བསྐྱར་ཞིབ། - ཨ་རིའི་རླུང་འཕྲིན་ཁང་།

རྒྱུད་གཅིག་ལམ་གཅིག་གི་ལས་གཞི་གཉེར་ནས་ལོ་བཅུ་འཁོར་བའི་རྒྱལ་སྤྱིའི་ལྷན་ཚོགས་ཆེན་པོ་ཞིག་པེ་ཅིང་དུ་སྐོང་ཚོགས་བྱས་ཡོད་ཅིང་། རྒྱ་ནག་གི་ལས་གཞི་དེར་རྒྱལ་སྤྱིའི་ཐོག་ཏུ་གྲུབ་འབྲས་གང་འདྲ་ཞིག་ཐོན་ཡོད་མེད་ཐད་དཔྱད་ཞིབ་བྱེད་པའི་དུས་སུ་བསླེབས། དེ་རིངལས་གཞིའི་ཁོངས་སུ་གཏོགས་པའི་ལས་གྲ་གཉིས་གླེང་སློང་ཞུ་རྒྱུ་ཡིན།

རྒྱ་ནག་གཞུང་གིས་པེ་ཅིང་དུ་རྒྱུད་གཅིག་ལམ་གཅིག་གི་ཆེས་མཐོའི་ལྷན་ཚོགས་ཟེར་བ་ཞིག་བསྐོངས་ཏེ་ཞིས་ཅིན་ཕིང་གིས་གཙིགས་སུ་འཛིན་པའི་འཛུགས་སྐྲུན་དེའི་གྲུབ་འབྲས་རྣམས་རྒྱལ་སྤྱིའི་ཐོག་ཏུ་དྲིལ་བསྒྲགས་བྱེད་བཞིན་ཡོད། འོན་ཀྱང་རྒྱ་ནག་གི་རྒྱུད་གཅིག་ལམ་གཅིག་ཟེར་བའི་འཛུགས་སྐྲུན་འདིར་དེང་སྐབས་དཀའ་ངལ་ཆེན་པོ་འཕྲད་བཞིན་འདུག

༄༅། །བདུན་ཕྲག་འདི་ནང་བོད་དོན་དང་རྒྱལ་སྤྱིའི་གསར་འགྱུར་གལ་ཆེ་ཁག་གི་ཐོག་དེ་རིང་གི་ང་ཚོའི་ལས་རིམ་མདོ་འཛིན་པ་པདྨ་བདེ་ཆེན་ལགས་དང་། མདོ་འཛིན་ལས་རོགས་ཀུན་བཟང་སྒྲོལ་མ་ལགས་གཉིས་ནས་རྩོམ་སྒྲིག་འགན་འཛིན་བློ་བཟང་ཡེ་ཤེས་ལགས་དང་བཅའ་དྲི་ཞུས་པ་ཞིག་གསན་གྱི་རེད།

༄༅། །བདུན་ཕྲག་འདི་ནང་བོད་དོན་དང་རྒྱལ་སྤྱིའི་གསར་འགྱུར་གལ་ཆེ་ཁག་གི་ཐོག་དེ་རིང་གི་ང་ཚོའི་ལས་རིམ་མདོ་འཛིན་པ་པདྨ་བདེ་ཆེན་ལགས་དང་། མདོ་འཛིན་ལས་རོགས་ཀུན་བཟང་སྒྲོལ་མ་ལགས་གཉིས་ནས་རྩོམ་སྒྲིག་འགན་འཛིན་བློ་བཟང་ཡེ་ཤེས་ལགས་དང་བཅའ་དྲི་ཞུས་པ་ཞིག་གསན་གྱི་རེད།

རྒྱ་ནག་གི་རྒྱལ་སྲུང་བློན་ཆེན་ལི་ཧྲང་ཧྥུ་གཟའ་འཁོར་གཉིས་ཙམ་རིང་མཐོང་ཐོས་མེད་པར་གྱུར་ཡོད་ཅིང་། དེང་སྐབས་རྒྱ་ནག་གཞུང་གིས་ཡུལ་དེའི་དམག་དཔོན་ཁག་ཅིག་ལ་ཞིབ་བཤེར་བྱེད་བཞིན་ཡོད་པའི་གནས་ཚུལ་ཐོན་འདུག དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་དེའི་སྐོར་གླེང་སློང་ཁག་ཅིག་ཞུ་རྒྱུ་ཡིན།

