Mahlakung

#Mahlakung -Jonjon o topile karata ya boitsebišo(ID) ya Phetola ka phaphošing ya gagwe le Mabatho ya borobalelo. Naa Mabatho le Phetola ba tla kgona go foraforetša Jonjon ba mo kgona ka taba ya gore Phetola o be a e file Mabatho gore a mo fe yona?

#Mahlakung –Matsobane o kgopela Sebjalebjale gore a bolele le mmagwe Mamabona gore a dumelele Rethabile le Robert ba nayalana. Ge Sebjalebjale a bolela le Mamabona, Mamabona o bona Sebjalebjale a mo ekile, o mmitša ´diep sekelema´.Naa ke nnete Sebjalebjale o mo ekile goba bjang?

Ayaya! Phetola o theletšwe ke leleme ge a araba mogala wa mosadi wa gagwe Matsheko , a mmitša “Mabisto”. Re kwa Matsheko a gononwa gore Mabisto ke Mabatho. Naa re ka bona lapa la ga Lethebe le thubegile eka lebak ala se goba go ya go diragala eng?

#Mahlakung –Titi, Matsobane le Alfios ba rera go tloša Robert tšatšing ge a sena go nyalana le Rethabile e le mokgonyana wa bona. Naa morero wo wa bona o tla atlega goba o tla folotša?

#Mahlakung –Kgokong o botša Moruti Kgole gore Hlapyadi o robala ka bokati, gomme ka lehlakoreng le lengwe re Hlapyadi a botša Masedi gore yena o Kgokong o a mo lapiša .Naa bothata bja Hlapyadi /Badgirl ke bofe

#Mahlakung Jonjon o botša Malehu gore o lorile Mabatho a kukile ngwana wa go makatša, wa go ja mokgakga. Naa toro ye e hlatha eng?

#Mahlakung –Mabatho le Phetola ba ka phaphošing ya borobalelo ya  Jonjon le Mabatho gomme ,Phetola o botša Mabatho gore ngwana ga a betlelwe ka ntle, o betlelwa ka kamoreng ya mmagwe le tatagwe. Naa taba ye e hlatha eng le gona, naa go nale ka fao e ka amago leseana leo le nyakegago ka gona?

#Mahlakung-Jonjon o tshwenyegile kudu ka Mabatho yo a rego o phela a lapile. Naa Mabatho a ka ba a šetše a imile ngwana wa Phetola goba o hlagelwa ke eng?

#Mahlakung –Rethabile o botša Bra Bizza gore ge mmagwe a dumetše gore a nyalane le Robert ga go sa a seo se ka tlago sa ba eta ka pele, e le ge a bontšha gore koko wa gagwe ga a na maatla a go thibela lenyalo la gagwe le Robert. Naa taba ye ke nnete goba Rethabile o a e lahla?

#Mahlakung –Mabatho o ile go Matsheko a mo llela gore o hloka ngwana, Matsheko o mo lokolla gore ge a hloka go bolela le motho yena o gona ka dinako kamoka .Re kwa ka lehlakoreng  le lengwe Phetola a botša Matsheko gore batho ke go thušana. Naa mohla Matsheko a lemoga gore Mabatho le Phetola ba a ratana go ya go diragala eng?

#Mahlakung –Petronella o nale Badgirl o latola gore yena ga a ratane le Kgokong. Ge a botšiša Badgirl gore a dire eng gore a kgolwe gore ga ba ratane , Badgirl o mmotša gore ga go seo a ka se dirago, o mmotša gore ,”Your application will soon be approved “.Naa Badgirl o hlatha eng ka se?

#Mahlakung –Malehu o boditše Mabatho gore o bona lesea. Naa o hlatha eng ka polelo ye ya gagwe. Gona lesea le,ke la mang?

#Mahlakung- Mampane o llela go Konstabel Mpedi gore a mo thuše mathateng ao a lego ka gare ga wona. Naa Konstabel Mpedi o ya go mo thuša bjang ka gore re a tseba gore Mpedi ga se lephodisa la mathaithai?

