李講古我來聽・用台語講100個台灣人的故事

「種樹望十冬，教人一世人」，今仔日ê主角tī日本時代受過一流ê教育，二戰結束ê時伊放棄會使tī日本趁大錢ê機會，選擇轉來建設台灣，伊想欲開辦台灣人ê大學，培養戰後ê台灣人才。 伊是按怎召集同窗有志鬥陣轉來台灣辦學? 辦學過程中 tú-tio̍h ê種種困難是按怎克服--ê? Koh是siánn-mi̍h款ê精神hōo伊堅持到老lóng無放棄辦這間台灣人自辦ê學校--leh? 「李講古，我來聽」，這集欲講ê故事是：教育家——朱昭陽校長。 「十年樹木，百年樹人」...

台灣tī 1960年代有真tsē人得tio̍h小兒麻痺，有一位tuì挪威來ê醫師，tī台灣奉獻30年，照顧痲瘋病kah小兒麻痺ê患者，koh幫助病人做鐵鞋、替in爭取受教權、設立職業訓練工廠。 伊共較先進ê醫療技術引--入-來，mā向美國ê疫苗場進口小兒麻痺疫苗，koh請龍骨專家來台灣指導小兒麻痺手術，推sak台灣ê醫療發展。 堅持「佗位有需要，伊tō去佗位」ê精神，伊離開台灣了後koh去越南、尼泊爾、海地服務，用伊ê專業去世界各國幫贊有需要ê人。 「...

ft. 周建佑、陳翔容、李贊星 有tsi̍t-ê人，tī 1978年美國beh kah中華民國正式斷交進前，kā消息傳tńg-khì台北，hōo中華民國有時間先tsò準備。這ê人，koh tī 1980年前往日本tsò新聞處長，改變日台ê新聞關係：hōo日本主流ê報紙《讀賣》、《朝日新聞》開始關注台灣；1995年，李登輝總統訪問美國，日本各大報紙lóng用頭版來報導，拍破日本主流媒體ê慣勢。 這ê人，聽講伊sī「阿舍」出身，是阿公阿媽惜命命ê「璇石孫」。In阿公gâu做生理，...

ft. 周建佑、陳翔容、李贊星 好額人ê公子爺有幾若款，毋koh絕對m̄捌聽過有人提家己lak-tē-á ê錢出來奉獻hōo國家--ê？！到底愛儉偌濟錢，才會當遐大方lóng 免kè-kàu？Kā厝地用一箍ê租金suè hōo外國政府是siánn-mih意思？ 無論是拚外交、提懸台灣tī國際間ê名聲，只要是為自由、民主kah公義，無論siánn-mih黨派伊lóng ē kā in鬥相共。 「李講古，我來聽」，這集欲講ê故事是：飄撇ê外交官——張超英。 有錢的公子哥有好多種，不過從沒聽...

日本統治台灣ê時期，定定攏有大大細細ê抗爭。日本警察ê高壓統治，hōo原住民受tio̍h無平等ê對待，koh透過使弄致使部落之間ê對抗，終其尾頭目Mona Ludau 起身𤆬領族人抗日，這tō是 Seediq 族語講ê “Mkuni Paran”，用台語講tō sī「霧社事件」。 Seediq 族勇敢抗爭ê霧社事件是日本時代死傷上嚴重ê原住民反抗事件。 詳細ê過程發生了啥物代誌？今仔日ê「李講古，我來聽」tō欲來共逐家紹介──霧社事件ê抗日義士 Mona Ludau。 日本統治臺灣...

伊靠寫文章向國際請求支援，hōo世界看著台灣ê需要；後來成功募款，救濟台灣ê弱勢。伊靠信仰kah母愛奉獻一生，造福台灣百萬人ê性命：包括成立第一个基督教救助機構「芥菜種會」，mā為痲瘋病、肺癆、烏跤病、原住民、孤兒……等等ê弱勢族群提供濟濟ê幫贊。 「我kan-na是一ê查某人，我所做ê是每一ê母親tī厝--nih攏會做ê代誌。」伊是牧師娘、是傳教士，mā sī 一位母親—受伊幫贊ê人心目中ê再生母親。 歡迎逐家做伙收聽「李講古，我來聽」...

