Mónica Maneiro comenta a mostra colectiva 'Afectos dixitais', que revisa como a tecnoloxía está mudando o xeito de relacionarnos. A mostra forma parte da iniciativa Faísca cultural da Universidade de Santiago e pode visitarse no Salón Artesoado do Colexio de Fonseca ata o 28 de febreiro.

As pinturas dos Lugrís abren o programa expositivo da galería de arte Lar