Barrscéalta

Labhair sé faoin fhiosrúchan atá ar bun acu maidir leis an taisme tragóideach a tharla i mBun Cranncha, rinneadh iarracht dhá charr a ghoid i gceantar Leitir Ceanainn ar an Chéadaoin seo a chuaigh thart ag dhá láthair difriúil agus thug sé comhairle don phobal maidir le cúrsaí sábháilteachta le linn na haimsire te atá tuartha.

An scéal is deireanaí a fhail maidir leis na forbairtí ag Óstán Radharc na Mara agus Óstán Ghaoth Dobhair.

Le scéalta móra nuachta an lae ón taobh seo tíre.

Ag caitheamh súil siar ar pheil na mban ag an deireadh seachtaine agus cluichí dícháilithe agus ceathrú ceannais ar siúl sa chraobh sinsear. Tá mná Dhún na nGall agus Tír Eoghain slán sa chraobh sinsear bliain eile agus tá mná Ard Mhacha fríd anois go dtí cluiche leathcheannais na hÉireann.

Tá ceangal láidir ag an taobh seo tíre le hArmada na Spáinne ó thaobh na staire de agus tá macasamhail de long de chuid Armada na Spáinne ar cuairt i Sligeach san am i láthair.

Ag cur síos ar an tragóid inar maraíodh fear óg, Aaron Friel as Bun Cranncha a bhí ina chuid fichidí i dtaisme bóthaIr oíche Shatharn.

Le scéalta móra an lae ón taobh seo tíre.

Mír grinn seachtainiúil le Mary Aggie.

Beidh deireadh seachtaine gnóthach ann i bpeil na mban, tá cluichí móra ag mná Dhún na nGall agus Tír Eoghain agus iad ag imirt i gcluichí dícháilithe.

Ríl Bhaile Átha Cliat agus Ríl Buachaillí Bhaile Easa Dara

Beidh lá mór teaghlaigh ar siúl i Rann na Feirste ar an Domhnach seo agus Coiste Forbartha Rann na Feirste ag cur tús lena bhfeachtas le páirc úr astro agus gairdín céadfaí a fhorbairt.

Mír rialta ag tabhairt comhairle faoi chúrsaí garraíodóireachta.

Tá feachtas bailithe airgid ar bun ag Scoil Chuimsitheach na nGleanntach le hairgead a bhailiú do chúrsaí spóirt sa scoil.

Beidh an fhéile, Bród na Gaeltachta ar siúl an deireadh seachtaine seo don chúigiú bliain i gCloich Cheann Fhaola.

Mír rialta ag tabhairt comhairle teicneolaíochta don phobal.

Seolfar leabhar úr a dhéanann cur síos ar scéal na dteicstílí i nGaeltacht Iardheisceart Thír Chonaill ag ócáid a bheas ar siúl in Áislann Chill Chartha san oíche amárach.

Labhair sé inniu faoi chúrsaí meabhairshláinte agus é ráite ag an eagraíocht Jigsaw gur chuidigh siad le 11.000 duine anuraidh a bhí ag fulaingt lena meabhairshláinte. Labhair sé faoi botox fosta agus na contúirtí a bhaineann leis do dhaoine óga.

Le scéalta móra an lae ón taobh seo tíre.

Beidh lá mór ag Club Rothaíochta Chú Uladh atá lonnaithe sa Ghaeltacht Láir ar an tSatharn seo nuair a bheas dúshlán mór rothaíochta ar siúl acu.

Inniu téann muid siar go dtí an bhliain 1993 nuair a bhí Scoil Náisiúnta Chaiseal na gCorr ag ceiliúradh 150 bliain. Craoladh clár beo ón scoil ag an am agus seo mar a labhair beirt a bhí páirteach sa chlár, Frank Ó Maolagáin agus John Mór Mac Laifeartaigh le Séamus Mac Géidigh faoina dtréimhse ar an scoil.

Tá an fhéile cheoil Sult ag pilleadh ar an ‘Big Top’ i Machaire a’Gathláin, Gaoth Dobhair, ar an 17ú d’Iúil.

Labhair Dónall linn faoin ócáid ‘SEAS’ atá ar siúl in Óstán Buswells i mBaile Átha Cliath inniu, ócáid atá eagraithe ag Conradh na Gaeilge áit a gcuirtear éilimh phobal na Gaeilge agus na Gaeltachta os comhair baill den Oireachtas.

Labhair Seán faoin mhaoiniú €1.4m atá ceadaithe do scéim uisce úr Leitir Bric, togra a bhfuil go leor daoine ag obair air le tamall fada anois.

Le scéalta móra nuachta an lae ón taobh seo tíre.

Labhair muid le Bainisteoir Chomharchumann Forbartha Ghaoth Dobhair, Caitríona Nic Gairbheith cúpla seachtain ó shin faoin champa úr do dhéagóirí, ‘Na Fianna Óga’ a bheas ar siúl anseo i nGaoth Dobhair an samhradh seo agus tá Caitríona linn ar maidin leis na mionsonraí agus an scéal is deireanaí faoin champa.