伊能嘉矩ê故事有影是誠精彩，一集講袂suah咱tō講兩集！ Tī下集會講著伊能嘉矩面對研究ê態度。伊做研究足頂真，對家己koh真嚴格。伊tī台灣ê十年之間，完成十本冊tsham 170外篇ê論文。轉去日本了後koh成立台灣博物館，會使尊稱伊是「台史公」。伊ê著作「台灣文化志」到這馬koh是研究台灣ê學者一定愛讀ê冊之一呢！ 伊能嘉矩的故事實在是太精采了，一集講不完我們就說兩集！ 下集會提到伊能嘉矩面對研究的態度。他治學認真，且嚴以律己...

今仔日ê「李講古，我來聽」欲kah逐家分享ê故事是：台灣人類學kah歷史學ê先鋒——伊能嘉矩(頂集)。 Lán tī 第32集bat講--kuè：日本統治台灣初期，公務員若是欲hőng調來台灣lóng sī會足躊躇--ê。這禮拜ê主角無仝！伊是自我推薦欲來台灣做研究--ê！！！Tī彼當陣ê台灣，伊會tú-tio̍h啥物困難？伊beh做啥物款ê研究？你敢相信伊ê調查報告甚至影響著lán這馬對原住民ê理解？！咱應該愛用啥款ê態度面對無仝時代ê人類學研究--leh？ 今天的「李...

2021年十--月，台灣藝文界迎--來一ê世界級ê好消息：黃土水ê「甘露水」tshuē-tio̍h--ah。 這ê第一位入選帝展ê台灣雕塑家，是如何kā東西方藝術ê技巧kap-tsò-hué，完成一ê接一ê 充滿台灣意象ê 作品？又koh為án-tsuánn，甘露水這ê作品會hőng藏起來--leh？ 請逐家做伙來聽，天才ê雕刻家，黃土水一生若流星仝款 顯目suah身長命短ê人生。 #黃土水  #山童吹笛 #台灣人得帝展的第一人 #帝國美術展覽會 #少女胸像 #釋迦下山 #水牛群像 #...

你敢知影tī日本統治進前，台灣無洩水溝(sià-tsuí-kau)ê建設，人tsham精牲蹛鬥陣，屎尿四界排。風颱了後，lah-sap-tsuí、pùn-sò窒tī門跤口規四界…衛生環境無好，傳染病誠流行。彼當時ê台灣人平均性命才30、40歲niā-niā，莫怪日本人形容遮是「Tsiòng-lē之地」。 佳哉後來臺灣總督府特別聘請英國人巴爾頓來臺灣，mā派伊ê學生濱野彌四郎來鬥相共。In uì水源ê調查、水道ê設計開始做起，進行全臺灣ê水利衛生工程；in兩人為台灣ê水利建設...

「我欲kah日本人領仝款ê月給！」拄著日本人批評台灣就ài giâ筆kah人「筆戰」？！伊是日本時代ê現代新女性，欲證明台灣人絕對袂輸日本人；伊以台灣人ê角度寫出有台灣特色ê報導，用女性獨有ê文筆寫文章。 因為時代背景ê關係，伊做記者ê時間無長。Tī停筆將近50年以後，才koh重新giâ筆寫出人生ê回憶錄，咱才有機會透過文學，用女性智識份子ê角度看著戰前、戰後兩个時代ê變化。 這集ê「李講古，我來聽」咱欲來講：台灣第一个女記者──楊...

電影《大稻埕》內底，hōo人會當穿過無仝時代ê彼幅圖——〈南街殷賑〉，你kám知影這幅圖是siánn-mih人ê作品？畫這幅圖ê畫家m̄-bat 受過學校ê美術教育，m̄-koh伊足拍拚畫、足認真tī圖書館研究畫冊。伊是台灣第一人利用西洋寫生結合中國水墨畫，mā是膠彩畫大師。 原本伊是定定tī畫展得獎--ê，koh tī日本、台灣、南洋lóng出名，suah因為二戰kah戰後ê政治變化，致使經濟困難，ài 出國賣畫討生活，落尾移民海外，一直到81歲才會當轉去台灣...

台灣有真濟作家ê本業lóng是醫生，phì-jū講寫《白色巨塔》ê侯文詠、《斯卡羅》ê原作小說《傀儡花》ê作者陳耀昌。 這禮拜ê主角是齒科醫生tshiâ-tsuā（斜逝）作家—王昶雄，伊講文學創作是伊一生上大ê志向，上出名ê代表作《阮若拍開心內ê門窗》，歌星江蕙、鳳飛飛、洪榮宏lóng bat翻唱過這條歌~ 咱tī第二十集紹介過日本時代台北ê文藝台菜餐廳「山水亭」，身為彼个時代ê文藝青年，王昶雄mā是「山水亭」ê 主顧。袂記得ê朋友趕緊揣出來複...

