Professionell duretherapiert

BREAKING NEWS! Dr Körper schüttet jetzt au Ibuprofen us. Witeri Problem: Wieso das mitem professionelle Image endgültig vrbii isch, mit was für Infrastruktur-Problem mir bim Podcast konfrontiert sind, die fehlendi Resilienz vo gwüsse Zimmerpflanze und Blauzähn. Zudem luegemr em Silvan sini Jagd nach 50 Pokémon genauer ah. Enjoy! Inputs & Froge: hey@onkelsilvan.ch oder uf Insta @silva...

In dr hütige Folg usem Süde, zumindest zu 50%, gohts um d'Vorteil vo Italie, verhunzti Wortschätz je nach Bruefsgattig und em Silvan sini Problem mitm Erzählpräsens. Mir rede über unverständlichi dütschi Wörter und mir bespreche au, wieme bim schaffe ka Druck useneh und lernt mit Perfektionismus im Job umzgo Froge / Inputs wie immer gern an hey@onkelsilvan.ch

Wüssed ihr, was müehsam isch? Smalltalke anere Party wome kei Schwein kennt. Wie mir mit dem umgöhn (und natürlich no 20 anderi Sache) erfahred ihr hüt! Input/Froge: hey@onkelsilvan.ch oder uf Insta @silvanmeyer

Verdauigsproblem! Selbst-Diagnose! Bisexualität! Mozzarella! Und das sind nur 4 vo unzählige Wörter, wo in dr hütige Folg vorkömme. We wish you vil Spass bim listening! Inputs/Froge: hey@onkelsilvan.ch oder uf Insta @silvanmeyer

Hüt lerneder wiedermol für's Lebe (uf das gänn mir euch dr chlini Finger)! Sich zu unbequeme Sache überwinde bis zum Punkt - und jetzt müender alli ganz stark sy - wo's gar kei Überwindig me isch?!?! It's crazy?! Mir chegges au selber noni ganz. Zuedem gohts wiedermol bitz um ADHS aber mir erkläre au, warum das trotzdem alli agoht und wieso das überhaupt so isch, dass me bi allne ADHS-Symptom imme...

S'wildischte (!!) Passföteli vom Johrtuusig, verlogeni Wichtigtuer uf LinkedIn und ganz vil Infos zu "WIE ISCH DAS EIGENTLICH NOMOL GENAU MIT DENE STÜÜRE?" wo me sich entweder darf an Kopf länge ooooder vilicht sogar dr eint oder ander professionell duretherapierti Tipp ufschnappt. Theme wome halt mit 30 so het. Vil Spass bim lose!

Anstatt do e Zemefassig vo dere Folg z'schribe, folgt e Liste mit mögliche Episode-Titel, wo s'Renne leider nid gmacht hän: Vilcht sött ich mich im Oberstübli checke loh Ich ha probiert mir das schönztrinke Ich bin durchus fähig au nüchtern e gueti Zit z'ha Me verharrt in dr Opfer-Rolle Ich ka mir nüm zuelose! Ich ha exakt s'gliche Problem! Es macht kei Unterschied, ob si lang oder kurz sind JETZT...

Wenn du schomol e Zug benutzt hesch, denn fühlsch du dich hüt agsproche, will vom "Mysterium Zug-Restaurant" bis zu Gründ, wieso mir teilwiis lieber ufe Bode sitze als mit anderne Passagier in es 4er-Abteil, nähme mir zwei Pendel-Profis hüt alles dure. Und zwar in eim Zug höhö. Vil Spass bim Lose! Inputs/Froge: hey@onkelsilvan.ch oder DM @silvanmeyer

Freunde der Sonne! Dr Silvan het sin eigene Rotschlag nid befolgt und z'wenig trunke, für dass es Sinn gmacht hätt. Zuedem goht's drum, dass mir e völlig anderi Vorstellig drvo hän, wo me dr Abfall sött langere, als offebar vili anderi Lüt. Aber uns isch das eigentlich scheissegal - jetzt ischs duss. Witer hinde goht's no um Brutkleider, wie au immer das passiert isch - VIL SPASS BIM LOSE! Inputs/...

Salamander mitenander & welcome zunere Folg über Huusärzt, s'Superfood namens "Schlof", d'Balance zwüsche sich richtig ein hinter d'Rüstig römere und e ruhigi Kugele z'schiebe uuuund wieso mir au nonig ready sind, für dr ersti Shitstorm. ENJOY! Froge/Inputs: hey@onkelsilvan.ch oder DMs @silvanmeyer

Hüt rede mir über em Silvan si neu Job, gänn e kurzi Marketinglektion, sind fassigslos drüber, wie hützutags Iischaltquote gmesse werde, gän üsserst unqualifizierti Insights über dr ersti Tag als HR-Mitarbeiter:in bi Google, erwitere unsere Wortschatz um Wörter, wo zumindest öpper vo uns no nie ghört het und richte unseri Lebe nachem wiibliche Zyklus us. Gönn dir! Froge zum Diskutiere oder allgeme...

*Gääääähn* hüt goht's um s'Schlofe - genauer gseit um dr Silvan si Schlof! De isch nämlich plötzlich enorm fest gstört. Gstört sind au Lüt, wo 1000 Sonderwünsch im Restaurant aabringe, finde mir zwei zumindest. Mir finde sowieso wiedermol recht vil. Was findet ihr? Vil Spass bim lose! Aamerkige/Inputs: hey@onkelsilvan.ch oder direkt in de Instagram-DMs (@silvanmeyer)

In dere Folg gohts um Brieftuube und Fläschepost, unsers Lebensglück, Bildbearbeitig-gone-wild und soziali Burnouts. Richtig deep dasmol, s'isch verruckt. Vil Spass bim lose! Froge zum im Podcast diskutiere gern jederzit uf hey@onkelsilvan.ch oder via Instagram DMs.

