RSG Landbou

19 September 2026: Ons praat met die minister van landbou in die Wes-Kaap, dr. Ivan Meyer, en nasionale minister van landbou, Willie Aucamp. Hulle praat oor tariefonderhandelings en die stand van sake met bek-en-klouseer.

18 September 2026: RSG Landbou saal af by Nampo Kaap op Bredasdorp, en gesels met die premier van die Wes-Kaap, Alan Winde, die hoof van die Departement Landbou Wes-Kaap, dr. Mogale Sebopetsa, die hoof van GraanSA, dr. Tobias Doyer, die hoof van AgriSA, Johann Kotzé, en die burgemeester van die Overberg Distriksmunisipaliteit, Sakkie Franken.

17 September 2026: Bykans 400 mense het die Brahman-beestelersgenootskap se nasionale veiling duskant Potchefstroom bygewoon. Een van Carla de Kock van Serfbred Brahmane se bulle het die hoogste prys van R220 000 behaal. Sy vertel wat dié bul so uniek maak. Produsente in die Wes-Kaap het die afgelope week se reën verwelkom, maar hoe lyk die vooruitsigte? Johan van den Berg is soos altyd op sy pos...

16 September 2026: Het jy al gehoor van ‘n pampoen wat 653 kg weeg? Wykus Lamprecht het dié reusepampoen op sy erf in Meyerton gekweek. Hy is die wenner van vanjaar se Goliat van Gat-pampoenkompetisie, en ons hoor wat dit behels om so ‘n produk te lewer. Hoe gaan dit met die rooivleisbedryf in die Noord-Kaap, en wat kan boere doen om hulleself in ’n beter posisie te plaas om die beste pryse moontl...

15 September 2026: Landbou in die Noord-Kaap het ‘n goeie seisoen met bogemiddelde reënval agter die rug, en produsente pluk reeds die vrugte daarvan. Die vraag is egter of produsente veerkragtig genoeg is om die voorspelde El Niño-verskynsel te hanteer. Die Overberg Agri Herkouerdag het in Augustus by die Roodebloem Proefplaas naby Caledon plaasgevind. Winsgewende en volhoubare herkouerproduksie...

14 September 2026: ‘n Rosyntjie- en pekanneutprodusent van die Groblershoop-omgewing is as Agri Noord-Kaap se Jongboer van die Jaar aangewys. Rean Clasen sien ‘n blink toekoms vir landbou in Suid-Afrika. Ons hoor wat die Nu-Alcade Bonsmara-groep vir hulle veiling van 24 September by die Warmbad Veemark beplan. Dr. Pieter Swanepoel van die Universiteit Stellenbosch het by vanjaar se Overberg Agri H...

12 September 2026: Wetenskaplikes is besig met navorsing wat verband hou met uitgestorwe diere, wat groot voordele vir die wildbedryf kan inhou. Wat die oudste landdiere betref, is daar ‘n fassinerende verband tussen wetenskap en Game of Thrones!

11 September 2026: Tien miljard koppies rooibostee word jaarliks gedrink. Hierdie eg Suid-Afrikaanse produk word na 50 lande uitgevoer. Adele du Toit van die SA Rooibosraad vertel watter land meeste rooibos invoer. Kachne Ross van South Africa Wine praat oor die waarde van menseontwikkeling in landbou.

10 September 2026: Suid-Afrika is besig om sy vere reg te skud vir die Wagyu-wêreldkonferensie op 13 en 14 Oktober in die Kaap. Vleis sal beslis in die kollig wees, en daar sal onder meer gekyk word na die Wagyu-karkas en verbruikers se voorkeure. B2 Bonsmaras en El Tauro Bonsmara-stoet bied op 18 September hulle gesamentlike veiling in Kimberley aan. Johan van den Berg is oudergewoonte terug met...

9 September 2026: Boerdery is nie ‘n gewone besigheid nie. Dis ‘n gespesialiseerde bedryf, en soos ‘n boerdery groei en verander, behoort jou versekering ook daarby aan te pas. Old Mutual Insure is vanjaar by Nampo Kaap, en Lieza Barnard nooi jou uit om by hulle stalletjie aan te klop om met hulle hieroor te gesels. Wanneer ons oor die toekoms van die Suid-Afrikaanse wynbedryf praat, draai die ges...

8 September 2026: Die Landbounavorsingsraad se Vleisbees-presteerderstoekennings bestaan al langer vier dekades. Dit fokus veral op die genetiese verbetering van kuddes. Daar is agt kategorieë in vanjaar se aflewering. Presisieboerdery en die risiko’s verbonde aan kunsmatige intelligensie het by die onlangse Agri Noord-Kaap-kongres ter sprake gekom. Ons het daar met dr Jaco du Toit van Akademia ge...

7 September 2026: SA Stamboek bied vanjaar weer hulle Trailblazer-geleentheid aan op 28 en 29 Oktober in Bloemfontein. Dié toekennings het ten doel om rekordhouding en innovasie in die wêreld van diereverbetering te erken. Het jy al van Agri Spoor gehoor? Enige lid van die publiek kan probleme soos swak paaie, veediefstal, kragonderbrekings en veiligheidskwessies op dié platform rapporteer. Janine...

5 September 2026: Christi van den Heever is drie jaar gelede aangewys as Jongboer van die Jaar in die Wes-Kaap. Hy boer vir Graaff Fruit as landgoedbestuurder op die plaas Rietfontein in die Koue Bokkeveld. Volgens hom is daar heelwat ooreenkomste tussen Springbok-toetsrugby en landbou in Suid-Afrika.

