Todos os podcast | A crónica deportiva

As voces máis destacadas da eliminación do Pontevedra CF na Copa; Iago Iglesias, Bordalás, Samu Mayo, Rufo, Mario Gómez e Lupe Murillo.

En setembro Mafalda, o legado máis popular do debuxante arxentino Quino, cumpriu 60 anos. Manel Cráneo explícanos como esta persoaxe chegou a ser unha icona universal.

Máis de 20 artistas colaboran no primeiro álbum que publica Peter Petrowski baixo o seu nome. 'All Stars' celebra dez anos na música do produtor e beatmaker porriñés e inclúe 11 cancións nas que participan artistas como Hugo Gz, Nadie González, MJ Pérez, Flow do Toxo, García MC ou Nuria Vil.

Falamos con Víctor Vázquez "Churre" 5 horas antes do Pontevedra CF-Getafe CF. No RC Celta, Claudio Giráldez recoñece que Tasos Douvikas non quixo viaxar a Madrid para Copa. Tampouco entran na lista Aidoo e De la Torre. Están recuperados e viaxan Marcos Alonso e Fer López. No RC Deportivo, Pablo Martínez "oxalá Yeremay xogue en Burgos".

Mónica descríbenos a exposición "Brilla arenoso y dorado" de Cristina Mejías na galería Nordés da Coruña. A artista andaluza, galardonada co premio aos novos talentos de ARCO, amosa creacións cargadas de simbolismo realizadas con materias naturais que evocan a artesanía.

Presentamos Los Tónikash, unha banda de Pontevedra que fai música country e canta en inglés. Escoitamos o último EP gravado por este trio formado por Toño Caballero, Javi Rodríguez e Charli Pereiro.

Pablo Sánchez comenta os primeiros concertos do ano en Galicia: o da Real Filharmonia interpretando o "Peer Gynt" de Eduard Grieg, e o da Sinfónica de Galicia e a Orquestra Xove tocando a "Sinfonía Alpina" de Richard Strauss e o "Concerto para piano en sol maior" de Ravel.

O Celta recupera a Mihailo Ristic para a Copa no Bernabeu. Marcos Alonso segue a ser seria dúbida. Preocupación no Depor polo posible pago da cláusula de Yeremay, de 20 millóns de €. O estadio do Couto encherase e haberá bancada supletoria para o Ourense CF - Valencia CF de 8º da Copa do Rei. Pablo López, adestrador do Ourense CF: "sabía que se enchería".

Afonso Becerra tenta describirnos o traballo de creación artística de Ana Vallés, a dramaturga, actriz e poeta visual ferrolá galardonada coa Medalla de Oura das Belas Artes que outorga o Ministerio de Cultura.

Repasamos con Roberto Carlos Carballo e Victor Lopez a última hora do cadro olívico. Breogán e Basket Coruña disputan un derbi na parte baixa da taboa.

Moncho Lemas comenta as dúas últimas estreas de películas españolas: "Desmontando un elefante", unha cinta sobre os tabús das adiccións protagonizada por Enma Suárez, e "A metade de Ana", un drama dirixido por Marta Nieto.

Tito Lesende repasa a programación da sala Capitol de Santiago, a sala galega que ofrece máis concertos. Soan Ortiga, Baiuca, Loita Amada e Tarque.

Convocatoria e última hora do RC Celta. Oficial. Raúl Blanco Juncal chega cedido ó Racing Club Ferrol. Pablo Vázquez fala do inicio da 2º volta no RC Deportivo. O CD Lugo presenta ó dianteiro centro arxentino Nico Reniero.

Raquel cóntanos como evolucionaron os xoguetes dende a prehistoria ata agora explicando cales eran os máis populares en cada época, cando comezou a industrializarse a súa produción ou cales eran os máis comúns en Galicia.

Manel Cráneo lembra o décimo aniversario do atentado contra a revista 'Charlie Hebdo' e dá conta do presente desta publicación satírica francesa.

Presentado Jones El-Abdellaoui. Nos 8º da Copa, o Real Madrid no Bernabeu. Novidades no mercado de xaneiro do RC Celta con Víctor López.

Dolores Vilavedra fálanos de "Lampíricos (Diarios 8)" un libro de poemas de Antón Lopo publicado en versión bilingüe traducida por Ismael Ramos pola editorial Letraversal.

Falamos de arte téxtil con Sara Coleman, que explora este ámbito como artista e deseñadora e tamén como docente e investigadora. Publica o ensaio 'Espacios textiles: Habitando la interfaz', que propón unha lectura complexa da relación corpo espazo a través da interfaz téxtil.

Protagonismo competitivo para a última hora das Copas de fútbol, baloncesto e fútbol sala con participación galega nesta xornada.

Patty Castro lémbranos a traxectoria dunha banda mítica do deathgrind, os coruñeses Machetazo. Tamén falamos do poder crerativo do dúo vigués Dioivo.

A valenciá Sandra Gómez presentou dias atrás en Vigo o seu espectáculo de danza contemporanea "Cousas que soan". Afonso Becerra descríbenos esta peza que pon o foco na sonoridade da relación entre persoas e obxectos.

Moitos pais están pensando en que entre os agasallos dos Reis para os pequenos da casa haxa tamén libros. Eva Mejuto fainos varias propostas: "Nadalario", de Rena Ortega; "Soño de neve", de Eric Carle; e o calendario de Rosa de Cabanas "O mundo na cabeza".

Moncho Lemos fálanos de "Herexe", unha película de terror de Scott Beck e Bryan Woods, cunha loubada interpretación de Hugh Grant. Tamén comentamos "A luz que imaxinamos", unha produción india, premiada en Cannes, e que opta aos Glovos de Ouro.

Tito Lesende avanza os próximos lanzamentos dalgúns músicos galegos como Carlos Ares, Heredeiros da Crus, Carla Lourdes ou De Ninghures.