#Mahlakung –Matsheko o eletša morwedi wa gagwe Masedi go ratana le Kgokong ka ge a re Badgirl ga a mo hlokomele . Naa go ya le ka histori ya Masedi ya dikamano tšeo di mo kwešitšego bohloko kua morago,a ka phela bophelo bjo bo botse le Kgokong goba monna yoo a tla mo ratago goba o tlo fela a gopola tša morago gomme se sa ama dikamano tša gagwe le bao...

#Mahlakung –Bra Bizza o laya Phetola tsebe go kwa gore go itefeletšeng  ga gagwe, a seke a bolaya motlogolo wa gagwe Robert, go sego bjalo, o ya go lahlegelwa ke lapa la gagwe kamoka? Naa go ya go diragala eng gona mo ? Yo o bolela se, mola yo mongwe a bolela sela?

#Mahlakung –Alfios o botša Titi gore ba swanetše go dumelela Rethabile   a nyalana le Robert gore ba kgone go mmolaya, gomme Titi o kgahlanong le se. Potšišo ke gore naa Robert yena ,o nyala Rethabile ka ge a mo rata goba o nale morero ka Rethabile?

#Mahlakung –Mabatho o botša Phetola ka mathata a go hloka thari lapeng la gagwe le Jonjon. Phetola o tshepiša go mo thutša ge a ka lota sephiri se .Naa taba ye e tlo kgonega goba khupamarama , goba ke gona ge  mpherefere o tsogile malapeng a bona?

#Mahlakung- Rethabile o kgopela Saki gore a mo thekge mo lenyalong la gagwe le Robert ka ge ba gabo, ba sa di tsene .Naa ge o le motswadi wa ngwana yoo a amilego bagwera goba batho fela ditherišanong tša magadi a gagwe, a boa go wena go kgopela maele ge bjale di sa mo sepelele gabotse, o swanetše go dira eng? O a mo koba goba o a mo thuša? Romela WhatsApp Voice Note go...

#Mahlakung –Sophia o rera go itefeletša go Bra Bizza , naa o tla o beša wa tuka goba leano la gagwe le tla folotša?

#Mahlakung –Bra Bizza o botša Mampane gore o ya go netefatša gore yo Mmampane o hwela ka kgolegong. Naa se o ya go se diragatša bjang ka gore ga se mohlokomedi wa bagolegwa goba lona lephodisa?

#Mahlakung –Alfios o thabišitšwe ke go kwa gore Robert o nyaka go nyala Rethabile. Naa lethabo la gagwe le tlišwa ke gore yena le Titi ba tla kgona go humana Robert gabonolo , gomme ba dira seo ba se ratago ka yena, goba ke lerato la tšhelete?

#Mahlakung –Konstabel Mpedi o laeletša Saki gore a botše Tumi gore o a nyakega setišing sa maphodisa. Naa Tumi o swanetše go tshwenyega ka se , goba Mpedi o mo nyakela eng?

#Mahlakung- Matsobane o botša Alfios gore o nyaka go humana maatla a go menagana gabedi go tšwa go Santara. Naa Matsobane morero wa gagwe ke ofe ka yo Santara ka gore lapa la gagwe le ile la sotlega kudu nakong ya ge a be a šoma le yena  kua moragonyana le yena seemo sa gagwe sa gwahlafala a amega monaganong?

#Mahlakung –Mochichi o koba Bra Bizza ka gagabo ka ge a re o senya bokamoso bja bana le baswa ka diokobatši. Bra Bizza o mmotša gore yena ga a tlo laolwa ke ngwana. Naa Mochichi go nale seo a ka se dirago  go lwela ditokelo tša bana le baswa le tšhireletšo kgahlanong le diokobatši go batho ba go swana le bo Bra Bizza?

#Mahlakung –Kgokong ga a lokologe gore Matsobane a boele  mošomong wa gagwe wa bofahloši, Petronella o mo netefaletša gore raporoto ya dingaka ke yona fela e tlo hlathago gore Matsobane o boelela mošomong goba aowa. Naa bothata bja Matsobane bo hloka dingaka goba Santara?