4 ê 30到40歲台灣大漢ê台灣人，in 對228 ê了解有偌濟？ 做「李講古我來聽」tsit-ê podcast了後，in kám對228有siánn-mih 新ê發現？In-ê 想法kám是這个世代普遍ê想法？ 🔍故事ê文字稿，請去阮ê網站 https://www.taigistory.com/ 👉🏼面冊迷眾頁 https://www.facebook.com/Podtaigi. LKK/ 🔍Instagram https://www.instagram.com/podtaigi.lkk/ 👉🏼Twitter 有英語kah日語ê講古紹介 https://twitter.com/lkkgualaithiann 🔍看影片 聽...

因為上帝ê愛，hōo伊有幫贊弱勢ê善心，落尾伊行入無人欲去ê原住民山區傳教；因為上帝ê愛，mā hōo伊有克服萬難ê力量，tshuē經費重建神學院；因為上帝ê愛，koh hōo伊有正義ê勇氣，收容政治犯了後，tian-tó hőng關。 對自由ê向望是無分宗教--ê。你kám 知影1970年代，中華民國退出聯合國，長老教會是台灣少數koh 有hām世界各教會聯絡ê組織；政府竟然koh要求教會愛退出「普世教協」（WCC）。面對專制政權ê威嚇，一ê宗教ê領導者ài如何𤆬領...

逐家kám捌看過《袂使講ê祕密》這齣電影？ 會記得我iáu是sī青春少女ê時，對拍電影ê淡水中學：彼leh媠媠ê紅樓建築kah神祕ê鋼琴教室，有tsiânn浪漫ê想像。 Suah m̄知影差不多beh一百冬前有一位音樂才子tī淡水中學畢業了後，命運ê牽成hōo伊koh轉來學校做校長，一做tō sī 30冬。 30冬的歲月，伊提錢幫贊清寒子弟、捐出薪水做學校所費、koh kā退休禮金捐hōo學校做基金。 咱頂禮拜紹介ê林哲夫教授kah名歌星洪榮宏lóng bat 受著伊 ê 照顧。...

送疫苗hōo台灣ê立陶宛mā是對抗蘇聯極權了後，才成做獨立ê國家。Tī台灣，布農族ê「還我土地」運動、kā吳鳳ê銅像giú--luaih、「手牽手護台灣」……等等ê街頭運動ê背後，攏tshām URM訓練有關係。 「李講古，我來聽」今仔日欲紹介ê是引進URM非暴力運動、台灣建國ê工程師—林哲夫教授。 這位tī加拿大ê物理教授是為怎樣去hōo國民黨列做烏名單？Koh是按怎會kah URM非暴力運動有關連？Suà-lo̍h咱繼續聽--落-去～ 你曾聽過「非暴力運動」嗎？波...

來講浪漫派ê音樂家，你會想tio̍h sia̋ng--咧？Beethoven? Chopin?......小等一下，lán台灣tō出一位hōo世界稱做「台灣ê拉赫曼尼諾夫Rachmaninoff：最後ê浪漫主義詩人」！ 來講台灣共和國上理想ê國歌，你會選tó一條--咧？《台灣翠青》敢bat聽--過？編--ê逐擺唱這條歌，lóng會流目屎！ 來講《1947序曲》、《台灣頌》⋯⋯遮ê有台灣特色ê管弦樂作品，是啥款ê人生試煉，hōo伊寫出遮爾感動人心ê作品？ 歡迎逐家做伙收聽「李講古，我來聽」，...

Tī日本時代，一ê宜蘭出身ê臺灣留學生，是按怎受著西方教育ê思想影響？伊認真苦讀，通過日本ê司法科高等考試，變做日本ê辯護士(這馬ê律師)，立志欲為人權、為弱者服務。 伊mā tsham彼當時ê文藝青年仝款，有真深ê反殖民意識，想欲透過文化來提懸台灣人ê民族意識。In是按怎透過創作kah行動來抵抗殖民？Tī皇民化政策之下ê台北市議員是欲按怎替台灣人發聲？戰後，伊koh是為怎樣得罪國民黨，煞愛來離開心愛ê故鄉--neh？ 歡迎逐家做伙收聽...