༄༅། །འདས་པའི་གཟའ་འཁོར་ནང་ཐོན་པའི་འཛམ་གླིང་གི་གལ་ཆེའི་གསར་འགྱུར་ཁག་གི་ཐོག་རྩོམ་སྒྲིག་འགན་འཛིན་བློ་བཟང་ཡེ་ཤེས་ལགས་དང་ལྷན་དུ་གླེང་མོལ་ཞུས་པའི་ལེ་ཚན་དེ་གསན་རོགས་གནང་།

དེང་སྐབས་རྒྱ་ནག་གི་ས་ཁང་ཁྲོམ་རར་དཀའ་ངལ་ཧ་ཅང་ཆེན་པོ་ཞིག་འཕྲད་བཞིན་ཡོད་པ་མ་ཟད། དུས་རྒྱུན་གྱི་ས་ཁང་ཚོང་ལས་དེའི་དཀའ་ངལ་སེལ་ཐབས་རྣམས་ནུས་མེད་དུ་གྱུར་ཡོད།

ཨ་རིའི་སྲིད་འཛིན་ཇཱོ་བྷ་ཌན་ཝེ་ཏེ་ནམ་ལ་འཚམས་འདྲིར་ཕེབས་ཏེ་ཨ་རི་དང་ཝེ་ཏེ་ནམ་གྱི་འབྲེལ་བ་འདི་སྔར་ལས་ཉེ་རུ་གཏང་རྒྱུའི་གྲོས་མཐུན་བཞག་ཡོད་ཅིང་། རྒྱ་ནག་གི་ངོས་ནས་དེ་ལ་བློ་འཚབ་བྱ་དགོས་པ་ཞིག་ཆགས་ཡོད། བསྐྱར་ཞིབ་ལེ་ཚན་ནང་རྒྱལ་ཁབ་དེ་གསུམ་གྱི་འབྲེལ་བ་དང་ཝེ་ཏེ་ནམ་ནང་གི་གནས་སྟངས་སྐོར་གླེང་སློང་ཞུ་རྒྱུ་ཡིན།

རྒྱ་གར་གྱི་རྒྱལ་ས་ལྡི་ལི་གསར་པར་འཚོགས་རྒྱུའི་འཛམ་གླིང་གི་དཔལ་འབྱོར་སྟོབས་ཆེན་རྒྱལ་ཁབ་ཉི་ཤུའི་ཆེས་མཐོའི་ལྷན་ཚོགས་ལ་རྒྱ་ནག་གི་སྲིད་འཛིན་ཞིས་ཅིན་ཕིང་ཞུགས་རྒྱུ་མིན་པའི་གསལ་བསྒྲགས་སྤེལ། དེང་སྐབས་ཞིས་ཅིན་ཕིང་གལ་ཆེའི་ཚོགས་འདུ་དེར་ཞུགས་ཀྱི་མེད་པའི་རྒྱུ་རྐྱེན་ཅི་ཡིན་ལ་ཚོད་དཔག་སྣ་ཚོགས་ཤིག་བྱེད་བཞིན་འདུག

གལ་ཏེ་རྒྱ་ནག་གི་ས་ཁང་ཁྲོམ་ར་འདི་ནི་རྒྱལ་ཁབ་ཀྱི་དཔལ་འབྱོར་གནས་སྟངས་ལ་བལྟ་སའི་སྒེའུ་ཁུང་ལྟ་བུ་ཞིག་ཡིན་ཚེ། ཧེང་ཏཱ་དང་པི་ཀིའེ་ཡོན་ཟེར་བའི་ས་ཁང་ཚོང་ལས་ཁང་གཉིས་ནི་རྒྱ་ནག་གི་ས་ཁང་ཁྲོམས་རའི་གནས་སྟངས་ཅི་ཡིན་ཚད་གཞི་འཛིན་ས་ཞིག་ཏུ་གྱུར་འདུག