4 September 2026: Toit Wessels, een van die organiseerders van Nampo Kaap, vertel waarna ons volgende week kan uitsien in Bredasdorp. Karin Kleinbooi, Uitvoerende Bestuurder Inklusiwiteit en Ontwikkeling by South Africa Wine, vertel van die Suid-Afrikaanse wyn wat deur Koning Charles gekies is om later vanjaar by sy verjaardagviering bedien te word.

3 September 2026: ‘n Medeprofessor in vleiskunde aan die Universiteit van Idaho in Amerika, dr. Phil Bass, is een van die sprekers by die Wagyu-wêreldkonferensie wat in Oktober in die Wes-Kaap plaasvind. Hy is bekend vir sy kennis van karkasse, waardetoegevoegde snitte en spierprofilering. Ons hoor waarna konferensiegangers kan uitsien. Hendrik Meyer praat oor Rhenostervallei en Beef on Grass se p...

2 September 2026: Die Suid-Afrikaanse suiwelbedryf berei tans voor vir ‘n regulatoriese oorgang. Aspekte soos produkklassifikasie en etikettering word hervorm. ‘n Voorbeeld hiervan is die vetklassifikasie van vla wat aangedui moet word. Anneke van Niekerk van Melk SA verduidelik wat die produsent, verwerker en verbruiker kan verwag. Plantgesondheid is ‘n sleutelfaktor by kuilvoeropbrengs, sê HW Be...

1 September 2026: Die Departement van Indiensneming en Arbeid in die Kaapse Wynland-distrik, het in Augustus 2026 ’n werkswinkel met boere, werkgewers en arbeidsmakelaars in die Langeberg munisipale gebied aangebied. Plase in en rondom Robertson en die Langeberg is ook besoek om arbeidswetgewing se nakoming te monitor. Advokaat John Jacobs verduidelik wat die proses behels, en wat die besoeke opge...

31 Augustus 2026: Het jy geweet 1952 was ‘n hoogtepunt vir die wêreldwolbedryf as gevolg van die Koreaanse Oorlog? Ons het by die Nasionale Wolkwekersvereniging se jaarkongres met Izak Staats van BKB hieroor gepraat. Die vleisbeesbedryf funksioneer in ‘n dinamiese omgewing. Markdruk, veesiekterisiko’s en veranderende verbruikersverwagtinge is van die faktore wat ‘n impak op dié bedryf het. Vanjaar...

29 Augustus 2026: ‘n Toename in die gebruik van houtprodukte in konstruksie, bied opwindende geleenthede vir produsente en navorsers. Professor Brand Wessels van die Universiteit Stellenbosch, en . Keenan Nefdt, ‘n doktorale student by die US se Departement Houtkunde, sluit by ons aan.

28 Augustus 2026: Landbouskoue en die vervoer van diere in ‘n tyd van bek-en-klouseer is sake wat die president van die George-landbouskou, Corne Botha, graag bespreek. Hy vertel van die lesse wat hulle in dié verband geleer het by die afgelope skou in die Suid-Kaap. Henk Aggenbach, die voorsitter van die Nampo Kaap-reëlingskomitee, vertel waarna ons vanjaar kan uitsien van 9 tot 12 September in B...

2t Augustus 2026: Praktiese landbou-ervaring is net so belangrik as teoretiese kennis. Volgens Shaun Welmans van Agri Skills Transfer gaan dit oor relevansie en selfvertroue in die veld. Die Noord-Kaap Veldramprojek is in 1985 daargestel om funksioneel-doeltreffende ramme aan produsente beskikbaar te stel, wat op die veld grootgeword het, aangepas is en op ‘n wetenskaplike wyse geselekteer is. Hul...

26 Augustus 2026: Kén ‘n ongedierte om hom te kan bestuur. Só sê Johannes Pienaar van die Predasiebestuursforum. Ongediertebestuur bly ‘n probleem op plase, en daarom bied dié forum kursusse aan om grondeienaars te help om eers die dier te identifiseer, voor verdere stappe gedoen word. Rooivleisbedryfsdienste is betrokke by die Wagyu Wêreldkonferensie wat in Oktober in die Wes-Kaap plaasvind. Dr....

25 Augustus 2026: Wolveilings het hervat ná die winterreses, en Heinrich Victor is aan die woord met die jongste wolmarkverslag. Die 33-jarige Anton Pelser is aangewys as Agri Mpumalanga se Jongboer vir 2026. Hy is ‘n veeprodusent van die Hendrina-omgewing. Ons praat met hom oor sy passie vir landbou. Die Rooivleisprodusente-organisasie onlangs hulle kongres in Pretoria aangebied, en ons het daar...

24 Augustus 2026: Die Noord-Kaapse groente- en vrugteprodusent, Piet Karsten, was een van die sprekers by die onlangse SA Tafeldruiwekonferensie. Hy boer sedert die vroeë jare tagtig met tafeldruiwe. Ons luister na sy storie. Wat is die grootste risiko vir veeprodusente wat kuilvoer produseer, en hoe kan die risiko verskans word? Hanlie Kroese van Santam gee raad.

22 Augustus 2026: Lindie-Alet van Staden is in 2024 aangewys as die Wes-Kaap se algehele wenner van die Prestige Agriwerker van die Jaar-kompetisie. Sy boer tans op die plaas, Sterrekopje buite Franschhoek.