EP23｜台灣蓬萊米之父母—磯永吉、末永仁 台灣bì-lù？金牌？你較愛佗一種？你敢知影：無論是台灣bì-lù抑是金牌，好lim ê祕密lóng是因為內底有蓬萊米！ 各位觀眾朋友啊，人講「飲酒tio̍h-ài思源」、「一粒米，百粒汗」。除了辛苦種作ê農民，背後專業ê農業學家mā足重要--ê。 台灣ê蓬萊米，是蓬萊米之父——磯永吉，kah蓬萊米之母——末永仁，經過一段足長時間ê研究kah試驗，才成功選育出適合台灣氣候koh產量懸ê品種。 咱「李講古，我來聽...

連紲上班38年無歇睏？Koh愛做到78歲才會當退休？天公伯啊！這是siánn khuán ê頭路？？！！ 一个tuì Slovenia 來ê醫生，伊tī羅東聖母病院開過八萬外台ê手術，照顧真濟患者。38年來m̄ bat歇睏一工，創造bô人ē-tàng拍破--ê記錄；78歲iáu有法度替病人動手術，mā創下醫學界上懸歲替人做手術ê記錄！ 伊ê一生tām-po̍k(淡泊)名利，bô領薪水mā bô結婚。伊ê房間tō tī手術室邊á，隨時通行入去戰場。伊ê眼內kan-na ū病人，歸世人m̄ bat踏出羅東...

講著台灣文學作家，你會想著sia̋ng？問10个人凡勢有8个會講 tio̍h 楊逵。伊上出名 ê 小說《送報伕》對日本帝國主義壓制台灣農民 ê 土地有真深 ê 描寫，嘛是台灣籍作家ê作品進軍日本文壇ê首例。 伊sī 開創台灣新文學黃金時代 ê 領導者，用一支筆去對抗無公義ê政權。伊因為反對日本殖民政府去hőng關十擺，後來koh受著中華民國政府ê政治迫害，hőng關佇火燒島12年⋯⋯寫作、社會運動、坐監會使講是楊逵一生ê寫照。 歡迎逐家做伙收聽「...

30年代上phānn--ê台灣文藝青年，lóng ài khì過大稻埕這間「文藝台菜餐廳」：「山水亭」才有準算。這間餐廳ê生理沖沖滾，mā-sī 日本人眼內上有好名聲ê台灣菜餐廳。 餐廳 ê 頭家tī皇民化運動ê背景(1937-1945)之下，phah-piànn 提升台灣ê tsia̍h-si̍t 文化，koh 提供場地 (tiunn5-te7)  hōo文學家、藝術家、學者做聚會ê所在。伊koh tiānn-tiānn 提錢來照顧留學生kah幫助台灣 ê 文藝活動，出錢 koh 出力。遮爾大方奉獻 ê&nbs...

是siánn-mih 款ê人，老爸hōo原住民出草刣頭，伊suah顛倒欲來台灣行醫？欲來改善原住民ê醫療環境？無論彼當時ê山地sī偌爾危險koh原始，佗位有需要醫療伊攏m̄驚艱苦--ê去kā in治療。編仔頭一擺聽著有人是用愛來報仇--ê。 伊為台灣奉獻36年ê青春，三个囡仔suah致tio̍h流行病病死tī台灣。雖然是án-ne，伊轉去到日本了後，心肝頭猶是一直數念台灣。這位傳教士「原住民醫療之父」值得逐家用一寡仔時間來熟似~ 歡迎逐家做伙收聽「李講古，...

真濟人懷念「台灣錢，淹跤目」ê時代，毋過這毋是對天頂lak--lo̍h-lâi--ê。除了台灣人認真phah-piànn，大部分ê人lóng毋知影台灣 ê 經濟奇蹟是由張漢裕教授掖種--出-來--ê。 張教授少年時tī日本做研究，伊是第一个提著東京帝大經濟系博士ê台灣人。戰後伊轉來到台灣大學教冊，一生有半世紀teh做「十年樹木，百年樹人」ê工課。伊做學問tsiânn頂真，對台灣經濟研究kah發展ê影響mā tsiânn深。伊ê學生發揮所學，接力--ê對台灣ê經濟提出貢...