དེང་སྐབས་རྒྱ་ནག་གི་ས་ཁང་ཚོང་ལས་ཉམས་ཏེ་དཀའ་ངལ་ཆེན་པོ་ཞིག་འཕྲད་བཞིན་ཡོད་ཅིང་། དེ་ནི་རྒྱ་ནག་གི་དཔལ་འབྱོར་ཕྱོགས་ཡོངས་ནས་ཉམས་རྒུད་འགྲོ་བཞིན་པའི་ཆ་ཤས་གལ་ཆེ་ཤོས་སུ་གྱུར་འདུག དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་རྒྱ་ནག་གི་ས་ཁང་ཚོང་ལས་ཉམས་པའི་རྩ་བའི་རྒྱུ་རྐྱེན་འགའ་གླེང་སློང་ཞུ་རྒྱུ་ཡིན།

ཉི་ཧོང་གཞུང་གིས་རྒྱལ་སྤྱིའི་རྡུལ་ཕྲན་ནུས་ཤུགས་ལས་ཁུངས་ཀྱི་ཆོག་མཆན་ལྟར་ས་ཡོམ་དུས་སུ་གཏོར་སྐྱོན་ཕོག་པའི་རྡུལ་ཕྲན་གློག་ཁང་གི་ཆུ་སྙིགས་གཙང་དག་བྱས་ཟིན་པ་རྣམས་རྒྱ་མཚོའི་ནང་དུ་གཏོང་འགོ་ཚུགས་ཤིང་། དེང་སྐབས་རྒྱ་ནག་ཏུ་ཉི་ཧོང་ལ་ངོ་རྒོལ་གྱི་རྒྱ་མིའི་མི་རིགས་རིང་ལུགས་ཀྱི་རྦ་རླབས་གསར་པ་འཕྱུར་གྱི་ཡོད་པ་རེད།

དེང་སྐབས་རྒྱ་ནག་གི་དཔལ་འབྱོར་ལ་དཀའ་ངལ་དུ་མ་ཞིག་འཕྲད་ཀྱི་ཡོད་པའི་རྒྱུ་རྐྱེན་དང་དཀའ་ངལ་སེལ་ཐབས། དེ་བཞིན་མ་འོངས་པའི་འཕེལ་ཕྱོགས་སོགས་ལ་དཔལ་འབྱོར་རིག་པ་བ་ཚོས་དཔྱད་ཞིབ་སྣ་ཚོགས་ཤིག་བྱེད་བཞིན་ཡོད་ཅིང་། དེ་རིང་གི་བསྐྱར་ཞིབ་ལེ་ཚན་ལ་རྒྱ་མི་དཔལ་འབྱོར་རིག་པ་བ་ཤུའི་ཁྲན་ཀང་གི་ལྟ་ཚུལ་ཁག་ཅིག་ངོ་སྤྲོད་ཞུ་རྒྱུ་ཡིན།།

གཟའ་པ་སངས་ཉིན་ཨ་རི་དང་ཉི་ཧོང་། ལྷོ་ཀོ་རི་ཡའི་དབུ་ཁྲིད་གསུམ་གྱི་ཆེད་མཐོའི་ལྷན་ཚོགས་ཤིག་ཚོགས་ཡོད་ཅིང་། འདི་ནི་ལོ་རྒྱུས་ཀྱི་དོན་སྙིང་ལྡན་པར་ངོས་འཛིན་བྱེད་ཀྱི་ཡོད། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་ཆེ་མཐོའི་ལྷན་འཛོམས་དེས་རྒྱ་ནག་ལ་ཤུགས་རྐྱེན་ཅི་ཞིག་ཐེབས་རྒྱུ་ཡིན་མིན་སྐོར་གླེང་སློང་ཞུ་རྒྱུ་ཡིན།།

དེང་སྐབས་རྒྱ་ནག་གི་དཔལ་འབྱོར་ལ་དཀའ་ངལ་སྣ་ཚོགས་ཤིག་འཕྲད་བཞིན་ཡོད་ཅིང་། ལྷག་པར་དུ་སློབ་ཆེན་ཐོན་པའི་ན་གཞོན་མང་པོར་ལས་ཀ་རག་གི་མེད་པ་ནི་མི་མང་པོས་དོ་སྣང་བྱ་ཡུལ་ཞིག་ཏུ་གྱུར། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་དེའི་སྐོར་གླེང་སློང་ཁག་ཅིག་ཞུ་རྒྱུ་ཡིན།