Tipps, wie Ihr euch d'Paartherapie erspared, Fortpflanzigs-Biologie-Insides, Zimmerpflanze-SOS-Hacks - und das sind scho nur d'Theme vo dr erste Hälfti vo dere Folg!  D'Frog, ob mir zwei chönne koche und was mir alles zu dere sehr eifache Frog z'sage hän sowie e Deep-Dive in d'Gheimnis vo gsunder Ernährig runde das ganze ab - ihr send, es isch wiedermol wild. Vil Spass bim lose! Froge zum im...

Mir hän unseri ersti Frog vo EUCH bekoh und diskutiere die, nebst vilem andere dure! Es goht hüt ums Spüelmaschine-Gate und mittelalterlichi Arbeitswiise, Backblech-Lifehacks und ob dr Partner meh verdiene söll als me selber, Karriere und Kinder, d'Hürotsstrof, em Silvan sis Dopamin-Detox (und sim drzueghörige All-Time-High!) und ums stillsitze und ufschiebe, Screentime und Schlofproblem. Es isch...

Mir entschuldige uns für alli Kotz- und Würgegrüsch vom Silvan in dere Episode, offebar het er sowohl e starki Meinig wie au e empfindliche Mage. Um Sache, wo de Mage ins Rumore chönne bringe, dreiht sich die hütigi Folge hauptsächlich - ganz nebst Weisheite wie "s'Ziel isch s'Ziel" und Froge wie: "Muss Corona Angst vor mir ha?". Vil Spass bim lose! Froge zum im Podcast ufgriffe bitte an hey@onkel...

Es isch wiedermol kritisch! Entweder sinds langsami Lüt, wo vor eim laufe, oder kalts Wasser in irgendwelche Hostel-Duschene - mir widme uns allne mögliche Super-GAUs und gänn unsere Senf zu Morgeroutine und Atemtechnike. It's wild. Gniesses! Hesch e Frog wo mir sölle diskutiere? --> hey@onkelsilvan.ch

Leute amigs laufts doch eifach nid - uf Neudütsch: "It is not walking!". Öpperem vo uns ischs grad wiedermol so gange und drum froge mir uns zurecht: "Söll ich echt wiedermol Passoa-Orange trinke?". Mir hoffe bi euch laufts! Vil Spass bim lose! Inputs/Aafroge: hey@onkelsilvan.ch

Wo me ahneluegt wimmlets wo +/- 30-Jährige, wo ihre Job eigentlich nid so wirklich möge, aber entweder nid wüsse, was si eigentlich wänn oder sich nid getraue, jetzt nomol e neue Weg iizschloh. Zu all dene spreche mir in dere Episode und vilicht isch de Podcast jo dr letschti chlini Arschtritt, wo's no brucht, um sini Zfriedeheit im Arbeitslebe endgültig selber in d'Hand z'neh. Vil Spass bim lose!...

HAPPY 2024! S'Johr startet mit Erinnerige an s'Hoor-Gate, wo inere Umkleidekabine in Stockholm dr Afang gno het. Generell hän mir amigs s'Gfühl, unseri Lebe sige es einzigs, permanents Hoor-Gate aber au dört zeigt sich, dass 30 werde sini Vorteil het. Vil Spass bi dere Episode & e guets Neus! Afroge/Inputs: hey@onkelsilvan.ch

Merry Christmaaaaaas! Mir hoffe, Ihr hend s'erste Wiehnachts-Dinner mental stabil überstande - oder aber ihr bruched jetzt es knapps Stündli professionelli Therapie in dr Form vomene Podcast, wo Sätz falle wie "Du ghörsch wirklich ine Klinik" oder "Ich ha ganz fest Müeh, e Text z'lese". Zuedem korrigiere mir Fake-News, wo mir eigeständig in d'Welt gsetzt hend & zwüschedrin singt dr Silvan no e...

Notizbüecher füreneh: Hüt werde d'Weisheite nur so useghaue! Vo Tipps gege s'Prokrastiniere über die brutalsti Wecker-Methode bis hii zu allem, wo du über ADHS musch wüsse, zum wirklich chönne mitrede - we got you covered! Links zu de aagsprochene Folge vo "Beziehungskosmos": "AD(H)S - Oder anders, aber nicht falsch": https://open.spotify.com/episode/7xEVp5Aom0cYLpTg6uRRXd?si=4a6198ea0cf14ea9 "AD(...

Me lernt nie us! Dorum göhn mir hüt de wirklich wichtige Froge noche und posaune unsers üsserst zwiifelhafte Fachwüsse in die witi Welt use. Nacheme überraschende Twist isch nid klar, ob de Podcast - und die Fründschaft - witerhin wird chönne bestoh. Es blibt spannend!

Mir starte miteme Gwalt-Ritt durch alli mögliche Theme wo eim als Neo-30er beschäftige und nachdem mir uns afänglich stark mit dr Oberflächi befasse und uns uneinig sind, ob's jetzt Zit füre Skincare-Routine wird, schaffe mir übere Umweg mit hochqualifizierte Beziehigstipps denn no dr Schritt hii zu tiefgriffende Erkenntnis, wie dass me an sich selber immer vil höcheri Asprüch stellt, als an alli...

Mir stelle uns vor und gänn e chline Vorgschmack druf, wo d'Reis mit dem Podcast wird ahnefüehre. Oder jedefalls, was dr theoretischi Plan isch, wo mir zwüschem ständige Abdrifte in anderi Anekdote und Beobachtige verfolge wänn. Die ersti Folg erschiint am Mentig, 4.12.2023 und ab denn - so ADHS will - wüchentlich zum Wuchestart.