ཨུ་རུ་སུའི་སྲིད་འཛིན་ཕུ་ཊིན་གྱིས་ཁྱིམ་མཚེས་རྒྱལ་ཁབ་ཡུཀ་རེན་ལ་བཙན་འཛུལ་བྱས་ནས་ལོ་གཅིག་དང་ཕྱེད་ཀ་ཕྱིན་ཡོད་ཅིང་། དམག་འཁྲུག་འདིས་ཨུ་རུ་སུའི་མི་དམངས་ཀྱི་འཚོ་བར་ ཤུགས་རྐྱེན་གང་འཚམ་ཐེབས་ཡོད་པར་མ་ཟད། དམག་འཁྲུག་ལ་ལྟ་ཚུལ་གང་འདྲ་ཞིག་འཛིན་གྱི་ཡོད་མིན་སོགས་དེ་རིང་གི་བསྐྱར་ཞིབ་ལེ་ཚན་ནང་ངོ་སྤྲོད་ཞུ་རྒྱུ་ཡིན།

ལོ་༤༠་གོང་དུ་རྒྱ་ནག་ནི་ཉམ་ཐག་དང་རྗེས་ལུས་ཀྱི་རྒྱལ་ཁབ་ཆེན་པོ་ཞིག་ནས་དེང་སྐབས་འཛམ་གླིང་གི་དཔལ་འབྱོར་སྟོབས་ཤུགས་ཨང་གཉིས་པར་གྱུར། ཡིན་ནའང་དཔལ་འབྱོར་རིག་པ་བ་ཁག་ཅིག་གིས་འདས་པའི་ལོ་༣༠་ལྷག་གི་རིང་རྒྱ་ནག་ལ་ངོ་མཚར་ཆེ་བའི་འཕེལ་རྒྱས་བྱུང་བ་མཇུག་སྒྲིལ་བཞིན་ཡོད་པའི་ངོས་འཛིན་བྱེད་ཀྱི་ཡོད།

དེང་སྐབས་ཨ་རི་གཙོས་ནུབ་ཕྱོགས་རྒྱལ་ཁབ་ཁག་ལ་དངོས་ཟོག་གི་རིན་གོང་འཕར་ནས་དཔལ་འབྱོར་གྱི་དཀའ་ངལ་ཆེན་པོ་འཕྲད་ཀྱི་ཡོད་ཀྱང་རྒྱ་ནག་ཏུ་དངོས་ཟོག་གི་རིན་གོང་ཆག་ནས་དཀའ་ངལ་འཕྲད་ཀྱི་ཡོད་པའི་གསར་འགྱུར་མང་པོ་ཐོན་འདུག དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་དེའི་སྐོར་གླེང་སློང་ཁག་ཅིག་ཞུ་རྒྱུ་ཡིན།།

ཀོ་རི་ཡའི་དམག་འཁྲུག་མཚམས་བཞག་ནས་མི་ལོ་བདུན་ཅུ་ཕྱིན་ཡོད་ཀྱང་ལྷོ་བྱང་ཀོ་རི་ཡའི་བར་དུ་ཞི་བདེ་བསྐྲུན་ཐུབ་མེད་པ་མ་ཟད། ད་དུང་ཡང་དམག་འཁྲུག་མཇུག་སྒྲིལ་གྱི་ཞི་བའི་ཆིངས་ཡིག་ཅིག་འཇོག་མ་ཐུབ་པར་ལུས་ཡོད་ཅིང་། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་དེའི་སྐོར་གླེང་སློང་ཁག་ཅིག་ཞུ་རྒྱུ་ཡིན།།

འདས་པའི་ལོ་ཤས་རིང་རྒྱ་ནག་གཞུང་གིས་ཡུལ་འདིའི་སྒེར་གྱི་ཚོང་པ་རྣམས་ལ་དམ་སྒྲགས་སོགས་པའི་དཀའ་ངལ་མང་པོ་ཞིག་བཟོས་པའི་རྗེས་ གཟའ་འཁོར་སྔོན་མ་སྒེར་གྱི་ཚོང་ལས་པ་ཚོར་རོགས་སྐྱོར་ བྱེད་རྒྱུའི་སྲིད་ཇུས་གསར་པ་ཞིག་གསལ་བསྒྲགས་བྱས་ཡོད་པས་། དེ་རིང་ང་ཚོའི་བསྐྱར་ཞིབ་ལས་རིམ་ནང་དེའི་སྐོར་གླེང་སློང་ཁག་གཅིག་ཞུ་གི་ཡིན་

ཉེ་དུས་ཨ་རིའི་གཞུང་འབྲེལ་མཐོ་རིམ་དབུ་ཁྲིད་རབ་དང་རིམ་པ་ཞིག་གིས་རྒྱ་ནག་ལ་འཚམས་འདྲི་གནང་བ་དང་མི་འདྲ་བར་ཨ་རིའི་ཕྱི་སྲིད་དྲུང་ཆེ་ཟུར་པ་ཀི་སིན་ཇར་ནི་གཟའ་འཁོར་སྔོན་མའི་ནང་རྒྱ་ནག་ལ་ཕེབས་སྐབས་རྒྱ་ནག་གཞུང་གིས་སྣེ་ལེན་གཟབ་རྒྱས་ཞུས་ཡོད་པ་རེད།

སྤྱི་ཟླ་དྲུག་པའི་ཚེས་ཉི་ཤུ་ལྔ་ནས་རྒྱ་ནག་གི་ཕྱི་སྲིད་བློན་ཆེན་ཆིན་ཀང་ཕྱི་ལ་མཐོང་ཡག་མེད་པ་ཆགས་པས། ཆིན་ཀང་ལ་དཀའ་ངལ་གང་འཕྲད་ཡོད་པ་དང་ཁོང་གང་དུ་ཡོད་མིན་སྐོར་དེང་སྐབས་སྤྱི་ཚོགས་སྟེང་བགྲོ་གླེང་ཆེན་པོ་ཞིག་བྱེད་བཞིན་འདུག དེ་རིང་བསྐྱར་ཞིབ་ལས་རིམ་ནང་དེའི་ཐད་གླེང་སློང་ཁག་ཅིག་ཞུ་གི་ཡིན།

དེང་སྐབས་འཛམ་གླིང་གི་དཔལ་འབྱོར་ཡར་རྒྱས་ཅན་གྱི་རྒྱལ་ཁབ་ཁག་ཏུ་ཕྲུ་གུ་སྐྱེ་མཁན་ཇེ་ཉུང་དུ་ཕྱིན་ནས་ལས་ཀ་བྱེད་མཁན་མི་འདང་བའི་དཀའ་ངལ་འཕྲད་བཞིན་ཡོད་ཅིང་། དེ་བཞིན་དབུལ་ཕོངས་རྒྱལ་ཁབ་ཁག་ཏུ་ན་གཞོན་ལས་མེད་པ་མང་དྲགས་པའི་དཀའ་ངལ་ཆེ་རུ་ཕྱིན་འདུག

གཟའ་འཁོར་སྔོན་མར་དེ་སྔར་བརྒྱད་ཅུ་གྱ་གྲངས་སྐབས་སུ་རྒྱ་ནག་འཐབ་ཕྱོགས་གཅིག་གྱུར་ལས་ཁུངས་ཀྱི་འགོ་ཁྲིད་བྱས་མྱོང་ཡོད་པའི་ཡན་མིན་ཧྥུ་འདས་གྲོངས་སོང་ཡོད་ཅིང་། ཁོང་ནི་འཐབ་ཕྱོགས་གཅིག་གྱུར་ཁང་གི་འགོ་ཁྲིད་ཀྱི་གྲས་ནས་བསམ་བློ་ཅུང་ཟད་གུ་ཡངས་ཅན་ཞིག་ཡིན་པ་རེད།

དེང་སྐབས་རྒྱ་ནག་གི་དཔལ་འབྱོར་ལ་དཀའ་ངལ་སྣ་ཚོགས་ཤིག་འཕྲད་བཞིན་པའི་གྲས་སུ་ཕྱི་རྒྱལ་ནས་མ་རྩ་འཛུགས་མཁན་ཇེ་ཉུང་དུ་ཕྱིན་ཏེ་དཔལ་འབྱོར་འཕེལ་རྒྱས་ལ་དམིགས་བསལ་གྱི་དཀའ་ངལ་དང་ཤུགས་རྐྱེན་ཆེན་པོ་ཞིག་ཐེབས་ཀྱི་ཡོད་ཅིང་། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་དེའི་སྐོར་གླེང་སློང་ཞུ་རྒྱུ་ཡིན།།